住家飯

營業中

休息中

宜家出面任食邊爐愈來愈貴，平都二百幾三百蚊，所以都唔捨得成日去，今次誤打誤撞去左間小店，試下個平價任食邊爐。佢除左打邊爐仲有小菜叫，主打係健康冇味精，都見到幾多人食小菜或者碟頭飯。坐卡位，任食邊爐可以食兩個鐘，仲免收加一。今次揀左沙嗲湯底，都幾香濃。仲有另一個選擇就係雞煲底，不過今次得2個人食，驚食唔晒會浪費，就冇揀到。豬牛雞可以任叫，野飲除左支裝酒都係任飲。配料款式選擇都算okayyyy，我就最推薦水魷！任食真係好飽，要行返轉消化返先得！🤣

相信唔少搬咗出嚟住嘅年青人，都想尋找家的味道。但放工又趕唔切買餸煮飯，又驚茶餐廳或外賣唔太健康，所以屯門街坊就推薦呢間住家飯！放工就有老火湯、各式各樣小菜，真係好滿足呀！節瓜章魚花生眉豆雞湯對於我哋嚟講，一餐飯最重要就係湯！今晚嘅老火湯選擇係節瓜章魚花生眉豆雞湯，明顯落足料，所以味道非常香濃，仲可以食埋湯渣呢！沙嗲金菇肥牛粉絲煲沙嗲味非常香濃，仲帶有花生香味，非常有層次，絕對係送飯必叫！金菇同肥牛嘅份量十足，但最惹味嘅當然係粉絲啦！酸菜魚片家庭式製作嘅酸菜魚片，味道有別於湘川風味，酸辣味都唔會太濃，但重點係少油，感覺相對健康。至於魚肉嫩滑，兼且無骨，啖啖肉真係夠晒滿足。椒絲腐乳炒通菜有魚有肉，又點可以無菜呢！呢個椒絲腐乳炒通菜夠鑊氣，通菜新鮮爽口，索晒椒絲腐乳香味，確實唔錯。

我覺得以後想食小菜，都會揀佢，非佢莫屬‼️亦係難得聽到老爸口中講出一句「好好」🍍菠蘿咕嚕肉好常見既一道菜，個咕嚕肉真係做得好好，個皮好脆、肉質好嫩好滑，平凡的菜做得咁出色，仲只係💲78 ！！！🐟酸菜魚片💲108估唔到咁大一碗，而且係食極都有既魚！！份量超足！鯇魚片勁新鮮，好滑好香，連酸菜都好正！好想買一樽🤣（如果有得買）🐂沙嗲金菇肥牛粉絲煲💲88大煲到食唔晒🤣超多肥牛，好好咬口，唔「鞋」唔「老」，係正既！每個餸都會配例湯 - 🥜木瓜花生眉豆蜜棗雞湯好夠火喉！好足料😋😋😋叫左杯熱咖啡同奶茶紅豆冰特別讚杯奶茶紅豆冰呀！猶豫緊叫凍奶茶定叫紅豆冰既時候，竟然發現有呢個選擇😂一次過滿足兩個願望，係超夾既！😍😍整體來講，真係俾滿分既一餐！好出色既「住家飯」，價錢好抵，成檯咁樣二百幾蚊，係一餐夠食3-4人既份量！係值得一去再去既餐廳。下次仲想食佢既任食火鍋🤣

對打邊爐既喜愛 可以話係無分季節🍲 尤其係最地道既港式邊爐😎 咁岩經過見到無味精湯底就忍唔住試 仲要最平$168 免醬油費免加一 可以食到飽😍住家飯有8款自家製特色湯底 我地就揀左蕃茄薯仔湯 同 日式壽喜燒～ 蕃茄薯仔湯好足料 越煲越濃 真係飲緊湯咁🫡 野食都好掛湯 食完都唔會口渴🤤 壽喜燒湯底好香 超香甜 冬菇令到湯底更濃厚任食安格斯肩胛肥牛 $228作為牛肉lover 就梗係食安格斯🥩 肉類可以用QR code 落單 其他食材可以去自助區拎 😎 肉類比得一啲都唔吝嗇 一碟份量都好多～ 塊塊夠哂厚身 口感都比其他任食餐廳好 肉味都好夠😋 安格斯肩胛肥牛脂肪分布平均 色澤鮮紅 入口即融 絕對唔係普通野～ 豬肉片爽口彈牙 嫩滑好食🐷 雞件大件滑嫩🐔自助區應有盡有 菜類肉類響鈴就唔少得啦🥬 最特別就係紫菜豆卷 出面未見過🫡 中意食響鈴同紫菜就一直唔可以放過 外皮鬆脆帶豆香 又有陣陣紫菜味😆 餐廳叫住家飯 真係有種住家既感覺🏠 性價比超高 中意港式邊爐就唔好錯過🫡住家飯📍屯門青海圍8號屯景大廈地下C號舖

