元札幌拉麵 (宇晴軒商場) (已結業)

位於超市旁的拉麵，店面裝潢帶濃濃的日本色味，一個個紅色的燈籠十分搶眼。餐牌圖文並茂，而且選擇也挺多的，除了麵食及小食，更有刺身、手卷及丼飯類供應，更可自選套餐，以優惠價錢加配小食。最後點了一客$145套餐—松(雜錦拉麵)、梅(燒多春魚)、竹(雜錦串燒)。雜錦拉麵這碗麵集合了不同款的拉麵配菜，而麵條煮得偏軟身，醬油湯底濃厚，有選擇困難症的選最適合不過。燒多春魚以往都是吃燒秋刀魚的，燒多春魚的魚籽較結實，不易跌出，挺香口的。雜錦串燒一碟內的4串，分別是雞肉丸、雞軟骨、雞翼及冬菇；師傅燒得不錯，肉質不會太乾而且調味也剛好。

今日又同朋友去荔枝角D2 place同宇澄軒商場行下，見到呢間拉麵店裝修幾別緻價錢又合理於是入去試試首先我地叫個拉麵先。呢度拉麵選擇好多，款款都好吸引唔知點揀好。最後我地叫左雜錦拉麵，豚軟骨拉麵同埋北海道櫻花蝦拉麵。落單個陣記得揀埋拉麵硬度同埋湯底口味。硬度方面可以揀硬，一般，同埋軟。至於湯底就可以揀鹽味，味噌同埋醬油。一碗拉麵既份量都唔細，豬軟骨同櫻花蝦都好多，好滿足。而小食方面，我地叫左個凍豆腐，佢係將豆腐配上柴魚同日式麻醬，豆腐軟嫩得黎連埋麻醬食真係好夾呢味蟹子沙律既蟹子好足料，沙律醬唔會太酸亦唔會太甜，感覺都既清新我地仲叫埋燒牛舌。薄切牛舌燒到林身易入口，而調味都唔會太重手。仲有點埋日式餃子。呢款日式餃子個皮煎到好酥脆，餡料感覺好豐富，好香口。飲品方面，我地揀左黑糖薑母茶，黑糖同薑既香氣真係令人難以忘懷，飲完好暖身舒服

今日又同老公和朋友去D2 place行街，發現附近有呢一間拉麵店，佈置很日式傳統，於是就被吸引，入去試一試一打開餐牌，選擇真係多到花多潦亂，除咗有拉麵之外，還有很多不同款式的小食，我可以自己Mix and match, 一碗拉麵加兩款小食，價錢都只係$150左右而我就叫咗一碗北海道櫻花蝦拉麵，櫻花蝦分量非常多， 拉麵的硬度可以選擇硬、一般、軟，湯底濃郁，但又不會過鹹，所以吃完也不會覺得太口渴老公和友人揀咗雜錦拉麵和豚軟骨拉麵，湯底可以揀鹽味，味噌和醬油而小食方面，個人最欣賞凍豆腐，豆腐香滑之餘，配上濃郁的芝麻醬，睇見都流口水呀!另外蟹籽沙律也不錯，清新健康燒牛舌也有驚喜，牛舌燒得薄薄的，容易入口，牛肉味香濃煎餃很香脆最後，我哋加$8，把飲品升級至黑糖薑母茶，養生之道

元札幌拉麵位於係商場入面，不過尼個商場無咩野行，所以人流都唔多，應該都要係附近嘅人先會知有尼間拉麵入面全部都係梳化位，好好坐好舒服😌，而且空間好夠，雖然舖位唔算大，但都坐得好鬆動架野食嘅選擇都唔少架🤣🤣，就算唔想食拉麵，佢都有啲飯嘅選擇，同埋佢小食選擇都真係有好多架！不過，尼排好耐都無食過拉麵喇，決定都係叫返拉麵🍜今次我叫左兩個拉麵同埋一個小食我尼個湯底係鹽，姐話清湯喇，而佢個湯都係好清，唔會好油，一邊食麵，一邊飲左幾啖，都唔會覺得鹹，要係咁飲水架麵質我就揀左硬，好欣賞佢地，係真係硬啲架，試過好多，揀左硬其實都係不外如是，但佢地真係有返硬嘅效果👍🏻👍🏻另外一個就係味噌湯底，唔算好鹹燒鰻魚永遠都係我favourite😻😻😻食完拉麵，再食尼個就會覺得個汁好香，燒亦麵燒都靚，唔錯唔錯

