九爺牛腩 (新聲大廈)

營業中

休息中

九爺牛腩 食過一次唔會再食 首先 從食物方面評論味道十分普通 湯底完全冇味 坑腩好硬份量亦都唔多 如果大食既朋友仔 未必適合另外 餐牌寫住以上套餐奉送茶/咖啡落單時候姐姐問飲咩 諗住唔洗加錢就叫咗杯茶張單嚟到寫要+$8 咁見佢啱啱落咗單飲品又未上 想取消返杯熱飲姐姐態度惡劣 重叫水吧即刻沖咗熱飲先詢問下先知道某啲套餐先包飲品 但餐牌嗰句highlight 又冇講列明套餐類別 而姐姐落單時候又冇講清楚繼而造成誤會 會誤導咗顧客 大家記得問清楚下面嗰句奉送飲品係邊個餐先有

今日心血來潮，經過尖沙咀想搵牛腩食，網上找尋到這間九爺牛什粉麵，啲相片好似睇落不錯，於是落去試一試。 該粉麵店不大，外面貼滿了牛雜的相片，看上去挺吸引的，剛好裏面不用排隊便坐下來了。 叫了碗牛腩飯配凍檸茶，盛惠約$80，牛腩份量稍為少一啲，不過心諗冇所謂，好嘢貴精不貴多。 見到佢賣相唔錯，應該OK啩， 不過點知食落口就口感有啲怪怪，好像沒有味道咁樣，沒有味道的牛腩得個淋字，沒有牛味和腩味，都未試過咁奇怪！ 可能有些沒有要求的人覺得不錯，又夠淋又唔會黐牙。 不過可能我要求過高，食咗一半已經冇食了。 仲有，呢度啲阿姐見到有客就會不斷咁叫人入嚟坐， 叫客人調位，調來調去，有啲客人就嚟食完都叫佢調位，又叫人地企起身，要攝多一個人入去卡位。 雖然冇叫我調，但係都睇唔過眼，好煩，一張四人枱逼到六個人！知道生意難做，想喺最短時間做多啲生意，但係都有個節制，影響到客人只會倒自己倒米！

今日唔知點嘅，心血來潮行咗去呢家食肆，點知揾到寶咁。起動就點咗碗招牌八寶麵，吸晒牛骨湯底精華嘅麵條，與牛丸、墨魚丸一齊入口，話咁易㗎，爽滑得嚟又Q彈，香到喊出嚟🤤。想唔到嘅嘜，就係隻牛腩同牛筋，腍到化，入口即溶，啖啖肉味，順滑過癮，完全唔使咬，攪到我忍唔住又夾呀夾，心諗：「呢個，真係得」👌！牛腩伊麵都勁正，啖啖肉嘅牛腩，細心炆到啖啖肥瘦適中，同伊麵攪埋一齊，麵條撈起嘅湯汁香滯得滯，每一啖都感受到滿滿嘅牛肉香氣，食落真係100分。當然唔少得嚟點杯凍檸茶，檸香四溢之餘，茶味夠胆，清新提神，真係消暑解渴嘅好拍檔。至於凍鴛鴦呢，奶茶與咖啡嘅融合，苦中帶甜，啱哂嚟港式食肆尋尋咸嘅我👍。飲食有時最緊要嘅係窩心，呢間食肆真係做到我食得開心，又食得舒服。無論係食客定係料理，都流露出一種貼心嘅效率同質感，下次還係要記得嚟一趟，食返碗熱騰騰、香氣撲鼻嘅港式牛腩粉麵。🍜🍜🍜

尖沙咀鬧市中誤打誤撞黎到“九爺”，叫左：1. 🐮牛魔王河，走腸（崩沙腩、牛肚、牛膀、牛肺都有，好豐富同勁大碗！崩沙腩好稔，牛味足，所有食材新鮮冇異味，湯底亦唔多味精。河粉正常，滑溜）2. 🍋🍯熱檸蜜（足料！檸檬同蜜糖味都balance，唔係求其！）3. 🥬油菜（都係正路野）只要你唔介意地茂同坐得迫，粉麵真係香港人嘅comfort food，幾十蚊食到飽，捧住個肚走！😋（isquare 出口轉去後面漢口道就係，近馬會）

