健味粥小廚 (已結業)

有時簡單的東西，反而難做，就好像白粥這個東西，不是太米水，便是不夠棉，又或沒有米花。這裡的一碗白粥，令人另眼相看，米香濃煙，質地棉密，入口就是濃濃的米味，令人腸胃非常舒適的一樣食物啊！

這店已光顧多次,趁有帶相機順便拍下來寫食評時用, 2人點了2餸1湯 :鳳眼果炆雞-------------侍應推介鳳眼果不是經常有的,味似粟子,好奇之下點了, 用煲仔熱烘烘盛着,有多粒外形像銀杏的東西,味道淡,咬口都好似銀杏,不啱我口味,雞件較少,肉質不及它的銅盤雞嫩滑和鲜味,其他配料乾葱炒得香甜爽脆加上獻汁調得好,幾惹味,下次如果有粟子炆雞,一定會試！七花腩炒菜芯----------常點的招牌菜, 用本地自家農場豬, 腩肉肥廋間開,一片片似煙肉, 味道像煙肉般有少少鹹香,少少脆遑, 爽口又不韌,有鲜味,菜芯青嫩清甜,真好味:南瓜甘筍豬踭定豬展湯--------每次都會點例湯或燉白肺湯, 這個例湯的主要食材味道濃, 色澤濃厚, 似用好多料煲, 飲後不會口乾, 白飯-----------夠熱,米粒屬爽身.整體食材夠新鲜又夠熱. 環境雖小但清潔光猛,一般粥麵店格局,有卡位和圓枱,另有自制頭抽出售.

早早看過這間店鋪的介紹，但由於只對粥品有興趣，所以遲遲未能下決心來光顧終於這天特登來一趟肉丸真的不錯，很有肉味，粥底也算綿，一個人吃下整碗已很飽不過，價錢也真的頗貴，不是可以常常光顧的食肆

今日午餐時間, 第二次來幫趁, 二人要了兩個午飯小菜餐, 其中一個白飯加錢轉白粥, 另加一個豬雜粥, 來多一杯四季桔水, 吃得飽飽, 才$150.遠道再來, 主要是為了這個白粥:有米香, 很綿, 比一些馳名粥店還好, 不用加任何調味都很可口, 以前食過大班樓的白粥, 也是很好, 但要$25一小碗, 這裡的只要$12大大碗, 水準一點不遜色. 套餐的例湯很香, 應該下了不少料. 上次來時, 另外叫了龍利菜豬肺湯, 仲正. 今次好像沒有了. 有機會要再飲.小菜是麵醬炸菜豬腩, 及蕃茄勝瓜煮魚骨. 前者的腩是爽口的, 不肥膩. 我很喜歡.後者味道普通, 但魚湯很鮮, 豬雜粥也不懶, 我很怕豬內臟的臭味, 這裡的沒有那種味, 我也吃得下不少.小總結是: 其貌不揚的小店, 賣的是無味精粥品小菜, 單是為了白粥豬腩, 已值一來再來. 用心經營的食店, 要多多支持.

尋晚專登去食這間誠意小店。兩人點了魚骨腩粥($35)，油炸鬼($8)，香煎什魚($88)，璋魚蒸肉餅($78)。其實食物好食，尤其係碗粥，但可惜太貴了。太貴意思是不值，那油炸鬼，基本上晚上叫亦不會期望脆，但好似食緊一團粉咁，仲有，收$8，只得7舊，每舊手指一節咁長，夾埋唔夠出面半條。問阿姐，一碟係咁多喇，佢仲好似著數咗您咁，”係呀，$8嘛”。嘩，油炸鬼都成蚊幾一舊仔，仲要唔好食，唉。跟住香煎什魚，$88得4條，每條得5吋度，連頭喎，其中兩條似”慈”魚，街市應該買十蚊兜有6條個隻。再講，煎唔脆之餘，出到嚟係凍嘅，所以好韌，好失望，難為呢個仲係個阿姐一坐低就推介。其他冇叫菜式，例如蝦仁炒蛋要$88，普通炒個牛肉又要$78，已經唔想試。其實老闆應該掉轉角色諗下，如果用$88只換到4條魚毛，$8只換到7舊過氣油炸鬼，您下次仲會唔會幫襯?最後，兩個人食咗$210，覺得好唔抵，唔係個錢面值上，係所換嚟嘅嘢唔值。只可講句，有誠意都冇用，知租貴，但又唔識拉上補下，生意又點會好，好似西隧咁囉，唔好生意，就繼續加價，就愈嚟愈少人用。

肉丸粥 - 大大碗，有米香但粥底唔夠棉，肉丸有肉味，冇味精，有屋企feel，合格。炸魚餅 - 好味，不過好貴，非常小的4小片 $38 。炒豬雜 - 用料新鮮，味道唔錯，份量唔多 $78。食物用料好，冇乜裝修，價錢都幾貴。如果病病地想食碗粥都可以既。

