亞蘇爾 (新城市廣場) (已結業)

是日下午約了朋友來到沙田的新城市廣場看電影，看過電影後，去到商埸的地庫的附近餐廳食晚飯，有一間的主題是食澳門菜的葡國餐廳叫「亞蘇爾」，門外放置了不同口味的葡撻，我也被它吸引，門外也有列出葡撻出爐的時間，可以買外賣或堂食都得，現在接近夜晚時候，又見餐廳晤太多人，最後選擇了此食晚飯。餐廳環境都晤算太細，我們被安排坐在卡位位置，裝潢都以簡約為主，晚上都有供應晚市套餐，也有散點，散點有澳葡人氣小吃、特色脆包系列、濠江經典、巧手靚粥及湯、地道咖喱、飯及麵、蔬菜及地道甜品等......接下來我們點了二人的晚市套餐，也是經典澳門菜，頭盤先來葡式蟹肉青菜薯茸湯，有啖啖蟹肉的鮮甜，香滑的薯茸再加了一些青菜碎及肉腸粒，也有薯仔綿綿的口感，帶出了肉腸有鹹香的味道，整體個湯都夠稠身美味，讓人吃得回味無窮。再有一份特色拼盤，分別有海鹽燒沙甸魚、葡式辣肉腸凱撒沙律、芝士蒜蓉包、芝士馬介休球，葡國菜經常會見到有沙甸魚，這份沙甸魚都幾大條，入口都晤覺腥，燒得都好香口，凱撒沙律中的羅馬生菜翠綠新鮮，清爽脆口，加上油香帶鹹的葡式辣肉腸更是倍感滋味。而芝士蒜蓉包都尚算蒜香脆口，有少少乾身了一些，個人最欣賞都是芝士馬介休球，

是晚專程來到沙田報名旅行團，塵埃落定之後便可以放心吃晚飯了。老公說很久沒有過大海，有點掛念豬扒包！我頓時想起沙田有澳門菜，想嘗試亞蘇爾很久了，終於有機會，人在香港也可盡享澳門地道佳餚，值得推介！裝璜以木色為主調，採歐陸式設計，環境坐得舒服食得舒適。原來週日晚餐便宜抵食，價錢大概 $100-$200。《馬介休球伴田園沙律 》 $22澳門從前是漁村，盛名濠江鹹魚，馬介休就是鹹魚的一種，來自澳門老字號，鹹香之餘，薯球外脆內軟，質地軟硬適中，與田園沙律一起吃，可以中和油膩感。餐湯是雜菜薯蓉湯，口感特別，味道不錯！《椰香葡國雞配白飯》$128椰香葡國雞椰絲味果然香濃，是改良了的葡式澳門菜，迎合中國人口味。話說我當年去葡萄牙旅行的葡國雞我都不喜歡吃，而這裏的味道保留了傳統葡式風味，又同時加入本地元素，美味富新鮮感。葡汁惹味，雞肉嫩滑，果然高質素。《咖喱B牛坑腩 配白飯》$128傳統中添創意的咖喱B，牛腩肉味濃，咖喱醬汁濃郁惹味帶辣勁，吃得出豐富複雜香料的濃烈味道，香氣逼人，佐飯一流。《路氹香脆豬扒包 》$72果然是有氹仔的風味，豬仔包香脆內鬆軟，豬扒肥瘦均勻，肉質滿分，還有脆薯角作伴菜，十分滿足。

今晚三位知己同行八到去沙田新城市，晚飯時段到我提議去「亞蘇爾」食澳門菜，我曾經試過記憶這裡的座位及環境空間都非常適合我們三個美女去八一番。🤣🥢亞蘇爾小食拼盆 $162拼盤份量足，不油不膩火喉剛好，先來一件熱辣辣的辣肉腸芝士脆多士，入口香脆可口芝香十足，辣醬魷魚惹味醒胃最適合餐前小食，黑醋凍豬手黑醋汁掂爽口好食，我比較喜歡馬介休球，令我想起澳門。香脆可口😋🥢白酒海蜆意大利麵（套餐） $118 當服務哥哥端來時我已嗅到一陣陣白酒海蜆味是澳門的味道，此刻有點想起澳門。海蜆雖然細小但好有蜆味，麵條煙韌軟糯口味不錯。包飲品一杯🥢烤焗盲鰽魚 $168通常泰式魚都會用上烏頭，這裡卻用盲鰽魚，盲鰽會比烏頭有魚味食落無咁鞋口，湯汁不錯加入檸檬同磨菇提升清鮮度。多款套餐跟飲品一杯

