京都薈

營業中

休息中

今晚煮飯的人病倒了，我們一家大細惟有到附近餐廳解決京都薈前身也是酒樓，不過裝修轉名後才第一次光顧。新裝修好光鮮企理！餐牌上有好多小菜揀，有平有貴，豐儉由人三個人點了三個小菜：先來咕嚕肉！份量足，而且炸得香酥脆口，酸甜味道調得不錯！羊baby最為捧場鮑魚雞煲絕不欺場，一煲有四隻鮑魚，爽口彈牙！雞肉嫰滑入味，送飯一流龍蝦伊麵味道略淡，但勝在龍蝦夠新鮮，肉質結實，味道鮮甜！整體性價比幾好！下次無飯開又可以encore

忙裏偷閑 , 兩公婆飲啖唐茶食個包 , 是一件賞心樂事 ~飲茶地點 , 就在 美孚新邨4期 的 京都薈 ~Menu ~ 鹹水角 : 一客有三件 , 新鮮熱辣 , 外皮煙韌 , 炸得香口而不油膩 , 餡料豐富有五香粉味 ~ 雞絲粉卷 : 一客有三條 , 三條都大小不一 , 所以一定是手製 , 粉卷的粉皮厚薄適中 , 雞絲餡料重薑味 , 配襯著味道甜甜的豉油 , 相當美味 ~ 燒賣 : 一客有四粒 , 燒賣做得紮紮實實 , 材料豐富 , 燒賣的豬肉肥瘦均勻 , 吃落去口感十足 , 很不錯吃 ~ 蝦餃 : 一客有四件 , 蝦餃的皮做得煙煙韌韌 , 蝦肉多而且爽口 , 餡料內有筍絲 , 是上世紀80年代的味道 , I like ~ 我們其實點了很多食物來吃 , 恕未能盡錄 .... 最後以 海帶綠豆沙 作為終結 ~本篇完 ~

去美孚同婆婆食飯，婆婆推介新開幾個月嘅京都薈。新裝修嘅酒樓闊落又光猛，食飯擺酒都唔失禮坐低先睇下餐牌有咩平靚正推介！今晚得兩個人，食唔到太多。先叫一個前菜麻醬淮山酸酸地，幾清新開胃，而且淮山好淋又有益，大人細路都啱食之後叫咗兩個餸婆婆揀咗咕嚕肉份量好足，上枱熱辣辣！咕嚕肉炸得香脆，而且啖啖肉，個汁酸甜味適中，好正我揀咗叉燒叉燒燒得唔夠燶，不過肥瘦啱啱好，食落又唔鞋，甜甜地都唔錯其實呢度海鮮小菜好多選擇，下次多d人可以試多d款式！

繼上星期阿媽介紹食好西之後，佢今個星期又提議去呢間叫新新地既茶樓嘆下茶，上到去同樣等左陣好快就有位，但枱同枱之間比較迫，但入面裝修都好新，好華麗呢到同樣有特價孖寶，但到10點就冇，對於我地呢啲氹阿媽開心既人就緊係冇問題啦，但星期六，又真係好似早左少少囉，呢到價錢同樣廿幾蚊兩樣，選擇都算多，例如我地叫左1. 雞包仔拼咸水角2. 鮮蝦菜苗餃拼粥雞包仔，ok，咸水角，暖暖地，但皮好厚，菜苗餃，中上，因為唔係蝦粒，係有一隻蝦，粥，中上，料唔少，每匙都有相中芝麻卷係坐低有個阿姐話減價，叫我地試下，但食落，啲芝麻味係來自面嗰幾粒芝麻，並唔係舊卷另外既鴨腳扎，ok, 一般茶樓水準總括黎講，係美孚茶樓中，價錢唔算最平，質素亦只同平價茶樓睇齊，仲要10點前黎到先叫到平點心

前排黎呢度去朋友屋企玩咁就諗住食餐好少少見呢度新開左間洒樓 就一齊下佢價錢其實唔貴 普通洒樓價錢但無論食物環景同人都唔多係路首先黎拎位 熟人就係咁入我地同其他生客就碌木咁係度等跟住坐低後 個地台係咁震 都唔知咩玩法一有人行過就成枱係度震隔黎仲有一大班細路係度跑 好似搭緊巴士咁...食都食得唔安落跟住我個位隔黎仲有個mon張枱好似clubbing咁閃下閃下 勁辛苦最後食物質素真係差啲餸都一百一碟 加一茶介百三百五一位啲菜又老又un條魚又腥真係無下次

