九爺牛腩 (新聲大廈)

營業中

休息中

📍喺尖東通街都係餐廳懶得搵就入去食粉麵，遊客區嚟講價錢都唔算貴正常價錢，比較特別有埋牛脷河可以揀。招牌雙沙河($70)入面有崩沙腩同牛沙瓜，崩沙腩肥瘦均勻又軟熟，河粉都比得幾多，牛沙瓜未試過，個口感都幾爽口。牛雜河($46)份量正常，牛肚炆得好軟，牛腸都好肥勁重油味，但都冇咩牛臊味，落少少辣椒油食嘅話更加惹味。另外仲叫咗份腐乳通菜(另加$12)同淨雲吞($46)，蝦肉都大大粒，同埋豬肉餡唔算好油，底下仲會有幾條生菜~

係尖沙咀食野有時真係唔知食咩好，行過呢頭見到新開左間潮州粉面，食潮州粉面最正一定係食牛腩！呢間既牛腩絕對物超所值，分別叫左個崩沙腩河粉同飯！ 加$8就可以配埋冷熱飲品，牛腩飯既牛腩真係多到食唔哂，口感好腍而且牛味濃郁！個牛腩肥瘦適中，帶少少牛脂香味，個牛腩汁都好鬼正，餸飯一流！真係好耐冇食過咁高質既牛腩！另外就叫左個淨魚旦，分別有魚片、魚旦同埋魚片頭，份量都幾多每一款都好鬼彈牙！整體黎講質素都幾高！

作為一個香港人，當然要去食返一碗牛腩河而且呢間嘅粉麵店佢有崩沙牛腩同埋普通牛腩可以選擇，一次過嗌晒兩碗嘅話就可以發現崩沙牛腩明顯比較肥美，鍾意食肥美啲嘅話，就記得要加少少錢，試吓佢嘅崩沙牛腩啦。佢哋嘅湯底濃郁香滑，完全唔會太油膩。牛腩肉質鮮嫩，如果額外配上彈牙嘅魚麵，味道更加豐富。佢哋嘅豬手亦十分吸引，肉質柔軟，除咗豬手同牛腩河之外，仲有唔少出色嘅小菜。腐乳通菜清香爽口，鮮甜嘅通菜配上微微咸濕嘅腐乳，味道絕配。清湯牛丸亦十分出色，牛肉彈牙鮮嫩，湯汁清甜，令人回味無窮。

Boxing Day 晚餐繼續慳家🤪見要等位就應該冇伏啦！❣️招牌八寶河心大心細 樣樣都想食到 叫呢碗一定冇錯有齊牛筋、牛腩、牛肚、貢丸、胡椒豬肚丸、魚皮餃、墨丸、魚蛋店家嘅主打係牛 牛肚、牛腩、牛筋都炆到好入味丸類大大粒 夠晒彈牙 最正係墨魚丸另外魚皮餃真係唔係度度有得食㗎❣️金錢肚墨魚鬚雙拼米墨魚鬚煮到恰到好處 食落一啲都唔韌 帶有少少咸鮮味金錢肚夠晒腍 份量超多 佔據咗半個碗㗎❣️香茅雞翼香茅雞翼即叫即炸 香茅味好出雞皮勁香脆 裏面嘅雞肉充滿着肉汁 冇得輸❣️炸魚皮一份係一大包 用密實袋上 食唔晒可以拎走夠晒細心魚皮夠晒薄身 食落帶咸香 夠晒酥脆 ❣️腐乳通菜通菜煮到好翠綠 剛剛熟 夠晒爽脆啱晒我口味 腐乳汁都好香口 重點係唔會好鹹食完都冇口渴

