京滬佳餚 (亞太中心) (已結業)

原本book左8:30 ，之後早左到就問下佢可唔可以提早，佢話唔可以 要8:30 ，咁我地就等到8:30去問佢，佢又話味得 咁我地再等左15分鐘左右，走去問佢入得味，佢終於比我地落去，點知落到地庫原來仲要等！等左一陣覺得唔對路 ，於是問個姐姐要等幾耐先入得，個姐姐話要等多20分鐘左右 都未必有位，7點9啲客都味入座（當時已經8:50！）如果係冇位點解可以完全唔講 我地唔問又唔比我地落地庫，如果一直唔問係咪係門口等到入得為止？咁請問book位既意義係咩？如果佢話冇位我地一早就唔會等，咁大間餐廳 完全唔明點解可以咁離譜

最近京滬佳餚登陸尖沙咀仲推出左該店限定嘅4人午市套餐呢個Lunch Set真係勁抵食4人加埋只係$468再加一當中已經有埋片皮鴨‼️服務都唔差🔸京滬香酥烤鴨午市套餐 $468我覺得呢個Lunch Set 多過4人食都得🤣如果全部都係女仔一定無問題👭👭仲要好好食😙დ 京滬香酥烤鴨(半例）片皮鴨外皮香脆，但唔會好油膩，皮底唔會見到有肥膏！配埋砂糖、醬汁、蔥、蒜蓉碎，再包住食好正！დ 招牌小籠包皮薄肉嫩，咬開好多汁👍🏼დ 魚子醬燒賣燒賣肉質彈牙，帶有魚子醬香氣。დ 芝士脆蝦卷蝦卷唔會超多芝士，外層啡色，有別於平日一般春卷嘅顏色，好特別，好彈牙！დ 京滬香蔥煎餅好有驚喜，蔥味好香！外層望落層次分明，好似食緊酥皮咁香脆鬆化。დ 花雕醉雞呢個係凍食，酒味釀入晒雞肉內，好香濃，雞肉仲釀好嫩滑，隻雞仲要唔會好肥同油膩。დ 家常紅燒豆腐呢碟分別有唔少配料，有雲耳、菇🍄、豆腐、腩肉，辣辣地好惹味。დ 魚湯鮮腐竹浸時蔬魚湯好鮮甜，d菜浸入湯內索晒汁，令到個菜更甜，腐竹令到成道菜更豐富。დ 京滬擔擔麵有4碗擔擔麵，個湯底唔會太辣，有唔少肉醉在內！擔擔麵掛湯力非常好，入晒味，食落仲好Q軟！დ 鮮奶燉桃膠叫左呢個餐

太子女生日～花膠成條上枱，幫你切開再用煲煮熱位上，夠淋有口感，香濃鮑魚汁包住花膠都係$2佰幾蚊位！南非干鮑又係比你先睇下或者影相，又係响出面煮位上，鮑魚帶少少糖心，有鮑魚味，淋滑有口感，加上香濃鮑魚汁～正$380隻，芝士龍蝦球，每人一粒已經成3斤重，有芝士味不太重，沒有覆蓋龍蝦鮮味，龍蝦肉爽口彈牙，壽星女唔想食雞話要食片皮鴨，叫返隻應下佢意見，熱辣辣上枱：皮脆肉嫩滑，油不多好食，生日仲有生日歌播，幾得意，可以自己帶酒，開瓶$150，合理，服務都算唔錯！

最近上網睇到呢個SET好抵食HK$468可以夠4個人食，仲可以食到9個送, 仲要係夠4個人食，真係誇張，所以拉埋朋友去試下。京滬香酥烤鴨 (半例)都唔知話我好彩定酒樓唔好彩，佢上錯左隔離檯人地全份片皮鴨比我，上錯左佢話就算照片我，搞到我變左好大份，哈哈，賺左。正常係得一半份量架咋，但我有兩份，因為本身唔係我張檯的，所以連煎餅皮都比DOUBLE左，我呢鑊真係行好運，哈哈。鴨皮完全片到無肥膏，好乾爽好脆，好正好好食！醬料有好多款可以揀，最驚喜係有山楂條，甜甜地好好味。不過醬料只提供一份，問左侍應如果要添食就要HK$20一款。佢個甜醬好好食，好似同出面有少少唔同，比較重果香味。咁樣夾埋超好食，哈哈招牌小籠包呢個裡面勁多湯汁，一咬落去好燙口，小心食，超正魚子醬燒賣超大粒，有好香黑魚子，真材實料唔馬虎，裡面仲有滿滿蝦肉+豬肉，超正好好食芝士脆蝦卷呢個我完全唔知係咩黎，整到成支雪茄咁，原來係蝦卷。裡面塞滿蝦膠，勁香脆好正，京滬香蔥煎餅其實可以算係蔥油餅，不過佢係千層酥皮做成的蔥油餅，好香好油潤，食到佢層層分明，蔥又唔係太香，半生熟有D辣香，勁好食！花雕醉雞D肉真係超級滑嫩，個花雕好清香，雞又唔會好

