京林屋 (希慎廣場)

營業中

休息中

今日天氣太熱啦~ 真係冇咩胃口! 響街度企多一陣都真係會死人... 成身汗!! 行商場成為左我呢個夏天既首選. 行行下睇左咁多間真係除左日本野都冇咩特別野想食. 因為日本野冇咁熱感覺上好似易食D. 去到門口先發現原來一直我都以為係食日本甜品雪糕都有咸點食嫁... 我真係見識太小啦OMG... 所以我同老公都忍唔住去左食DINNER, 見識一下. 我叫左一個鯖魚定食, 估唔到都好豐富! 一大碗飯(係日本米黎嫁) 有晒味道好好食. 仲要有小食, 主菜同埋一個麵豉湯. 旁邊既係店員既小貼心, 醬汁都另上俾我等到我可以就番自己既口味落味. 真係好好呀. 鯖魚味道鮮又唔會腥. 好味呀~老公就貪心D 試左個咩都有既和味料理. 呢個每樣都係小小既拼合樣樣都好好味. 有咸魚仔帶子啦, 鯛魚塊, 日式薯仔沙律同埋木耳PICKLE 魚蛋. 全部都有各自獨特的味道. 唔會因為混合而溝左其他味~呢個係套餐跟既桃味焙茶, 呢個真係好值得一讚. 佢唔係有桃既甜味既~ 不過佢飲入口有一股好香既味道好似花茶既感覺. 飲既時候仲要有焙茶既茶香同AFTER TASTE... 真係好正! 重要有個飲茶既指引教我地點樣用幾多

近排既天氣　熱既程度我諗都唔洗我多講　所以今晚我同朋友都不約而同咁REQUEST一定要食D凍冰冰降溫既野人在希慎  大家好快就諗起京林屋  對上一次食好似唔係呢個位應該係新般左上12樓雖然見倒有個期間限定餐牌  不過我都係鐘情呢度既讚岐烏冬簡簡單單  高質既烏冬配合埋個湯底  每次食完都要讚三聲  佢地既烏冬個咬口非常不俗控制得好好份量永遠都係佢既另一個賣點  (有種食極都有既感覺) 非常滿足倒我個腸胃朋友就叫左  林屋和食料理呢個SET咩都有少少，有鯖魚，帆立貝，魚干，芝士蛋卷好就好在鯖魚冇骨　岩哂最怕骨但係又中意食魚既我地配合埋糙米飯同埋麵豉湯　呢個SET絕對係物超所值到左透心涼部分喇！話哂都係半個抹茶既粉絲  坐都未坐低我就決定左要食特製林屋抹茶餡蜜 相信好多朋友對於呢個招牌甜點唔陌生　入面有抹茶蕨餅，白玉，寒天，抹茶啫喱，抹茶雪糕而當中我既最愛絕對係抹茶蕨餅　配合埋少少糖醬　　再送多啖雪糕落口　　成個人真係降哂溫焙茶沙冰雪糕另一降溫良物 焙茶雖然冇抹茶味咁濃郁但係配合埋沙冰 都非常消暑解渴 一路食烏冬  一路飲杯沙冰真係不得了法式聖馬克抹茶蛋糕我地最後忍唔住叫多個Cake食個C

我自己鍾意去京林屋食嘢, 相隔一些日子便會去, 早前趁上完堂後, 係銅鑼灣食嘢. 我先點了京式鰻魚飯. 鰻魚相當肥美. 我本身食得較濃味, 雖然飯已經混入了醬汁, 但我想再多汁一點, 所以叫了店員另外俾醬汁我. 即時美味提升. 另外, 我點了玉露. 店員先奉上教飲茶的程序俾我, 跟着做便可以. 入口茶味幾濃郁, 令人感覺舒服. 這個玉露最特別之處, 係飲完後, 連茶葉也可以食. 只需要加入柚子醬便可, 我也是首次食茶葉. 口感有點似食嫩口的菜葉, 入口帶有甘香, 幾特別. 又到賞櫻花季節，去吾到日本睇花，就食番一個期間限定甜品 - 櫻花抹茶卷蛋. 甜度適中, 忌廉夠滑身. 加上香濃的抹茶雪糕, 與紅豆和白玉非常夾. 這一餐非常豐富.

