元札幌拉麵 (悅來坊)

營業中

休息中

今日食拉麵癮起，上網睇過佢嘅menu, 知道呢間餐廳有好多拉麵選擇， 有海鮮拉麵，野菜拉麵，叉燒拉麵，雜錦拉麵，豬軟骨拉麵，牛油拉麵，螃蟹拉麵，地獄拉麵。 一句講曬呢度好多種類嘅拉麵畀你揀，全部都係70至90蚊左右。所以我就供咗去呢間日本餐廳。😀😀我揀咗海鮮拉麵。碟拉麵令我好驚喜，因為佢畀咗好多海鮮，有幾隻蝦有蜆肉有元貝。 湯底唔咸，啱曬鍾意清淡嘅女仔。😁另外，我仲叫咗支豆同串燒一啲大路嘢。全部都幾好食，睇嚟餐廳大部分嘅食物表現中尚，以呢個價錢嚟講，性價比好高，絕對值得再嚟幫襯。我見到餐牌仲有好多唔同種類嘅食物，例如鹽燒海馬友甘 ，都係一百蚊。 好想再去食多次😋😋😋 試埋今次冇叫嘅食物😋😋😋

去開荃灣，冇得去日本，唯有去試下呢間裝潢勁日式嘅拉麵店。😋😋😋望住menu啲小食令到我流晒口水。小食好多選擇，而且好平。 1串燒雞翼，1串雞軟骨，1塊薯餅都係18蚊。我即刻每樣叫左一串嚟試下。 我覺得幾好食！😍😍😍😍燒雞翼令我好驚喜，個皮燒得好脆，但係又唔係燶，少少鹹鹹地，肉質keep到好嫩滑！ 推介！😁😁😁另外，炸薯餅都令我好驚喜。個皮脆loklok, 裏面啲薯容好creamy，好好味。😀😀😀全部串燒都燒得勁香口，熱辣辣，唔會太鹹 調味幾好！除咗串燒，我仲叫咗一碗叉燒拉麵。叉燒幾林身，幾入味。拉麵都幾大碗， 面唔會煮得太淋， 仲有半隻蛋送。 一句講曬幾抵食。下次會再嚟！😇😇😇

同朋友咁啱黎附近行下 冇咩概念食啲咩嘅時候 我哋一見到個門面就即刻決定食呢間😍佢主打日食拉麵🍜 成間都有好多多啦A夢既擺設 超可愛😺拉麵既選擇都算係多 有唔同既配料仲有得揀湯底 麵既硬度等等 而且仲好細心咁有標誌顯示廚師推介👍🏾另外 都有其他小食同主食揀😌我地就叫左個札幌螃蟹拉麵🦀揀左醬油湯底同咪一般嘅麵質 首先個湯底味道剛好唔會過分濃郁搶過配料同面嘅味道👹而螃蟹雖然係蟹柳 但都唔會有浸雪味 我最鍾意係個流心蛋😚啱啱好流心加醬油又入味🤤另外就叫左個鰻魚飯😳呢個set真係好好食 本身都好中意食鰻魚 個廚師燒得又香同燒汁都冇搶左個魚味 而且夠大舊 超抵😚仲有個蒸蛋既蛋好滑溜 入面又有魚板 冬菇等 加上配埋個好fresh ge沙律😛呢度既服務都尚算不錯 啲野食都黎得好快👍🏾👍🏾

今日朋友喺荃灣呢頭放工，所以我哋一行幾人就決定去悅來坊呢間日式小店食晚飯，小店裝修幾有日式風味，而因為疫情嘅關係，餐廳每張枱之間都有隔版。餐牌上面大多數都係拉麵、定食以及小食。-蒲燒鰻魚飯鰻魚肉質肥美，配合鰻魚醬汁都唔錯。定食仲有麵豉湯、茶碗蒸，仲有個沙律添。麵豉湯好好飲，茶碗蒸入邊有菇作為配料，加上香滑嘅蒸蛋，味道不俗；沙律嘅份量都唔少，食晒成個定食一定會好飽-札幌螃蟹拉麵蟹棒正常味道，溏心蛋雖然其貌不揚，但係食落都OK喎。湯底濃郁，配合軟硬適中嘅麵條，口感唔錯。-溫泉蛋牛肋條飯牛肋條煮得入味，溫泉蛋不過不失。-北海道南瓜炸薯餅炸薯餅外皮炸到脆卜卜，上餐嘅時候熱辣辣，入邊仲有啲流心南瓜蓉，好食-飲品方面，我哋點左富士山柚子梳打同全熟桃味梳打汽水。柚子梳打味道清新，飲落酸酸甜甜，柚子味濃郁，同拉麵好夾呀。桃味梳打有水蜜桃嘅香甜氣味，飲落有淡淡清香，都值得一試

