余曉記上海包

營業中

休息中

聞大埔清湯腩名店結業在即，打算中午專程一嚐最後的手藝，可是長長人龍卻令我打退堂鼓。在苦惱午餐吃什麼時，腦袋霎時想到附近轉彎處有家幾年前吃過，質素不俗的包餃店，好吧，就試試它解解饞。已上年紀的老闆仍舊站在那狹小且充滿麵粉的房裏，起勁地幹著一個個麵團，老闆娘在身旁熟練地把餡料包進一個個麵團內，兩人間的默契不言而喻。喜歡這種小店獨有的氛圍，彷彿歲月靜好，將時光定格。買了一些鍋貼，接過手，溫度是偏熱的，一咬，咔吱，金黃色的底部全靠那平底大鐵鍋，煎出香脆的口感。餡料是豬肉、蔥，喜歡這樣直接而簡單的成份，調味也是剛剛好。而外皮是偏北方的厚實風格，很有咬勁，正是我杯茶，這樣才嚐到其濃厚的麵粉香呢！五元一個，還可有什麼要求。在愈來愈多連鎖中式包點店的出現下，這種即時製作、全手工、限量製造的小店愈是顯得珍貴，沒有工廠大型機器，卻有靈活溫柔的雙手。沒有食物添加劑，卻有紮實不變的原始味道。

大埔本身唔多呢d食上海鍋貼的小食檔，去買開海南雞行開見到呢間野就想幫襯，今朝買完餸終於可以試下。但買完真係極後悔同失望，首先佢係煎定一段時間，唔係即煎的。另外佢個皮比起出面d鍋貼，真係極級厚，我覺得似食咁咸水角多過鍋貼，同出面d連鎖店真係好大分別，可能各人有各人喜好，但唔鐘意食厚皮真係要諗清楚，同佢個餡真係唔特別又無汁，唔會再有下次！另外個老闆娘都寸寸地，買時見佢閘都未開哂，又無煎咁包or 鍋貼，就問下開門未，佢答返咁都未開門呀，咁點先算開門呀。。。

還在戒牛肉，因此沒有吃友人說最好吃的生煎牛肉包。點了一個蓮蓉包，發現外皮極之厚，好像還帶點酸，即使吃到中間蓮蓉帶點微甜味，但亦都因為外皮過厚，吃得相當不過癮。另外的菜肉包，亦都是極厚的外皮，中間的菜肉極少，餡料可以說是非常慘淡的。鍋貼算係比較好，兩隻鍋貼，煎得外皮夠脆，即使翻熱了也感覺到它本身煎得夠香夠脆；餡料有肉，應該都有點韭菜、荵之類，味道夠香，味道算是勉強充斥了整隻鍋貼，應該算是這三個東西之中最為好吃的。

經過大埔想買啲上海野，見間鋪好多人排隊，以為好出名，所以買了生煎牛肉包、鍋貼、蔥油餅，一食發覺全部唔得，啲包又硬又乾！餡料又少，鍋貼啲皮厚過面皮，老細無禮貌，買完好受氣，街坊唔好受騙！

每一次回到我渡過童年的大埔墟，總有一些食店會給予我無限回憶的。是次回到大埔，坐低食的地方雖然都是街市的熟食中心，但臨走去停車場取車時，我經過《余曉記上海包》啊! 多年來，小店散發出的上海包味，總是吸引的。而是日，眼見肥仔店員滿身大汗地為大家煎包、煎餅、煎鍋貼，我終於忍不住了，我要來......買生煎包、蔥油餅同鍋貼，回家吃。《余曉記上海包》，多年來，都是一間面對馬路的小店。中學時，放學經過而身上有剩錢的話，總會有蔥油餅或鍋貼帶回家。如今，當年賣小點的叔叔已經是伯伯了，半退居店內，而煎炸的功夫，就由一名年輕的肥小子操作。蔥油餅，是的小時候時常食的東西。很香蔥味，亦有很香的芝麻味。蔥油餅，店方大量製作的，雖是這樣，但每一片都吃得出是出爐不久，仍有熱力。油味，蔥味，芝麻味都十分之香。鍋貼，是很完美的單面煎。底的一層少少燶，所以十分之脆，另肉汁早已經完美地滲入鍋貼外層的餃皮內，令到整件鍋貼的內外都充滿豬肉同肉汁的香味。再者，鍋貼燶燶地，麵粉皮的味道更香口。生煎牛肉包可以說是《余曉記》的主打。單面煎的包，是最傳統的做法。這一個包，外皮是帶甜味的。咬入包子的內部，盲是非常香的牛肉同肉汁，當然，生煎

