九鼎記粉麵世家

營業中

休息中

今晚老公帶我去食河粉，久違了既味道，帶返讀書時陪伴我成長嘅畫面。舖面裝修得靚好光猛，都幾多卡位，我地都坐到卡位，侍應服務都唔錯，點完嘢食好快上枱。牛魔王河$60喜歡食牛雜既一定非常滿足，咩都有，個湯底夠濃郁，牛筋、牛肚、粉腸、大腸同崩沙牛腩都入哂味，好有咀嚼感。招牌8寶河$60同樣有牛筋牛腩牛肚等，再加埋唔同既丸類，手打牛丸同白魚蛋爽口彈牙，貢丸食落微辣似扎肉，魚皮餃皮薄好滑，連同湯底，夠哂好味，不得不提，啲河粉好薄好滑粗幼適中。紫菜湯$20我地另外點了個紫菜湯，夾紫菜連同d河粉一齊食，d紫菜好多，抵食。油菜$20蠔油芥蘭，油菜都翠綠，好爽口。淨鮮蝦雲吞$40如果冇記錯，都有7-8粒，份量都幾多，食落味道都唔錯，皮薄，蝦肉唔少，兼彈牙。食物質素不錯，本身怕唔夠飽，專登叫多d，不過估唔到佢d湯河都幾大碗，一碗一定夠飽，真係可以當飯食，俾唔想食飯又怕唔飽既人多個選擇。

位於旺角的港式粉麵店，地方寬敞，環境企理、舒適，很多卡位座位。餐牌選擇很多，飯麵都有。各式粉麵：秘製牛三寶魚麵一般的河粉、米線、粗麵等麵條都有，最特別的是這家麵店供應的魚麵，顧名思義，魚麵是魚肉手打而成的，一條條魚蛋口感的麵條，很特別，份量也很多，富飽肚感。牛三寶分別有牛筋、牛肚及牛腩。每份都是大大件。牛腩炆得很軟腍，略帶點肥，濃香牛味；牛肚很有嚼勁；牛筋軟糯，滿滿的骨膠原。湯底充滿牛腩味，很濃郁。各式粉麵：潮州魚蛋、鮮甜墨丸魚麵雙併兩款配料，白魚蛋及墨魚丸，白魚蛋彈牙；墨魚丸爽口大粒。麵條也是加錢轉了魚肉麵。本身魚麵不太掛湯，所以額外加點辣椒油，更加提升味道。另外跟麵餐可享有優惠價的飲品、油菜。

一個月總有幾日好想食牛腩河 、炸魚皮和油菜，路過旺角彌敦道「九鼎記粉麵世家」已經聞到浸香味 ，而且見到人氣滿滿，梗係要即刻入去朝聖😋▪️招牌雙沙河最愛吃崩沙腩幾驚賣晒，好彩仲有，點嘅時候姐姐推介我試吓佢哋嘅招牌雙沙河，有崩沙腩和牛沙瓜，說是很少地方可以吃到，崩沙腩是筋膜連少少肉半肥瘦 ，入口充滿牛脂香超美味，牛沙瓜第一次食，口感爽口又粉嫩，蛋白質超豐富，配上河粉和香蔥，加少少辣椒油和香醋，就是我時常掛念的味道▪️牛魔王飯牛雜愛好者必食，有齊牛肚、牛筋、牛腸、牛肺 、牛膀、牛腩，所有材料軟腍入味 ，仲有生菜墊底，配上香飯特別再加埋腩汁，超級美味▪️炸魚皮大大份厚身又香脆，口感酥脆可口，就咁食或者放湯一樣嘅美味▪️芥蘭叫咗湯粉加$12就可以享用蔬菜一客，點可以坐過，芥蘭翠綠爽口，加上腩汁，簡單又美味

呢間主打粉麵, 配料選擇非常多, 有崩沙牛腩、牛雜、牛筋、牛肚、牛脷、魚片、雲吞、各款丸類等等, 唔食河粉可以轉幼麵、粗麵、米粉、米線、伊麵、撈麵、魚麵～ 平均$40-$50就有一碗麵, 崩沙牛腩麵都只係$55, 性價比高！🥢甘香牛筋撈粗麵蠔油撈粗真係好鬼正！牛筋柔軟有彈性, 炆得入味, 而且份量好足夠～ 我另外加咗一碟新鮮清甜嘅蠔油生菜🥬。丸類方面, 我哋就試咗手打牛丸、墨魚丸, 兩款丸食落都爽口彈牙！手打牛丸牛味香濃。