本來只係去簡單食點心lunch就算，京滬點心粉面水準有信心保證，特然想食鱔，鱔爽口，味道炒得亦不錯，不算太濃味，中午胃口不大～合適，朋友叫左個金扇時蔬，需要點時間，但值得～金華火腿肥廋適中，好香濃金華火腿味，其他伴菜亦很嫩，桃膠燉蛋白～正～不太甜～夠熱～適合女士甜品

原本開開心心幫細妹做生日，點知結果一肚氣。老實，d餸嘅樣係靚嘅。不過碟頭好細，完全唔飽。我自己覺得味道正常。我老婆就話隻鴨太瘦而且唔香。訂位已問左，有冇切餅費，佢話正日免費。咁我有自然買左蛋糕，因為唔算好好食，所以食完叫左嘅餸，我本身唔飽都費事再叫，叫佢搵上餅，上錯人地個餅都算，咁佢上番啱個餅，我地切完叫佢分，佢就話自己分先免費。吓？咁算啦，我地自己分囉。到埋單佢居然都要收切餅費！我哋就話問咗正日係免費，咁佢話要睇身分證，好，比佢，佢睇左成分鐘先去免番，洗唔洗呀？另外我哋睇左隻鴨有優惠係半價，佢居然收正價，咁我地問佢啦，佢話做到昨天，今日無左優惠。最慘佢地庫電話收得好差，想上網睇下都困難，又諗住佢講就係就照比咗。上左車睇番，明明寫去到20/1，上面有圖為試。擺明呃人啦，呢啲x店真心無下次。

趁住尖沙咀分店做緊開張優惠午市四人餐$468有9道菜仲可享半價甜品優惠即刻book枱去食( ´ ▽ ` )ﾉ-京滬香酥烤鴨(半例)鴨皮酥脆鴨肉香嫩，入口充滿油香撘配青瓜紅菜頭中和油膩及增加口感包埋蒜蓉另一番風味，好食-招牌小籠包皮薄多汁，點醋食令味道更昇華-魚子醬燒賣聽個名就覺得奢侈( ´ ▽ ` )ﾉ瘦肉比例多，口感有嚼勁（勁滿意好怕好多肥豬肉嘅燒賣）味道唔洗沾任何醬汁已好夠味-芝士脆蝦卷好香脆，食到啖啖蝦肉而且芝士鹹香十足-京滬香蔥煎餅好鬆化，但略嫌鹹香同蔥味唔夠-花雕醉雞冇食到唔評價但朋友話酒味濃個汁偏甜-家常紅燒豆腐微辣，味道比較淡-魚湯鮮腐竹浸時蔬好清甜，比較清淡-京滬擔擔面香辣惹味，但如果再重口味啲會更好( ´ ▽ ` )ﾉ-楊枝甘露伴雪糕 $24紅柚帶甘，份量有啲少🤪-高力豆沙 $29好香蛋味，但如果多啲豆沙餡會更好

今日喺尖沙咀去咗一間中菜，呢度出名烤鴨，見到有個四人套餐其實幾抵食，一於坐低入去試吓～京灑香酥烤鴨午市套餐（4位）$468.00套餐包左：京滬香酥烤鴨（半例），魚子醬燒賣，芝士脆蝦卷，招牌小籠包，京濿香蔥煎餅，花雕醉雞，家常紅燒豆腐，魚湯鮮腐竹浸時蔬同埋京滬擔擔麵（4位）。烤鴨好出色，外皮好香脆，皮同埋肉分開上，餅皮亦都好薄，唔會一口麵粉，大家都食到好滿足！魚子醬燒賣出面都好少有，一人一粒啱啱好芝士脆蝦卷，好似成支雪茄咁，芝士好香濃，比較有驚喜招牌小籠包真係要小心熱，因為入面好多汁，咬落去我都唔小心辣親！香蔥煎餅好鬆軟，比我想像中好食花雕醉雞超級正，酒味香濃，雞唔鞋，亦都唔會苦紅燒豆腐，因為本身冇乜期望，所以覺得好好食，豆腐可以吸晒啲汁，仲好滑添！至於時蔬同埋擔擔面就正常發揮，成個套餐大家都食得好滿足，一定夠晒飽，我哋仲加咗個甜品，因為可以半價加甜品，我哋要咗楊枝甘露伴雪糕，超級靚，適合打卡又好食！

