九記牛什粉麵

營業中

休息中

顛覆傳統茶餐廳風格，裝潢風格帶點文青，木質傢飾配上綠色沙發，溫暖有質感，玻璃開放式廚房可看見廚師們忙碌工作身影。招牌車仔麵可以選河粉、港式生麵、烏龍麵或出前一丁，湯頭則有咖哩、麻辣、柱侯三種口味，然後搭配自己喜歡的配料，有魚蛋、牛丸、牛肚、豬皮…等，還有南乳雞翼、叉燒波蘿包、XO醬炒蘿蔔糕、花生西多士、蒜香排骨、炒飯、公仔麵、炒河粉、楊枝甘露……樣樣都是必點。

鵝頸橋街市熟食中心除了出名咖喱外，車仔麵同樣出名，每一刻都有客人排隊。這店除了基本車仔餸，特別有牛膀、牛肚、牛腸，最最最特別必定要食魚餅，厚身的魚肉，大大片煎得香口，彈牙，味道非常吸引；冬菇大隻又厚肉；雞腳有膠質；蘿蔔清甜又多水；齋不是酸齋，是麵筋，索了湯的味道好好味。這碗車仔麵不是靠辣汁或其他醬汁提升其味道，用上原味道也能做出一碗出色的車仔麵。

.📍九記牛什粉麵📍#饅頭去銅鑼灣 #饅頭的港味道------------------------------1️⃣ 例牌牛雜 ($108)呢度嘅牛雜真係好清好乾淨👍🏻，睇得出老闆係用咗好多時間去清洗，食材都夠新鮮，冇羶味同異味。呢度煮牛雜方式唔同其他店鋪咁用鹵水，而似係齋用草果粉、柱候醬、乾葱去煮，所以湯底偏清甜，保留到牛嘅原味鮮味🤤。牛直腸移走咗裏面大部分嘅脂肪，食落去爽口得嚟唔會太油膩😋，而又未至於完全冇油香；牛膀係煮得最好，粉嫩得嚟又有咬口😍；牛肺外面淋身，咬落去則有爽口嘅感覺；金錢肚同牛草肚亦軟腍入味。呢碗牛雜仲附送幾嚿蘿蔔，水分好多超鮮甜，吸曬牛雜嘅湯底同腩汁，配埋辣椒醬簡直喺無得彈。◾評分：8.5/10------------------------------2️⃣ 3餸車仔麵 ($36)同行嘅娘親就揀咗蘿蔔、煎鯪魚肉餅同雞翼米粉。湯底似係用咗蘿蔔、乾蔥同蒜頭熬嘅清湯，飲落有啲蘿蔔嘅鮮甜同香料嘅味道，其實呢個價錢，基本上唔係用清水烚比我都好滿足😂。米粉我覺得佢幼身得滯，雖然索湯入味，不過就好容易煮得太淋冇乜咬口；蘿蔔唔使多講，同上面一樣煮得又腍又好食，因為係清湯，所以蘿蔔嘅鮮味更

暫時最後一日WFH有屋企人外賣回來響應環保自己帶玻璃盒盛放3餸一麵豬紅、煎魚餅、蘿蔔米粉忘了叫媽媽要辣不過間中食下吾辣有另一種風味魚餅番到家仍然好有堂食的味道蘿蔔超入味

全港新鮮牛雜應該剩返無幾多開，九記係其中一間。餐廳行先錢後貨制，行埋去，落單，比錢，搵位，開餐。雖然好多人話要試下個魚餅，但一場嚟到，梗係食新鮮牛雜。即叫即剪，牛腸，牛膀，牛肺，牛肚每樣大約有三四件。牛腸: 切得幾大嚿，有肥膏邊，腸味好濃，唔會太韌，不錯。牛膀:無出面咁鹹，但切得比較少，試唔真。牛肺:切咗好多，無異味，正常。牛肚:好淋，唔係出面一般嘅死鹹，唔錯。總括嚟講調味輕手過出面鹹水牛雜好多。因為唔洗遮陣雪味，就咁食原味已經幾好。