西九四小龍，有冇人唔知？唔緊要，記住如果來到荔枝角，行D出口就可以來到位於四小龍之一嘅宇晴軒商場，朋友介紹話有間叫『元札幌拉麵』幾好吃吖。呢日來到正是中午時份，咁就來試一試也無妨。食物選擇都幾多吓，有午市定食，有刺身，有小吃……睇來午市定食好抵食，揀咗個自選三寶，何為三寶呢?就係有以下三樣嘢1. 拉麵2. 小食或飯3. 飲品而我揀嘅拉麵係加多佐5蚊嘅海鮮拉麵，如圖所見，份量好大份，麵質好Q彈，麵上見到有大隻好味嘅青口及新鮮嘅大蝦，而吃落原来仲有帶子以及豐富的配料，分别有荷蘭豆，甘笋片，娃娃菜等等…小食就叫咗北海道南瓜炸薯餅，呢個唔係平時吃開煙韌嗰隻，而係似天婦蘿做法嘅薯餅，外皮鬆脆，裡面南瓜軟綿鮮甜，推介推介。另外叫咗48蚊一份嘅三文魚刺身，也好好吃。

今日同朋友行過宇晴軒商埸，見到依間叫元札幌拉麵，於是入內進食。店內環境裝飾好特別，好日色風情，給人很舒適的感覺。店員態度也很情切，看完餐牌，賣相好吸引。叫咗豚軟骨拉麵，拉麵份量十足，湯底好入味，又夠熱，味道好難忘。個人特別喜飲，一豚軟骨好感也很好，味道也好食。另叫炸墨魚咀，墨魚咀似即炸出來，又熱又新鮮，非常好食，口感也很特別。朋友叫咗蒲燒鰻魚飯。賣相好吸引，又多燒汁，鳗魚份量又足，而且味道真係十分好食，入口滑滑地。飲品方面，叫咗抹茶可樂，首先樽好特別，味道好正，而且好夠氣，飲一口，D氣會馬上谷上來。非常得意。綜合，價錢，店內環境，食物質素和服務員等各方面。個人認為是物有所值的一餐，個人必定再光顧。

同朋友係荔枝角行街，黎到呢個商場，見到呢間拉麵店門面幾靚所以試下。門口有個夾公仔機，店入面都係和風裝修，地方整潔，坐得非常舒服~~我叫左個札幌螃蟹拉麵，湯底選左味噌湯。大大碗拉麵，配料有蔥、粟米粒、昆布、糖心蛋。湯底夠香濃，麵質爽口彈牙，蟹棒啖啖肉，味道幾鮮甜。糖心蛋香甜，粟米粒都幾多。整體黎講都幾好食！朋友叫左個牛油拉麵，要醬油味，試左啖湯，味道都唔錯，唔會太咸。小食就叫左燒多春魚同埋自家製手包餃子。餃子外皮煎到金黃色，非常香口，皮薄肉質鮮味多汁。多春魚燒得香脆不膩，非常好味，成條都食得唔駛吐骨！招財貓飲品原來係蜂蜜梳打，冰甜十分好喝，個樽印左隻招財貓好得意！