這間由健味豬創辦人開設的小廚，前身也是叫健味粥，不過唔知點解改了名叫健味粥小廚。之前他以自家養的鯇魚來煮粥，並且以無菌的健味豬來作食材，可是欣賞的人不多，現在改了名，希望可以增加客源。呢幾日見喉嚨唔係幾舒服，前排又食得多煎炸野，想去食碗粥清一清腸胃，想起咁耐都未食過，於是係OPENRICE 搵，點知已結業，諗住行過去望下，點知又突然改了名重新營業，即時入去試下。店內雖小，人客不多，點了鹵水豬脷、招牌及弟粥及魚腩骨粥，先上的是鹵水豬脷，鹵水味道尚算幾好，唔太咸，亦有一份鮮味，唯獨豬脷有D鞋口，用黎送粥唔錯。招牌及弟粥其實係唔錯架有甜味，不過粥底雖綿，但非常之稀。內裡有豬肚、粉腸、豬潤、豬腰及肉丸，各樣也不錯，可是每樣內臟都切得細細碎碎，煮完後某些內臟過熟，影響了，不過要數最好味的一定是肉丸，說是自家打製的，絕對非常之彈牙，而且大大粒，又有肉味，香料也落得恰到好處，下次必選手打肉丸粥。反之對魚腩骨粥大失所望，本是潮著淋淨水魚的名聲到來，魚粥雖鮮甜，可是魚腩卻非常之多骨，而且又係切得細細碎碎，連大骨都切碎，攪到好多細骨，絕對不碰為妙。但這裡其實是一間非常好的店舖，以健康為主，沒有加入任何味道

I was earlier last month for dinner. The place was very quiet. But I loved my congee and other dishes. All the dishes were made with heart, with love. The congee is exactly how it tastes when I made it at home!!! And the fish dishes are all very tasty. Fresh. It was so quiet I think mainly because of the location. Over in Central, there are so many people (especially OL and foreigners) looking for healthy decent price food. If it were open in Central (Soho, LKF, etc), or Wan Chai's LangDu Stree

由於聽說生意麻麻, 所以專誠去試,佢唔係食物唔得, 但其他原因導致生意麻麻, 這樣是很可惜的.食物方面, 食得出是新鮮的, 蔥爆豬雜, 可用出色來形容, 粥品方面就一般.生意一般可能有以下原因:選錯位置: 中產未必到, 青年人唔會入, 等有心人的話, 真係要等.裝修殘舊: 當然會係要求金碧輝煌, 但都唔好格格不入.服務舊派: 無客人, 在門外叫讓, 其實係無用的, 如果食物得, 再遠都去, 唔吸引, 隔離都唔入.健康是賣點, 但都要食物出色, 因為健康是不會客似雲來的.

譚強先生開設的 - 健味粥, 小妹年前已想光顧…早前和拍擋行經該處; 但另有原因而未能如願…哈! 今晚玩即興, 終於夢成真!一行四人的「儍大姐」, 剎有"Sex In The City"主角feel…甫坐下, 任由部長推介點菜, 隨即「七咀八舌」的「吹水」等食…菜單如下:涼瓜炒七花腩 - 涼瓜全不苦, 隱約帶點甘, 七花腩又薄又滑, 比豬頸肉好吃幾倍! 讚!紅酒燴牛尾 - 牛尾炆得又焾又無燥味, 且像東坡肉那般「鬆化」又「唔肥膩」; 紅蘿蔔超甜…個汁仲正! 炸脆骨 - 似鯇魚, 用魚尾部份, 炸得金黃鬆化, 魚肉吃得出不是一般魚檔貨色, 有種孩童時, 媽媽煮魚的質感; 但一定要趁熱食, 放涼後, 魚骨就不太脆了!紅米鴨 - 嘩! 這個必食! 好味過滷水鴨多多聲! 米鴨用紅米漿+ 冰糖慢煮, 鴨肉又焾又滑, 紅米汁少甜且清爽, 令我多吃幾塊鴨肉也不覺膩! 驚喜!清炒荷芹 - 一字曰「爽」!鱔球粥三碗、魚卜粥一碗 - 真材實料, 如果粥底再濃一點更好!總體出品認真, 廚師功架深厚, 且難得的是老闆、員工對食的堅持和執著; 方令我拾回「真味的意義」, 努力! 一定再「幫襯」!註: 由於是晚較