外面總是生煎豬肉包，第一次見牛肉做的。就在有名的陳漢記旁，網上顯示開下午三點，但明明一早就營業了，當天到達時間是中午十二點左右。生煎牛肉包到手熱辣辣，與平常一樣油油的。包的兩面煎得硬脆，內面鬆軟，不錯。肉餡沒分得出牛豬分別，反正調味都差不多。肉跟包比例剛好，不會包厚餡少，整體而言，不錯。蔥油餅一樣熱到手，很大一塊，油多，紙袋都變透明了。味道一般，有芝麻香，然後就是麵粉了，蔥不夠，整體味道都淡。包點 個人最重視熱，余曉記都做到，下次還是會買牛肉包。

本來對而到既生煎包好有期望，因為朋友極力推介加上網上好味食評讚不絕口，點知......當日冇乜人排隊，要乜有乜🤣心諗咁好食就買左餃子、牛肉生煎包同埋蔥油餅。我仲要孖住個嘴饞既同事去，買完放落口，un 到不得了，我夠竟食緊咩🤔生煎包牛肉味係唔差既，但個皮真係唔得羅...餃子都一樣，最正常係蔥油餅羅。最後仲要比個同事話以後唔好帶佢去試新野喎🤦🏻‍♀️經過一試之後我返去問個fd，點解覺得好食呢？佢就話佢買果時係新鮮出爐喎，咁我只可以講唔係人人都咁好彩食到新鮮出爐羅😑激氣🙄🙄

品嚐完大埔最吸引我既爽腩麵後，係離開既時間竟見有生煎牛肉包。依間小店係我每次離開既時候都會經過，只知係買上海生煎包，由於戒豬既關係已經忽略買生煎包嘅食店(普遍生煎包都係豬肉餡料)就係今日見到佢貼係牆身上既字牛肉包香港大部分上海餐館都係生煎豬肉包，一見到就停低腳步，要一個生煎牛肉包。本身期望唔高，見唔係喺個籠拎出黍，怕唔熱，又唔怕餡料會有好多蔥。第一啖已經要比個讚啦。由於我唔係即時食嘅關係已經預期包會變硬，但係一咬落去，好有口感仲係好軟綿綿 冇乾身。牛肉餡入邊係冇蔥㗎絕對係啱我個人既口味，又無奇奇怪怪既調味。唔會好乾但又唔係超級juicy 本身無期望過係一個岩我口味既牛肉包所以連相都無影一張，但係太開心可以搵到又食到一個符合我口味嘅生煎牛肉包啦，所以食評點都要寫一個好簡單既牛肉包，未必符合大眾口味，但足以令我寫一篇食評價錢:$9@1

接阿仔放學之前 ，嚟呢度買啲嘢畀佢做下午茶。 其實我一向以為呢間鋪頭叫做"上海包"， 因為佢招牌真係大大隻字寫住上海包，" 余曉記" 三個字係細細個打直寫落去。 我哋最鍾意食呢度嘅生煎牛肉包，今日個皮煎得微燶， 一啖咬落去， 好多牛肉， 好滑又juicy 。仲有煎鍋貼 ，煎得金黃 ， 裏面有豬肉同菜， 足料，美味。 接完阿仔 ，佢急不及待已經喺街一路行一路食啦

