億饍 (已結業)

今天點了蝦餅炒金邊粉: 蝦餅切成薄片炒的金邊粉, 估不到金邊粉係可以甘煙韌彈牙, 有一些旦絲, 整體雖然味較淡但鑊氣十足。喜歡食原味及不唔介意無味精既可以一試。牛油鷄亦 : 炸得香脆, 肉汁亦十足不過無牛油味及蒜頭味。芝士火腿三文治: 最有驚喜是這個3文治。 麵包會用牛油煎香 入面夾著既芝士是流心的加埋2片火腿帶出左淡淡既咸香。2個下午茶連2杯飲品都只係九十幾蚊。 食到的不單止是味道更有服務及誠意。仲有要讚洗手間好乾淨, 地方亦好企理。值得推介。

由於枱細，叫咗3樣嘢食住先，原來係好事，我地首先叫咗咖哩牛根腩同蒜蓉包，咖哩牛根腩得6件牛腩，大約半隻麻雀咁大件，夠晒淋，但係無牛味，咖哩汁亦唔好味，薯仔都夠淋，有3，4舊仔。蒜蓉包有5件，面好香脆，但係個底好淋，仲有啲un, 咖哩汁又唔好味，點嚟都無謂。後來仲叫咗個煎流心芝士肉餅，嘩！咁細塊嘅，仲細過我手拳，仲有好多油，個肉餅似煎咗一邊，另一邊無煎過，芝士都無乜，所以唔多覺有芝士味，肉餅正常味道，食完呢3樣嘢唔敢再叫，走人去第2間再食過。

🤭🤭🤭呢間中泰國菜位置雖然比較山卡啦，近旺角有近油麻地😁😁😁但環境闊絡坐得舒服！🍲食物方面除左有傳統泰國菜例如生蝦，冬蔭公，生菜包，烤魚等等，味道唔錯，鐘意食辣嘅朋友仔可以試下海鮮冬蔭公湯🦐，好夠辣又鮮甜🤤仲有不少新派菜式例如炸軟殻蟹🦀包菜，香菜同鋪面，連埋炸到脆卜卜嘅軟穀蟹一齊食，超級香脆！😄😄😄推薦嘅菜式仲有原個菠蘿海鮮焗飯，有咬口得黎又有香😋最後食埋個泰式甜品就滿足晒啦，有齊芒果糯米飯，仲有食咗個BB乳鴿， BB乳鴿就麻麻哋，其他都好好食

在旺角一個新商業中心4/F，地點唔算隔薛。餐廳定位有d奇怪，有越菜，有粵菜，有泰菜，有酒吧( beer tower!)，有點莫名其妙。點了個豬肺蜜棗湯，又幾夠味喎，豬肺新鮮。大約有4腕仔。之後來了四季豆炒欖角，味稍為濃了點，但四季豆很甜。點了個梅菜蒸肉餅，聽落簡單，但做得十分好，梅菜唔咸，成碟野唔多油，送到成碗飯。真心推這個餸。還有點了桂花酒乳鴿，味 ok, 但要等25分鐘製作。整體食物水準 ok.

同朋友去旺角睇完手機，到了晚上搵嘢食的時間，經過旺角譽發廣埸（億膳）喺旺角食嘢，好多餐廳都是滿滿的人，這店舖雖然 不是太大，坐下來都幾舒服，第一時間拿起餐牌叫嘢食，食後估不到可在這餐廳，找到美食的驚喜。海南雞半隻$160， 海南雞煮得皮滑肉嫩，再点埋薑蓉或酸辣醬汁更能帶出味道。串燒分別叫左，沙爹豬肉， 將豬肉燒到有微焦，好夠味。而安格斯牛肉，燒至熟度剛剛好肉汁好豐富。泰式原個菠蘿炒飯$123， 廚師用了原個菠蘿，盛載住金黃色粒粒分明的炒飯，加上每隻新鮮爽口彈牙的大蝦，賣相十分有氣勢。

