億饍 (已結業)

出來住缺乏湯水，如果搵到一間冇味精，可以煲到足料湯水的餐廳，我都會多多幫襯！呢間唔只有燉湯，更加有泰國菜，滿足晒我呢個貪心嘅人嘅願望！同朋友一齊出去食飯，每個人叫咗一碗燉湯，我最貪心，所以叫咗鮑魚烏雞燉湯，真係原隻鮑魚上，果然不計成本！我老公就叫左花旗參雞排骨湯，清熱氣下一下火！女士們最愛嘅膠除咗係美容成分,感覺仲要好滋補！如果想清清地，可以選擇豬肺排骨萬壽果湯！泰國菜點少得串燒啦！佢嘅串燒全部都好入味，而且好淋，特別推介牛肉，好似牛扒一樣淋滑！雞肉唔會變乾！正！菠蘿炒飯都係我心水！裡面有海鮮有菠蘿，味道清新！而老公最愛嘅海南雞都幾大隻，我地四個人竟然食唔曬！而且呢間店係openrice有得訂位，方便gathering！

香芒大蝦蟹肉炒飯足料夠份量既一個炒飯， 足以喂飽 4 個人！ 飯炒得夠乾身， 飯粒分明。 呢到既炒技唔錯，有水準。 咖哩牛筋腩煲咖哩好有港色風味， 冇咁多香料，而比較傑身， 唔算糊口。 撈飯一流， 粒粒飯都有咖哩飽實。好耐冇食過唔痴牙既牛腩牛筋。烤牛肉湯河烤牛肉既選材唔差，唔柴皮，反而仲爽口。厚薄度岩岩好。 醬汁味道夠濃， 襯埋湯河，一濃一淡夠過癮。 椒鹽軟殼蟹有大量椒鹽同炸蒜， 超棒！軟殼蟹較細隻， 炸得通透， 亦好嫩！ 軟殼蟹有唔少蟹膏， 炸皮唔太厚， 食落酥脆甘香。

好小見泰國餐廳有老火湯飲，老火湯飲得出真材實料，無味精，真係真心推薦，個湯好滋保蝦餅爽口好有蝦味、如果份量多點更好四季豆有點偏甜，感覺不是我期待的味道豬頸肉好有肉汁烤得剛剛好

跟朋友嚟咗呢間樓上餐廳，第一個印象，估唔到竟然咁旺場，幾乎全場爆滿，心諗🤔，有乜嘢過人之處呢？看看餐牌，選擇非常之多，無論中菜🥢、越南🇻🇳菜、泰國🇹🇭菜都有，簡單來説就是多國菜。馬拉盞炒通菜，入味又惹味，不咸不淡，越食越想食炸蝦餅撈檬，大大碗份量足，金黃的炸蝦🍤餅好大件，有六、七片之多，兼好彈牙及有蝦味檬粉爽身彈牙，加上特別醬汁，美味又開胃軟殻蟹🦀️牛油果🥑卷，十分精緻，顏色配搭賣相吸引，軟殻蟹配上牛油果🥑特別夾，青瓜疏菜爽口又健康，多食也不怕胖咖哩牛筋腩煲更是我至愛，特別嫰滑的牛筋部分，入口即化的感覺好享受，牛腩部分亦充滿肉香，送上一碗白米飯🍚更是完美桂花BB鴿，不同一般的炸乳鴿，淡淡的桂花香滲透在嫰滑的BB鴿肉中，不經油炸，零捨不同

