保家山 (已結業)

行行下街，發現原來成8pm，基於肚餓，又懶得走圍走，就入左呢間。再上網睇下，原來好似都幾出名。我就揀左blue cheese，因為客人唔多，好快就有得食但等嘅期間聽到微波爐叮叮聲。唔通個漢堡係叮熱嘅？餐到喇，漢堡唔算好大個，不過都高身，起碼一口真係咬唔晒。或者因為我吃嘅係藍芝士，佢果陣好臭嘅藍芝士真係好勁，我真係好後悔。我接受到藍芝士，只係我更鍾意嘅係軟滑嘅芝士。所以我揀錯左。漢堡我覺得可以，但我最鍾意嘅係薯絛，佢個粉漿好明顯同其他漢堡飽店唔到，佢好脆，但果隻脆，並唔係平時食嘅薯條，佢膽得黎有少少硬，但果隻硬並唔係負面，而係感覺佢就算凍左，都仲可以好好食，而且無咁易淋。成盒薯條，我未等佢凍就已經食晒，所以以上言論沒經證實。不過奇怪嘅係，我仲未知佢叮啲乜。。。同我個餐有冇關係呢？

駱駝漆一向都係我嘅覓食之地，相信唔少觀塘嘅打工仔都係架啦。上次去咗一間高質慢煮牛漢堡後，搵搵吓又發現到呢間同樣係主打burger嘅小店，而且又冇乜人排隊添，當然要去懲罰一吓。 保家山其實係解作burger-saan1，喺餐廳入面嘅枱真係見到有個將平安包改造漢堡包嘅搶包模型，真係好應景XD🤣，未食野都已經吸引咗我嘅注意🤣🤣。 餐廳就位於三期嘅5樓，呢層就冇咁多食店嘅，冇乜人行過。環境寬闊幽靜，少見喺呢D工廈都坐得好鬆動。埋邊嘅木板貼上食客嘅即影即有相，又有種溫馨感，但最吸引我嘅都係有個私家廁所🤩🤩🤩😏。 一睇餐牌，發現佢哋真係好鐘意玩拼音，burger嘅口味有“fu²-釜(山)”嘅韓式豬肉堡，"Kwai⁴-(山)葵”嘅wasabi堡，仲有一個芫荽控必試嘅青色burger。漢堡本身已經包埋個薯格/沙律同埋汽水，唔夠喉可以另加小食/西湯。 “Saan¹-山”手工和牛漢堡$98 漢堡嘅size真心比想像中細，但價錢又連埋薯格同可樂，其實都算合理。提埋餐具/食物都係self service 嘅，如果有埋手套就更好。 呢隻麵包有金黃嘅外層，內裏純白。佢內層冇乜點烘過，反而只是熱溶咗D牛油喺入面，我

有日約咗個friend lunch, 係駱駝漆掃樓見到呢間未食過嘅burger, 見個menu d burger 又wasabi 又芫荽，本著試"伏"嘅心態入去最鍾意呢種手掌咁大嘅burger, 一上枱已經覺得性價比夠高。食落去嘅Wasabi 味勁香，和牛肉味又濃，成個burger 配合得出奇地好。不得不提係個麻辣薯條，其實上枱佢浸味仲搶過burger, 我呢d 嗜辣嘅人夠晒開心，雖然太辣，係辣到飆晒眼淚個種，但係好過癮。覺得自己食得辣嘅絕對要挑戰下。