無論中式、泰式還是越式，今晚一次過滿足我的大胃！聽朋友推介，這裡的燉湯出色，是必試之作。見到隔離枱點了燉湯，份量都算大，所以先點了一款，兩人一齊飲。豬肺排骨萬壽果燉湯從來都不會在家弄豬肺湯，因為清理豬肺實在是一件艱難又煩惱的事，所以如果有時見到餐廳提供豬肺湯，偶爾都會點來嚐一嚐。一潷湯，已感覺到用料十足，豬肺煲得十分軟腍，還有木瓜、排骨、杏仁、桂圓等，味道香郁，果然不錯。香辣肉碎生菜包朋友不能吃辣，所以唯有走辣。肉碎的顏色比平時吃的略為深，濃味但香口，如果不用走辣，相信應該更惹味。火車頭牛肉湯河份量超大！有時在越式餐廳點牛肉河，價錢跟這個差不多，但份量卻少一大截，而且牛量都少。但這碗湯河材料豐富，分別有生熟牛肉、牛腱、牛丸、牛筋及牛百葉。我比較欣賞生熟牛肉，肉質有嚼勁冇渣，而牛丸都不錯，好彈牙。不過，美中不足的是牛百葉好韌，好難o趙。椰子烏雞排骨燉湯飲完一個燉湯後，忍不住想再飲，因為最近天氣乾燥，想飲多少少湯水滋潤一下，所以點了椰子烏雞排骨燉湯，據餐牌所寫，有益氣養顏、健脾補虛。湯面有一層薄薄的黃油，相信是來自烏雞，但不油膩。呷一口，椰子味好突出，整個湯底好清甜，帶陣陣雞味，如果要跟豬

今晚約了個口味不似我的朋友吃飯有點頭痕，要方便又不太貴兼大家都想食，搜到了這家。中式越菜泰菜甚麼都有，無論誰都有嘢啱食，保證不含味精很吸引，常吃好西怕有日要還。-花膠烏雞香菇燉湯 $96兩個人每人分倒兩小碗，份量可接受。花膠少但其他料好多，烏雞骨都煲軟。味道濃郁，竟拍得著貓媽的住家靚湯，我媽是大廚級數，這是我很大的讚美。-串燒安格斯牛肉 @$22燒得唔錯，肉嫩而香口；沙嗲醬惹味。-串燒沙嗲豬肉/雞肉 @$18見牛不錯，就再叫了兩串豬雞來試試，雖然不夠牛出色，但也算是中上水準-蒜香牛油雞翼 $68超級脆味道不錯，稍嫌太多油太邪惡。-馬拉盞炒通菜 $72偏貴，略咸，好彩份量搭夠非常大碟。-鮮蝦蟹肉炒粉絲 $123幾大碟蝦爽口，沾辣醬吃味道還可以。-椰汁蛋白燉燕窩 $48有驚喜，燕窩量放得大方，好好味，椰汁同蛋白味道好夾，養顏的甜品。-整體來講都算不錯，不可能瓣瓣精，非常推介中式燉湯甜品，健康好味。

今天旺角附近工作後，走到有點人氣的pancake店附近覓食😜昨晚已食了煎炸的雞翼，今晚想吃住家菜。到了譽發廣場4樓，升降機門一打開便是食店。工作日只能週末煲湯，但從不煲豬肺湯，所以便點了豬肺排骨萬壽果燉湯$78😋二人份量，足料簡單一點，點了欖菜肉鬆炒四季豆$98很美味！夠火喉！手打梅菜蒸肉餅$78 真的沒有點錯！😍梅菜很美味點了以上兩款小菜，怎能沒有白飯😅$15/碗桂花BB鴿$90 味道很特別！果然是推介菜式之一這裡整體不錯，只是每枱之間相隔得太近。