二月下旬有心主理人天哥曾說，入廚之道，乃以廚功將平凡食材發揮盡致，務求使每位用膳者感受到食物原味本質，乃對食材、對客人的專重，同意大地之恩不能浪費，對於身體力行推動原味飲食的餐館，也有興趣去試，這夜由師兄發起的開年小聚，地點是聞名已久由譚強先生主理的健味粥，一間推廣原味、無味精私房菜館。美酒佳餚，奈何偶對酒精敏感，只能以茶代酒跟大家說聲虎年快樂，十餘道無味精菜式，就徐徐而來。肉類方面早前已拜託師兄預留紅酒炆連皮鮮牛尾，本地屠房每日僅宰五十頭牛，量少珍貴，而有弄過連皮牛尾的朋友該清楚燒毛去焦，又要花半天時間重覆炆、焗，花上一整天可怕而艱苦處理工序，寧可湊夠人馬，每人付上數十元，就是為嚐一口膠質豐腴，黏潤軟糯的鮮牛尾，這夜的牛尾炆得軟熟，帶著葡萄的甜香，皮的部分尤為甘腴可口，只怪是夜僧多粥少，自己也只能撿到末端小件，跟大家意見一致，是吃得極滿意，也是是夜重點推介之一。更多無味精菜分享＠http://foodxfile.blogspot.com/2010/03/blog-post_08.html

琴日病病地, 諗住食碗粥清淡d就揀左喱間健味粥去到7點半左右, 好多人年紀較大的待應(老闆?)問: "有冇訂位"我話: "冇"佢話: "咁你出去等la'好la, 出去等之後陸續有人黎大家都要等位, 但佢對其他等位ge客人恭恭敬敬開頭我都不以為然後尾等左>15mins終於有位佢竟然即刻拎杯水俾外面仲等緊位ge客人我系出面等左咁耐又唔見你拎水俾我?????????都算la點左一個 肉丸粥+炒米粉(因為佢話個粥都算大碗, 2個人食應該夠)之後bf問: '有冇野飲"跟住佢話:"冇野飲"以為佢話唔系套餐, 所以冇野飲跟住問佢:"野飲几錢"佢話: "我地冇野飲牙, 得菜蜜"我心諗: "菜蜜唔系野飲???? "同埋佢覺得我地唔會飲菜蜜lo 咩事我以為佢話佢餐廳冇飲品提供, 但餐牌上有寫"豆漿/汽水/菜蜜"以為佢話冇凍奶茶果類茶餐廳飲品la跟住bf再問佢: "有冇豆漿?"佢先至話:"豆漿賣晒, 如果要自己出去買la"你一早同我講賣晒咪得look, 豆漿日日磨, 賣晒唔再整唔出奇汽水都冇? 你d汽水要日日入貨??? 講都冇人信我覺得佢睇唔起我地lo其實 d粥真系几好味,真系冇味精 淡淡地, 但有

19-2-2010收工又趕「下場」, 又搞到 10:00pm 先食晚飯, 今次嚟到登龍街碰運氣. 記得之前睇過呢度的飲食雜誌訪問, 對佢的自家養殖鯇魚幾有興趣, 就叫個魚腩 + 魚鮫粥 (好似 40 幾蚊). 朋友已食了飯, 卻捱義氣陪我坐, 結果又叫多碟菜心 ($10) share 食.先嚟菜心... 雖然灼得 ok, 但可能受天氣影響, 品質麻麻哋, 都幾硬/老, 可惜. 值得一提的反而係檯面供應的自家製豉油, 清香而不太鹹, 相信叫碟 e.g. 灼豬雜蘸嚟食會很不錯 再嚟魚腩 + 魚鮫粥, 面頭落了大量蔥, 生菜絲及薑絲, 份量就大得嚇人 粥底煲得綿, 味道較淡, 不過幾清香, 而且真係一 d MSG 都無, 令人諗起之前「靠得住」的泥鯭粥 (http://www.openrice.com/restaurant/commentdetail.htm?commentid=1927972); 魚鮫就幾好食, 清甜到呢 魚腩肉幾爽實, 鮮甜度就遠不及魚鮫, 而且份量幾唔夠, 印象一般.食完 (份量好大, 食唔晒...) 放低 50 幾 60 蚊 (下列係約數, 無留意幾錢

recommended by a friend, now this shop is on my list of takeaway lunch when i can't think of what to eat.i always have congee - today i had 魚片粥+皮蛋.the congee is thick and tasty, and the fish slices are sweet. this time the preserved egg is a bit less outstanding.it's not cheap, but it's yummy and i am not thirsty after the meal.glad that i've discovered a good congee rest near my office.

放下健美豬去辦楊氏烏頭的譚強，在登龍街開了間私房粥店，食友推介牛尾做得好芸芸，對我來說，基本的粥品炒麵要做得好，才有試真正廚房手勢的價值。食物：灼豬雜粥，粥底不算綿，但有米香，而豬雜新鮮，尤其是豬腰部分，帶著甜味，吃得過的，但豬潤過熟，此品還是靠得住的黃沙潤品質最好。炒麵，炒得油淋淋，是絕無心機交功課之作，私房宴客客大檯做得好而對街客小品求其的話，基本做得不好，就算食友推介，我也真的要好好考慮是否值得花$450去試。豆漿味道複雜，除了豆香外似乎還加了什麼下去煲的，好喝，值得推介。環境衛生：樓下是茶記格局粥麵店，環境企理衛生，樓上是做私房菜的。服務：店員招呼有禮，值得一讚。