女士是需要補一補的，返工成日俾人激親，放工就同好友歎個靚湯順一順條氣啦！是否選擇旺角樓上餐廳，可以吃到多國滋味小菜呢！價錢都好親民架！對於有選擇困難的我，真的花了點時間點菜！豬肺排骨萬壽果燉湯🍲十分清甜滋潤，原盅燉起，將所有精華也可以保留在湯內，有住家老火湯的感覺！沒有令為燉湯而來的我們失望呀！泰式原個菠蘿炒飯🍍餐廳另一個主打是泰菜，當然要試一試原個菠蘿炒飯啦！用料十足，有新鮮菠蘿、大蝦、帶子、魷魚及瓜粒！炒得粒粒分明，很有鑊氣呀！椒鹽炸豆腐喜歡愛吃香口野的必然選擇！外脆內幼嫩，豆腐保持滑溜溜的狀態！而且椒鹽惹味，送飯一流！沙嗲串燒（雞及牛）🍢串燒即叫即燒，未上枱已經香噴噴啦！入口肉質嫩滑，仍然保留住肉汁，不會太乾！蒜蓉炒西蘭花🥦吃了這麼多濃味東西，當然要吃點蔬菜中和一下啦！炒得很有鑊氣，西蘭花仍保持翠綠呀！這真的是適合都市人放工開餐的好地方，一來有住家級靚燉湯，二來又有鑊氣，正、正、正呀！

之前食過，覺得好味，所以同屋企人行完街再encore呢度。星期日晚落大雨，八點幾去到都全場滿座，要等差不多半個鐘，原本想放棄，但落大雨一場黎到所以繼續等。牛肉蝦片，我至愛的小食。泰國菜竟然有燉湯，啱哂鍾意飲湯嘅我，湯非常足料，好味，好潤。爐魚，揭開魚皮，有豐富魚肉汁，肉質鮮嫩，嫩滑！！大條多肉少魚骨，鮮甜肥美，d肉嫰滑可口，媽咪好鍾意，主力係咁食唔停。馬拉盞炒通菜，炒過後嘅通菜爽口，辣得啱啱好～生菜包肉碎，超多洋蔥，我唔食洋蔥，所以放棄～

滿心歡喜慶祝9月之星生日食飯點知...book左7:45一行十人去到，由4樓上左去十一樓...8:05點菜，等到飲品嘅冰都融化成水食物都只係到左一樣(當時點左15樣食品)當追佢的時候，食物終於到但係唔熱的... 當時同職員理論十，職員話個碟底係熱嘅(但上面嘅食物真係凍嘛😑) 多番理輪後只肯幫我炒過碟菜..冬陰功湯都可以喺凍😩...食物就如外賣一樣嘅質素...但價錢就...唔算平囉。10個人連加一，三千五睇佐噤多正評先訂呢間 無諗過噤伏

呢度可以食到越南菜，泰國菜同廣東菜，款式都幾多，啱哂唔同人既口味~軟殼蟹牛油果卷 ($102 /4件) 第一次食咁足料既軟殼蟹卷，軟殼蟹大大隻，啖啖肉好正好滿足🙈 加埋牛油果同粉絲就更加正！串燒沙嗲豬肉/ 雞肉 ($18/串) 泰式既串燒，豬肉同雞肉細切完再攞去炸，食落係幾香，味道都不錯。菠蘿生炒骨 ($95) 呢碟生炒骨性價比好高，味道不錯得黎，份量係多到誇張😳 一路食都仲有好多舊肉，啱哂一大班人黎食。皮脆肉嫩，酸味適中。香芒腰果泰式炒飯 ($108)芒果比想像中甜得多👍🏻 腰果脆卜卜，蝦都好新鮮爽脆。係不錯既炒飯🤤