今日去到荔枝角見有點肚餓就去找餐廳，見到有間之前朋友都話不錯的拉麵店就入去食晚餐，因為六點多來到不多人好易找到位置坐，今次不想食肉關係就選了札榥螃蟹拉麵和一個小食鹽燒三文魚鯺，麵度可以以硬定軟身，而且湯底都可以選擇，我就選擇味噌和硬麵，來到沒想過咁大份量，而且麵的口感岩晒我，少許硬身又帶口感，湯不太咸但味道都濃郁，蟹柳份量都可以而且有不少配菜，最後太大吃不完添。而另一款小食來到都好大份，而且燒得好香口，入面的魚肉質地又嫩滑，二條份量比心目中多，下次可以再找朋友來一齊吃都岩岩好。

見到依間門面幾特別，我同朋友都想食日本菜，於是就試下。服務員嘅服務幾快而殷勤，而且好有禮貌！入邊嘅環境都寬闊，坐得舒服，比較寧靜，適合同朋友傾偈。滑蛋吉烈豬扒飯呢個飯令人相當有驚喜！首先份量頗大，而且個滑蛋係偏甜甜地嘅，令人呢完全唔會覺得鹹或者漏，同飯配合好夾。至於吉列豬扒，雖然佢個炸漿淋咗少少，但係整體個調味不俗，恰到好處，而且食落亦脆，豬扒唔會好韌，食落係非常之有驚喜嘅一個飯！雜錦串燒串燒有冬菇，雞軟骨，雞翼等。 整體比較普通，調味冇乜特別。鐵板牛油帆立貝呢度帆立貝48蚊都有三隻，另外仲有啲粟米同埋沙律菜。整體其實個味道相當唔錯，有牛油嘅香味，配上其他嘅調味同埋粟米係唔錯嘅配搭。帆立貝都偏係大隻，都算抵食。自家制餃子餃子嘅份量都幾多，有六隻。煎得非常之香，同埋脆，係新鮮煎嘅。入面嘅調味都唔錯，咁但係又未至於話好有驚喜。整體都係中上嘅水準。

星期六同朋友係長少灣睇完戲後就去搵野食，最後搵左依間隻杯好靚~~小食叫左燒多春魚、自家製手包餃子(細)多春魚燒得好香，底有d沙律菜，再加埋檸檬汁，十分開胃~~餃子非常足料，大大啖咬落去，D肉汁必哂出黎而主食方面我叫左個牛油拉麵，湯底選左醬油~配料方面有大塊叉燒、粟米荀、牛油、昆布、蒽牛油融左落湯裏面之後，口感非常濃厚，味道相當出色，麵條口感亦不俗。叉燒吸收咗湯嘅味後入口油香味美，整得剛剛好，唔太林又唔太硬~~招財貓汽水，是蜂蜜檸檬口味梳打，非常好味~~~

黎到荔枝角食晚餐，行過見到依間店舖門口掛着紅彤彤的日本燈籠，看起來挺吸引眼球，便決定一試XD元拉麵招牌的叉燒拉麵，叉燒雖大，可惜只得一塊，味道沒有驚喜。而拉麵之魂 - 湯底味道濃郁，上菜時夠熱，只是略嫌帶點油膩；麵條則咬落彈牙，加上其他配菜，也沒有掉札幌拉麵的架XD威士忌酒嗜酒的我看到餐牌寫著whisley festival 時不禁喜出望外，今次whiskey festival有威士忌梳打、威士忌可樂和威士忌酒可供選擇，三個選擇的價錢也很相宜，最後我挑了威士忌酒。普遍日本威士忌品質都不錯，這杯也不例外，但美中不足是冰塊過多，但這個價錢就不要要求太多了XDDD燒鯖魚以套餐小食來說，這份燒鯖魚絕對是有驚喜！份量足，比手掌還要大少許（也可能是我手掌細XD），火喉控制很好，魚皮不會太焦，鯖魚肉配上檸檬汁，入口鮮甜。很喜歡這間小店，食物質素不俗，價錢亦相當合宜，整體性價比很高。朋友自稱「百彈齋主」，談笑間他說如果5分滿分，這間餐廳他會評4.5分喎XDD