新年中菜好推介🥰- 京滬香酥烤鴨午市套餐 $468呢個set真係超抵玩 4人有好多嘢食 食到你飽 仲要唔洗200蚊一位- -京滬香酥烤鴨(半例）烤鴨個皮好香脆 有鴨香味 油脂感又足 包係個皮再加啲醬汁同菜瓜條食真係十分滿足 而且佢仲有個爐係下面保持溫度- -招牌小籠包小籠包皮薄餡靚 入面超多汁 一咬就爆 小心睇熱- -魚子醬燒賣幾特別 成個望落高級左 有小小魚子醬味 咸咸地配個燒賣冇違和感 燒賣肉質都實淨 落足豬肉料 - -芝士脆蝦卷個樣好似雪茄咁 好特別 食落好脆 芝士都多都濃 但個蝦都幾鮮甜 唔錯- -京滬香蔥煎餅十分酥脆 香蔥味幾出 咸咸香香 係油左少少- -花雕醉雞酒味幾出 但又唔會好濃 雞件滑嫩 唔錯- -家常紅燒豆腐紅燒幾入味 個芡汁整得唔錯 清淡得黎又有味嘅素食- -魚湯鮮腐竹浸時蔬幾健康幾清淡 都係食番個蔬菜原味為主 但係就中和哂啱啱食完煎炸嘢嘅油膩感- -京滬擔擔麵花生味出啲 唔會太辣 麵好掛湯汁- -豆沙鍋餅豆沙蓉唔太甜 又多左玫瑰花香 個皮又酥脆酥香 正…………….🌝尖沙咀新店限定午餐set好抵好食 又坐得舒服 服務都好好 值得一試🌚個門口少少難搵 係地庫…………

今日同朋友去尖沙咀漢口道做嘢，睇到呢一間店舖相當熟悉，以前喺銅鑼灣食過，難得遠在天邊近在咫尺，梗係拉埋朋友入去試。入到去感覺好舒服，乾淨企理。京滬香酥烤鴨，烤得啱啱夠火候，皮夠酥脆，肉帶汁，鴨香味濃。花雕醉雞嘅酒味清香，雞肉嫩滑，雞件斬得完整，完全冇碎骨。家常紅燒豆腐完全帶有傳統手藝嘅味道，豆腐煮得好入味，帶點微辣，開一開個胃口～食到咁上下，上咗一碟魚湯鮮腐竹浸時蔬真係啱啱好用嚟清一清喉嚨，湯頭清甜，腐竹同樣入味！嚟到招牌小籠包，果然冇令我同朋友失望，皮薄餡靚，食落多汁，配上特製嘅薑醋非常好味。魚子醬燒賣嘅肥肉唔多，肉質好厚彈，加上魚子醬更添一份鹹香味。芝士脆蝦卷稱得上為出色，卷皮炸得脆卜卜，連多餘嘅油分都冇，食到啖啖的蝦肉同埋濃郁嘅芝士味，令人回味無窮。京滬香蔥煎餅做得絕對不油膩，而且咬落鬆化，層次多，夠香脆之餘，香蔥嘅味道相當清香。食上海菜又點少得一碗京滬擔擔麵，麵條煙韌有彈性，配上花生肉碎微辣，掛汁力唔錯，湯頭濃郁至極，但係完全唔係死鹹，令友人食不停口。以上介紹嘅菜式全部都係來自四人套餐，只係$468就有九道菜式，真係平靚正，所有食材好有質素，服務態度一流！