每次到灣仔，都差不多食返碗車仔麵，我例牌係鯪魚餅，牛筋腩，同埋牛蒡，但係10次9次要牛蒡都要加牛腸，沒有單牛蒡。但我每次幫襯。餐牌上邊可以揀牛蒡，而沒有著名一定要同埋牛腸一齊。我唔係唔食牛腸，我起碼食過五六次，每一次都食唔到，因為嗰啲牛腸好硬，好硬。如果唔單牛蒡，我就要牛肚，牛肚都唔錯。標準車仔麵可以揀粉麵，及三樣餸，底價$34 ，每加多一樣餸加多$9 ，飲嘢加多$8。其他出品都唔錯，唔使$50 ，咁又一餐。

我本身係車仔麵控，鍾意九記牛雜車仔麵個原因係第一由細食到大，第二香港其中一間用新鮮牛雜嘅車仔麵檔。雖然疫情期間冇牛雜提供，但係嚇我唔到嘅，佢另外令我最鍾情嘅除咗牛雜之外就係香煎鯪魚餅、鯪魚肉厚身彈牙，煎得香口，真係可以吃到一塊接一塊😊

網上牛腩牛什討論區講得好好食，於是特登坐程電車試下，唔係好似網上所講好得咁交關，湯底還好, 但啲牛什有啲韌唔夠淋，米粉唔錯，整體上收費係合理，不過對我來說食一次就夠。

第一次嚟到灣仔鵝頸橋熟食中心，見到人人都食緊車仔麵🤣上網搵一搵先發現呢間牛什粉麵係好出名！今次特登黎搵佢，試試佢！-今次叫咗牛筋腩、煎魚餅、蘿蔔配油麵😗-湯底清清地，再配埋牛筋腩啲汁，唔錯😌牛筋腩有香蔥薑片嘅味，炆到入晒味！好正！煎魚餅好大塊，彈牙有魚味，前面嗰位叔叔仲買咗4塊煎魚餅外賣拎走！蘿蔔就正常發揮😎-堂食既話仲會有炸雲吞皮送，幾特別，但味道一般。-飲品配左杯即磨咖啡，總共都係$42😗好抵食！

12月20日午餐！星期一嘅午餐例牌食九記車仔麵，每次都係食同一樣嘅餸，牛腩，炸魚餅同埋大大嚿嘅齋，加埋杯凍檸茶！食完之後匆忙返工！不過食咗咁多次我都未食厭，炸魚餅都係咁大舊又新鮮，牛腩都係咁鬆軟！

12月13日下午，今日去咗鵝頸橋街市食九記三餸車仔麵，我揀咗新鮮炸魚餅,有口感嘅齋同埋畀美嘅牛腩,我覺得車仔麵最緊要放返啲炸蒜粒,同埋佢啲辣椒醬,配埋車仔麵真係冇得頂！

12月6日，星期一食九記三餸車仔麵加凍檸茶，首先真係要食炸魚餅真係好食又新鮮,牛腩就味道普通冇乜特別,整體嚟講呢個價錢35蚊3餸真係好抵食,不過杯凍飲就比較貴咗少少啦要加9蚊！我呢個禮拜食一次調劑下都吾錯！

