元札幌拉麵 (宇晴軒商場) (已結業)

這天來到荔枝角附近，肚子有點餓，就走進宇晴滙這個商場找點吃的。一上扶手電梯進去很快就見到這家餐廳，它的餐廳門面設計很容易讓別人注意到，紅紅的。 正好我也想吃日本菜，就進去了。 時間大概是3點，其實當時已經沒什麽人，只有3-4台食客。我坐下之後服務員立馬端茶過來，而茶也挺好喝的。 我叫了猪軟骨拉面，還有一份魚餅，一塊雞肉串，雞軟骨串。 然後喝忌廉。忌廉是小玻璃支裝的，平日比較少見，所以挺有趣的。食物方面，魚餅略嫌有點乾，不過也夠味，而且挺大份的，到最後我都吃不完哈哈。 雞肉串挺好吃，就是醬有點少，加多一點醬會更出色哦，到最後也留了一口沒吃光。。。雞軟骨串很好吃，有點硬。而拉面的話挺OK哦，湯底夠濃，拉麪煮的時間也剛剛好，口感不錯。

黎荔枝角睇戲係之前要食個又快又方便lunch行到黎宇晴軒商場一入門口就見到一間好sharp既拉麵掛滿哂紅燈籠因為已經過左3pm店面冇咩客好大既空間坐得好舒服我叫左豚軟骨拉麵朋友叫左海鮮拉麵加個燒多春魚小食好快就煮好送上黎時香噴噴我既豬軟骨好多料有幾舊大既軟骨好滿足拉麵份量同軟硬度都岩岩好我最怕拉麵煮到太淋但佢保持到仲有咬口朋友對佢個海鮮拉麵都讚口不絕佢最鐘意食蝦大大隻好新鮮彈牙而且湯底岩岩好 唔太鹹又鮮燒多春魚係我致愛但唔易煮得好食架好易燒焦燒乾同燒到散哂依到就煮得perfect即叫即整 入口仲熱辣辣又脆口 好正

又係下午茶的時候，就打算在商場的元札幌拉麵醫下肚仔🍜 。拉麵店的門面相當耀目，門口掛住一個個紅色的日式燈籠🏮，還有開放式的沙發卡位座位選擇。餐牌多款選擇，圖文並茂，食物圖片非常吸引，首先來一個下午茶餐-咖喱自家製吉列豬扒飯，價錢唔貴$50之內，還可以以優惠價錢$8換購日式茶碗蒸蛋一份。咖喱🍛份量都幾多，而且豬扒即叫即炸、香脆可口，咖喱味道香濃，撈飯一流。另外還叫了一份三文魚刺身，一份有五片厚切三文魚，驟眼睇魚的條紋平均，味道新鮮。還有自家製手包餃子🥟，底部煎得很香，豬肉份量多，非常足料。還有我至愛的極上吞拿魚腩茸手卷，面頭還有一些蟹籽點綴。吞拿魚腩茸豆腐口感也非常滑溜。呢一餐下午茶餐真是豐富飽肚，滿足！

上星期去荔枝角搵一個好耐冇見既朋友，我地小聚片刻之後，就出動覓食。原來荔枝角都有唔少食店，價錢由平到貴都有好多選擇。個人特別中意食日本料理，因為除左菜式豐富之外，日本人對食既要求都頗高，所以經常有好多別出心裁既料理出現，簡直係色香味俱全。行左一陣，我地就決定去食呢間叫做元札幌拉麵既餐廳，餐廳裝潢都頗有日本風格。餐廳內部幾寬敞，有好多座位，亦有唔少富日本元素既擺設。餐牌係以一本幾頁既小册子為藍本，囊括左各款特色拉麵、小食同飲品，仲有埋精美既插圖添，好照顧到顧客既需要 👍🏼每張枱既旁邊都放有調味架、筷子筒、牙籤同小碟。調味架上放滿多款調味料，包括七味粉、蒜粉同豉油等等，任君選擇。大家可以因應自己既需要同喜好加入適量既調味料，令食物既味道更上一層樓。叉燒拉麵 $82叉燒份量好足料，個片厚厚既豚肉係真係大過我隻手掌，厚度亦都好合心意🍖😍 由於豚肉係灸燒既過程中，脂肪部分既油分被逼出，所以大大減低左食客入口既油膩感，香滑惹味 😋燒過既豚肉令湯頭帶有濃濃既香烤味道，再加埋筍同埋其他配料，令到成個拉麵充滿多重味道，我地都好中意呢款別緻既拉麵。蒲燒鰻魚飯定食 $108呢個定食足足有兩大片厚肉既鰻魚～