晚餐禁堂食 唯有繼續買外賣坐海濱食 ✨洋蔥香紐西蘭羊肉漢堡配麻辣薯條$98+$3本身expect 佢嘅羊肉會係一塊排咁得一舊野 但原來佢係入面夾住一片片嘅羊肉 份量都幾多 肉質ok 有啲孜然味 配埋啲洋蔥都唔錯但反而薯條先係令人喜出望外😋 個麻辣薯條好正 我地買完佢再買另一個外賣 隔左成半粒鐘先食但啲薯條都仲係脆嘅！而且佢啲麻辣粉好好食 真係好麻好辣 平時食譚仔三小嘅我覺得好辣 食幾條就要飲野先得總括黎講我真係好鍾意食個薯條 而burger 就覺得好食但冇話好驚喜 但為左個薯條我都會再幫襯🤣 外賣個紙袋質地幾好 男朋友係咁話想再用😂😂味道❤️❤️❤️❤️價錢❤️❤️❤️服務 (外賣）環境 (外賣）💰晚餐人均～$100✅再幫襯

好耐都冇去過觀塘，今次黎到就試下呢度好出名既堡家山漢堡包蔥香紐西蘭羊肉漢堡食落有羊嘅香味之餘，唔會覺得佢好羶，而且唔係有好多漢堡包店有提供羊肉做既嘅漢堡，醬汁甜甜地，絕對值得一試手工牛肉漢堡 醬汁有啲似美極嘅味道，帶少少酸酸地，真係幾咁港式嘅味道，同時和牛唔會煎到全熟都冇筋或者好韌嘅情況，又唔會好heavy ，下次會試佢嘅地藍芝士或者山葵味既醬汁，感覺都幾有特色牛油薯格食落係有陣咸咸地嘅香味酸酸甜甜既茄汁當然係最佳配塔薯條有幾隻口味可選擇，今次食咗紫菜味，欣賞佢嘅炸物脆得黎唔會好油紫菜味又唔會好鹹，下次想試佢嘅麻辣味蜜桃烏龍茶食完burger飲番啖茶，即刻清新哂

九龍既朋友終於遇到正正子burger了～就算唔食牛肉都仲同大啡菇、雞肉、豬肉burger選擇淨係和牛漢堡都有好多款揀套餐仲可以配麻辣薯格又包埋飲品成個套餐$100都唔洗出面無一間店可以做到咁抵食！而且仲有無糖蜜桃茶選擇岩哂減肥既女生餐廳除左環境舒服之外托盤同burger包裝都係訂造睇得出真係好有心機其實餐廳仲有其他小食本身都仲好想試可惜已經比一個set已經KO左下次一定會試湯同埋瘋狂吸入麻辣薯格！

於觀塘工廈嘅呢間手工漢堡店💛親民價錢又高質素喺我最愛嘅餐廳之一💕-🍔豚肉生薑燒漢堡（$98）呢款fusion 漢堡幾有新鮮感豚肉經過炒香，香口又juicy👍🏻配上西式漢堡包，毫無違和感呢！🍟牛油薯格大大塊好有口感🤤不過牛油味唔算好濃郁食得落嘅朋友仔不妨揀麻辣口味🌶🍔"葵"手工和牛漢堡套餐（$98）漢堡層次豐富，非常吸引呀🤩和牛選用咗澳洲和牛配穀飼安格斯牛咬落肉汁豐富，牛味濃郁配上惹味wasabi 醬汁滋味又唔攻鼻喔！🍟麻辣薯條呢款麻辣薯條係我至愛！麻辣有致，但唔會太嗆喉愈食愈上癮呀💕🥤汽水套餐包除咗包有薯條/沙律之外仲包埋汽水！如果想健康啲，亦都有無糖茶選擇喔（+$4）-P.S 醫護購買任何一款漢堡套餐可享85折

好少餐廳有得食麻辣味道嘅薯格佢保持麻辣嘅辣到，雖然有少少掩蓋咗薯仔嘅味，但係鍾意食辣嘅你一定唔可以放過。漢堡包有好多選擇，有羊肉豬肉牛肉等，而我就試咗佢嘅牛肉先，麵包帶點鬆軟及脆身😍牛肉同醬汁好match，成個包食起上嚟都好方便

