元札幌拉麵 (宇晴軒商場) (已結業)

平時都比較少去四小龍呢邊，今日難得有朋友約喺呢頭見，就去咗依間位於宇晴軒商場嘅日式拉麵店度食啦。餐廳入面座位寬敞，裝潢都有日式感覺。-午餐/ tea menu: -雜錦拉麵:拉麵麵條軟硬適中，口感不俗。入邊有一隻糖心蛋、蟹柳、叉燒、粟米等等，食落去有啲似鹹蛋，呢方面就有啲失色啦，其他配料都唔錯，幾好食。-自家製手包餃子+元拉麵:手包餃子有四隻，入邊餡料有豬肉等等，材料十足，點埋微酸嘅醬汁，感覺好配合。拉麵入邊就有叉燒，叉燒嘅口感比較實淨，油脂唔算多，食落都有肉味呢~-炸豆腐: 意想唔到好好食！炸豆腐熱辣辣，炸得外脆內軟，入面既豆腐滑溜，上面有郁下郁下既鰹魚片同埋醬汁，好match！-雜錦拉麵嘅套餐免費跟埋一樽汽水，而另外一個餐都係加$5就有，都算抵。

一個人的晚餐唔想食快餐店，又唔想返屋企食即食麵... 就臨返屋企前行吓附近商場有咩食...就見到有間舖前放咗個多拉A夢，就咁就行入去食。坐底打開 menu 研究下食咩，先揀個拉麵再配上多個小食都係$98, 見咁抵食揀埋杯嘢飲杯嘢飲個名好得意叫招財貓🤭飲完可能個人財運都變好D🤣，好啦拉麵到啦，先飲啖湯先，質素都唔錯係濃濃豬骨湯同埋有蒜香味😁飲完湯就當然食啖麵先夠彈牙唔會太淋👍🏻之後就係知半熟蛋👍🏻塊 叉燒好大塊 又有肉香，而配料有栗米，芽菜同荀都ok... 好快我就成碗麵食完之後就慢慢嘆我揀嘅小食🤭。小食係我最愛燒雞肉丸串，因為雞肉丸串一定有雞軟骨裏面，每啖咬落去就係爽口彈牙，配埋個醬汁簡直係 perfect🥰一個人食飯千奇唔好 待薄自己😁

在香港, 要數受歡迎的菜色, 拉麵應可佔一席位, 所以香港有不少的拉麵店，但傳統上都集中在幾個區份，以尖沙咀及銅鑼灣較多，但偏偏在西九龍區，要找間日本餐廳吃拉麵，選擇就相對較少,這也是我想來這裡試試的原因。飲品方面, 先來枝樽裝朝日啤酒, 入口冰凍順喉, 為這天較熱的天氣消消暑, 感覺唔錯。再來一客串燒雞翼, 燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。看看餐牌, 不用多想就點了海鮮拉麵, 試了一口湯底之後，稠度調校得恰到好處，有濃郁的鮮味, 而且一點都唔油膩; 海鮮方面有青口和海蝦; 麵條是黃色蛋麵條，掛湯能力不錯, 麵條是非常爽口和彈牙，口感相當唔錯。總體而言，元札幌拉麵是一間實而不華的拉麵店。

好耐冇過嚟荔枝角呢邊，探完朋友順便一齊食飯，見到呢間拉麵裝修好有日本風格，餐牌選擇好多，價錢都OK，就入嚟試吓~通常日本拉麵個湯底比較濃味，唔知廚師係咪都有呢種感覺，好貼心咁提供左淡口或者濃口湯底比唔同需要嘅客人🤔~草菇拉麵第一次食拉麵配合草菇，草菇夠爽脆，拉麵幼身但係都夠彈牙，估唔到塊叉燒夠大塊，咬落肉味都夠重，最喜歡配合滑溜溜嘅海帶一齊食，別有一番口感~~鐵板牛油帶子帶子size OK，望住牛油喺帶子上面熱溶嘅感覺好治癒，牛油味提升帶子嘅鮮味，配合粟米嘅甜味一齊食味道幾唔錯~