我在沙田新城市廣場，經歷過先苦後甜的體驗。先喝過一杯又苦又濃的「齋啡」，再吃過一碟很甜的「蜂蜜奶油吐司」之後，就立刻離開沙田，坐上港鐵前往大埔，目的地是大埔的「一鳴拉麵」。不過去到大埔墟的「一鳴拉麵」，遇上「一鳴拉麵」中場休息，要等到下午六點正才會重開營業，我逼於無奈之下唯有在店外苦等，直至「一鳴」重開為止。我在「一鳴」附近地方苦等的同時，發現有一間賣上海菜肉包、煎鍋貼和牛肉包的中式小食店，它的名字就叫做「余曉記上海包」。顧名思義，「余曉記上海包」標榜賣的都是上海菜系的包點，不單止有上海菜肉包，就連上海街頭常見的煎鍋貼、煎蔥餅、饅頭都有，當然不少得最出名的生煎牛肉包。「余曉記上海包」的食品飲品定價，主要是四元、五元和八元三種，十分易記認。包括招牌「生煎牛肉包」在內的上海包，則大多賣八元一個。「余曉記上海包」的包類，肉眼所見的都是預先整好的方式出售，付款後不用等候，立即取得有煮熟的生煎牛肉包。上海生煎牛肉包，給了錢不用等候就可以吃到，生煎牛肉包用雞皮紙袋裝載着。由於煎牛肉包或多或少都需要加上油，所以拿着生煎牛肉包的製成品，除了感受到暖之外，就是感受到一手都是油。咬了第一口的生煎牛肉包，包

門面非常懷舊，做外賣，有返咁上下年紀的阿姐同老師傅今次叫了呢類包舖必食的葱油餅同生煎牛肉包，葱油餅製作簡單，真係無乜特別，但一定唔會難食，生煎包就做到好似餐包咁鬆軟，中間又好多肉汁，而個包底就煎到好脆，呢個係本人推介要試試，價錢又平，good!

Baby Q 院友聚餐活動，我負責買包，朋友仔去買雞！蔥油餅，一扯成手油，蔥油強勁香噴噴，咸香誘人，嚥韌有咬口，好味。如果配咖哩、配口水雞一定勁好味。窩貼，韮菜豬肉餡洗咩驚呀！唔已經唔係四年前既我，已經戰勝西芹、青蔥、芽菜、苦瓜、馬蹄、韮菜花，依家連韮菜都奈我如何，仲食得津津有味！黏黏濕潤的餃皮夾著微脆餃底，韮菜爽嫩多汁沒半點渣，香甜無窮！撈上豬肉香，一舊兩舊三舊停唔到口！我想撈豆瓣醬，但嬸嬸話無供應，仲話原味已經非常好味。原汁原味又真係正噃，推介。菜肉包，依個真係有點削呢，餡太少，肉跟包比例接近 1 比 3，幸好味道還算不錯，肉香菜甜。牛肉包，雖然都煎好左一段時間，依然微暖，其實我唔喜歡食太燶架，但隻隻一樣就是但啦。狠狠地一咬一扯，好采咬得夠深，包皮厚了點、牛肉少了點。細味一下，無左幾年前濃厚八角味，非常好！牛肉味芳香濃郁，質地鬆軟棉棉，纖維細緻優雅富彈性，混上熟透甜美洋蔥滋味無窮，泛著微微肉汁潤澤味蕾，食得過，可以添食。包皮微濃香口，令我好有衝動想消滅多一個呢！

You know those days you are walking in a strange neighbourhood and you see this line of people at a small little mom and pop shop where everything is written in Chinese and you have no idea what they are selling. So, what do you do? Glance curiously and walk on buy or take a chance and buy something?This is one of those moments where I took a chance and bought something. And woah...I still dream of this place.Boyfriend and I were in Tai Po, heading to a friend's place for a BBQ. We were waiting

幾次經過也見長龍，這天想不到吃什麼，突然想吃香脆的煎包，走去剛巧無人，買了一個牛肉包，承惠8元。原以為是即煎，結果只是在裡面拿了一個放入紙袋，有點失望，不過上手也中温熱的，還好。紙袋都是油，建議紙巾包着吃。餡料不多，一面的包煎得香脆不焦，牛肉也算多汁，就是8元有點貴。

煎鍋貼，嘩 ﹗點解會係韮菜餡架？嗅到死，我彈開九丈遠呀！咬左啖放棄。煎牛肉包，碎牛都有少許肉汁，但八角味濃厚，味道還可以，餡少包皮厚，而且乾硬。我都明白生意難做，舖租又貴。同女友食完平記碗麵好似無食過野咁，啲麵得兩啖仔，唯有走黎買個包補補倉啦。