來來重慶雞煲 (已結業)

之前好幾次來到這裡吃雞煲都會是一大伙朋友, 因為打邊爐人多可以吃更多款式的食物, 雞煲的雞 (和價錢) 也可以分輕一點。不過今日沒有約到一大伙人, 我和飯伴又心思思想吃一下雞煲...所以就兩個人都來吃了!雞煲叫了半隻, 辣的程度我們點了"微辣" (比小辣更輕一點), 2個人吃的確有點吃力, 但同時也証明份量很多呢! 只是吃雞也吃了一段時間...哈哈!雞都是很嫩滑和很有雞味, 雖然骨多了一點，不過那個醬汁非常入味呢！由於兩個人不能點太多食物，我們㨂了我們最喜愛的那些，包括了炸魚皮丶韮菜餃丶墨魚滑；至於菜類我們試了新的荳苗。炸魚皮長期保持很高的水準：夠熱夠香脆夠炸，而且是很新鮮的炸成，一點油溢味都沒有，建議在未加火鍋水之前已經要先吃，因為利用那非常濃郁的醬汁去沾上那個炸魚皮是超級好吃的！韮菜餃中的餡料很入味，韮菜味道很濃郁，份量很多很新鮮；墨魚滑的味道普通；豆苖都是一般，可能跟雞煲的醬汁不太配合。整體來說都在水準之上，不過兩人的確難試多種食物種類，期待下次一大伙人一起再來試更多的食物！

雖然標題寫到吃了十次, 但係今次先係第一次幫佢寫食評...~!!!事關次次黎呢度食都係同飯伴既一大班朋友一齊食, 為了唔阻住大家食野, 我都冇特別每黎一樣食物就影相...又但係冇相既食評又唔係我既作風喎....! 所以食左咁多次...今次先正正式式寫食評喇! (其實都只係得一張相咁大把...=_=)先講下呢度既環境, 佢都有唔少係沙發的位置, 如果4-5人去食應該會坐得幾舒服, 但係如果人再多D就會有D迫...入正題! 先講雞煲, 我地6-7人去食叫一隻雞, 每人都可以食到4-5件雞, 所以雞既份量都唔少; 至於辣度方面, 我地每次都會叫"微辣", 會比小辣更少辣, 雞件都幾滑, 同埋佢個醬汁非常好食! 超濃郁! 我地會叫多個炸魚皮沾呢隻未加湯的醬汁去食, 又係勁好食!講多少少個炸魚皮, 佢地係即炸熱辣辣咁上檯的, 而且加入湯既時候你會聽到"沙沙聲", 即係好似食蝦片果陣吸水既聲音, 非常推介的食物!食完雞之後就加湯打邊爐; 因為食左咁多次其實佢既水準都Keep得好好, 等我綜合一下去介紹一D特別既食物喇!1. 豬皮 - 只要你夠耐性一早放佢入去滾但係最後先食佢, 佢就會吸哂D超邪惡既

我曾經同我身邊的朋友講過我以後唔会再光顧來來重慶雞煲( 太子分店) 服務態度差，等候時間長，食物一般，仲要坐得唔舒服.勁差！点知我个FD 偏偏熱愛雞煲，係都要食！！生日大哂，冇計la~於是我只好選擇左屋企附近个間來來重慶雞煲分店(九龍城分店)！選擇左平日去，估唔到除左可以訂位，仲服務態度勁好！(尤其係个男經理，待客不但親切有礼，仲招呼周到) !今時今日呢種甘好嘅service 真係好小見！讚！！講番食物，雞煲味燶，肉質軟滑，辣辣地，勁惹味！ 食物唔使等好耐就到！！啱哂我呢D心急怪.叫左幾款火鍋配料，碟碟新鮮，Yummy !!難怪平日都甘多人黎食la@~最頂癮係，佢地竟然有播生日歌服務！！同D職員講聱，邊位生日，職員就會安排音樂，送上蛋糕(自備) ,!!都幾suprise!!个晚我生日个FD 勁滿意.而我都因為呢班充滿Heart 嘅同事而对呢間餐廳改觀！有下次！！有下次!我会再光顧的，仲会介紹俾身邊的朋友！！

其實老婆想去食雞煲好耐，不過而家通街都係雞煲，出名既就等到你死，其他既又未必好食。知道來來係九龍城廣場開左分店，於是就黎試下。先打電話訂位，黎到其實客都唔算多。講真九龍城廣場又真係人流少，開乜都唔旺。好啦，講返食物，黎食雞煲梗係叫返個先啦，老婆驚唔食得太辣，於是叫左個微辣，點知真係辣都唔辣，下次叫個小辣先。不過一隻雞份最都唔少，而且雞肉唔鞋，汁味好濃，不過因為微辣所以真係唔覺得辣。個雞煲食得差唔多就叫侍應加湯，然後叫左碟薯粉、一碟牛柏葉同鵝腸打邊爐，個鵝腸只係急凍貨，得層皮無肥油，得個爽字。牛柏葉不過不失，索左d汁幾好味。薯粉咽咽靭靭，無乜味但口感幾好。最後再加左碟雜菇，野飲就叫左渣青蘋果汁，侍應服務唔錯，成日幫你換碟，埋單四百幾唔算貴，下次可以再黎。