叫左個牛雜飯外賣 之前都係鋪堂食麵今日好肚餓 叫左個飯 第一次食飯 個飯好濕好爛好失望食完之後仲好口乾 成個下晝都係咁不停飲水以後都係食返麵好了 千祈唔好叫飯食… 食到一半都食唔落

睇了食評過來食，兩個字….失望叫了一份牛筋河，兩個字….難食與其經營食評，何不好好經營廚房！食家會不會再回頭，不是靠食評，而是靠味道，食物的味道才是根本，希望不要再呃like！以真誠的經營方法去改善食物的質素，光顧的時間係下午茶時段，不用等位，外面炎熱的天氣直接可以入座，這個要讚下，減免汗流浹背的難受天氣，環境衛生都可以，姐姐都親切有禮，只是食物的味道有待改善希望下次光顧會有驚喜，提升食物應有的味道！

🐱九爺牛腩每日lunch都坐滿哂人，堂食位置睇落都要坐得好擠迫，外賣亦好多人排隊😂所以用App叫外賣自取就好適合🤭崩沙牛腩河：🌕🌕🌕🌕/5 好欣賞佢自動分湯，啲河粉唔會索哂啲湯🤣牛腩配湯河粉係完美組合😍崩沙腩價錢比一般牛腩貴少少🤏但真係好食啲同淋啲！好重牛味😍😍然後個湯都好飲好香，唔會好鹹同有味精feel！在食完成個河粉忍唔住飲左幾啖，都冇覺得口渴！份量方面，崩沙腩都有5-6舊☺️不過河粉就有啲少，食完唔係好夠飽，可能因為好好食😂

專登放lunch 去到佐敦食 大約12:20 左右到 地鐵站行5分鐘左右到 已經7/8 成滿 主菜：崩沙牛腩河 多蔥 先飲一啖湯 夠晒濃同埋多牛腩既油脂 崩沙腩肥瘦岩岩好 每啖都有少少油脂肉汁 同埋口感一流 爽而淋 一定要叫多蔥 河粉夠晒滑同埋厚身 有咬口 成件事岩岩好 好彩即時叫 食左陣已經聽到崩沙腩要停一停 同埋夠晒大碗小食：酥炸雲吞不過不失 覺得太油 但味道可以 即叫即炸 好熱飲品：凍檸茶少甜正常發揮總結：$55 加$8 小食加$28 果然係牛腩專家 值得再黎

#搞串個pantry話說近日係lihkg見到又有個#牛腩粉 post，搞到心郁郁想食😖，就去試下啲未食過嘅餐廳啦💕！！今次就去咗一間#尖沙咀 、#佐敦 都有分店嘅麵店🍜，試下佢嘅牛腩粉啦😚！舖頭細細間🔸，座位唔算多，係店門口聞唔到平時牛腩粉麵店嗰陣濃烈嘅牛味😶‍🌫️。今次就嗌咗崩沙腩河($55)、牛筋河($42)。崩沙腩河🌟🌟一嚟到聞到濃濃嘅牛味🐮，但係湯底飲落好淡，似係溝淡咗咁🙃。河粉無特別，係口感上唔太順滑。崩沙腩口感軟腍，肉質絲絲分明，不過就味道欠奉🙊，好淡，感覺似食緊牛骨湯入面啲牛肉煲咗好耐嘅感覺。整體上，成碗感覺好清淡🥣。牛筋河🌟🌟同樣湯底飲落好淡，牛筋味道都偏向無乜牛味。牛筋口感係屬於彈牙🤩，亦有偏軟腍嘅部分。感覺上牛筋處理好過崩沙腩，主要係崩沙腩真係無乜牛味。建議大家嚟食嘅時候加少少辣椒油🌶️吊下味，會香啲，濃味啲😋。大家經過又諗唔到食乜，想試嘅就去試下啦！

當初上網路搜尋搵下尖沙咀食牛腩既推介，第一位就係九爺牛腩，我睇相同埋open rice 啲like 都算比例唔錯57:4 ，所以就去一試！ 我叫左碗牛雜河，一碟蠔油菜心，真係未食過咁難食既牛雜粉， 牛肚超多，完全沒有肺，牛腸得一條都唔緊要，佢既湯底真係完全得個咸字，再無其它味道了，啲牛雜又細舊又難食，最慘係碟菜心都可以咁難食、完全食唔到，啲菜爛的！ 我強烈建議唔好嚟食 呃人的啲like !!!!😤😤😤😤😤😤