週末入屯門同朋友聚會😊 晚餐想食得健康啲置樂花園有間叫住家飯 好似ok咁就試試🤨本身係茶記咁好多飯餐 都係家常小菜又神奇有提供打邊爐 都有一半人食緊😂又忍唔住試吓湯底一上 好大煲呀 蕃茄薯仔好多料 👏🏻多人一齊打邊爐都無問題此口味有少許偏甜但無味精 睇你個人喜好😙始終是小店, 食物款式唔太多 但種類尚算足夠👍🏻有菜 丸 腸仔 餃子類 麵食等等自助選擇今次$148的任食套餐 仲另外包肥牛 豚肉 滑雞😎唔好睇到小小一碟 份量非常厚道😌食一轉已經足夠 個人覺得豚肉較好食👍🏻飲品都係任飲的 選擇還是不錯的都係做街坊生意 係比較平價😉住起附近又食過未呢？

👨‍👩‍👧‍👦香港人的味道🥰無味精火鍋🍲超濃蕃茄🍅薯仔湯底🏠住家飯（屯門）今次同爸爸一齊嚟到屯門火鍋店，哩度有間標榜無味精既住家飯飯店，佢地做緊晚市120分鐘火鍋放題，任食豬牛雞，無味精湯底$148/1位，價錢好抵，爸爸近年都比較注重健康，又鍾意打邊爐，一於帶佢嚟哩度食就啱曬🤭佢哩度既任食火鍋套餐，得豬、牛、雞三款，透過手機程式落單，而其它火鍋配料，菜、麵、蛋、丸等等，都可以係出面自己拿，飲品都係係雪櫃度住任飲🤣牛肉同豬肉非常厚身，相比起出邊嘅火鍋店份量非常大，一盤嘅份量已經等如出邊嘅六盤左右😌普遍叫一次就已經夠晒食～肉類完全沒有醃製，原汁原味，而且肉類厚切，口感比起平時嘅更加好，值得一試👍🏻值得一讚嗰啲雞肉好滑，而且唔會好肥，雞肉味好香，原汁原味好鮮甜，雞件份量都好多，大家記得要試吓～出邊啲配料，唔算話太多，但係都有幾款唔同嘅蔬菜，蔬菜好新鮮，出邊仲有魷魚、牛柏葉、各類嘅肉丸，佢仲有魚皮餃等等🤗湯底佢有幾種，今次選擇咗蕃茄薯仔湯，蕃茄味超級香濃，而且有好多鮮蕃茄同埋真係有好多薯仔，可以當飯食🤭爹哋同我都好鍾意個湯底😆出邊都好少見到，好建議大家試吓👍🏻飲品方面，雪櫃竟然有椰奶🤣係童年時

間唔中都會嚟置樂呢邊食飯，今晚去咗住家飯打邊爐，食到超級飽呀!!!🙈🙈120分鐘打邊爐放題成人$148好抵食無味精湯底～有幾款湯底揀，包括日式壽喜燒、芫茜皮蛋豆腐湯、椰子雞湯、香濃沙爹湯、蕃茄薯仔湯、韓式芝士泡菜湯同地獄麻辣湯。全部都係無味精，我揀咗椰子雞湯，真係完全冇味精，湯底好清甜👍🏽QR CODE落單任叫特級肥牛、豚肉片、滑雞件一碟嘅份量都幾多㗎，所以一次唔好叫太多🙈外面仲有其他食物自取出面有唔同丸、餐肉、腸仔、蟹柳、牛柏葉魷魚、豆腐、菜、菇等等，調味料都係出面拎。調味料包括有蒜、辣椒粒、炸蒜、蔥粒、辣豆瓣醬同沙嗲醬。飲品都係任飲嘅，包括有包裝無糖烏龍茶、樽裝五花茶、夏枯草、汽水等等。總括來講，呢間餐廳真係好抵食，除咗打邊爐之外都有啲家常菜可以點，亦有其他特飲可以叫。坐得都好舒服，4人內可以坐卡位，多人都有長枱可以坐，最好book定枱。7點鬆啲已經坐滿晒人喇，大家想去食嘅話就早啲到喇☺️