這次去要左份自選三寶套餐（$78+加一服務費），叫左叉燒拉麵+三片三文魚刺身+枝裝汽水。拉麵味道不過不失，叉燒雖然只有一塊，但厚度比一般的厚少少，肉質都幾嫩滑，麵量一個女仔食得晒，飲埋支汽水都好飽；三文魚刺身配有好多海帶，唔錯！食剩一件先記得影相😂枝裝汽水係好飲啲！地方都算乾淨企理，座位都唔算窄，但進食期間有類似螞蟻size的昆蟲（唔識飛的）在桌面上行，唔知係店鋪問題定係半露出在商場內問題，整體來說還滿意的。

元拉麵一向都係屋企人食lunch選擇之一，因為佢拉麵套餐真係幾扺食。星期六放完工同屋企人食飯，行到去已經見到有人排隊，等左10幾分鐘先有位。因為做完野幾肚餓，我叫左68蚊午市套餐，有一碗元拉麵同一個迷你咖哩飯，份量好多同好扺食。元拉麵其實係味噌拉麵，有叉燒海帶等配料，拉麵湯底都幾濃郁，麵都幾爽口，我覺得係水準高既拉麵。迷你咖哩飯係正宗日式咖哩，唔辣偏甜，入面有薯仔洋蔥等等，鐘意食甜咖哩既人一定要食！

到宇晴軒購物後和家人吃這家餐廳品嚐日本菜，環境寬敞，頗具日本風味嘅擺設，相當優雅。正值下午茶時段，我地點了流心蛋牛肉飯和流心蛋牛舌飯下午茶餐，還點了多款小食，有青瓜絲沙律，鹽燒多春魚，燒魚餅，鷄肉串，鷄軟骨和香煎南瓜餅等。牛肉飯和牛舌飯都有一定水準，牛舌好腍滑，牛肉牛味亦濃，唔錯。最驚喜的還是多款日式小食，鹽燒多春魚很香口，魚春香脆惹味，鷄肉串肉汁豐富，燒鷄軟骨細细籽，香脆可口，相當滋味，燒魚餅很有魚香味道，颇為討好，還有汽水作餐飲，試問在舒適環境下優悠地享受美食，豈不快哉!

同朋友行街行到好晏先至肚餓，一見到仲有餐廳開諗都冇諗就入左去坐😪😪裝潢好日式，而且仲有唔少款式既拉麵簡，今次叫左一個牛油拉麵同埋Ankake拉麵雖然我地都好肚餓，應該食咩都覺得好食，但係兩個拉麵係淡而無味！而且牛油拉麵冇牛油味兩個麵基本上講唔出有任何味道上既分別！！唯獨流心蛋都有流心效果，但係蛋係毫無蛋味，完全好似係食緊水湯底既拉麵見佢湯底好深色，原本真係好期待，但食完真係好失望！雖然比起一般拉麵價錢係平，大概72-78就有一碗，但佢性價比真係完全唔高，就算呢個價錢，我都唔會再嚟呢度食唯獨可以一讚嘅，大概就只有佢嘅關門時間，比起一般鋪頭都開得長，就算我哋行多10點幾都仲可以叫嘢食如果行得夜，冇咩選擇嘅情況之下都可以一試，但就真係唔值得特登入嚟食

去完Aeon超市，過嚟元札幌歎個下午茶，點了牛舌温泉蛋飯套餐，送汽水一枝。洋葱牛舌夠晒腍兼充滿洋葱香味，温泉蛋頗滑溜，白飯另上，肉汁幾啱送飯，連埋可樂餐飲，份量已經足夠，餐價45元而已，十分抵食。

常常來荔枝角搵朋友食飯，係億利附近食到都唔知食咩好，醒起宇晴軒果邊有間日本餐廳，就建議不如換下口味試下呢間，主食叫左叉燒炒飯，小食炸雞肉，朋友就食拉麵，大家食完都一致認為呢間野食好出色，好有日本風味，下次出黎食飯會再黎呢間食！

住喺附近，新開張時去過一次，唔好食，拉麵好油，炒飯又濕，仲要唔夠熱。諗住過一排再試下，冇改善，以後唔去。附近餐廳開得耐過佢都冇咁多評價，成日行過都係小貓三兩隻（可能午飯時間會多人），但佢有80幾個，都知咩事！