最近喺荃灣發掘到一間幾抵食嘅餐廳！係日式餐廳，而且環境都好舒適似居酒屋，但係價錢亦都好實惠。餐牌選擇非常多，拉麵都有好多種，估唔到佢嘅飯咁平都有咁多樣嘢！燒多春魚$32 都燒得好香，而且魚入面真係好多春，冇花冇假，因為出面有時食啲多春魚真係唔知點解冇乜春⋯加埋啲檸檬就更清新溫泉蛋牛肋條飯$82配白飯、雜菜沙律、茶碗蒸及味增湯牛肋條非常入味，調味做得足，而且大大件夠飽肚，呢個價錢仲有埋沙律，茶碗蒸，味增湯， 十分豐富！沙律酸酸地好開胃，茶碗蒸啲蛋有小小甜而且好滑，入面亦有其他材料增加口感，味增湯味道剛好！CC Lemon $14佢本身已經有茶提供，亦可自行點選汽水或者特色日本飲料。

荃灣食肆林立，有特色的餐廳多不勝數，今次光顧的是日本拉麵。雖然我不是住在這一區，但經常到這邊光顧，始終民居比較多，所以客源一定有保證！我和幾個朋友最後選擇了這間，原因是裝修很吸引，連小朋友都玩得開心！我們點了兩碗札幌螃蟹拉麵，還有蒲燒鰻魚飯和溫泉蛋牛肋條飯，另加北海道南瓜炸薯餅。四樣我最喜歡北海道南瓜炸薯餅，其他味道不適合我，特別是螃蟹拉麵，吃下去就像蟹柳一樣，沒有特別。飲品有富士山柚子梳打和全熟桃味梳打汽水，全部都很喜歡，甚至想帶走飲完的玻璃樽呢！

因為疫情關係，已經好耐好耐冇去旅行，以前每年都會去日本食好野，現在衹能夠留係香港間吾使去下日式餐廳懷念下。今晚去荃灣Aeon行街, 路過見到<元札幌拉麵>, 又令我回味大阪拉麵既美味!!~<豬軟骨拉麵加叉燒 $82 加$10叉燒>豬軟骨配叉燒拉麵份量不少，滿滿一大碗，豬軟骨有三大塊，係炆得好淋好鬆軟既豬肉，豬肉間夾雜住好軟綿既啫喱狀軟骨，入口淋滑，醬油味濃。我另外加$10要左叉燒配料，有一大塊日式叉燒，應該有手掌甘大，配埋粟米，海帶，溫泉蛋同醬油味湯底拉麵，好好食吖!!<叉燒拉麵 $88>朋友叫左叉燒拉麵配味噌湯，自選拉麵質地簡左硬身，日式叉燒有4塊，湯底同樣夠曬濃郁，不過就冇溫泉蛋，如果有就更加完美啦!!~<海鮮大阪燒 $48>大阪燒有好多木魚絲，入口係棉棉地既大阪燒薄餅，有沙律同海鮮配襯，飽肚又好食。餐廳除了供應拉麵外，仲有牛肉飯，豚肉飯同鰻魚飯等，感覺好似去左大阪一d日式地道拉麵小店甘，價錢合理，又食到大大碗拉麵同試到日式小食，兩個人埋單都係$250左右，抵食又好食，值得推薦呢!!~