去尖沙咀行街，突然又想食牛腩就search 到九爺牛腩黃昏時間去幫襯都仲有吉位，唔使等叫咗兩個牛腩飯，每個$54飯量剛剛好牛腩有生菜墊底牛腩瘦，夠淋，有啲又好有咬口份量都唔少每碗平均都有十舊而且唔係薄切食刀功個隻個舊腩都厚的白飯撈埋佢哋啲辣椒油唔太辣，但惹味但白飯倘若撈腩汁就會太鹹所以都俾$8 加咗杯凍飲凍飲都有半杯係冰不過為咗解喝，算了餐廳員工親切有禮地方乾淨企理以尖沙咀區嘅地段呢個價錢算係平了會再幫襯

A very crowded place for local noodles and braised beef brisket.I had the signature beef brisket which was flavourful, very tender and portion size was generous, however the brisket was a bit too far for me and the broth is quite oily as well. In general the taste and texture of the brisket were nice, could be better if it was less greasy.

發現自己好耐冇食港式粉麵檔，然後無意間見到呢間九爺牛腩本身自己唔太好牛又唔係好食牛腩，以為唔啱食，點知見到佢有賣魚麵❗️即刻入去試 (對於面情有獨鍾，因為係細個成日食，但市面上好少有)▶️ 沙薑手撕雞魚麵 ($42+ 14)賣相唔錯，魚麵份量好多，上面放咗手撕雞配香蔥，仲好健康地有兩條生菜佢嘅湯底十分濃味，應該係味精湯，食落都幾鹹同偏油🙈食到尾有啲口渴，但係就惹味，配埋青蔥幾香🐟魚麵粗幼度似烏冬，口感上非常爽口彈牙，根本就係條狀嘅白魚蛋😂鍾意佢呢個唔係太重魚腥味，質感都非常滑捋捋，感覺唔鍾意食魚嘅人都會接受到👍🏻魚麵比起河粉嘅好處係冇咁快淋，浸起湯幾耐都係同一種質感加$14轉魚麵係值得嘅，推介一試！🐔手撕雞雖然係油雞，但肉質偏鞋，沙薑味道較淡，似普通鹽水雞▶️ 甘香牛筋河 ($42)第一次食牛筋😗一大嚿啡色晶瑩剔透咁樣有啲食落偏硬同韌，要用啲力咬有幾嚿就好軟身，黏黏地啫喱狀，好正🤤睇你好唔好彩攞到啲靚嘅牛筋啦～(好想食多幾嚿:3)即使係牛筋都食到有微微牛味但唔臭🥢河粉就一般般，食到尾可能會斷晒食唔到-整體食物OK，會推介叫甘香牛筋配魚麵呢個組合👍🏻當然如果大家本身鍾意食牛腩／牛丸呢啲，可以試

香港人快靚正comfort food非牛腩麵莫屬! 趕時間食個快飯，行過見到有位就入得!崩沙腩飯都係$62，抵食👍🏻唔太肥，份量都好足。三寶米$50，牛肚牛根牛腩，幾like牛根大舊唔太腍膠膠地既口感👍🏻自己食腩米覺得辣椒油都緊要，夠香辣吊一吊味更好味。叫多個小食炸雲吞$28，係熱辣辣即炸既，好脆好香口👍🏻野飲凍檸檳同檸茶，雖然d冰溶得快左d，但個底夠濃，正常👍🏻平靚正又快趣，簡單一餐都唔錯呀！

50蚊牛腩麵係大讚的，首先牛腩係炆到夠哂淋，而且肥瘦適中，肉同脂肪可以輕易分開，好有味道。另外，加14蚊嘅魚麵真係值得一試，食得岀好真材實料，淡淡都係爽口彈牙，加埋佢地嘅牛腩湯真係非常推介。牛肚河一樣都好唔錯，牛肚口感依然係好好又唔會過老，而且睇落都洗得乾淨。味道都夠濃郁，河粉都唔會太淋同太碎，整體黎講都係幾唔錯。生菜配腩汁，味道清淡少少，唔會太濃味同太油，可以食到啲菜係爽口的。炸雲吞都值得一試，外表脆但內裏好彈牙，外表睇落細細，但入面已經有兩粒蝦，配埋甜酸醬味道都幾夾，中意食煎炸野就啱曬。