好多人都同我一樣鍾意行街食嘢係一種生活態度，咁至可以品嚐到各種特色美食，是日又來左呢個大型商場行街順便可以食番一餐，今次就去左呢間食澳門菜餐廳開飯係餐牌上已有多款地道菜式同套餐提供，先點了個晚市套餐仲可以優惠價追加特色小食，為食嘅我又點會執輸都點番兩款品嚐，先來有是日餐湯入口濃郁再來有小食香蒜黑醋豬手沙律，未食已聞到黑醋香甜味，再食件香嫩豬手入口啖啖骨膠原到另一款係馬介休球伴田園沙律 ，炸得金黃香脆食到香軟薯泥、洋蔥同馬介休香味夠晒地道風味小食輪到主菜有十月初五蝦籽松露意大利麵，蝦籽松露都份量十足，係食之前先撈埋等意粉沾滿晒，咁食會特別滋味十足眨眼又食左幾款美食，澳門美食又點唔食路氹香脆豬扒包同人氣焦糖葡撻豬扒包入口香脆鬆軟豬扒肉質嫩滑啖啖肉汁食到原汁原味，再食件熱辣辣嘅焦糖葡撻份外滿足嘅一餐澳門美食。

份量夠，味道好，服務細心今日去到沙田午餐搵野食，其他都系無乜特色，就入左亞蘇爾食葡萄牙菜睇餐牌好似同澳門同葡萄牙見到吾同喔，應該吾係正宗，試下啦！午餐都多選擇，問個男waiter個澳葡辣肉腸免治豬肉辣吾辣，佢好清楚介紹甜甜地吾辣，然後叫佢要熱水，他亦很親切的答沒有問題，倒水的時候仲好小心用另外一隻手檔住。澳葡辣肉腸免治豬肉煎蛋飯（$78）- 真係吾辣仲甜甜地，切到一粒粒吾鞋口仲有口感，肉的份量好多，雞蛋都幾好味。香烤菠蘿豬扒包配薯角（$68）- 用新鮮菠蘿，幾甜但無乜烤過，豬扒好鬆軟，無乜加太多醬料，配青菜和番茄，麵包鬆而脆，難得啊！薯角的薯味都OK，跟餐的沙拉都好新鮮，但沙拉醬有點奇怪。馬介休球配田園沙拉。（餐+20）-哩個同葡萄牙食的差得多啦，無乜馬介休和味薯仔味，沙拉菜就可以。咖啡- 跟咖啡是熱的牛奶，午餐來說已經是平均以上水平啦

餐廳環境寬敞, 蠻舒服的。下午茶套餐 $58- 忌廉軟心多士伴Movenpick雲呢拿雪糕- 凍檸檬紅茶忌廉軟心多士伴Movenpick雲呢拿雪糕賣相吸引, 多士質感fluffy軟綿, 蛋香滿滿, 像食空氣感pancake。面頭灑上果仁碎, 增添香口。喜歡朱古力的可沾朱古力醬同吃, 不沾自身也很好味。雲呢拿雪糕單吃又得, 沾多士吃又得, 得咗。英記杏仁餅木糠布甸 $38喜歡這裡的木糠布甸, 不論質感還是味道均合我意, 布甸質感軟滑如mousse, 加上一片杏仁餅, perfect。

在沙田食澳門葡撻❤︎本來都無咩期望，但葡撻甜而不漏、蛋味濃、香噴噴又軟綿綿，十分出色，連屋企人都話好食晚餐叫咗個set dinner，咖哩牛坑腩配白飯，咖哩偏辣口，味道濃郁，牛腩同其他薯仔配料都煮得好軟腍，但份量少咗啲〜葡式辣肉腸炒雜菜，雜菜款式勁多，唔會得一、兩款就算鮮味十足，加埋辣肉腸，好味葡汁芝士焗青口，芝士粉多到不得了，芝士愛好者應該食到停唔到〜如果轉漢堡芝士一齊焗熔，可能會更香口飲品方面，薄荷朱古力沙冰同荔枝梳打，正常發揮最後甜品木糠布甸，整得夠哂香滑，如果是用餅碎做底更加好！