係香港依個美食之都，真係咩國家菜式都可以食到。而今晚食依間餐廳更集合了中、泰、越菜。餐牌有太多選擇，但有選擇困難既我一見到避風塘炒龍蝦就比佢吸引住。首先叫左兩款串燒。雞肉同牛肉燒得岩岩好，肉質嫩滑，加埋佢個惹味沙爹醬，不得了粉絲加入大量芽菜，蛋同蟹肉碎，鮮蝦爽口彈牙，粉絲炒得乾爽條條分明，沒有油膩感今晚既重點推介！避風塘炒蟹就聽得多，炒龍蝦都係第一次食。避風塘用大量既炸蒜辣椒去炒，端上枱已經蒜香撲鼻我地揀左中辣，辣度岩岩好，非常惹味！野生龍蝦厚肉好有彈性，味道鮮甜！推介作為甜點既芒果糯米飯，係食泰國菜必點菜式！依到係用黑糯米，煮得好軟糯，椰汁甜度岩岩好，芒果非常香甜！滿足 ❤️下次應該帶一班朋友黎食，可以試到更多菜色！

一間有特色的越泰國菜館，億饍，位置於旺角彌敦道樓上4樓，一出升降機，便是餐廳，左手邊是一個酒水吧，設置約10張枱左右，可坐60名客人，還環境尚算OK，我們點了一個4人套餐和一個香芒蟹肉炒飯。分別是車牙快，雞絲椰菜沙律冬陰公，試用一個獨立的火爐上枱，上枱時保持一定的熱度，大大隻的蝦，冬菇，香茅，蟹柳條，蕃茄，魷魚。豬肉鮮蝦咪紙卷，用米糊皮包的手卷大大隻的蝦，配上豬肉生菜，再加上特色的越色醬汁，酸酸甜甜的。黃金脆皮海班球，用炸粉包裹石斑魚枊，炸致金黃色，油而不肥膩，配上酸甜醬，10分香脆可口。咖喱牛筋腩煲，選用大大塊的牛腩和牛筋，㷛致剛剛好的，牛筋非常爽滑，牛腩恰到好處，加上調製的咖喱汁，放在蒜蓉包上，極好的配搭蒜蓉包炒菜，蒜蓉西蘭花菜，加上蒜蓉清炒香芒腰果泰式炒飯，非常乾爽的炒飯，加入芒果，肉碎，腰果，蔥花和蔥蒜，炒知粒粒飯分離，未到10分好飯後甜品。花奶椰汁紫米

餐廳位於旺角彌敦道一棟頗新的譽發廣場，店面不大，一出電梯就是餐廳。避風塘野生辣龍蝦（$295）我們點了小辣，味道超香，肉很多。本來以為小小一碟，怎知份量超多，起碼有十幾塊。菠蘿生炒骨（$95）新鮮的菠蘿吃起來很多汁很香，肉也大大塊，沾上酸酸甜甜的醬，一口接一口啊。火車頭牛肉湯河（$88）河粉不軟不硬，湯底鮮甜。吃這個最好就是可以全部配料都吃一遍，牛丸、牛肉、牛柏葉等等。軟殼蟹牛油果卷（$116）炸過的軟殼蟹很香，配上牛油果更是不得了，沙律菜超清新，超解膩。桂花BB鴿（$90）鴿有一隻，砍開四件。皮脆肉緊實，鴿子肉味很濃、很香。鴿子不肥，但是肉吃起來一點都不柴，推薦！牛肉香烤脆蝦片（$52）牛肉比較像牛仔骨肉，有肉有筋，特別香。蝦片很酥鬆，配上粉絲，口感有趣又好吃。PS.店家還有收茶芥，每位十二元喔～