為左慶祝尖沙咀既新分店盛大開業，除左原隻烤鴨會做半價優惠外，仲推左出一個勁抵食只限尖沙咀分店既京滬香酥烤鴨午市套餐 🦆4位都只係$468就可以享有九道菜，仲要有埋半隻既片皮鴨，抵食到呢！真係包你食到捧住個肚走啊😋🤰🏻-🌟京滬香酥烤鴨午市套餐 $468🎈招牌小籠包滿滿的肉汁但略嫌個皮唔夠薄，再薄啲就perfect😚-🎈魚子醬燒賣裡面蝦肉爽口，加入了魚子醬感覺就是很高級😌-🎈芝士脆蝦卷打卡一流絕對需要叫喔，看起來就是雪茄造型的嘻～吃起上來香脆，而裡面就是芝士加蝦肉😋脆卜卜個人都幾鍾意食🫶🏻-🎈京滬香蔥煎餅食落唔會太油膩，而香蔥味十足！-🎈花雕醉雞花雕味濃而雞肉亦好滑，略嫌有點太凍～-🎈家常紅燒豆腐好惹味！估唔到小菜都咁有驚喜～除左豆腐外，仲有雲耳冬菇竹筍等😎-🎈魚湯鮮腐竹浸時蔬正常發揮，加入了鮮腐竹令到整個魚湯更鮮甜！-🎈京滬擔擔麵 (4位)原來係每人一碗，份量真的太多了吧🤭🤭味道濃郁，花生醬味道恰好，帶有少許麻香感～如果可以再辣啲就更好了😌-🎈京滬香酥烤鴨 (半例)片皮鴨係最後先上，好彩之前冇狂食有留返啲quota享受最愛的片皮鴨🥰幾欣賞這裡都是皮肉分離🤭片得薄身得黎又好酥脆，充滿油香！

高質 抵食京滬香酥烤鴨午市套餐 $468**尖沙咀店限定**🔸京滬香酥烤鴨(半例）🔸招牌小籠包🔸魚子醬燒賣🔸芝土脆蝦卷🔸京滬香蔥煎餅🔸花雕醉雞🔸家常紅燒豆腐🔸魚湯鮮腐竹浸時蔬🔸京滬擔擔麵淨係睇到呢個長長嘅餐單都已經覺得好抵食！以午市套餐嚟講，實在係太豐富而且每人只係百幾蚊就有片皮鴨、小籠包食超值！🔸京滬香酥烤鴨(半例）北京烤鴨即係我哋平時食嘅片皮鴨，半例份量都好多！呢度嘅烤鴨以皮肉分離嘅形式上枱，食嘅時候可以先將頭四片沾砂糖食，其餘就用薄餅皮在點上甜醬，再加上蘿蔔絲、大蔥絲等配料包住一齊食。最後鴨腿可以將蒜蓉釀入皮同肉之間拎住黎食，享受另一種風味。🔸招牌小籠包小籠包超多汁，一口咬落去真係會有爆汁嘅感覺🔸魚子醬燒賣燒賣嘅蝦肉爽甜，加埋魚子醬真係倍加高貴嘅感覺🔸芝土脆蝦卷芝士脆蝦卷用咗雪茄嘅造型，啡色嘅外皮包着芝士同埋蝦肉，滿滿嘅芝士雖然冇拉絲，但係芝士味濃郁🔸京滬香蔥煎餅呢個香蔥煎餅，外層非常之香脆，一定要趁熱食🔸花雕醉雞醉雞嘅味道偏甜，有陣陣嘅桂花香氣，食落有層次感，唔會剩係得陣酒味🔸家常紅燒豆腐紅燒豆腐嘅醬汁香濃，加上甜椒嘅味道，都唔錯🔸魚湯鮮腐竹浸時蔬呢個白菜仔係成個套餐有畫龍點睛

呢間中菜係康城開張嗰張已經有留意不過康城真係太遙遠 所以一直都未去試見到尖沙咀開咗新分店 真係方便好多🥹✎我地4個人叫左個好抵既午巿烤鴨套餐除左半隻烤鴨仲有點心有小菜有麵 都只不過係$468😱超級優惠-京滬香酥烤鴨(半例)烤鴨好高質 皮還皮 肉還肉 切得非常專業皮係超級脆 咬落去係有清脆既聲音 真係好推薦仲有餅皮同6種配料 按自己喜好加配☺️-招牌小籠包皮好薄 但夾起都唔會好易穿 超級多湯汁-魚子醬燒賣用魚子醬代替蟹籽 粒粒飽滿增添鮮味-芝士脆春卷用啡色春卷皮 好似幾枝雪茄咁 夠哂豪氣入面係芝士蝦肉饀 好彈牙-香蔥煎餅意想不到咁好食 酥脆到極致🤪-花雕醉雞雞肉好滑 花雕汁偏甜 -家常紅燒豆腐除左豆腐仲有肉片同雲耳椒荀等 小小辣夠惹味-魚湯鮮腐竹浸時蔬魚湯鮮味配腐竹好夾 白菜都好甜-京滬擔擔麵(4位)酸酸辣辣既湯底 唔係一般花生醬既味道 幾特別都幾好食😌另可以半價加配任何甜品(燉官燕除外)桃膠燉鮮奶 $44成碗滿滿既桃膠 燉鮮超級滑嘟嘟 養顏之選另外都見到佢地烤鴨做緊半價優惠 都係好抵大家都快啲去試下👍🏻👍🏻👍🏻