早幾日行完信和見到斜對面新開左間好似幾抵食既粉麵店，就入去補充下能量；我地食左：👉🏻✨爽口牛沙瓜米✨ $49牛胃裡面分有瘤胃、網胃、重瓣胃 及皺胃四個部份，而牛沙瓜正系最後一個胃 - 皺胃。聽講呢個部位唔係好多地方有得食，估唔到呢度竟然會有！👍🏻更估唔到既就係呢碗只系$50蚊有找既米粉上面竟然仲有咁多塊😍性價比真心高！！牛沙瓜驟眼望落有啲似豬肚，味道唔腥又唔羶；外皮爽滑，內裏煙煙韌韌偏腍身，口感亦都同豬肚一樣咁有層次！✨淨牛腩牛筋✨ $148碟野既份量比我想象中大，牛腩半肥半瘦，鬆軟甘香，意料之中既好味道👅半透明狀既牛筋煮得好夠時間，夠哂入味，滑滑嫩嫩，軟軟糯糯，好似－唔小心就隨時會滑入喉嚨咁😜✨凍檸水✨ 跟餐+ $8呢間野真係平、靚、正，咁大碗牛沙瓜米都唔使$50，下次要過嚟試埋隔離枱好多人叫既崩沙腩、牛魔皇同雙沙麵先😍🧡九鼎記粉麵世家📍旺角彌敦道575號地舖 港鐵油麻地站 A1出口,步行約3分鐘

平時係彌敦道行街，有時都想搵間牛腩鋪食飯，但往往都搵唔到。不過，依家旺角彌敦道近登打士街個邊開左九鼎記，以後去旺角行街又多個選擇！🔶咖喱牛四寶飯當然就要試下牛啦，我就叫左牛四寶飯，包括有牛筋、牛腩、牛肚及牛肝。全部都好入味，牛肚又爽口。至於牛腩唔會太肥太瘦，岩岩好。🔶八寶麵：八寶麵非常足料，有牛腩、牛筋、墨魚丸、牛丸、魚皮餃、頁丸等！樣樣都有得食，完全滿足貪心既我！湯底調較得好好，帶有濃濃既牛味！🔶麻辣墨魚鬚：依個小食大力推薦。首先，麻辣醬唔會好辣，完全掩蓋左墨魚鬚既鮮味。墨魚鬚份量幾多，鮮甜點又爽口，非常好食！🔶生菜：食左咁多好野，當然要叫碟菜清一清下啦。加$12就有，生菜都幾新鮮，抵食！

講到香港最地道嘅餐廳莫過於喺香港嘅粉麵店香港嘅粉麵，真係好好食。我今次就叫咗一個牛坑腩麵同埋豬手飯。我仲將面底轉咗做魚面，魚面比一般嘅麵更加爽口彈牙，就好似食緊魚蛋咁。而牛坑腩同豬手亦都相當軟腍好味，豬手仲帶有陳皮味道，好香。而且湯底仲會有好多菜，營養均衡。之後我哋仲額外叫咗一個炸雞髀，佢嘅雞髀非常之大份，就同我隻手掌一樣咁大，絕對夠飽。食完肉如果仲想食多啲菜嘅話，都只不過係加$12，感覺上性價比唔錯。