大埔朋友約食飯，而住九龍嘅我，想大家返屋企都方便D就約咗目的地喺沙田。朋友就介紹咗黎亞蘇爾到食，原來佢地係由澳門打入香港市場主打澳葡菜，好似是澳門土生土長的葡國菜式。而呢到好多香港人鍾意食嘅澳葡菜式呢到都有，包括: 「葡國雞」、「烤焗盲鰽魚伴檸檬白汁煮海蜆」及「路氹香脆豬扒包」，但因為今次得我同朋友兩個女仔食唔得幾多野，所以都呢D款式都係留番下次多幾個人一齊黎食過。我地兩個點咗兩份Set Dinner，一個「葡式檸檬白汁煮海蜆意大利麵」，另一個係「香烤乳豬野菌牛油焗飯」「葡式檸檬白汁煮海蜆意大利麵」 - 葡式檸檬白酒煮蜆好普通，但有時越普通嘅食物係越難煮得好食。蜆當然是主角，但去到好多西餐廳經常食到嘅蜆已經過熟甩哂出黎，但呢到煮嘅蜆係剛剛好，而且仲好鮮甜。「香烤乳豬野菌牛油焗飯」 - 正宗的葡式燒乳豬，由於脂肪量不算太多，估計應該是用3、4個月的乳豬來製作，因此肉質特別香嫩滑軟。而飯不是普通白飯，而係紅糙米，食落感覺好似健康D埋單$422.4

自從早排去完澳門之後，一直對澳門嘅葡國菜念念不忘，之前每次經過呢間"亞蘇爾"，都見到好多人排隊，已經好想試，今日終於有機會了。從餐廳外面可以見到葡撻櫃，於等位期間見住新鮮焗製嘅葡撻不斷出爐，陣陣香味已經令人流晒口水。葡式辣肉腸炒雜菜 :有椰菜、珍珠筍、車厘茄及椰菜花等等，雜菜炒得爽口，唔會炒得太老，食落亦唔算多油，加入辣肉腸後，味道鹹鹹辣辣，相當開胃。葡式香蒜蕃茄芫荽煮海蜆 :上檯時散發出濃郁茄香味，入口味道酸酸甜甜，蜆肉份量算多，食落彈牙無沙，配菜有多款菇類，吸收晒蕃茄湯汁後真係非常好味。葡式香烤脆皮乳豬件配薯菜 :一份有五大件， 乳豬外皮烤得香脆唔韌，豬肉仍然保持鮮嫩多汁，雖然随碟配有辣椒醬，但個人認為唔沾醬已經好好味，薯條即叫即炸熱辣辣，伴碟有微烤過嘅翠玉瓜及菠蘿，食完肥美嘅乳豬後食返件，有助減低油膩感。焦糖葡撻 :既然係門口見到佢新鮮出爐，又點可以唔食返件呢?雖然餐廳有特式嘅濃香咖啡葡撻及鮮橙檸檬葡撻，但個人始終最喜愛平凡嘅傳統葡撻。葡撻入口香滑，外皮鬆化，新鮮出爐果然係唔同d。埋單每人二百幾蚊，但食落有澳門嘅風味，都算唔錯。

香港作為飲食嘅大都會，各國美食萃，互具特色，近年亦開設一些澳門菜食店，今晚用饍嘅亞蘇爾，位於沙田新城市廣場，以澳門菜為主，裝修簡潔，座位舒適。小食點了手打墨魚餅，炸得金黄酥脆，墨魚餅亦夠爽口，味道唔錯。炒芥蘭幾夠碟頭，芥蘭新鲜爽脆，鹹魚味夠香口。主菜點了原條烤盲鰽魚煮蜆和砵酒煮牛尾。盲鰽魚烤焗得宜，肉質肥美鲜甜，魚皮很嫩滑，魚骨不多，味道清香，唔會覺肥膩。砵酒煮牛尾很惹味，陣陣臊香，砵酒令肉質更突出，加一杯冰凍芒果柚子清甜解渴，正好配合一頓幾有水準嘅濠江美食。