近排荔枝角愈黎愈多新餐廳，住左係附近咁耐都未食過呢間元札幌拉麵，因為一直都唔特別好拉麵，唔食都唔知原來都幾多野揀，除左拉麵仲有定食比你揀。今日同呀媽２個人食，所以叫左１個set share就算佢set 既combination好豐富，大食既可以揀多幾款我地叫左１個拉麵，跟左１個炒魷魚鬚，同埋雞翼串燒。海鮮拉麵都幾大碗，唔係得２淡拉麵，我地呀媽每人都食左１碗有多，海鮮就普通，不過湯底ｏｋ不過小食都幾好食，炒魷魚鬚炒得好香，有少少燶果隻香口！串燒雞翼有４隻，唔太乾而且一開２好易食，調味都唔錯！

星期日有香港大事要辦, 係港島折騰完一日番到附近搵食, 見到呢間唔洗等位就試一試。本身諗住入黎食碗拉麵, 又估唔到幾多野揀, 有定食/拉麵/炒飯/, 仲有新推出石燒吉列牛喎!! 其實係日本/香港都唔係新野, 不過竟然呢間小店都有得食, 只係$168, 所以叫左一份。等左15分鐘終於有得食, 可能因為要預熱個石頭, 賣相幾好, 一盤野幾大堆頭, 牛排話係安格斯牛肉, 不過就有D肥, 吉列皮做得唔錯, 個醬汁都幾好食。個SET仲有蒸蛋, 沙律同湯, 都幾豐富

是日荔枝角有咩好食? 一於試吓呢間位於宇晴軒商場的拉麵小店, 由荔枝角地鐵站D出口行過來只需要數分鐘路程, 基本上同地鐵站接軌,不需要經過任何露天地方, 非常方便餐廳內座位寬闊, 整齊乾淨, 先給人一個舒服的感覺, 留下一個好印象點了二人套餐, 包括了兩款主菜元拉麵, 豬扒蛋飯以及三款小食有吉列蝦, 炒雜菜和雜錦串燒吉列蝦大大隻炸得非常香口鬆脆, 咬下並不油膩, 蝦肉爽口彈牙吉列蝦大大隻炸得非常香口鬆脆, 咬下並不油膩, 蝦肉爽口彈牙炒雜菜內有包括椰菜, 荷蘭豆, 金菇和芽菜, 豐富的菜類款式, 炒出來有鑊氣, 咬下亦吃到有不同菜的口感雜錦串燒有雞翼, 雞軟骨, 冬菇和免治雞肉串各一串, 燒出來熱辣辣香噴噴, 色香味俱全主菜的豬扒蛋飯分量大大碗, 豬扒大大件, 份量討好, 吃得出用上了珍珠米作為飯底, 吃過不停壓軸登場的有元拉麵, 拉麵湯底用了濃厚的味噌湯底, 有紫菜筍片, 一大塊厚切日式叉燒日式叉燒用了半肥瘦的豬肉, 聰明的做法, 值得一讚各種菜式都令我回想到在北海道札幌旅行時吃到的拉麵小店內的風味, 真的很有地道日本小店餐廳的作風和水平評分如下:食物質素:餐廳環境:服務態度5分為

大病初癒，親愛的專登帶小女去食日本野氹下我開心，來到鋪前眼前一亮，很可愛的裝飾佈置，多啦A夢熱烈歡迎我們光臨，心情大好。內外設計走日本風，讓我們暫時穿越時空，一齊來日本放鬆一下吧。梳化座位闊落又舒服，細緻的裝飾佈置，不能不讚美日本文化。食物款式多不勝數，眼花繚亂，看來樣樣都很美味。鹽燒雞翼，兩大串雞翼燒得皮脆肉嫩，香口非常。札幌海鮮拉麵，湯底夠香濃，簡單的食材已足夠做出精彩的拉麵，絕對不錯！牛油炒雜菇夠香夠口感，分量一人剛剛好。我最愛的京燒青魚灑數滴新鮮檸檬汁在魚身上再入口，開胃醒神足令人一嚐難忘。不要好像我們忘了加入配料如蒜蓉和七味粉，原來真的超班。