諗唔到食咩菜會黎億鱔，依到咩菜都有！越南菜， 泰菜， 粵菜等， 集東南亞於大成地方大，坐位寛落香芒大蝦蟹肉炒飯$118足料夠份量既一個炒飯， 足以喂飽 3 個人既胃啊！香甜既芒果蓋在飯上，果香由上而下滲透，蟹肉炒飯，鮮！甜！ 香！另外一提， 炒飯最緊要炒得乾身， 飯粒分明✨呢到既炒野唔錯👍值得一讚！咖哩牛筋腩煲$108咖哩好有港色風味， 比較厚身但唔會糊口，我地叫左蒜蓉包配黎食；牛腩牛筋燜得相當淋身， 絕對唔痴牙法式蒜蓉包$55厚厚一層牛油再加蒜蓉，份量都幾多烤牛肉湯河$62牛肉既選材唔差，無柴皮感，反而仲有d 爽口。厚薄度剛剛好。 醬汁味道好濃， 襯埋湯河，配合得宜。 椒鹽軟殼蟹$108對於椒鹽控既我， 有大量椒鹽同炸蒜簡直係無得頂！軟殼蟹較細隻， 但反而因為咁會 炸得通透， 亦唔會炸老， 好嫩！ 炸皮唔太厚， 食落酥脆，不錯不錯！

晚餐想飲湯，所以搵吓open rice邊度有湯飲，俾我搵到億膳。近油麻地地鐵站，行2-3分鐘就到。上到餐廳即刻有位，大概坐咗一半人，已經有點嘈。 餐牌有越南同埋泰菜，仲有中式老火湯。2個人叫咗一個花期蔘烏雞湯、印度椰子排骨烏雞湯、安格斯牛肉飯。老火湯好足料，有雞、椰子、龍眼肉、瘦肉、排骨，湯好清甜，不過多油咗d, 可以隔咗d油會更好。湯渣都唔會太硬食唔到，飲完個湯都飽咗一半。跟住食埋個安格斯牛肉粒飯，牛肉軟硬適中，有牛味，個飯本身加咗汁，有d似茶仔d碟頭飯，但d牛搭夠，算唔錯。不過個飯太貴，有d唔值。

我和有個朋友都很喜歡吃越南菜。有日，我們上完堂，就揀選地鐵站附近，而又未曾試過的餐廳億饍吃個飯。香茅豬扒撈檬套餐 $52好大塊香茅豬扒，份量十足,，絕不吝嗇，真是出乎意料之外。豬扒炸得香口。檬粉份量也不少，認真飽肚。套餐還包湯和熱朱古力👍🏻軟殼蟹牛油果卷 $102用薄透米紙包著香脆大隻軟殼蟹，配上清新的牛油果和生菜，中和了軟殼蟹的油膩感。整體食物配搭味道都不錯。芒果椰汁黑糯米 $65芒果微酸，黑糯米質感黏糯，吃進口煙韌，好有豐富營養價值，加上椰汁，口感奶滑，很好吃。

今晚舊同事聚會，5個人，揀左呢間餐廳，間野本身係4樓，一出升降機就係餐廳全層，但full 晒，安排左我地上11樓，上到去其實佢地只係租用多一個單位，裡面得兩張中式酒樓大臺，每張大約坐8人，我地就坐其中一張，其實好闊落，但氣氛立即唔同晒，唔似4樓熱鬧既泰式餐廳，但就冇限時，都ok 既～

今日我去咗旺角彌敦道嘅譽發廣場同一班朋友食一間中越泰嘅餐廳， 本menu有好多菜式， 好多款菜式都好想試， 不過好彩我哋人數都唔少， 可以試比較多嘅菜式!越式拼盤 $188個拼盤四個人都夠食，有札肉，炸越南春捲，豬肉蝦片，蒸粉包等等。！ 扎肉係一般越南餐廳提供嘅嗰種質素， 味道正常 。個炸越南春捲上枱嘅時候係熱辣辣，咬落去個外皮脆卜， 入面包住蘿蔔絲粉絲木耳絲肉碎等， 點甜酸醬好好食， 我食到有一陣胡椒嘅香味， 好好食! 豬肉蝦片塊蝦片上枱嘅時候已經唔係太脆，個豬肉醃都好入味，不過有少少過咸，淡番少少會比較好食。 個蒸粉包入邊係有好多配料 ，例如有木耳肉碎蘿蔔絲， 粉皮好滑！椰子烏雞排骨燉湯 $72我飲咗幾啖個椰子烏雞排骨燉湯，好清甜，椰子味好濃! 飲得出碗湯係冇落過任何味精，喺咁炎熱嘅夏天飲碗感清甜嘅湯真係一大享受!花旗參烏雞排骨燉湯 $72對比起個椰子烏雞湯 ，我仲加家鍾意飲呢個花旗參烏雞排骨燉湯!因為佢個花旗參味好濃， 飲完之後有少少回甘， 有一陣我好鍾意嘅中藥味道，飲落去嘅感覺好健康!串燒沙嗲豬牛雞各兩串 $122食泰國菜係唔可以唔叫串燒嘅!我哋叫咗豬牛羊各兩串。本人就覺得個雞