午餐時段爆滿， 要排一陣。原來裡面都幾大， 仲有open kitchen 睇到。Lunch 都幾多選擇， 價錢range 由$62至$88 有飯有拉麵有定食， 價錢都幾合理。呢個自選三寶$78， 都幾好， 可以滿足想食拉麵又想食飯既食家。 不過我就揀左拉麵配小食。加左$5，雜錦拉麵， 不過乜都有D，海帶， 粟米， 义燒， 蟹柳， 豬軟骨， 各一， 仲有半隻糖心蛋。 麵豉湯底， 幾濃小食燒雞翼， 都有4隻， 燒得唔錯， 皮脆。聽隔離枱講網燒牛扒正， 下次要試試。 埋單

店舖位於荔枝角，外表和內部裝璜都充滿東瀛風味，座位寬闊舒適。正值下午茶時段，套餐和小點選擇甚多。點了炸鷄肉烏冬和吉列豬扒烏冬，炸鷄肉外皮鬆化香脆，鷄肉非常軟滑多汁兼有鷄味，一流! 吉列豬扒唔錯，肉質腍滑，值得一提是烏冬，爽滑彈牙，湯底亦很鲜味，處理得相當出色! 鳗魚手卷和吉列蝦手卷亦是水準之作，尤其鳗魚肉厚味濃郁，手卷香脆，舆香飯混和，入口融化，鰻魚仍然熱暖滑溜，食完仍有鳗魚餘香，令人回味。南瓜煎餅外皮煎得鬆脆，南瓜蓉香滑可口，甜度適中不油腻，好味道! 在舒適而有風味的食肆用膳，確是一大滿足。

今日到西九四小龍探好姊妹，順便一齊行下街，呢邊都有不少舖頭，行到晚上當然要食個晚飯啦，朋友推介到佢屋企樓下的「元札幌拉麵 」。見餐廳門面幾有日本feel,有一個大叮噹公仔放在門口，旁邊還有夾公仔機，而內裹的坐位十分舒服，檣上的佈置也很有日本特色，環境不錯。再看看餐牌，主要以拉麵為主，也有串燒加小食及刺身，拉麵也有不同組合的選擇，總會選到合你心水的。我點了一個豬軟骨拉麵🍜除了有主角豬軟骨，都會附上餐廳的推介「味玉日本糖心蛋」，還有海帶粟米粒及蔥花，先講湯底，味道濃郁而不油膩，豬軟骨很入味入口即溶，配上糖心蛋真的令人回味。拉麵也做得十分出色，口感彈牙，而湯底能掛上在每一根麵條上，每一口都令人有滿足的感覺。另一款叫了蟹柳拉麵，有四大條蟹柳，每條也夠曬鮮味，除湯麵都會附上海帶粟米粒同最重要的「味玉日本糖心蛋」，呢隻蛋真心推介係必食的。小食方面點了雞肉串，燒得香香的，而內裹的肉汁仍能保留，加上醬汁味濃郁芳香，真是拉麵的好拍擋。這間拉麵店的性價比很高，這樣的質素，這樣的材料，這樣的服務，還有這樣的價錢，真心一定會再來。

今次去咗位於荔枝角商場嘅一間地道平民食拉麵店，本身就諗住唔係食呢間嘅，俾佢熱情嘅招呼吸引左。坐低見到餐單有好多選擇真係揀到花多眼亂，佢有正常嘅日式定食，都有好特別嘅自行配搭嘅餐單。價錢會因應你係鬆，梅，竹，菊既選擇而有所不同。我地今次嗌左2人套餐，入面要揀兩個主食同埋三個小食，我哋揀咗叉燒炒飯同埋滑蛋吉列豬扒飯而小食方面我哋嗌左炸雞，煎餃子同埋煎鯖魚！炸雞真係比想像中好食肉質滑溜多汁， 唔似其他餐廳咁會炸到硬身。老闆同我地講話係佢喺日本學廚返嚟嘅主打名菜，所以佢話特別好食之後我哋都叫咗唔同嘅嘢食包括溫泉蛋燒牛舌飯、三文魚刺身、蟹子沙律同埋雞肉丸串等等。認真推薦溫泉蛋燒牛舌飯，上菜嘅時候熱辣辣，吉穿溫泉蛋嘅蛋黃撈落啲飯到真係好好食架，不過我略嫌佢唔夠味道可以咸少少就更加prefect！