星期日得閒陪下阿媽平時飲茶就去得多，所以想試下啲其他野。媽媽又鐘意食住家飯，我就揀左呢間住間飯feel的餐廳試一試。我地叫左兩個lunch set，菠蘿炒飯同埋冬蔭公湯河，加左個燉湯，炒通菜，同埋牛油雞翼。老火燉湯真係要讚，超鮮，又足料！好好飲菠蘿炒飯好大碟，我同媽媽一齊share。唔止賣相吸引，味道都好不錯。裏面仲有唔少海鮮。冬蔭公湯河比我想像中大碗好多，熱辣辣！平時最鐘意食泰菜既我好驚訝呢間有得食，原本以為係普通港式餐館，但有埋fusion既元素，非常吸引。牛油雞翼好香！值得encore馬拉盏炒通菜好獨特，但媽媽唔係好慣馬拉盏的味道。我就好鐘意食左咁多野再加埋飲品都係得$220，真係好抵！

今日要OT，做到成9點先收工當然要食餐好少少嘅慰勞下自己啦~同事帶左我去食呢度，唔使等位之餘，仲有outdoor 位置，吹吹風之餘又可以呼吸新鮮空氣☺️桂花bb鵨❤️鹵得好入味，桂花味清香，鵨肉嫩滑。一人一隻份量岩岩好。 花膠烏雞香菇燉湯❤️成日捱夜要對自己好d，燉湯有益補身，花膠可養顏，烏雞鮮甜，每一啖湯都係精華😍馬拉盞炒通菜❤️通菜青嫩，馬拉盞唔會太辣同死咸，好惹味👍燒紐西蘭羊架❤️叫左5成，嚟到熟度剛好，香草味濃郁，唔會so~ 好淋身入味😍😍香烤牛肉脆蝦片❤️燒牛肉香口配上檬粉香葱，加入酸辣汁連埋蝦片一齊食，好多層口感，好正😋

今天爸爸放假，媽媽上班，家裡沒人煮飯，所以我們三父女只好上街覓食。在網上看到這家有避風塘龍蝦，而且還不貴，喜歡吃海鮮的我怎麼能錯過呢！餐廳在旺角商廈譽發廣場四樓，譽發廣場是一棟比較新的商廈，裡面的餐廳很多很多。從電梯一出來就是餐廳的樓面。有落地玻璃窗和長桌，適合多人聚會。這裡會收茶芥，每位$12。軟殼蟹牛油果卷（$116）軟殼蟹酥脆，而且鮮味，配合軟滑的牛油果別有一番風味。沙律菜剛好可以中和了炸物的油膩，米紙卷軟軟糯糯。牛肉香烤脆蝦片（$52）下面很香，很酥脆，粉絲雖然沒有味道，但是牛油比較有嚼勁，而且味濃，所以整體吃起來剛剛好。火車頭牛肉湯河（$88）很大的一碗，份量足夠兩個女孩子吃了。配料有生牛肉、熟牛肉、牛丸、牛柏葉、牛展和牛筋，味道都不錯。湯底比較甜，香草味比較濃郁。菠蘿生炒骨（$95）骨是排骨，有骨有肉。酸甜醬味道剛好，不太酸不太甜。配料還有三色椒和菠蘿，菠蘿是新鮮菠蘿。避風塘野生辣龍蝦（$295）性價比真的太高了，份量很多，應該是整隻龍蝦，而且還不小隻，肉很多。桂花BB鴿（$90）這是整頓飯最有驚喜的一道菜，鴿子的皮很脆，肉嫩多汁，肉香足，而且鹵得很入味。

得知呢到有齊中越泰菜式，所以帶左媽咪一齊黎撐枱腳試下呢間餐感「泰式鮮炸蝦餅」$88大大碟片片都厚切啖啖肉，金黃不油膩，肉質彈牙可口！「泰式冬蔭功（濃味）」$116超濃味既冬蔭功，十分足料，酸酸辣辣十分開胃！「泰式原個菠蘿炒飯」$123超大個原隻菠蘿裝住滿滿金金黃黃的炒飯，份量十分多，大蝦爽口彈牙，菠蘿甜甜的不會酸，十分美味，十分正宗的一個菠蘿炒飯甜品點少得泰國最出名既「芒果椰汁黑糯米」$68黑糯米「煙煙銀銀」好好咬口！芒果十分新鮮，夠哂甜！