亞蘇爾 (新城市廣場) (已結業)

星期日訓醒入到沙田都已經3點，入坐廚師都落左場，清潔都食緊飯。叫左個豬扒包，怕太飽無加蛋。原來有配菜薯角、少少沙律塊豬扒好好味，好淋！不過個醬失色左d，其他地方食會有好出味d醬汁，之後加左少少點薯角o既辣醬吊味仲叫左個乳豬，好薄肉👍🏻但唔知咩部位有兩層骨個皮好薄脆，唔係好油！d薯角炸唔夠，淋淋地唔熱氣杯薄荷朱古力沙冰好淡！朱古力味又淡。。。薄荷味又淡。。。係凍冰冰幾爽囉最後唔夠飽，叫埋門口d葡撻睇餐牌有特別味：香橙檸檬、咖啡叫左一個香橙檸檬&一個穩陣焦糖葡撻等左起碼15分鐘！見到其他枱都係度追。。。侍應得返2個。。。希望係新鮮焗起。。。好彩黎到真係熱辣辣！但睇相都知個酥皮一d都唔酥，仲硬硬地！個底仲燶左！食唔到！個香橙檸檬蛋醬係好味o既可以再濃味d添！焦糖味就太香精，食kfc仲好味

平日到沙田，游咗一個圈，最後因爲想食葡撻...所以就揀咗尼間！一坐低，見到隔離枱剛上餐，當我睇緊餐牌，佢地開始食，見到有貌似撈麵嘅野...好似都食吸引，隔離兩位食落異口同聲都話幾好食！！就一於試下 ，+$8 原味葡撻一上枱已經好香，可能因為好餓😅先試下個葡撻，皮不油膩👍🏼同蛋漿比例都好好😋黎到只係微溫，有點影響口感，變得有點un!但熱食應該會好好多講返個麵，食落真系好勁咖哩味，辣辣地越食越開胃，牛肉同麵份量都好足，女仔食會多，男仔食一定夠飽！由於似撈麵，個咖哩汁係比較厚身，同太濃味嘅關係，食到一半會‘漏’咖啡麵$78葡撻（跟餐）+$8凍飲+$3消費$98

行過見到好奇心去試試等左半小時左右員工有禮貌👍🏻的確.唔錯唔錯馬介休炒椰菜.唔咸.菜爽口👍🏻👍🏻👍🏻原條焗煮鱸魚.岩岩好甩骨.皮面有烤過的質感.魚肉有咬口得來嫩滑👍🏻👍🏻👍🏻吞那魚多士😍😍😍絕對值得一試👍🏻👍🏻👍🏻（所以冇試豬扒吧.隔離位話好好味）整體不錯...👍🏻😍會再去

趁得閒，終於來到沙田既阿蘇爾，由朋友介紹，search下原來食葡國菜。首先叫前菜，兩份沙律(霹靂魷魚沙律 + 豬耳沙律) 再加餐湯。魷魚沙律用番茄辣椒汁拌上，開胃醒神，迎接之後既主菜。豬耳沙律，都係酸辣既味道，辣度會比魷魚沙律低啲，豬耳食落就彈牙啲。到主菜上啦，第一個係蝦子松露意大利麵，食落好似 carbonara 既味，上面撒咗啲蝦子。朋友話澳門出名有蝦子撈麵，所以我覺得算係 fusion 款式，葡式加澳門式，我地都幾鍾意。第二個係香烤乳豬，食落真係好脆，配咗兩個醬：芥末，番茄辣椒汁，呢個值得推介。