雲吞麵、牛腩粉係香港名物，但要食到出色既粉麵絕對唔容易，上星期日午餐一嘗「九鼎記粉麵世家」，絕對食過翻尋味，尤其是崩沙牛腩，絶對係必食之選。首先必今崩沙腩河粉，崩沙牛腩肥瘦適中，層次豐富，炆得幼滑入味，口感非常好，配上滑溜嘅河粉同濃郁嘅牛腩湯底，味道更加濃郁豐富！每一口都有啲崩沙嘅牛腩肉融合埋河粉同湯底嘅滋味，真係好好味。🍲🍜👌😍而招牌八寶粗麵係可以比你一次過食到八款配料，裡面有牛筋、牛腩、金錢肚同牛丸等多款配料，真係啱晒貪心既我🤣。而配上粗麵，更加有嚼勁同飽足感！🍲🐮🍜😋另外鮮蝦雲吞米線既雲吞皮薄肉厚，仲有原隻蝦仁嚮入面，呢度嘅雲吞餡料豐富，雲吞煮得彈牙有嚼勁！🍲🥟🍜😍跟餐只需加$12就可以配一碟油菜，非常抵食。而加$8就可配飲品，性價比十分高。🥤🧊🌿😎總括嚟講，「九鼎記粉麵世家」係一間真係值得推介嘅粉麵店！🍽️😄👍

南乳豬手和崩沙牛腩河粉後，不久便香氣四溢地上桌。首先，讓我們來品味一下南乳豬手。這道菜的外觀金黃誘人，肉質鮮嫩多汁。咬一口，豬肉的香氣和南乳的特殊風味完美融合在一起，令人回味無窮。豬手的肉質十分細軟，每一口都帶來滿滿的滿足感。配以一碗熱氣騰騰的白飯，簡直是一頓令人垂涎欲滴的美食盛宴。接下來，我品嚐了崩沙牛腩河粉。這道菜的湯底濃郁香濃，牛腩肉片軟嫩入味。河粉Q彈有嚼勁，與湯汁完美融合。我特別喜歡牛腩的質感，每一口都能品味到牛肉的鮮香。湯底中的香料和調味料使整道菜更加濃郁，讓人回味無窮。在九鼎記粉麵世家，他們的菜品不僅美味，而且份量十足。無論是南乳豬手還是崩沙牛腩河粉，每一道菜都給予我滿足的感覺。此外，他們的價格也相當合理，非常適合大家品味正宗港式美食的時候。

之前見有網友介紹旺角嗰間「九鼎記粉麵世家」，話店舖嘅出品價廉物美，經濟又抵食，尤其是崩沙腩麵，每碗只係 $55，性價比極高，所以已經即時mark低咗。今日同屋企人嚟旺角辦年貨，搞掂就趁機過嚟試下。點咗👇招牌雙沙河湯，底味道非常清甜，入口帶微微油香。雙沙即係崩沙牛腩同牛沙瓜。崩沙腩肥瘦剛好、軟腍味香；牛沙瓜口感爽脆又不失嚼勁，以河粉伴吃，食味亦不俗。招牌八寶河極之足料，一碗有齊8種食材，包括牛腩、牛筋、金錢肚、手打牛丸、汕頭魚皮餃、墨魚丸、潮州魚蛋同香菇貢丸，絕對係大堆頭之作。牛腩鬆化入味、牛筋軟糯腍滑、金錢肚爽中帶韌勁、牛丸彈牙多汁。魚蛋白雪雪，鮮味突出，而魚皮餃味道亦唔錯，餃皮好滑，餡料飽滿，口感實在。將河粉轉咗做魚麵，魚麵採用天然海魚炮製，麵條粗如烏冬，口感煙韌，食落魚味好濃郁，鮮味自然，即使不嗜魚嘅朋友亦會喜歡。另外仲點咗酥炸魚皮同酥炸雲吞，魚皮脆卜卜，點湯食好滋味。酥炸雲吞真材實料，內有豬肉同蝦肉，一啖一粒，啱啱好。凡惠顧各式粉麵飯，點凍/熱飲品，只需另+$8，非常經濟。

今日行完旺角，晚餐想食碗牛雜粉麵，就入左九鼎記。牛魔王河 $60好大碗，有牛肺，牛膀，牛大腸，牛腩同牛筋等牛雜，牛魔王見到一定好興奮。王牌四寶河 $60有牛肚，牛腩，牛舌，牛大腸，大件夾抵食，牛舌爽口有牛味，牛腸癡住肥膏，好甘香。淨雲吞 $40餡料脹卜卜，入口爽口彈牙，性價比算高。炸魚皮 $20冇過左氣，酥脆可口，浸一浸湯，正！蠔油生菜 $12翠綠爽口，配蠔油最正！凍奶茶 凍利賓納 $8利賓納好少會沖得咁濃，冰凍解渴，值得一讚！