我同媽咪都係京菜粉絲，平時都成日去銅嗰間分店，今次媽咪話不如又去試下佢地尖沙咀新既嗰間，睇下野食水準又點~~ 我地下晝去，原來佢地依家有個好抵嘅午市 4 人 SET $468 ，除開每人都係百幾蚊，當中重點推薦人氣香酥烤鴨！真係好香，芝士脆蝦卷都好推薦賣相正味道都好味📍京滬佳餚京滬香酥烤鴨(半例)：呢度用嘅鴨好講究，一定係用嚟自北京嘅白羽鴨，仲要嚴選60日嘅雛鴨，經過多重繁瑣嘅工序，才能令成品嘅鴨皮酥厚而不油膩。佢哋仲會喺上鴨嘅同時會提供醬料。入面有青瓜，京蔥，心内美（日本酸蘿蔔),甜醬，白糖，蒜蓉等。而蒸餅皮，可以夾住醬料同鴨一齊食，令味道口感都變得更豐富。📍招牌小籠包：係其中一款招牌菜，做到皮薄餡靚，入面嘅肉餡夠多，仲有好多湯汁，食嘅時候要小心入面啲湯太熱。📍魚子醬燒賣：燒賣好大粒，入面嘅肉好飽滿，而表面仲有魚子醬，好奢侈嘅享受，亦令燒賣嘅層次提升不少。📍芝士脆蝦卷：造型做到雪茄咁，香脆嘅春卷包住滿滿嘅蝦肉，口感彈牙鮮甜，而除咗蝦肉之外仲有芝士，兩者嘅味道出奇地夾，令人一食上癒。📍京滬香蔥煎餅：煎餅好酥脆，有種好似食緊千層酥嘅感覺，而入面有香蔥作餡，食落會多一份蔥嘅清新香味。📍花雕

我真係超級鍾意食中菜～！哩間京滬菜嘅四人午餐套餐除咗好味 仲要超級抵食只係$468就可以食到片皮鴨四款點心、醉雞、紅燒豆腐、菜同擔擔面抵食到震！而且環境環境大又乾淨好岩帶埋屋企人嚟食！❤️💠京滬香酥烤鴨午市套餐（$468/4位用）.🔸京滬香酥烤鴨（半例）鴨皮非常脆口、唔油、有燒烤嘅香味，鴨肉有彈性唔肥，配料有烤鴨醬、青瓜、蔥絲、蒜蓉，用薄餅包埋食好正！🔸招牌小籠包皮薄內有湯汁，餡料嘅豬肉好香，好食。🔸魚子醬燒賣豬肉燒賣做得好彈牙好食，有肉香、冬菇香。🔸芝士脆蝦卷炸得夠脆又乾身，而且幾粗身大條，餡料又多。🔸京滬香蔥煎餅個餅係酥皮，超級酥香，就似酥皮湯個塊酥皮咁，配搭埋香蔥餡，真係超香口好味！🔸花雕醉雞雞好嫩滑無骨，皮係爽彈的，酒味幾清香，適合喜歡清淡嘅朋友。🔸家常紅燒豆腐豆腐煮得好滑，配埋好多蔬菜，醬汁唔會好濃，感覺好健康。🔸魚湯鮮腐竹浸畤蔬白菜好新鮮好翠綠，非常爽口，腐竹浸咗魚湯，變得更加好味。🔸京滬擔擔麵最後一人一碗麵，湯底好濃郁，充滿花生香，有細微嘅辣度，麵條掛湯，整體好惹味！.另外，可半價加配主餐牌内任何甜品，我哋揀咗桃膠燉鮮奶，面頭有好多桃膠勁足料，燉奶嘅奶味好濃，幾好味。