咁岩搬新屋係呢頭工廠大廈收個舊家電 拎之前就係附近食個晚餐先 咁呢間餐廳都算幾便利 地鐵站口一上去個商場 就到啦 門口都好易認 餐廳既佈置都幾有思 想打造日本風餐廳既選擇都幾多 主打都係拉麵 咁我地2個人都唔算好肚餓 所以就每人叫左個拉麵試下咩味道先 好食就encore再黎第一個拉麵就叫左豚軟骨拉麵 （$78）個拉麵 仲有半隻流心蛋送 咁個湯底同埋麵底我就揀左醬油同埋一般軟度既麵底 食落個湯底好清甜 豚軟骨煮得好淋 唔會太難咬 加埋隻流心蛋一齊食就一流啦 流心蛋本身蛋白都有調到味 所以唔會口啖啖 豬軟骨都大大舊 麵質唔錯 可以吸收到湯底既味道 另外我地都叫左札幌螃蟹拉麵（$78） 蟹棒絕對唔係一般平時係超市買到既普通蟹棒 呢條唔係麵粉 而係真正既蟹棒 食落好重蟹味 值得一試最後我地2個人 賣單唔洗200$ 係香港食夜晚黎講都係合理既價錢 路過荔枝角既人值得黎試試

今日到長沙灣四小龍探朋友，雖然友人有物業無土地問題，但有樓嘅人都係懶啲嘅XD 所以搵食都決定唔行遠，近近哋落樓下食算喇。行到呢間元札幌拉麵友人話CP值幾好，於是大比數決定去試試！價錢真係幾親民，而且好靈活，套餐有好多配搭方式。我同老婆就決定要一個188套餐，4個唔同category各揀一款。最深刻印象一定係溫泉蛋牛舌飯，個汁好甜好入味，而且牛舌入口即溶，都幾出色！而且都幾足料，牛吞有成6、7舊，食極都仲有，抵食。另外小食要咗餃子，熱辣辣又夠皮薄，喜歡香口嘢嘅朋友一定要叫！因為嘢食都真係幾好味，於是安歌多一碟焗蠔！蠔幾鮮美，亦都啖啖肉，好味！友人話呢度啲麵都有水準，等下次再嚟試下先！

食過呢間日式料理店好多次啦！忍唔住要寫篇食評推介俾大家！呢間嘅招牌拉麵都食過好多次，味道濃郁料又足！今次嚟食，見推出咗新拉麵：魚介叉燒蛤貝拉麵，但因為想食飯，所以下次先試。網燒雪花牛扒定食，一直保持優質水準！一間間的網燒坑紋，好有BBQ的感覺。牛扒超大塊，厚薄適中，仲細心地切開成一件件條狀，好方便食！🤭個人鍾意食六成熟，外香內嫩，牛扒味鮮，食過一次後一定會愛上佢嘅色香味！😍除了主角--牛扒，蒸蛋亦是另一令人回吃的原因。定食餐裡嘅蒸蛋，好香好滑，有畫龍點睛之效！仲要包埋汽水及日式沙律，成個定食真係抵到爛，有此穩定的優質水準，真係要推介俾大家！😎呢部夾公仔機，都吸引唔少大小朋友去玩㗎！

餐廳位於商場地舖當眼處，有室外與室內相連，圖中見到的是室外。由於都是在商場內，所以冷氣一樣充足，感覺開揚。🏮整體裝璜都充斥著日式風味。門口的一個大叮噹擺設很注目！⭐另一吸睛之處是夾公仔機！明乎其實的又食又玩！🐷🐶🐤先來一支抹茶可樂，第一次飲。🤭可樂味中帶有點點抹茶味，沒有原味可樂咁甜！定食餐跟支裝汽水，但抹茶可樂要另加$24喔~食物選擇頗多，點了三文魚刺身定食~🍱$108好肥美的三文魚刺身，厚身鮮甜，即使不是腩位都非常滑口！最重要是夠新鮮！🤤珍珠飯軟硬度適中，份量足夠有餘。蒸蛋原汁原味，內含日式魚片，香菇。蒸得好滑溜呢！麵豉湯濃郁夠味，有滑滑豆腐粒。仲有什菜沙律。這個定食餐真的好食又抵食！性比價高，推介！👏🏻