晚市$148任飲任食120分鐘火鍋，湯底選擇多，包括蕃茄薯仔湯，日式壽喜燒，椰子雞湯等等.....仲免醬油費免加一，非常經濟抵食飲品種類多，絕不馬夫今次選了蕃茄薯仔湯，蕃茄湯好濃稠，唔會得幾粒蕃茄而且真係無味精，食完都唔會好口喝蔬菜選擇富豐，而且都十分新鮮任點肥牛，豚肉片，雞件，最驚喜係雞件，食得出係新鮮雞，十分嫩滑有鮮雞味滾耐咗都唔會鞋全間店舖主打無味精，老火湯都係無味精，唔掛得咁多人食，客量源源不絕

呢排多咗入屯門食嘢，屯門有好多好食嘅地方，任食火鍋店就係其中一個🤣🤣🤣🤣我試過佢哋嘅麻辣雞煲，真係好好味！首先，佢哋嘅湯底好正，麻辣味道十分突出，而且有啲微微甜，令人回味無窮🤤雞肉都好嫩滑，食到啲雞件本身有輕輕炸過先炒落湯，吸收咗湯底嘅味道😋配合埋啲新鮮嘅蔬菜同豆腐，真係一流🙈😍另外，佢哋嘅服務都好好，服務員好友善，熱情有禮，令人感覺好舒服。飲品方面，竟然有椰汁！解辣一流，仲有各式各樣嘅樽裝涼茶👍🏻👍🏻👍🏻打邊爐啱晒呢道嘅麻辣雞煲係一道非常出色嘅菜式，湯底香辣可口，食材新鮮，服務一流。如果你係麻辣控或者喜歡火鍋，我一定會推薦呢間火鍋店🤣不過，如果你唔太能夠承受辣味，就要小心啦，因為佢有分辣到，食唔到就叫小辣🤣

環境幾舒服…服務好體貼…HKD158.00一個…食120分鐘…仲要免加一…真係幾抵食…呢個價錢…食到咁既水準…真心可以再去…飲品好多款…食物種類可以接受…d野都幾新鮮…湯底都幾好

住家飯啱啱去咗屯門嘅住家飯食咗個健康火鍋，真係好滿足啊！佢地主打健康冇味精，所以火鍋湯底用咗沙嗲，味道濃郁得來又唔會太刺激，真係好正！同埋佢地嘅食材真係唔錯啊！嚟咗個美國肥牛好鮮嫩，配埋啲豚肉、雞肉、丸類，同埋新鮮嘅蔬菜，真係叫人吃得好過癮啊！佢地嘅甜品啦亦都非常出色，佢地嘅小蛋糕外脆內軟，配埋啲朱古力同埋芒果忌廉，真係一試難忘！木糠布甸亦都好滑身，唔會太甜，味道好自然，真係好食！而且，住家飯嘅位置好方便，就係屯門嘅屯景大廈，交通便利，好易搵到。而且佢地嘅服務亦都唔錯，好細心，餐廳整潔，環境清幽，真係一個好啱約埋三五知己一齊食火鍋嘅地方。呢個價錢食到愛心無味精湯底真係唔錯而且服務好細心。真係值得一試！

聽谷友講置樂開左間新餐廳，做緊打邊爐放題$148/位，仲要免加一免醬料費，真係好平喎，是晚就同朋友黎試下佢。地點唔難搵，喺好出名嘅雞煲店隔離，晚市除左火鍋任食，仲有小菜、碟頭飯等，全部價錢都好親民。晚市放題由五點開始，怕人多一夠鐘即刻黎到餐廳，呵呵，店內暫時只有兩枱客未使等位。湯底有八款選擇，我地揀左蕃茄薯仔鍋，原來個鍋已設定為鴛鴦鍋，早知揀多款湯底啦😌肉類用qr code落單，其他火鍋料就自助區度拎，雖然賣相平平，但牛肉同豬肉片都唔錯，牛肉片不算太肥，豬肉片嫩滑好食，雞件其實都幾滑無雪味，但就切得大件左少少。自助區嘅火鍋料有丸、腸仔、午餐肉、各樣蔬菜、餃子等，另一區有炸魚皮、響鈴、生根等，refill得快不用搶。飲品同樣自助，有一般罐裝汽水、支裝涼茶、紙包飲品等，仲有罐裝啤酒，但支裝啤酒就要額外付費了。最後就食埋甜品先，有蛋糕仔、杯仔等，都幾多款口味㗎😋$148全包價食兩個鐘，真係抵到無朋友，唔怪得一陣就全店滿座啦。