.觀塘覓食記📖🔖👩🏻‍🦰👦🏻今日去左觀塘搵野食🥳🥳平日中午時段🕧搵左 保家山🍔🍟食仲擔心緊觀塘咁多人會好迫😲好彩我地早12:30前就到左🥰…………🌟藍laam和牛🍔配麻辣薯格🍟 ($108)藍芝士醬汁好特別😻🌟好濃芝士味🥰好正麻辣薯格好新鮮🤩即叫即整😆黎到仲熱辣辣🔥🔥而且麻辣味好足😋食完👄真係麻麻地😋………..🌟葵kwai 手工和牛🍔配麻辣薯條🍟($101)🍔配上山葵醬汁好fresh😆同藍芝士醬汁係另一風味😻🔥如果比較喜歡濃味嘅朋友可以試試藍laam😋😋🍔但喜歡淡小小口味嘅😻好推介葵kwai 🍔🥰!!!!………..味道：🌕🌕🌕🌕🌖4.8/5服務：🌕🌕🌕🌕🌑4/5衛生：🌕🌕🌕🌕🌑4/5性價比：🌕🌕🌕🌕🌑4/5回頭率：🌕🌕🌕🌕🌕5/5………….必食item‼️‼️🔆藍laam 🍔/葵kwai 🍔/麻辣薯格🔆😻😻………..

覺得係觀塘區最好食既burger🤡而且每日都開💛(觀塘工廠區好多食店都係星期日休息🥲）星期六日去會少人啲 坐位幾闊落 以自助形式取餐---------------------------“山”手工和牛漢堡 配招牌醬汁 $98burger配埋一份牛油/麻辣薯條🍟或者沙律🥗汽水免費 其他飲品就要加錢 之前仲可以揀紫菜薯條 但而家就要單嗌先有(好似係) 但款款都咁好味 因為都係咁香脆🤤想健康啲可以嗌沙律 用黑醋汁調味超開胃😋麵包有輕輕烘過 亦夠鬆軟👍🏻手工漢堡扒標榜以安格斯牛同和牛混合而成 牛香好出 又夠juicy💦招牌醬汁有少少似微酸既蛋黃醬 成個味道好夾 真係超好食！特別欣賞個burger大小岩岩好 一啖咬到哂所有配料 包括蕃茄同生菜 食完真係好滿足💛

呢間餐廳裝修走簡約工業風，主打漢堡包🍔有豬，雞，牛，更有素，而口味則有”山”，”葵”，”藍”，”傳統”同埋”芫荽”滿足不同口味嘅人💛整體評分：6.8/10味道：6.8/10服務：6/10環境：6.9/10人均消費：$50-100地址：保家山 (觀塘)觀塘開源道60號駱駝漆大廈三座5樓O室香脆牛油:炸得非常香脆可口～牛油香味超級濃鬱！芫荽手工和牛漢堡配薯條:芫荽控必試！入面有大量嘅芫荽，再配上自家製芫荽汁好惹味～而佢哋係採用左安格斯牛同埋和牛混合嘅漢堡，所以既重牛味又保持到肉汁手工和牛漢堡(藍芝士):整體分別唔大，主要係醬汁唔同，呢個係藍芝士醬，不過個人唔係好識欣賞😂

今次黎到觀塘工廠區行街，駝駝漆大廈有好多唔同類型嘅樓上鋪，行到攰最方便就梗係喺度搵間餐廳坐下食埋野啦😋呢間門面裝修看似簡約，但入面有好多唔同🍔嘅擺設裝飾，重有💛🐸，最多人打卡嘅就係個座漢堡包山😍點完餐比完錢店員會比部機你，漢堡包即叫即整，整好部機會震你就可以去取餐喇🥳*蔥香紐西蘭羊漢堡 $89*牛肉漢堡就成日食，羊肉漢堡真係第一次！呢款係冬季限定，一片片羊肉加埋京蔥，份量都唔少，食完包你暖胃😆*“山”手工和牛漢堡 （招牌醬汁）$98*有齊生菜蕃茄同紫洋蔥，加上呢度特制嘅招牌醬汁，酸酸地幾開胃，一啖咬落去都幾juicy，食到要lam手指😂呢個價錢包埋汽水同小食，特別推介食辣嘅朋友揀麻辣薯格，薯格沾滿哂麻辣油，真係超級惹味食唔停🤤