難得黎荔枝角辦事，當然要食餐好慰勞下自己，係Openrice見呢間餐廳幾多好評，又近港鐵站咁方便，於是拉埋個同事黎食個晚餐先🐢家。門面有介紹有咩拉麵揀。一人餐都有3個價錢， 豐儉由人。仲有d新小食。串燒都有吾少選擇。裝潢幾有日本風味。炒雜菜份量十足，吾油好健康。炒魷魚食到有炭燒味，調味好惹味，魷魚un度岩岩好，吾會un到甩假牙 。餃子吾會煎到個底好燶，裡面有肉汁，吾錯。燒雞翼d肉同骨拆到一字排開，燒得夠平均。又係有好香既炭燒味，好正!食到咁上下，拉麵先黎，呢個安排好細心，吾會令我地掛住食小食，浸淋哂d麵。拉麵爽滑得黎，有適當既彈性。個醬油湯底夠香吾會死咸。臨走見到有好大個多大a夢同夾公仔機，幾有特色，所以影番張相。

M先生放工，過去順手食埋飯先番屋企，附近見到有間日本料理，想試下入到去已經見到好多Menu掛左係到，有多款小食，主食拉麵同飯類都有好多款，但有個二人套餐有兩款主食+三款小食，覺得幾抵，就索性直接叫呢個試下。二人套餐 (HKD 228)我同M先生叫左元拉麵同滑蛋自家製吉列豬扒飯Share。呢到既拉麵除左可以揀湯底要咩湯，仲可以揀拉麵既硬度，咁我就揀左味噌湯底同適中軟度。元拉麵，最經典的一款，一塊大大的叉燒，叉燒帶少少脂肪，一D都唔韌，湯底都好濃郁，再配埋荀片同海帶，一碗拉麵好大碗，拉麵真係軟硬適中，煮得剛剛好滑蛋自家製吉列豬扒飯，日本料理必食既滑蛋飯，最正既係飯底係有汁，唔係白飯乾爭爭，吉列豬扒都好大塊，蛋都唔會好老，蛋撈埋D飯同豬扒好好食，這個推薦試試。小食方面就揀左雜錦串燒、燒魚餅、燒牛舌。雜錦串燒有冬菇、雞翼、雞軟骨同免治雞肉串，冬菇唔會燒得好乾，仲有汁係入面，雞翼皮燒得香香的，肉都不會太乾，雞軟骨都粒粒脆口，免治雞肉串有粒粒咬口，口感特別日式宵夜最常吃既燒魚餅，一件都好厚身，魚餅彈牙，就算當普通小食都好正燒牛舌係薄切，唔會好韌，薄薄一片一口一件，帶有少少黑椒味，都有淡淡牛味飲品方

黎到荔枝角揾朋友行街，比佢帶左我黎呢間餐廳食飯Menu有勁多選擇，見到個二人前套餐好似幾抵食咁就揀左佢喇首先就叫左兩個主食先，叫左滑蛋豬排飯同埋元拉麵個飯既賣相好掂,d蛋係好令既金黄色😍，塊豬排都好香脆,而且佢個份量仲要都幾大份下😋之係個拉麵都黎左喇，佢上面塊肉差唔多係個碗既一半咁大😂而且有少少脂肪食落好正丫之後就叫小食喇，餃子控既我點左份餃子，一碟有六隻，煎得啱啱好，個底脆脆地，而且佢仲係自家製手包餃黎，誠意十足喇☺️最尾就叫左燒牛舌，呢個真心好好食，我本身對佢都冇乜期待，但佢個口感好爽，擠左d檸檬汁落去令佢食落更fresh，食到好飽都係忍唔住encore 叫多碟丫🥳平均每人百幾蚊可以食到咁多野咁飽真係好抵，而且佢仲有好多其他野食，下次經過可以再試埋其他佢