京都薈雖然定性為區內小店，但裝修都幾大氣，可能因為新啦，睇落又幾順眼，坐落又幾舒服，連侍應同部長既服務態度都唔錯。叉燒皇 - 叉燒都整得幾好食，半肥瘦，食起黎又幾多肉汁，唔會覺得乾，底有豉油，需亦有蜜汁，又香又甜，系差碗白飯撈住食蒜片安格斯牛柳粒 - 呢道菜整得好惹味，連洋蔥同菇都充滿黑椒同蒜香，配菜都食曬甘濟。而牛柳粒牛味香之餘，同黑椒香相映照，非常惹味。另外，肉質又幾幼嫩，十分推介!碧綠炒帶子蚌片 - 其實碧綠就即系西芹，炒出黎系幾靚既，同一般酒宴果啲碧綠炒帶子差唔多。淨系原粒帶子都是有七至八粒，加埋蚌片成道菜矜貴左唔少，味方面剛好，仲有配蠔油。蒜蓉粉絲蒸蟶子皇 - 有如其名，用左適量既蒜蓉同粉絲一齊蒸，系坊間最常見既方法，用蒜香黎提鮮冇難度，蟶子厚肉，而且仲幾鮮甜同爽口彈牙，蒸煮既時間岩岩好。

京都薈位於美孚新邨，鄰近美孚地鐵站A出口，步行只需三分鐘路程。此為區內一家新開業的酒家，價錢相宜，裝潢比起一般小區酒樓好得多。服務人員為數不少，會不定時主動幫顧客更換骨碟/ 餐具，相當積極，值得讚許。叉燒皇 ($228/孖寶拼上湯波士頓龍蝦伊麵 » 下圖有述): 叉燒肥瘦比例適中，富肉汁而滑口，還沾有不少蜜汁，香甜惹味。上湯波士頓龍蝦伊麵 (上述拼叉燒皇孖寶): 孖寶系列確實抵食，眼看大部份食客也點選數款不同的晚市孖寶。用上一整隻波士頓龍蝦，無花無假，龍蝦肉鮮甜爽彈，鮮劏即製，加上伊麵底，就像mini版宴席，唯稍欠足夠的上湯汁拌伊麵，美中不足。潮蓮脆皮燒鵝皇 (例牌): 鵝嫩而軟腍多汁，由於是幼鵝，所以不算肥美，但亦不失鵝香。海蔘北菇鵝掌 ($148): 海蔘、北菇、鵝掌各有四件，以蠔皇醬汁入饌，未及濃郁。其中，鵝掌大大隻超級厚肉，亦炆至相當軟腍，蠻喜歡耶。另外介有四條海蔘，同樣軟腍，但醬汁未能完全滲入。

屋企人都係比較傳統既人　　　都係鐘意食中菜咁岩呢排放大假　　唔洗屋企人煮飯喇　　直接出去搵好野食喇最後就渣左車過美孚睇下有咩食　　　見倒呢間門面唔錯既　　就簡呢間入到去坐低　　　光線足　　枱同枱有一定距離　　　侍應態度都唔錯睇睇ＭＥＮＵ　　好易就叫左好多野食我地先點左兩個前菜日式胡麻鮮淮山唔好睇佢外表平庸　實質呢個配搭非常新鮮　起馬我自己係第一次試淮山平時屋企人可能拎黎煲湯　但係撈麻醬食真係幾特別　呢個涼食值得推介呀陳醋雲耳另一個涼伴推介　雲耳爽口　配合陳醋　口感唔錯蒜片安格斯牛柳粒其實一般如果我見倒牛柳粒　10次起馬都有9次我會點今次唔例外   冇令我失望呀  咬落去一D都唔難咬 肉質正呀我地一行4人  密密手就食哂  (飯都未到)鮑魚野菌滑雞煲雞煲真係愈黎愈多出神入化既MIX N MATCH今次食既係鮑魚同埋野菌   感覺好高級而主角既肉質好鮮嫩  真係滑嫁   而且好入味  所以呢拎黎送飯真係一流京都薈小炒皇屋企人食飯  兩老一定要食返個菜  今晚都一樣我地簡個特別D既小炒皇  但係我將個重點擺左落去D蝦乾度大大隻蝦乾  好好味  呢個MOMENT諗返起我都吞左啖口水鮑魚穌炸鮑魚