港式麵食一向味道出色，基本上都不會踩雷，這次去是這間在尖沙咀的牛肉麵專門店，長期人氣爆棚，翻桌率極高，很受遊客和本地人歡迎！🥘◖牛魔王撈粗◗ $74牛魔王配料有：牛筋、牛腩、牛肺、牛蒡、牛粉腸，配料份量也不少，原價$66，轉撈粗要加$8。好喜歡撈粗魄的麵質，爽彈有少少脆口，另外蠔油的味道偏甜口，混和了那口爽彈真的受不了！🥩◖五香牛雜麵◗ $54另外，也點了一碗湯麵試下，湯頭入味麵條口感也夠爽，但略嫌牛雜份量不算多呢～另外加了$8要豬潤，豬潤厚實，口感粉綿，值得一試！🍗◖炸雞髀x西多士下午茶◗ $44下午茶可以吃上香港美食另一名物：西多士！炸雞髀炸得超乾超脆，有絲絲南乳香氣；西多士裏面塗花生醬，加上糖漿食用，好邪惡但香死了！🧋◖凍鴛鴦◗ +$3🥤◖Zero檸檬可樂◗ +$12

好耐都冇同屋企人食茶記嘅早餐，難得產檢前可以偷空陪家人一齊食一個滿足嘅早餐😋因為懷孕是很想食有水份的食物🥹，所以就揀選了粉麵作為早餐的主要食物。（5⭐️最高）牛魔王粗麵（5⭐️）當中牛肚、牛筋、牛腩、牛蒡； 粗麪軟硬適中而且鹼水味比較少。我比較喜歡的是牛肚😍爽口彈牙而且好入味😘。招牌八寶米粉（5⭐️）當中墨魚丸，豬肉丸，牛肉丸、魚蛋，牛肚、牛筋牛腩、牛蒡🥰。米粉入口煙煙韌韌遠慮當中，我就比較喜歡豬肉丸，因為肉質鮮甜、入口彈牙😘。酥炸雲吞（5⭐️）外脆內鮮的雲吞，每一粒都有鮮蝦在當中。入口爽口， 而且有鮮甜味🥰。火腿蛋三文治（5⭐️）除了面類，亦都有經典茶餐廳的常客🤣三文治🥪。軟軟的方包配上香嫩可口的滑蛋及火腿。真係好醒神🤩

今日又想食潮式牛腩河，路過尖沙咀漢口道一家潮式粉麵店「九爺牛腩」聞到香噴噴，見到牛腩質素都幾高，即刻入去試吓先👍👍這裡馳名崩沙腩、牛腩、牛內臟，另外各式各樣嘅丸類、自家製手包水餃、雲吞（更可買回家打邊爐或隨時隨地享用）▪️牛雜牛腩飯 $ 64非常足料牛腩黃牛炆軟腍入味，牛腩、牛腸、牛肺、牛肚和牛膀樣樣齊，而且仲有蔬菜墊底，拌上白飯，美味又飽肚▪️牛腩魚蛋河 $ 52牛坑腩和崩沙腩都賣晒，牛腩水準一樣出色，半肥瘦入口充滿牛香，配上爽口彈牙嘅魚蛋和河粉，加上香蔥、炸蒜、香醋和辣椒油，就是一碗傳統美味的潮式河粉▪️腐乳通菜$ 12大大份好抵食，爽脆幼嫩通菜配上腐乳醬汁，絕配的美味▪️酥炸魚皮 $ 25魚皮香脆夠厚身，浸湯食一流

招牌八寶河🐮八寶河份量十足，河粉滑順，湯底鮮美，搭配的配料更是多樣化，包含魚蛋、牛腩、牛肚、牛筋、貢丸、墨丸以及魚皮餃，每一口都能感受到不同的層次感。特別是牛腩，肉質軟嫩，湯汁入味，讓人回味無窮😀皇牌四寶河🐮皇牌四寶河這道菜同樣不容錯過。河粉上鋪滿了牛膀、牛腩、牛肚和牛筋，每一種肉類都有其獨特的口感和風味。牛膀的肉質彈牙，牛腩則鮮嫩軟滑，牛肚和牛筋口感獨特😀炸雞髀🍗炸雞髀的外皮炸至金黃酥脆，口感極佳。雞肉部分鮮嫩多汁，咬下去時肉質的鮮美與香脆的外皮形成了完美的對比。粉麵價格親民，可能是尖沙咀最平的選擇，卻不妨礙美味的表現。餐廳的環境舒適，服務熱情，讓人倍感愉悅。對於喜愛港式粉麵的食客來說，附近街坊有口福了☺️