亞蘇爾是由澳門進軍香港的亞蘇爾主打澳葡菜，即是在澳門土生土長的葡國菜式，在沙田都開了一段時間，我終於有機會去試下。大約6點到達都已經坐滿大半的座位，原來都幾多人光顧。Set dinner 由$98起，有湯及飲品，都幾經濟。墨魚餅 $72熱騰騰上檯，金黃色的賣相好吸引，除了香脆外，上面有炸米粉碎增添層次，內裡質感係彈牙。去澳門我一定會食豬扒包，這裡的豬扒包 $72 已細心地切為一半給我們share~薯角炸得好香脆，沙律菜也新鮮夠開胃。個包超級鬆脆，而啖啖肉的豬扒夠juicy，整體豬扒、配料、醬汁都配合得很好，不會乾身。葡國雞 $128咖哩上佈滿椰絲，雞肉好嫩滑，更有雞蛋、薯仔、洋蔥、番茄的配菜。其實點葡國雞，我最想食蒜蓉包，點汁食一流。澳門葡撻也是必食，亞蘇爾有3個口味，一定要全部試焦糖葡撻 $14鮮橙檸檬葡撻 $14咖啡葡撻 $14我會覺得鮮橙檸檬及咖啡味幾有驚喜，鮮橙檸檬的夠清新，而咖啡夠香濃！整體質素很高，下次lunch可以帶同事來食。

新城市廣場最近開左好多新餐廳，同朋友行開附近就出黎覓食啦😬😬經過亞蘇爾，比呢間餐廳裝潢設計吸引就入左去試下，竟然有意想不到的驚喜！😮😮必點椰香葡國雞飯，好多雞肉有雞俾肉有雞胸，又多薯仔👍🏻送飯一流！叫咗一個小食拼盤，蒜蓉包好好味，上面好多芝士，鍾意食芝士必點！馬介休薯仔球都好好食🤤外脆內軟😍叫咗一杯藍莓沙冰，味道不太甜，好有夏天的感覺叫咗一杯藍妹沙冰,味道不太甜,好有夏天的感覺😬下次有機會再試吓其他食物邮政才到。😄

很久沒有來沙田了，因為中學幾個聚一聚，所以約在那裡吃飯，原本我們還沒想到吃什麼，行行下見到有間食葡國菜的餐廳。看看餐牌後，價錢合理之餘食物賣相也不錯的所以我們就決定今天的晚餐當自己在澳門吃吧。哈哈，由於晚上，晚飯時間那裡都很多人都需要等的吧，於是我們就排隊等了大約25分鐘終於到我們了。服務員💁他們的態度都很好，很快過來詢問我們需要吃什麼，還有說有笑的。很多時候也不忘為我們添水讚讚讚點餐後，等了都是大慨20分鐘以上，食物開始陸續上枱。食物賣相OK，食物口感都不錯。味道有少少偏鹹。可能調味料比較重的關係，有可能我喜歡比較吃淡味的關係，哈哈。整體來說，環境服務質素食物質素，10分都有7分嘅不用去澳門也吃到葡國菜，不妨也是一個選擇

來到這間位置方便的沙田亞蘇爾， 試吓很久沒有吃過的葡國菜. 因為夏天10分炎熱朋友即刻叫了一課芒果柚子沙冰， 呷了一口，。很足料酸酸甜甜的10分開胃。 女友人介凍飲， 叫了個鮮奶咖啡，。鮮奶咖啡有漂亮的拉花，味道和咖啡廳的不相上下， 非常有水準。 等了一會兒我們首先叫的葡汁芝士焗青口上到。 青口10分大隻， 有半隻手板那麼大。 上面高層嘅濃濃的芝士和葡國汁， 很creamy, 10分有創意的美食。 重頭戲煙燻蘋果木脆皮鹹豬手配薯菜來了，。侍應還特地帶了火槍，點着了火， 烤了一會兒，非常香。 豬手的豬皮外脆內軟，仍保持很多肉汁。 我們女孩子吃完豬手， 已十非飽。男友人因為肚子很餓， 另外叫多了一個套餐， 有葡國雞飯， 然後有餐飲， 另外還可以加少少錢叫甜品。 椰香葡國雞非常嫩， 葡國雞汁拌飯很好吃。女孩子的胃口可以容納其他甜品， 先叫了兩個焦糖葡撻，上碟熱辣辣， 非常好吃。再來了個黃金忌廉卷軟心多士伴Movenpick雲尼拿雪糕 ， 勁大份，。雲呢拿雪糕上面有榛子粒，。再配合焦糖， 和外脆內軟的軟心多士， 非常有特色的澳門甜品。 十分滿足的一晚。