來到荃灣的悅來坊買野，順便食埋lunch，好耐無食過拉麵就揀左黎元札幌到食，午市套餐有幾十款選擇，除左拉麵亦有飯食，仲有好多不同小食添。入店前先量體溫，坐低後店員送上餐牌及熱茶，麥茶來的，一向好鍾意呢隻茶味。是日叫左午市自選三款套餐，要左雜錦拉麵，凍菠菜同可樂，個人貪佢呢款餐有野飲送，大熱天時飲汽水真係好正㗎。小食要左凍菠菜，考慮左好耐要蟹籽沙律好定菠菜好，最後決定後者，因為比較少叫算係試下新野。菠菜爽嫩，超多麻醬正啊～如果怕拉麵唔夠飽，呢個小食可以揀迷你咖喱飯，隔離枱位男仕就叫左咖喱飯啦，迷你都唔係真係好細咋喎。雜錦拉麵～就貪佢多料，一次過可以試幾款餸。溏心蛋雖然造型唔靚，但幾綿滑，甜甜地幾正。豬軟骨好入味，軟骨位都淋哂口感好正，叉燒普普通通半肥瘦囉，蟹棒亦無乜特別，三款食材中豬軟骨最好味，唔怪得有個推介公仔啦。湯底可以揀味噌，醬油同鹽，自己揀左醬油，甜甜鹹鹹味道有啲似壽喜鍋，個人覺得好對胃，差不多飲哂碗湯，不過因為飲左汽水真係飲唔落太多野咋。麵條係黃色拉麵，幾彈牙，無鹼水味唔錯呀。汽水除左可樂，仲有雪碧，忌廉，芬達等大眾口味，好似無左特別版了。咁多野食都唔使一百蚊，抵啦～

今天跟朋友相約在荃灣傾談一些東西，為了方便就腳所以在悅來坊里隨便找了一間餐廳。裝修充滿日式風情，而且女店員非常禮貌，令人胃口大開🤪札幌螃蟹拉麵🍜（+ 叉燒）（$82+$10）这是我朋友点的，但看拉麵上大大條螃蟹肉，便知道物有所值，而且他說螃蟹肉肉質鮮甜而且很Q彈🤤ANKAKE拉麵🍜（$78）名字有點特別，其實即是秘製醬油拉麵再配上半粒我最愛的溫泉蛋，味蕾瞬間投降，而且彈牙爽口的麵條再配上味道濃郁的湯底，令人儀態盡失地迅速把拉麵清光。日式餃子🥟（$28）餃子不會過分煎炸配上旁邊的醋，令餃子的香味特得以昇華。迷你甜薯（$18）其實本身只甜處也是我的最愛，個人讀愛它甜甜糯糯的口感，而且經過大廚的烹調外層帶一點香脆，令整件事更有口感和味道得以昇華。串燒雞翼& 燒牛舌（$18+$48）這裏的串燒做得10分高質，雞翼外脆內軟，而且炭烤的串燒更增添雞翼香味。而且牛舌烹調一流不在話下，食材也非常優質很有口感。吃完這麼高質的一餐後買單只是$300，極度高CP。

同朋友兩個忽然間想食日本嘢，醒起附近悅來坊有一間日式餐廳，有得食日式飯麵～～環境都好衛生乾淨，見到有人食完走嘅時候店員都即刻消毒成張枱，所以都令我食得好安心！鹽燒五花腩$55鹹香十足熱辣辣，脂肪同瘦肉嘅比例剛剛好，師傅真心燒得唔錯～～如果想清新啲仲可以加啲檸檬！～吉列蝦配蕎麥冷麵$88呢個吉列蝦都唔錯喎！口感香脆而且個外皮唔會話太過厚，蕎麥面就比較「痴」～～加咗啲紫菜好食好多，份量都好充足夠飽肚～

好耐無食過拉麵啦！突然拉麵癮起，上網搵下先發現原來有間元札幌拉麵係屋企附近都唔知，去到先知原來係悅來坊落一層嘅後行，平時好少會經過，呢度一排都係嘢食舖！門口有隻大叮噹，好搶鏡！黃燈光好有日式風味嘅裝潢！拉麵款式都好多，仲有飯類可以選擇，另外小食望落都唔錯！最後揀左兩碗拉麵，拉麵有3種軟硬度可以選擇，湯底都有3種唔同味嘅選擇，真貼心！第一碗拉麵揀左 豬軟骨拉麵，麵質揀左硬身啲，好有口感，而湯底就揀左醬油，好讚👍🏻個湯底真係好夾，一上枱已聞到香味，即刻胃口大開！另一碗揀左 韓國泡菜拉麵，麵質揀左軟，但都唔會好軟，仲係有口感👍🏻！而湯底當然都係揀左醬油啦！呢個都可以稱得上係 Fusion 菜嚟😆日韓融合！

今日同朋友去Aeon排口罩，排完都餓到個肚打曬鼓，我地發現原是悅來酒店都好多餐廳選擇最後我地選左食拉麵，餐廳燈色比較昏暗，好有日本居酒屋既感覺，座位都幾闊落。睇下個menu, 起酒店附近黎講都吾算貴。每位重張多送一個獨立口罩麵質有湯底同埋麵既軟硬度選擇我地都太肚餓，緊係立即叫返碗拉麵先我點左元拉麵 $68選左味增湯底，味道吾會偏鹹，有一塊大大塊既叉燒，叉燒幾入味，而且拉麵份量都幾多下。Ankake拉麵 $78朋友話叉燒肥瘦適中🐖肉質食落好嫩口，配埋筍條、半熟蛋🥚一齊食口感幾豐富。