京林屋始創於日本京都宇治 擁有263 年歷史悠久的抹茶老字號他們第一家海外茶屋就是在香港開業京林屋以日式甜品 茶室經典抹茶甜品及焙茶起名除了甜點 它還是一家可以吃正餐的餐廳 是次小編跟友人下午來訪吃午飯及甜點小編跟友人都是抹茶控看到餐牌內大部分都是跟抹茶有關的食物 大家都覺得十分開心抹茶喬麥麵 $78抹茶喬麥麵抹茶味不太重 口感幼滑餐廳使用了專用的醬汁 為喬麥麵調味配料方面有雜菌及紫菜整個組合簡單得來不失美味京林屋抹茶芭菲 $88抹茶蕨餅 蜜桃肉 抹茶雪糕 紅豆茸 湯圓 組成的抹茶芭菲可以一次過滿足抹茶控的所有願望雪糕的甜度適中 抹茶味香濃紅豆茸跟湯圓十分配合蜜桃肉為芭菲作一個點綴這個抹茶芭菲可以說是這餐午餐的重點抹茶蕨餅$88抹茶蕨餅是小編最愛的甜點除了清香嘅抹茶味 小編最無法抗拒就是蕨餅煙煙韌韌的口感小編最愛澆上黑糖 再撲上厚厚的抹茶粉 一咬下去 嘴巴都沾滿了抹茶粉的感覺抹茶蕨餅美味程度讓人一口接著一口 焙茶朝燻 $20在一間專賣茶類的店舖 怎麼可能不嘗嘗他們家的茶呢餐廳很細心地提供了一個溫馨小提示小牌 教導客人如何沖泡出美味的茶小編是次點了焙茶朝燻據說焙茶在製作過程中 茶葉以較高

30幾度天氣，有機會一定走入商場順便嘆杯茶，唔係第一次去京林屋，到之前已經諗好食乜嘢。天氣炎熱，清清地食個冷麵，然後嘆個雪山，想唔到仲有乜嘢更加梳乎。我哋好彩有茶室坐。日本仔啲嘢真係靚，一份抹茶冷麵，擺得好企理，未食已經加晒分，麵質好，湯汁夠味，冷吃特別彈牙。林屋和食料理非常豐富，今天的魚特別滑，芝士玉子好正，樣樣都咁好食。我哋的特大抹茶雪山，招牌抹茶雪糕固然好，牛奶非常香滑，等我下次要試杯拿鐡。食完大家都極涼快，感覺超正！

Matcha is heaven! This is the cafe/restaurant best known for its matcha from Kyoto, for over a hundred years!I planned to come for dessert, JUST DESSERT I swear until I saw the green tea noodles!Cold please.Nothing on it, just seaweed. The sauce was so light that it was totally guilt-free!Keeping it fresh and 'healthy', It didn't taste like green tea at all, the noodles are relatively hard and chewy, but nth fancy, Eel Don with eggThe Eel was a fat and thick one! The rice was mixed with soy sauc

今日再次嚟到銅鑼灣必食之選嘅京林屋，京林屋嘅甜品同飲品一流就係人都知，但今日我同朋友就約埋響度食埋飯，原來水準都一樣相當唔錯！我地首先點左一客京式鰻魚定食同埋一份包羅萬有嘅和食料理，兩者都極具高級日式料理店的風味，特別係和食料理真係好豐富，每種配菜都好好味，我同朋友都食得好飽好滿足。飲品方面跟餐揀左一杯熱玫瑰花蘋果茶同埋我每次嚟京林屋都要飲嘅至愛嘅焙荼牛奶忌廉熱飲，京林屋在茶方面嘅處理真係相當出色同講究，熱水泡開後嘅淡淡茶香，在香港真係好難再搵到另一間有如此高水平。嚟到京林屋當然唔少得食埋甜品，最後我地點嘅係法式聖馬克抹茶蛋糕🍰，另外亦有幸試到限量嘅「櫻花蛋捲」。京林屋嘅抹茶蛋糕一向都係招牌甜品，抹茶味既香且濃，令人愛不釋手，而今次試到嘅櫻花蛋捲更加用上左抹茶忌廉，非常惹味，有機會一定要試下。