今日肥妹仔放工途經彌敦道，見到個廣告牌上面有一間食中越泰菜嘅餐廳，肥妹仔見到個廣告都幾吸引，就同班朋友上去試下食啦！一入到去佢係成層都係嗰一間餐廳，面積唔算好大，有室內同室外嘅用餐地方，可惜天氣實在太熱，肥妹仔都係決定留返喺室內！！越式拼盤 $188個拼盤好大份，入邊有札肉，炸越南春捲，豬肉蝦片，蒸粉包！ 個扎肉係我哋一般喺越南餐廳會食到嘅嗰隻味，幾好食！！ 而個炸越南春捲就好大件， 外皮炸到脆卜卜，一邊就有蘿蔔絲粉絲木耳絲肉碎等， 個味調得唔錯，一啲都唔咸，點埋個醬好食！ 至於塊豬肉蝦片，塊豬肉有少少鹹得滯，如果冇咁咸就perfect喇~ 個蒸粉包又係爆料咁濟 ，入邊有木耳肉碎蘿蔔絲， 個粉皮整得好滑！椰子烏雞排骨燉湯 $72個湯超清甜椰子味好重，雞同排骨煲出嚟嘅湯都好有肉既鮮味，飲得出係老火靚湯，一啲都冇落味精，好好飲！花旗參烏雞排骨燉湯 $72呢個湯好濃花旗參味，肥妹仔飲完之後會有少少回甘，同椰子雞湯 嗰一種甜係有少少分別，不過呢個花其參湯都好好飲好滋潤！！串燒沙嗲豬牛雞各兩串 $122角串燒沙嗲豬肉同雞肉燒到外表微脆 而個肉質亦都keep到好滑嫩好juicy， 點埋佢嘅沙爹醬就

星期四放工後同幾位友人相聚來到旺角億饎，這間餐廳是港式X越式的fusion 菜，叫幾味小炒好適合同三五知己相聚一刻。越式拼盤 ($188)，份量大大份岩哂4個人食時叫，包括有炸春卷、蒸粉包、蒸札肉片、燻蹄、烤豬肉蝦片及濱海，旁邊有D香蔥和蒜粒，喜歡食得濃味D可以加上，成個拼盤好豐富，每樣2件，Share黎食岩岩好。咖哩牛筋腩煲 ($108)，店員送上枱上時熱辣辣，一打開煲蓋就聞到好香的咖哩味，成煲都有好多的牛筋腩和薯仔，牛筋腩煮得好淋身，咖哩又香濃。我地另加了法式蒜蓉包 ($55) ，蒜蓉包焗得香脆軟熟，用黎配上咖哩一齊食，的確是不錯的配搭。椒鹽軟殼蟹 ($108)，這個很有港式避風塘特式風味的特式小食，軟殼蟹炸得熱辣辣又脆卜卜，椒鹽和洋蔥味都幾濃味，而且份量都幾多。鮮炒蝦醬炒通菜 ($72)，通菜充滿住濃味的蝦醬和蒜香味，炒得十分入味。原個菠蘿炒飯($118)，成個飯有好多鮮魷和菠蘿粒，菠蘿粒帶點甜味，原個菠蘿大大個，份量十足又足料。