平日外出食飯較少食中菜, 較早前便去了美孚的京都薈食飯. 先點一個小食, 日式胡麻鮮淮山. 鮮淮山帶爽脆, 加上胡麻的香味, 兩者好夾, 適合作為前菜. 食中菜當然要點燒味, 點了脆皮燒鵝皇. 燒鵝皮色澤夠光澤, 入口帶微脆. 而且肉質幾嫩滑, 完全不覺得乾和硬, 味道不錯. 白灼海生蝦. 新鮮的蝦, 最適合用來白灼. 蝦肉夠鮮甜和彈牙, 只需要簡單點豉油便可以, 更能帶出鮮味. 海參北菇鵝掌. 這是我最愛的中菜菜式之一. 冬菇夠大隻厚身, 食的時候夠口感. 海參較硬適中, 與冬菇鵝掌配搭最夾, 芡汁調教不錯. 鵝掌整得幾稔身, 唔會太爽身, 啱我口味. 鮑魚野箘滑溝雞煲. 上枱時香味撲鼻. 這個煲最惹味. 雞肉尚能保持嫩滑, 鮑魚吸收晒雞的精華, 特別好味.

放工同同事係美孚呢邊做完野，大家都餓得不得了，見到呢間酒樓，裝修闊落，就決定入去喇！我地太肚餓了，一口氣叫了好多野食！日式胡麻鮮准山-麻醬撈准山，出奇地夾，份量好多，准山新鮮，凍凍地做前菜一流呀陳醋雲耳-好有營養，陳醋令人開胃，雲耳有益，食多都唔怕鮑魚野菌滑雞煲-賣相討好，係鐵窩咁上，侍應撈一撈香氣四溢，鮑魚有四五隻，滑雞超過十件。滑雞果然好滑好淋，配上鮑魚汁飯都可以食幾碗。鮑魚同樣忟得好淋非常好食，口感新鮮嫩滑，好好味！鹽燒鮑魚-第一次食炸鮑魚 好特別 估唔到又幾好食wor炸得好香口！唔洗任何醬料已經好美味。京都薈小炒皇-海鮮份量好多 配上九菜真係絕配 炒得好香好有獲氣。蒜片安格斯牛柳粒-高度推介！牛粒大大粒而且夠淋夠juicy! 送飯一流呢間真是高度讚揚！咁食法連汽水都係800多元，抵到爛丫！

黎酒樓食晚餐其實會比起去食西餐平得多, 因為每碟餸既份量都幾大份, 而且好岩同屋企人一家大細出去食 日式胡麻鮮淮山呢次係我第一次食淮山, 比我想像中好味好多, 淮山配上胡麻醬既組合真係幾惹味, 作為開胃菜口感同味道都係一流的選擇, 淮山爽口, 一食就一聲「沙」, 正!! 上湯焗波士頓龍蝦伊麵理所當然的要配上龍蝦架啦, 估唔到今次係呢度食既呢個龍蝦伊麵, 上面有一大盤龍蝦, 而芝士既份量都係好多, 分黎食每人都分到1-2碗!! 龍蝦既汁再加上芝士, 同伊麵簡直係PREFECT MATCH!!! 伊麵爽口彈牙, 而龍蝦不但數量多, 而且入面既肉都好鮮甜!! 海參北菇鵝掌超大條既海參同埋鵝掌, 估唔到可以咁大, 份量同料理都好足下, 味道有D似過年會食既盆菜 你地睇下個鵝掌係幾大條, 約有我手掌咁長!!