喺屯門長大嘅 90後都應該去過「台竹」打邊爐， $40幾蚊就有得任食肥牛，絕對係窮L恩物！雖然人大咗，又多咗好多日式涮涮鍋、台式臭臭鍋同中式藥膳鍋，但依然會不時懷念嗰陣一班人圍埋喺勁細嘅地方，打港式邊爐嘅日子！經過發現，原來「台竹」舊址附近，有間叫「住家飯」嘅茶餐廳，竟然有打邊爐任食，食嘅一樣都係港式邊爐。當然～十幾年啦！通脹就一定㗎啦～不過晚市都係 $168 就有得任食肥牛、豚肉同滑雞。午市最平 $88 一位𠻹，呢個價今時今日邊到搵吖！先講湯底，呢度聲稱所有湯底都係無味精，有港式嘅芫茜皮蛋豆腐湯、蕃茄薯仔湯、香濃沙叻湯，仲有日式壽喜燒同韓式芝士泡菜湯等，都幾多選擇。既然食港式邊爐，今次就揀咗芫茜皮蛋豆腐湯，佢啲料真係勁多，估計有幾隻皮蛋，唔止一磚豆腐，啲湯愈煲愈濃，真係好似飲緊湯咁！食物方面，肉類用 QR code 點餐，都幾方便。呢個價自然唔會太高期待，基本上有肥牛已經好夠！肥牛都幾厚切，夠牛味 肉質唔差，而豚肉同滑雞就係豚肉同滑雞咁啦！Haha～配料、甜品同飲品都係自己出去拎，地方唔大，連雪櫃都係迷你版，每樣數目唔多，但都幾多選擇，有菜，有丸，有魷魚，響聆、生根，甜品都有5款咁多

放工要去咗置樂買嘢，之前經過住家飯好幾次都見好多人打邊爐，今日見到都係心思思入去試下，見佢主打無味精火鍋🍲，住家飯嘅感覺👏🏼叫左個$168晚市放題，湯底揀咗少見嘅 🥬芝士泡菜湯，味道唔錯，好似平時食泡菜湯飯隻味，有豆腐同泡菜係入面🥰好夠味又唔會太重口味！💯想食辣又唔想太重口味推薦👍🏼 泡菜湯底好惹味！叫左套餐基本有嘅雞肉、豚肉、牛肉同埋啲菜，肉類都幾新鮮，雞肉夠滑，豚肉片好厚🤏🏼 正！飲品雪櫃任拎，有無糖支裝茶及豆漿，汽水，檸檬茶...仲有🍻啤酒任飲，另外仲可以叫碗無味精湯飲🥣下次可以試下佢啲飯餸，見keep住都有人入黎食飯，應該唔錯😋

屯門無味精火鍋呢間茶餐廳除咗普通晚市，仲有任食火鍋，用QR code落單夠晒方便120分鐘放題無味精任食任飲火鍋牛肉/豚肉/雞肉 $168位日式壽喜燒湯底（鴛鴦湯底每位加$10）好香嘅壽喜燒湯底夠晒濃郁入味，超甜香仲要加咗好多冬菇令到湯更香更濃厚！特級肥牛大大碟肥牛二人份量都好足夠，肥牛肉質夠鮮嫩好有口感，唔會切到勁薄，肉味都好夠，加上壽喜燒令你食落更嫩口更香！芝士腸｜墨魚丸｜金菇|娃娃菜 | 粟米 | 白蘿蔔 烏冬｜芋絲丨響鈴其餘仲有好多種類繁多嘅嘢食配料俾你選擇，無論蔬菜定肉類都有，每一樣都好新鮮上碟，可以俾你慢慢食享受打邊爐嘅樂趣！嘢飲種類都好多，由汽水到茶加埋啤酒都係任飲，我自己就係咁飲檸檬茶！住家飯 (屯門)屯門青海圍8號屯景大廈地下C號舖