葡式香烤脆皮乳豬件配薯菜$188乳豬皮烤得好脆，肉質都好滑。呢個菜式配有三種醬汁，個人覺得點茄汁係最好食，伴碟嘅菠蘿好多汁，如果可以多幾件就好啦。十月初五蝦籽松露意大利麵 $128會有d覺得好似食緊卡邦尼意粉咁。松露非常之香，份量比例都唔算少；意粉裡面加左蝦籽，食落除左會香口d之外，口感都豐富左唔少。焦糖葡撻係我覺得今餐裡面最好味嘅食物。送到上枱嘅時候夠熱，酥皮好鬆脆又唔會覺得油膩，蛋亦都夠香，非常之好。

今日母親節同屋企人係沙田行街👨‍👩‍👧想食鼎泰豐但又係有排等😣屋企人唔想等咁耐 隨便食就黎咗呢間亞蘇爾澳門菜🇲🇴我一直好少講伏野 但呢間真係貴又難食態度又差到爆 希望大家唔好中伏！🤮亞蘇爾小食拼盤 $162 諗住去邊度叫小食拼盤實無衰架啦點知四樣都咁難食🤢個乜野芝士黑松露包鹹到好似落咗10斤鹽咁芝士馬介休 邊到有芝士味？而且炸完都係咁淋豬手仲好笑😂全部都係骨🦴？？？？？？魷魚🦑⋯以為無伏 點知原來係韓式辣醬水魷魚黎🌶️⋯😂？？全部都試咗啖就無食🤮🐥葡國雞 $128 撒咗椰絲焗 椰香十足✨除咗雞肉仲有雞蛋、薯仔、洋蔥、辣肉腸等配料♥️雞肉夠嫩滑又入味 的確唔錯👍🏻 葡國汁味道亦好濃郁夠香👍🏻薯仔亦都好淋 口感粉糯 不過得一舊😀？？咁貴都係咁細兜😑有得簡配白飯/芝士蒜蓉包 個包又係咸到不得了而且完全無蒜蓉味 我唔知食緊乜⋯🥭芒果柚子沙冰 $53呢杯野係好飲既！芒果沙冰香甜而且仲有芒果肉😍夏天飲係幾正！不過飲唔出有有柚子味個陣拎杯喜茶入去 佢話唔飲得收去雪櫃 咁我都知係好正常啦～👌🏻但埋單個陣用好兇既語氣命令咁話：你地出到去先好飲啊！ 👺🙄幫襯你地 收加一多謝都無句都算 未食曬又收人隻叉 仲要

晚上約了一個住在沙田的朋友吃飯，他推介了這間主打葡國菜的餐廳。雖然我們來到的時候已經是晚上八時，餐廳仍然有不少人在排隊，等了一會，侍應就安排我們入座。 我們點了香烤脆皮乳豬件，菜式份量剛剛好，不會太大份，適合兩個人share。乳豬皮脆肉嫩，脂肪比例不多，不會太過肥膩，搭配三種醬料：燒烤醬、香辣醬、芥末醬，口味豐富。薯角大件有口感，菠蘿和翠玉瓜也十分清甜爽脆。葡國雞配蒜蓉包，感覺非常正宗，咖哩和椰汁的比例調教得剛剛好，雞肉嫩而且入味，另再加入了大量的椰絲、橄欖、薯仔，賣相好之餘，味道也很不錯。配上焗得香脆蒜蓉包，又是另一種美味。在餐廳外排隊時已經被剛出爐的葡撻所吸引，於是我們就點了兩個，分別是焦糖葡撻和鮮橙檸檬葡撻。撻皮鬆化，蛋味濃，而我所吃的鮮橙檸檬葡更帶有清新的檸檬香氣，口味非常獨特。