嚟咗呢間喺尖沙咀個名有「牛腩」兩個字嘅粉麵店諗住食個簡單快脆嘅港式午餐🤣咁梗係要食牛腩啦🤣，$60「崩沙牛腩麵」再「拼豬手𨍭伊麵（+$16）」：「崩沙牛腩」好似係牛腩中最矜貴嘅部位，呢度嘅「崩沙牛腩」肥瘦適中肉質軟熟兼有濃郁牛味😋；豬手就炆煮得好腍😋；伊麵就幾彈牙🤣跟麵加 $12「郊外油菜」：揀咗「腐乳通菜」，「通菜」夠新鮮又爽脆，同有鹹香嘅腐乳醬一齊食相當夾😋跟麵加 $8「熱奶茶」：夠濃郁夠滑😋經濟實惠夠抵食😋

魚蛋牛腩河！牛腩都唔係牛腩！牛腩乸到紅晒有浸鹼味！魚蛋冇魚蛋味又硬！點做生意啊？破壞晒香港嘅牛腩河風味，仲要喺尖沙咀代表香港！超難食！連杯檸檬茶都冇檸檬茶嘅味道！好似飲緊糖水咁！就離晒大譜。

今日經過尖沙咀見到呢間粉麵店有好多人食，望下餐牌先，以尖沙咀黎講，價錢好平，可能係「尖沙咀最平粉麵店」‼️等我入去試下先！😋😋今日叫左碗魚皇魚麵，仲有酥炸雲吞，一碟菜心同熱檸蜜！魚皇魚麵一黎到見到好大碗👍🏻分別有兩粒魚皮餃，兩粒魚蛋，一件魚片頭同兩塊炸魚片，非常豐富，全部魚蛋魚片口感好彈牙，湯底濃厚，配魚麵食一流，魚蛋愛好者一定要試試‼️酥炸雲吞炸到非常香脆，一啖一口非常之過癮，加酸甜香辣醬食超正！ 總結💯呢間麵店人來人往，大部分都是食牛腩，牛什的，下次我會再黎黎試其他野食😋😋😋

呢野鋪啲姐姐態度好差好差好差收銀個女人態度又係差到一個點食食下要人調位明明間鋪滿咗又要繼續招呼人入鋪入到黎又安排唔到坐位叫人左調右調仲要一啲禮貌都無好聲好氣同佢地講仲要聲大大話個個都係咁架啦服務差都算食物質素真心好一般名大於實牛腩又乾又唔入味粒雲吞細粒到魚多又無味菜又黃哂牛筋又硬又無味我唔明點解咁多人食真心無下次希望大家唔好去食P.S.佢地唯一態度好就係叫你入店嗰一刻，一坐企就變臉，落完單開始就變樣！

今日午飯時間，我一個人入鋪頭，被侍應阿姐安排坐係4人卡位，香港餐廳細，不嬲慣咗要搭枱，但都係對面坐。係準備落單嘅時候，另有3位客人入嚟，阿姐問我可唔可以同佢哋3個坐？（即係其中一個人同邊坐，咁窄嘅環境搭枱，仲要同陌生人同邊坐？）佢話一係就調過去圓枱搭枱，問題係張張圓枱都坐爆人，仲想我逼住其他人坐。我隨即起身離開了。啱啱先睇到評論，話阿姐態度差，完全驗證咗。我體驗到不被尊重，一個人就唔係客？？牛腩好唔好食我唔知，服務態度就一定差。

叫左個招牌八寶粗麵，得牛肚正常，魚蛋彈牙，其他冇樣好食，最慘一上枱連個麵都有問題，成餅麵痴住，今本食吾到，同個姐姐講後，整過個淨麵比我，但份量好小，最離普係一坐低時，有個大媽員工用掃把拍打牆身，搞到D麈飛曬落嚟，真係中伏。

招牌八寶河入面有牛腩 牛筋 牛肚 豬肉丸 牛丸 魚皮餃 仲有2粒吾知咩丸一擺上枱就知岀事 見到魚皮餃散哂 心諗好簡單既野食刀煮到咁四粒丸簡直就係垃圾😖牛腩 牛肚 硬到紙皮一樣😞請不要影衰香港既牛腩粉麵🙏🏻🙏🏻🙏🏻