其實酒樓除左飲茶之外中式既晚餐都幾好食, 一大班FD一齊叫餸食飯都唔太貴 陳醋雲耳作為前菜, 呢個味道帶點酸酸味味的, 而且味道和雲耳好夾, 邊傾住計邊食住雲耳飲啖茶超梳乎 鮑魚野菌滑雞煲可能你會話食雞煲有咩咁出奇, 但最出奇既就係佢寫鮑魚雞煲, 估唔到入面真係有鮑魚的!!! 仲要係好大隻, 我地4個人每人都食到一隻, 而雞煲既精髓就係雞丫嘛, 有埋鮑汁既加持, 肉質嫩滑之餘味道一流!! 潮蓮脆皮燒鵝皇脆皮燒鵝皇真係當之無愧, 係燒鵝脾黎, 仲要係個皮好脆又好香既燒鵝味道, 肉質會比雞肉實, 但係味道同口感真係兩回事!! 超正

最近天氣涼了很多，跟朋友一起去了京都薈食蛇 暖暖身體之餘又進進補 酒樓環境乾淨利落，其實晚市時間都滿座，要不早點到，否則一定要訂位，當然我們食蛇也是要預早2天訂位。 今次的蛇宴有9道菜 第一道菊花五蛇羹 非常鮮味 當中滿滿的蛇肉，也有爽口的木耳，喝光之後即時身體暖暖 第2道七彩炒蛇絲 有粗粗的蛇絲，很有咬勁 有紅椒青椒，清新又甜甜地 有9菜花，很爽口 再來一道荷葉蒸龍躉件 充滿荷葉香氣 龍躉件很大塊很鮮味 黃金五蛇丸 蛇味很重，丸丸比較結實 古法羊腩煲 羊腩沒有很酥，很腍 當中的枝竹，筍都很入味 很滋味 芥蘭炒臘味 我最喜歡吃粗粗的蘭，夠爽口 臘味肥瘦得宜，沒有很油但又不乾 越吃越香口 當紅炸乳鴿 香脆肉嫩，很惹味 最後還有糯米飯 糯米的香，不是一般白飯可以抵擋 非常滿足 蛇宴除了吃不同菜式的蛇之外，還有我最喜歡的羊、乳鴿跟糯米飯，很不錯。 而且跟朋友家人一起來吃，可以好好享受一下聚餐樂。

星期日同家人食飯，一家大小都係食中菜比較方便。商場好難泊車，反而來都住宅區泊車冇咁難，食物仲有好多選擇！呢間中菜原來係新開嘅，我哋就入去試吓 。見到有啲特價菜十分之相宜！我哋選擇咗香芒明蝦球，只係＄68，蝦球十分之大又彈牙，炸得外脆，但又不會太過油膩，上面嘅芒果汁酸酸甜甜，更加開胃。錢財另外仲要長一份海蜇頭拍青瓜，海蜇頭又大又彈，同青瓜一樣好爽脆！要左一份例牌燒鵝，燒鵝燒得好像有一份炭香，皮脆，完全冇羶味，連骨都有香濃醬油味，真係好入味！燒鵝不會太肥。鮑魚雞煲亦都好惹味，上枱嘅時候仍然發出"渣渣"聲，火候十足！最後要左一份海參鴨掌，真材實料，只有少量嘅生菜墊底，不過已經太飽，冇好好試吓，但家人說不錯。呢度仲有其他特價菜，下次再嚟試吓！

點了套餐 $228，有上湯焗波士頓龍蝦，賣相色澤相當不錯。龍蝦不少得有伊麵喇，啖啖肉爽口彈牙龍蝦配香滑伊麵，好味道。套餐另一個菜，蜜汁叉燒王，份量多夠大件，肉質鬆化，如果蜜汁多點就更好。二百多元有龍蝦及叉燒好經濟。麻辣脆藕片 $48雖然好大碟，但好似未解凍，一塊塊冰塊般。香芒汁大蝦球 $128用上新鮮大蝦拆殻，再用薄薄的粉醬包著去炸，仍保持蝦肉爽口，啖啖肉好正，不過芒果汁調得一般，不太酸，未能帶到清新感。鮑魚野菌滑雞煲 $168有4隻鮑魚，而且質素一點也不錯，煙韌有嚼勁，又入味，有多款雜菌，雞肉也算滑。