星期五放工去開旺角買野見到間新開嘅粉麵店就去試下鋪頭都幾光猛⭕️ 招牌八寶河 ($60)好豐富 有齊魚蛋、墨丸、貢丸、魚皮餃、豬肉丸、牛肚、牛筋、牛腩每款都好好味🤤 牛筋特別推介 好淋身骨膠原滿滿 大大碗都只係$60 好抵食❗️⭕️ 崩沙腩魚麵 ($55 轉魚麵+$14）崩沙腩好正 牛味香濃🐮帶少少🤏🏻脂肪 入口即化仲特登加錢轉左魚麵 勁彈牙好有魚味 好新鮮🐟而且唔係間間有得食👍🏻⭕️ 紫菜湯 ($20)紫菜湯簡單好味又有營養 含有豐富膳食纖維 仲有唔少益處紫菜份量都幾多 湯底仲幾甜 飲完成身暖笠笠⭕️ 蠔油菜芯 ($12)菜芯好嫩 仲煮得好淋跟粉麵加配價只需$12⭕️ 凍菜蜜/ 茶走 (跟粉麵加配$8)菜蜜清甜 涼爽 甜度岩岩好茶走唔會過甜 茶底非常濃郁☕️overall黎講 依間性價比幾高食物水準高 價錢又平民🙆🏻‍♀️下次經過旺角要再食🙋🏼‍♀️

餐廳就開在彌敦道旁，位置非常方便，但價錢並沒有比其他店貴，還挺有性價比的，經過聞到濃濃的牛腩香真的挺誘人！牛魔王河（６０元）非常豐富的一碗麵，除了有牛雜外，還有牛腩，而牛腩也有３款不同的牛腩，整體性價比高，愛牛人士必選！牛肚和牛腸的份量較多，口感嫩滑有彈性，牛腸油香十足！崩沙腩河（５５元）崩沙腩的油香很足，差不多是半肥瘦的感覺，帶一點點的筋位，但已經燉得非常軟爛，有點入口即化的口感！鮮蝦雲吞（淨食）（４０元）蝦吃得出挺新鮮的，蝦味香濃，口感彈牙，配上豬肉的肉香！香茅雞翼（３０元）新鮮炸起，吃起來外脆內嫩的，香茅味挺足！紅豆冰（轉飲加１２元）挺大杯，喝起來不會太甜，紅豆很多！

九鼎記粉麵世家🍜今日嚟到油麻地帶大家食平啲，嚟到呢一間新開嘅粉麵店，呢度嘅環境乾淨光猛，座位闊落，坐得舒服，嘢食都幾好食！尤其是係唔同嘅牛肉部位粉麵！🐮✅粉麵方面，我哋就揀咗爽口牛沙瓜河🐮$49 同埋 紫菜四寶河🍢$50 呢間舖頭嘅性價比都幾高，大部份嘅粉麵飯都係$50搞得掂！餸同埋粉麵嘅份量都多多，如果細食嘅朋友記得嗌小麵啊🙈🙈🈹🈹🈹凡惠顧粉麵飯，仲可以加$8配凍熱飲品添！另外我哋仲嗌咗佢哋嘅麻辣手撕雞🐔$90，係辣嘅調味做得幾好，而且唔會過分地油膩，攞嚟配麵食一流！🉐🉐

彌敦道少見有牛腩粉麵店，這間九鼎記就在彌敦道大街，位置方便，租金一定唔平，可是價錢親民，雲吞魚蛋等粉麵只需$ 38，頂級崩沙腩也只是$ 55，很抵食。🏅崩沙牛腩麵（$ 55）崩沙腩有一塊薄膜和豐富膠質，集滑、爽、腍於一身，口感豐富，味道香濃，普通牛腩無法與之相比。🏅鮮蝦雲吞河（$ 38）雲吞相當新鮮，每隻都有蝦仁和豬肉，另外河粉質素好，不會碎濕濕，抵贊。另外我們還叫了一些小食和飲品，部份只需加少許錢，又是很抵食和高質：淨潮州魚蛋（$40）酥炸雲吞（$30）效外油菜（+ $12）熱奶茶、凍檸茶（各加$8）