鍾意芫茜🍃嘅程度雖然未會大到自居芫茜控 但對芫茜料理都一直有種好奇同喜愛 位於觀塘嘅漢堡店保家山 就成為我list嘅其中一間店鋪❤️近日終於有時間同朋友去朝下聖啦！真係好興奮～店舖雖然位於工廈 但環境闊落有空間感 而且裝潢走木系風格 頗為別緻 感覺舒適有親切感😚成功打破咗我對工廈餐廳擠擁嘅既有印象除咗和牛同雞肉🍗漢堡 佢哋最近都新出咗豚肉同羊肉漢堡 實在太多選擇啦 叫人點揀得落手？！ 唔止咁呀 就連飲品同小食都有好多款 除咗汽水🥤之外 仲可以配返杯熱茶☕或者湯暖暖胃 小食又有唔同口味嘅薯格、薯條🍟同沙津🥗 好豐富😍📍芫茜手工和牛漢堡🍔 ($108) 配蘑菇忌廉湯🔸紫菜薯條🍟  啲芫茜多到遮住晒塊和牛🤣 但佢嘅味道同和牛好平衝 唔會太濃烈 蓋過肉味塊和牛都唔惹小架 肉質鮮嫩又多汁 連個麵包都好鬆軟 紫菜薯條非常香脆 薯條上鋪咗海量紫菜碎 再加埋個味道濃郁嘅蘑菇忌廉湯 食完真係好飽🤣📍蔥香紐西蘭羊漢堡🍔 ($98) 配洋甘菊茶☕🔹牛油薯格天氣凍好啱食羊 好多人都怕羊肉有羶味 不過呢度嘅羊肉就冇啦😍 配上蔥同生菜 好易入口 牛油薯格夠晒香口 再飲返杯熱騰騰嘅洋甘菊茶清清熱就啱晒啦😌 📍焦糖燉蛋

呢間位於駱駝漆工廠既手工Burger店「保家山」，採取先落order付款既形式，店內空間感大而且有供客人專用既洗手間🤗第一次黎食，就叫左兩份招牌「手工和牛漢堡配招牌醬汁」，一個就跟薯角，一個就跟沙律😋 薯角份量好多，夠兩個人食！沙律都幾新鮮😀由於係即叫即整既關係，所以客人需要耐心等待10～15分鐘👻呢個和牛漢堡食落口感軟熟有牛味，而且因為即整所以好夠熱，配埋自家醬汁，好快就食完一個😆食完如果想飲水，鋪面都有自助斟水機，另外可以自己拎番茄醬同紙巾，十分貼心😁

高質工廈漢堡😍工廈真係越嚟越多嘢食，近排食過印象比較深刻嘅係觀塘駱駝漆大廈呢間手工和牛漢堡☺️佢最大嘅特色係用手工和牛做漢堡，加埋獨有嘅醬汁，做出唔同風味嘅漢堡，真係又落本又用心☺️我哋要咗兩款口味，一款係“山”，即係佢嘅招牌醬汁，另一款係.“葵”，即係山葵醬汁。兩款都夾住厚厚嘅和牛扒，好香好夠味好juicy😍山葵汁比起招牌醬汁，真係多咗啲wasabi味，好特別，不過唔攻鼻嘅。兩款都好味，值得再去食。另外會配埋薯格同汽水。薯格可以揀兩隻味，牛油味同麻辣味，兩款都好香脆好好味，麻辣味亦都唔會太辣，啱啱好。雖然係工廈入面，但係餐廳環境都幾舒服，坐位闊落，以後去觀塘食嘢又多一個選擇啦。