最愛日本甜品定食，難得見到京林屋午市時間不用排隊，二話不說跟同事入座！京林屋提供簡單定食主打是綠茶和焙茶成分的甜點京式鰻魚飯（原條）　$98原條鰻魚奉上的定食，淋上秘製鏗魚汁的鰻魚，配上蛋絲和紫菜點綴，特別之處在於焙茶飯的拼搭，惹味吸引林屋和食料理以家庭式日式料理為藍本，賣相一流的林屋和食料理，焙茶飯拼上汁燒鯖魚、秋葵、芝士腐皮卷、帆立貝等主食，豐富吸引汁燒鯖魚很入味，而且肉質不腍不硬，炙燒時間恰好，大讚！一粒粒吸收了焙茶薰香的珍珠米，京色地道風味抹茶牛奶，喜歡奶香的朋友一定要選，牛奶酥香味濃焙茶卷蛋卷蛋和雪糕滲透淡淡焙茶茶香，多吃不膩特製京林屋抹茶餡蜜一次過滿足綠茶控要求，特別一提的是蕨餅軟滑有咬勁，香濃的綠茶味道融入甜點，甘中帶甜，難以抗拒！

話說去開時代廣場搵pokemon😂,就順便去京林屋食飯～因為食6點！可以坐和座😍😍京式鰻魚飯（原條）$98先一人來一客鰻魚飯！因為是原條鰻魚，份量十足，非常厚肉Juicy。燒汁份量恰好，鹹甜適中。配上紫菜，更顯鮮味。焙茶飯香味十足，與鰻魚的鮮味很夾。麵豉湯好夠熱，豆咪香濃，不是一味死鹹。食完鹹食到主菜喇😂😂特製林屋$98抹茶雪糕香濃幼滑，配上軟韌蕨餅、丸子、綠茶果凍及涼粉，充滿了不同層次的口感！配上黑蜜，味道更rich。焙茶卷蛋$88焙茶雪糕更有驚喜😳是起沙的！香味十足！卷蛋綿軟,忌廉不會感到太漏，內有紅豆，味道挺配。玉露（玉艷）$78食完甜野要消消滯，就點了杯綠茶，侍應悉心介紹製法。茶味香醇、回甘，泡了多次仍然香味四溢。喝了3-4次後，可拌柚子醬油到茶葉中，拌勻後可連茶葉一起吃，味道清幽、消滯，好有草原氣息！又有鹹食，更重要係又有甜品！加埋一杯好茶！今餐非常滿足！💕☺️

放工又返左去京林屋，可惜今次鰻魚飯早早已經賣晒，點了金目鯛定食同埋林屋和食料理。 雖然呢度的咸點餐食唔算多，但水準一直十分不錯。金目鯛是滿滿的甜醬油係面，魚本身夠肥，魚油甘香，所以一啖一口送飯的確滋味。 林屋和食有4款配菜，八爪魚沙律，撈左魚子，咬落卜卜脆。帆立貝、魚仔乾、芝士魚腐，魚腐啲芝士有少少流心！木耳蛋角頗有心思，蛋入面混左不同顏色的蘿蔔絲，望上去顏色更靚，食落更有咬口。鯖魚比較之下就無乜特色，但4樣加埋黎送飯食，就可以過足口癮！ 朋友第一次黎，佢都覺得呢度啲咸食十分不錯～食完咸食到了甜品，點左最愛的芭菲。可能一排無食，雪糕入口特別滑，抹茶味夠濃。加上白玉、小丸子、抹茶啫喱、士多啤梨、紅豆蓉、忌廉，最愛的配料共冶一爐，放工等左咁，就係等一份期待已久的味道。 林屋抹茶餡蜜還是一如既往的份量，以為細，其實份量好多。一口蕨餅、一口抹茶啫喱、一粒丸子、一啖雪糕，那煙韌的口感，就是爽！所以每次黎都要食。 最後飲埋個桃味焙茶，清清喉嚨，便滿足而歸家，茶味伴著淡淡桃香，著實使人心曠神怡。