主要做澳門料理嘅餐廳唔多今日行街經過見到一於就去試吓咁啱餐廳人數唔多所以都幾靜坐得幾舒服諗起澳門就梗係食豬扒包所以先點左一個豬扒包另外仲點左一個燒乳豬焗飯豬扒包塊豬扒食落有啲趙口沙律都幾好味因為上面嗰層蛋黃醬既關係薯條都算炸得幾香燒乳豬嘅皮炸得好脆佢同平時食嘅燒味會唔同佢會比平時嘅更加香豬味更加濃甜品點左一個多士配movinpick 雪糕多士好好食裏面軟心嘅蛋黃醬口感好好再加埋佢俾嘅花生醬甜度啱啱好最後加多兩個葡撻因為都夠哂90分鐘所以一個拎走住食都算正常啦

日前與朋友行開沙田新城市廣場，見到位於一期地下的亞蘇爾，一間葡國菜餐廳，門外排了一大堆人，即時被勾起想試一試既衝動，拉著朋友一齊等左半個鐘。入到餐廳，想食既食物好多，但可惜只有兩人，所以揀左亞蘇爾小食拼盤，貪佢咩都有啲。其中我最中意既就係辣肉腸芝士脆多士，多士焗得夠脆，芝士份量亦多，只食一舊真係唔夠啊。而黑醋豬手亦都相當唔錯，酸酸甜甜既黑醋，與爽口既豬手一起做成冷盤，係一個好開胃既前菜。主食我地叫左至尊鵝肝焗鴨飯，焗到又香又多油既鵝肝，搭上特別既葡式臘腸，一起烹調而成的焗鴨飯，因為用鴨肉絲既關係，不會因為太多肉而膩口，作為一個主食相當適合。

同男朋友去完IKEA睇傢私，就行過新城市廣場睇下有咩好食，第一次見到呢間餐廳，之前黎都無既，葡國菜少食，就一於試下佢啦～等左20分鐘左右先入得，我地叫左辣肉腸松露豬扒包個包熱辣辣，好鬆脆！配埋芝士松露+沙律醬，酸酸地，好惹味！豬扒唔會好乾，配埋個辣醬，只係好微辣既，好香，仲好食👍🏻唯一美中不足既係薯角凍既，唔脆😟椰汁葡國雞，呢個值得一讚，椰汁好香！又唔會好漏！個汁送飯一流！我仲拎咗嚟點豬扒包，超好食！雞肉好滑，薯仔煮得夠哂粉！乳豬皮超脆，肉好嫩滑又夠熱，薯角又係敗筆之作，一早炸好伴碟既，本來我好鍾意食薯角，所以有點失望。仲有葡撻，我覺得係香港食過最好食架😛唔會焗到個面燶晒，賣相夠靚，個皮又鬆脆，好食👍🏻一個$14，可以外賣。兩個人食咁多野勁飽😂埋單$470，整體嘅嘢食都好好食，仲有幾款都想試，下次會再嚟食！

沙田新城市廣場出面多餐廳，為咗脫穎而出，好多餐廳都會出勁抵食的lunch set或tea set，我今次試呢間澳門餐廳，主打葡國菜，香港比較少見，佢每個set都包飲品。我哋行陣街，就入咗去嘆番個下午茶，餐廳環境舒服，座位寬敞，佢有用餐時限90分鐘。叫咗兩個tea set，一個係小島下午二人套餐。佢包晒主菜、小食同甜品。為食既你就要叫呢個，咩都可以試下。不過個木槺布甸就略甜。另外又點咗個忌廉軟心多士，佢配埋雪糕同少少生果，佢個多士即叫即整，多士表面金黃脆口，裡面是加了忌廉的軟心，頗有心思。我點的咖啡亦香濃幼滑，好正！