今日往沙田市廣場行街，這裡有兩間大型超级市場，又有各式各樣嘅商店及多國嘅飲食，今晚光顧嘅食肆亞蘇爾，主打澳門菜。座位很闊落，門口有葡撻專櫃陳設。手打墨魚餅很爽脆彈牙，炸得很香口，很開胃嘅小食。鹹魚炒芥蘭很有鑊氣，鹹魚味稍淡，芥蘭新鲜嫩綠又爽脆。砵酒煮牛尾很香濃美味，牛尾夠腍滑，鲜茄味渗入牛尾，肉質臊香，熱辣辣原窩上桌，夠晒惹味。烤原條盲鰽魚煮蜆很吸引，盲鰽魚鲜滑美味，唔會過熟，蜆仔伴碟吸收魚汁，更覺鲜甜。葡撻有蛋香，味道唔錯。芒果柚子沙冰清涼潤喉，夠晒清甜。

自從港珠澳大橋開通後，都未有機會過澳門，距離上一次去澳門都有一段時間，都對嗰度食到嘅葡國菜念念不忘。「亞蘇爾」喺沙田都開咗一段時間，今日終於可以試下啦。兩個人食飯想試多啲嘢，但係又唔想太飽，所以都係叫咗一個主菜，兩個小食，同埋一個甜品。椰香葡國雞配飯或蒜蓉包:加左椰汁同椰絲整成嘅葡國雞真係份外香，配料除左有雞肉之外仲有薯仔，車厘茄同埋辣肉腸，份量亦都好多，伴碟可以揀跟蒜茸包或飯，唔想食得太飽嘅我哋揀咗要蒜蓉包，咁樣嘅話仲可以用剩餘嘅葡汁點包食、簡直一流呀。葡式辣肉腸炒雜菜：雜菜炒煮時火喉剛剛好，軟硬適中，加入葡式辣肉腸乾炒，鹹味恰到好處，食落好有口感。葡式香蒜蕃茄芫荽煮海蜆：呢個煮蜆真係非常好味，蜆肉大隻飽滿，D殼煮起後全部都開晒，好新鮮，用香蒜、蕃茄同芫荽煮過後，入口酸酸甜甜，非常開胃。經典木糠布甸：食葡國菜又點少得食木糠布甸做甜品呢？木糠布甸做法雖然簡單，但係要整得靚，真係好考功夫。煉奶加過忌廉打成後，再一層餅碎，一層忌廉放入杯內，賣相非常精緻，加埋餅乾條同埋士多啤梨作裝飾後，真係非常吸引，亦都為我哋嘅晚餐畫上完美句號。

四人同行叫左個四人餐，價錢算優惠，但食物質素中規中矩，可以接受，甜點是木糠布甸超級過甜。職員服務一般，沒有很好，叫好耐先有一個人會理會，因為職員不多所以很繁忙。

呢間餐聽都開咗一排，原本對澳門/葡國菜冇乜幻想，但係今日feel like 想食啲新野，於是就即管嚟會一會亞蘇爾。椰香葡國雞配蒜蓉包 $128味道不錯，啲雞好香，煮得嫩，不過未算係驚為天人。另外碟頭較細，如果個煲大多一個圈會開心一啲。Menu 稱蒜蓉包上有芝士粉，不過味道並唔突出，蒜蓉都唔特別香，麵包烘得略過咗火，冇燶嘅，但係如果烘少一分鐘，個脆硬度會更好。葡式香烤脆皮乳豬件配薯菜 $188食落有啲驚喜，估唔到個皮烤得咁脆，啲肉都可以keep到咁嫩滑，而且啲肉仲醃得好入味！果然係招牌菜！下次食都會想再encore 嘅。但係因為個乳豬係屬乾身(冇汁), 如果個配菜由炸薯塊改為薯蓉咁就會更好。焦糖葡撻 $14 (一件)可以當甜品食，不過我覺得冇咁嘅必要。味道不俗，唔算太油，不過皮比較硬，蛋亦比起澳門名牌葡撻較實。可以一試，當係過下口癮，但唔需要衝住葡撻而來。

下午茶菠蘿豬扒包，我發覺入邊塊豬扒似叉燒多啲，但是幾好食。再加薯條，美味，五十八元。蝦籽野菌意大利麵，初入口，真的好好食，但食多幾啖，就好流了。八十八元附上咖啡加茶，滿足一下。