京林屋銅鑼灣分店係希慎廣場12樓，餐廳面積唔大，劃分為和式座位同普通座位，由於客人眾多，以入座計，和式座位用餐時間有60分鐘，普通座位就有90分鐘。餐廳以木色為主，富有日式裝修風格。🇯🇵京林屋主食選擇唔多，最吸引係鰻魚飯同埋以餐廳抹茶主題製的蕎麥麵，甜品款式就非常多，我同老婆點左鰻魚飯同埋抹茶蕎麥麵share，另外點左玉露， 另外當然唔少得飯後甜品啦。😙京式鰻魚飯 $98鰻魚係老婆最愛食嘅魚，京式鰻魚飯有原條肉質肥美嘅鰻魚係調左味嘅飯上面，配上惹味嘅鰻魚汁，每一啖都可以食到濃濃鰻魚嘅油香 yummy😋抹茶蕎麥麵 $78呢款抹茶蕎麥麵味道比較清新，湯底混有蘿蔔蓉，令味道清甜，蕎麥麵嘅抹茶味唔算太濃，不過口感唔錯。玉露玉艷 $78上一次黎我地飲左杯焙茶朝薰，一試難忘，今次我地決定點另一款比較貴價嘅茶: 玉露玉艷試試，由宇治黎嘅玉露味道甘甜，飲完茶之後仲可以加柚子醬油食埋d茶葉，口感同西洋菜有d相似，不過我個人都係比較喜歡焙茶朝薰。👍特製林屋抹茶餡蜜 $98呢款甜品上次已經食過， 抹茶雪糕茶味甘香， 蕨餅配以混入紅豆蓉同黑糖漿嘅寒天同丸子， 配搭完美，我相信每一次黎都會再點呢款甜品。😍焙茶卷

我們於京林屋的和座空間內，靜靜的看著餐牌，朋友二話不說已選定了人氣 No.1 的京式鰻魚飯，肥美的鰻魚淋滿醬汁，入口軟滑甘香，伴著大量甜甜玉子絲的焙茶飯，口感豐富美味。愛吃的我，當然選了林屋和食料理，賣相豐富，先呷一口熱辣辣的味噌湯，再吃一口淡淡茶香的焙茶飯，口感綿綿的。菜式有四款，分別是北寄貝沙律，微酸的l鮮甜，清新醒胃。芝士魚蛋卷、原粒帆立貝伴著鹹鹹的小魚乾，佐飯一流。豆腐雜菜餅，口感清爽，淡淡豆香，還有惹味的醬汁雞肉及木耳絲。主菜燒鯖魚，肉質結實帶著微甜的鮮香，美味可口。飲品，玫瑰蘋果煎茶，冰涼透心，玫瑰芳香混著清新的蘋果香，一掃茶葉的苦澀，清甜爽喉。玉露，清徹的茶色，純粹的茶香，入口暖暖的舒爽，茶吃光了，茶葉也不容錯過，淋上柚子醬油，青青的鮮爽，又是一道醒胃的菜式。甜品，朋友點了抹茶芝士蛋糕，加了抹茶口味的芝士蛋糕，多了一份清爽，伴著冰涼的抹茶雪糕及綿密細緻的紅豆白玉，實在吃得満足。期間限定的櫻花抹茶卷蛋，令人開懷的淡粉紅色卷蛋，繞著嫰綠的抹茶忌廉，軟軟的口感之間混著綿綿的紅豆粒，味道層次豐富，雖說沒有鮮明的櫻花之味，但光是這份春日氣息，已令人吃得悠然幸福。