本人好少食拉麵，因為覺得拉麵嘅湯底比較濃郁偏向重口味，今次朋友介紹依間拉麵店打被我對拉麵嘅想法。首先有三個湯底同麵質比大家揀，配料主要以叉燒、豚肉為主。我們要了一碗元拉麵和雜錦拉麵，另外餃子有優惠價$28我們也要了一份，餃子是自家製手包的，是椰菜豬肉餡，很好食。元拉麵我揀了醬油湯底，麵的口感揀了硬的，一開始我看湯底好像油油的，但入口是香香的豬骨湯的鮮，完全不膩而且不咸。我比較喜歡食硬一點的麵，口感也剛好沒有很硬。叉燒一大片鬆軟香滑，肥肉不算很多，是我喜歡的比例，食完整片都不膩。另外一碗雜錦拉麵除了叉燒還有豬軟骨、蟹肉棒和溏心蛋，湯底是鹽味一般麵質，鹽味令豬骨湯底更特出，豬軟骨炆到好稔好軟滑入味，溏心蛋蛋黃熟的剛好，蛋黃配麵一起食味道很搭。除了以上的配菜還有很多選擇，拉麵裡還有海帶和粟米，有些會有笋，整碗麵的份量很夠，食完超飽。

真。（後加🤣）豬軟骨拉麵：因為真係好軟。平時食嗰啲豬軟骨，點都有少少🤏好似餅乾要咬爛嘅位，呢度完全都冇，係一咬——就爛😂 軟骨軟綿綿、又有恰到好處膠質嘅「黐&溶」。完璧😂海鮮燒薄餅（大阪焼）：薄餅上面簡直係一片「木魚森林」😍 密鋪住個餅身、豐富咗個口感😋。餅身鬆軟、但包住嘅海鮮就唔係好多只係食咗少少 🤏八爪魚鬚🐙。北海道南瓜炸薯餅：香脆鬆軟嘅外皮，包住綿綿嘅南瓜蓉👍🏻 無得彈，但要更加完美，可能就要南瓜味香啲？🤔 即使我唔掂醬，都嗅唔到南瓜香味。不過，整體口感好Jeng 😍迷你甜薯：無咩特色😂除非你好想叫，如果唔係可能會浪費左「胃部空間」食佢更加好食嘅嘢😏🤪 就例如👇🏻串燒雞軟骨：出面串燒舖頭食，其實分分鐘仲貴，$18不單係巿價🤔 計埋燒烤水準，就物超所值！因為佢唔會燒到過乾、變左炸物咁，保留到少少肉汁😋 有足夠嘅肉地👍🏻 配搭埋檸檬一齊食，梗係最正。

今日去左荃灣悅來坊行街，行到攰攰地，就見到細細個同我一齊成長嘅叮噹……(多拉A夢)吸引左，原來食拉麵，店舖好有日本風，咁就係唔洗講，梗係入去試吓啦😆😆入到去見到好多唔同造型嘅細叮噹，好攪笑，未見過，見到都令人開心晒，食野都好味d 🤗🤗原來唔止有拉麵，仲有我最愛嘅~~鰻魚飯、燒物、小食……唸左好耐都唸唔掂😅又係選擇困難症發作😅😅鰻魚飯套餐~以為只有鰻魚飯，驚喜原來係套餐，有湯，沙律，仲有滑嘟嘟嘅蒸旦🥚,當然唔少得鰻魚飯。湯偏少少咸，沙律開胃，又健康清新👍🏿食左令人更餓🤭🤭,蒸旦就不得了，滑到無朋友，食完想再食(有唸過叫佢俾多個🤫🤫)。鰻魚勁大塊，飯中間墊左旦絲，食落無咁膩而且更加有口感🤤🤤🤤安格斯牛肉串~肥瘦適中，好味牛味，咬落有少少油脂出嚟，食唔停口，而且有5-6粒，都好抵食。😋另外食到中間，店員店主都好細心，送上獨立包裝口罩，感覺被愛🥰🥰呢個時候，願意分享是好難得事情(申利~疫情已經3個月，但未試過一間食店送口罩🤫🤫)