講講歷史先：九記是現在老細的爸爸，佢已經仙遊，啲老街坊鍾意叫現任老細(二代目)做九仔，好親切。上班族的午餐天堂，原因是𝗖𝗣值超級高，而且選擇多又好味。九記平時一至五早餐和午餐人多到見不了龍尾🙈🙈🙈就因為太受歡迎，要避開𝗟𝘂𝗻𝗰𝗵 𝗧𝗶𝗺𝗲的𝗣𝗲𝗮𝗸 𝗛𝗼𝘂𝗿，見好耐無食，專登星期六早上未到12前人吾算多的時候食，啲位有八成已經坐滿，係冇咗條人龍排隊買嘢。12點後人龍已經吾知去到邊🍜三餸車仔麵 $𝟯𝟰撈粗麵，煎魚餅，豬大腸，豬皮（附送自製炸雲吞）魚餅魚肉鮮甜推介豬大腸清洗得好乾淨🍜三餸車仔麵 $𝟯𝟰米粉，豬紅，蘿蔔，牛筋腩蘿蔔入晒味牛筋腩醃製特別有風味辣醬是與桌上提供的不同是自家製的辣醬（放在炸雲吞的盒子旁邊）

N 年前中學時代已經開始幫襯，當時鵝頸熟食街市尚未有建立空調系統。。。今日週末晨咁早起咗身諗住想食乜嘢呢，原本想去東大街食碗魚蛋粉（不過已經今非昔比。。。），突然醒起九記牛什，一於廢話小說，馬上出發！建議去九記最好係避開早、午餐繁忙時間，早上9點半左右到達見人小小唔洗排隊，即刻同掌廚啊姐講油麵湯底，之後再同隔離另外一個啊姐話要牛什+件煎魚餅，跟餐即礳熱咖啡，5 分鐘不用就可以舒服地捧住碗麵坐定定開餐，效率超高。先先呷一口湯頭，係清魚湯底，熱辣辣已經加曬分，再加上淡淡鹵汁味道，正！ 牛什係用屠房新鮮貨，入口味道、質感同坊間粉麵鋪用嘅入口雪藏貨真係兩個世界，新鮮牛什不但相對價高，而且每日要花很多人工清洗及處理，呢啲堅持嘅小店係香港真係小一間就無間，聽前輩話全港九新界重願意花錢同花功夫用緊新鮮牛什招呼客人嘅粉麵店唔會超過五間。。。牛什+煎魚餅，油麵底牛什份量足，有帶肥膏靈魂嘅牛小腸同大腸、軟滑草肚、金錢肚、牛膀同牛肺，另外招牌煎魚餅剛剛煎好熱辣辣，夠厚身，入口皮脆肉彈牙，真係千萬不要錯過。跟餐即礳熱咖啡 合格（喉急得滯、差不多飲晒先記得影相）唔夠喉整多份兒時回憶西多士餐（配熱奶茶）西多士出品

週六早上不用趕頭趕命返工，間中，又知醒，我會落銅鑼灣四圍行吓晨個運。呢個活動最引人入勝嘅地方，就係晨完運之後會去探下鵝頸橋街市熟食中心嘅九仔記。九記是現在老細的爸爸，佢已經仙遊，啲老街坊鍾意叫現任老細(二代目)做九仔，好親切。九記平時一至五早餐和午餐多人到痴晒線，插針都插唔入，嗰陣咪搞我。星期六早上8:30左右，都唔算人少，啲位有八成已經坐滿，係冇咗條人龍排隊買嘢。先旨聲明，我由細到大除咗呢檔牛雜之外，其他牛雜唔好搞我，原因係呢度啲牛雜唔腥、夠乾淨、夠入味、夠腍。唔會腥因為佢哋淨係用新鮮貨，聽講新鮮牛雜少啲腥味，加上洗得乾淨、烹飪得宜，所以唔會腥。我最怕食啲粉麵嗰啲肥膏喺個湯度飄下飄下，大佬，睇見都飽晒！喺九記唔會發生呢啲事，因為條大腸入面啲膏都洗走晒！聽講話呢度啲牛雜要洗幾個鐘頭先至開始去煮，我信！每次嚟食到啲嘢樣樣都咁入味，又夠腍，見到條粉腸乜膏都俾佢清走晒，呢啲下欄嘢要經過很大的努力先會變咗咁嘅樣，一碗牛雜麵先收你30零蚊，諗到呢度，有啲小感動…