相信抹茶控一定唔會唔認識呢間京百年抹茶老店， 剛開業嘅時候，抹茶控爭先朝聖， 曾經一度大排長龍， 而家終於緩和少少，🙊 咁岩小妹係hysan返工， 而我地終於就到時間一齊黎啦，好感動！😂☺️ 呢到所有野都以抹茶為賣點， 除左一系列抹茶名物如抹茶蕨餅、抹茶芭菲等甜品， 正餐如麵食、定食都有。👏🏻 身為抹茶控嘅我梗係連正餐都要係抹茶啦～☺️ 抹茶喬麥麵 附上酸蘿蔔可清一清味蕾， 綠色嘅抹茶喬麥麵麵質幼滑， 咬落有嚼勁， 湯底清香，唔會蓋過喬麥麵嘅抹茶味， 配上菇菌和紫菜，簡單而美味。😋 呢個係必試嘅秘製抹茶蕨餅 蕨餅煙煙韌韌，散發清香嘅抹茶🍵味， 食客可自己澆上黑糖和灑上抹茶粉， 鐘意食抹茶嘅一定係灑上全部嘅抹茶粉啦！😂 層次感十足，正！😋

今日叫左老公陪我黎食我最愛既日本野 有咸點正餐亦有甜品可以叫 一次過搞掂晒 唔洗等兩輪位 我地黎到既時候岩岩有和坐 限時六十分鐘 老公話咁樣幾好 好有privacy 又坐得舒服老公叫左佢最鐘意既鰻魚飯 $98 大大條鰻魚 一上枱我已經聞到勁香烤過既味道 佢仲配左麵豉湯埋醃漬蘿蔔 睇見佢爆風吸入成碗飯 唔洗問都知佢一定覺得好食我就叫左林屋和食 $88 一樣都配有麵豉湯同醃漬蘿蔔 一碗味飯同八種小菜 照燒雞粒 勁香炭烤既味道 蛋入面有切碎既蔬菜 唔係平時食既甜蛋 芝士魚餅 原本以為係粟米 入口食到芝士味就知道唔係 哈哈 魚本身已經有調味過再去燒 肉質依然好嫩好滑 沙律應該係貝類同八爪魚碎 勁好食 佢配既八款小菜都勁好送飯 甜品我地叫左一個抹茶沙冰雪糕 $58 當飲品 抹茶唔係太苦個種 有甜味又有茶香 就算食晒個雪糕杯沙冰都唔會淡到水咁 good good 林屋抹茶餡蜜 $98 有白玉 抹茶jelly 紅豆 同勁濃既茶蕨餅 好好食 每一樣配料都配搭得岩岩好 唔會太甜唔會太plain 必點！特濃焙茶雪山 $98 佢附上既湯匙係熱既咁就方便食冰啦 焙茶雪糕好香好特別 冰下面仲有白玉 焙茶jell

話說好耐冇食過好野 今晚放左工之後就約左大同去食日本抹茶 因為我地兩個都好中意食 ***我地好肚餓 所以叫左兩個鹹點 一個係抹茶蕎麥麵 份量都幾多下 自己食完都覺得飽 湯底幾清 如果麵質可以再爽少少就好啦 但真心另一個饅魚飯好好食 係成條上 重點係個米飯都好煙韌 之後我地仲叫左兩個甜品 一個係焙茶芭菲 焙茶味幾濃郁 下面仲有jelly小丸子同牛奶雪糕 另一個我地就叫左個櫻花抹茶蛋捲 個greentea cream好滑溜 我好中意 仲配埋一杯桃味焙茶 唔會話太甜幾好 因為得一杯茶唔夠兩個人share 所以我就另外叫多左杯玉露 有微微嘅甘香味 最後仲可以倒埋個柚子醬落茶葉到 ***整體黎講我好滿意 因為坐得舒服之餘 食物quality又ok 兩個人細細聲傾計就最啱