朋友收工之後我地一齊去食飯，咁岩配完眼鏡之後行過小小就係荔枝角呢個商場，見到有間日本野幾得意咁，門口仲有個多拉A夢公仔，於是行過去望望，拎起menu發現都幾okaymenu 主要分開幾個category，分別係梅、松、竹同菊，對應番小食同拉麵，原本諗住叫兩碗拉麵就算不過比我見到有個自選套餐好似更吸引更抵食，叫一個主食＋兩個小食都係$145我地點左一個light 小小既蟹子沙律做starter拉麵方面我地要左雜錦拉麵，貪佢乜都有仲可以跟個人喜好自選湯底同麵質架要左個清清地既鹽味湯底加硬麵仲有雜錦串燒，估唔到比想像中大份同大串，兩個人都夠食全部串都燒得好入味呢間小店唔錯，自選套餐岩哂兩個人share

以後想食拉麵又多一個選擇啦！拉麵之中同博多拉麵齊名嘅札幌拉麵，香港都有啦，之前試過佢嘅拉麵，過然名不虛傳，今次就試下佢其他嘅定食啦！揀左個最大路嘅吉列豬扒定食($90)，因為睇落簡單嘅野係最高難度嘅，應該係！定食除左湯同飯，仲有沙律同蛋，豬扒仲好大塊，份量好豐富！豬扒厚薄適中，係入口最舒服嘅厚薄！同時豬扒唔乾身，食左幾塊擺左一陣都仲係好脆！另外仲叫左2個小食，燒牛舌($48)，有肉汁但唔算好多汁，燒到啱啱好，唔會好老，亦都唔會過厚。串燒大鱔($68)有2大串，一d都唔腥！好滑又唔會太un，同個醬汁好夾！

Happy Friday 約埋一班人去到荔枝角探bb, 活動過後搵食，屋主推介一齊去食商場入面嘅日本嘢，話算抵食兼坐得舒服，於是就嚟咗元札幌拉麵打開個餐牌睇都幾親民價，拉麵款色算多，另外亦有多種選擇嘅套餐揀，最終我揀咗同另一個fd兩份，揀咗188套餐松、梅、松、竹。朋友仔叫左溫泉蛋牛舌飯，份量都幾大，飯同餸分開上，啱晒啲唔喜愛多汁飯嘅人，牛舌算大舊，但煮得幾淋，易入口加埋溫泉蛋同濃汁伴飯一流我就叫咗櫻花蝦拉麵，雖然上碟時外貌唔會令人好吸引，但對於都算多嘅櫻花蝦有啲意外，正正亦因爲咁多櫻花蝦，令湯底飲落有蝦味，另外麵質適中，夠熱，不錯不錯小食方面我地有叫到吉列豬扒，炸得香口，皮脆，最緊要無好厚嘅脆粉落去炸，令豬扒夠薄身，以呢個價錢吃列幾樣嘢，算係幾抵食

約要OT既舊同事，當然要約係佢公司附近。N年前Lunch食過呢間日本拉麵小店，感覺吾錯，見佢近佢公司又近MTR，所以就決定encore，重拾當年回憶。門面幾有日本特色。有呢排大熱既夾公仔機係門口。裡面環境簡潔優雅，傾密計一流。記得個杯同當年一樣。炒魷魚鬚用個竹籃既膠兜裝住，賣相吸引。魷魚吾un，炒得好香。串燒雞翼有陣陣灰燒味，外皮燒到有焦香，肉汁鎖住係入面，呢個雞翼外表平平無奇，但估咁好味，必叫!侍應仲好細心咁主動比隻碟我地裝骨。札幌螃蟹拉麵我揀左味噌湯，咸度恰好，有陣陣飲哂都吾覺口渴。拉麵爽身，揀左普通硬度，就算相機食先，都吾會沉到太淋。套餐有好多選擇，圖文並茂，可以慢慢揀。整體而言，拉麵味道中上，燒物更出色，埋單每人150蚊左右，黎開荔枝角既值得一試。