元札幌拉麵 (宇晴軒商場) (已結業)

今次黎依間餐廳食係因為咁岩附近有開倉。所以放工先約朋友食飽先出發。我地叫左個自選套餐(松+梅+竹)加再一個小食同熱既菊正宗清酒。豬軟骨拉麵: 豬軟骨做得好淋好軟身，湯底夠熱，拉麵份量都不少，除左有豬軟骨，重有大量配料。拉麵口感有彈性，湯底呈現啡奶色，飲起不會覺得過咸，也唔會覺得口渴。吉列豬扒：表面炸皮好薄，而且非常香脆，豬扒都厚身。炸豆腐：外層炸到剛剛好熱辣辣，豆腐好滑，而且有豆味。鐵板牛油帶子：超香牛油味，帶子肉質唔韌。

今晚老婆約了朋友，於是我又約下好久不見的好友吃飯吹下水！約了在佢公司附近的商場間元札幌，聽聞拉麵不錯，裝潢亦很像日本居酒屋，看到菜單，選擇亦很多！除了拉麵亦有定食，我一心想試拉麵就叫了145套餐，可選擇一碗拉麵及兩款不同價位的小吃，朋友不吃拉麵，咁就可以試下拉麵館的 鰻魚飯定食了。我的套餐包括札幌螃蟹拉麵，蟹子沙律及燒魚餅。小吃先上 "蟹子沙律清新" -蟹子沙律一小碗, 好清新, 青瓜絲都好新鮮爽口! "燒魚餅"- 燒得香口, 唔算太多油, 材料就普普通通, 唔係特別出眾。"螃蟹拉麵" -驚喜位是湯底，濃濃豬骨味，差一點就喝到一乾二淨！麵質軟身一點,可惜 我本人鍾意食硬身D ,如果下次我估可以同伙計講定先。另外定食套餐包了一枝汽水，和風沙律，蒸茶碗蛋及醃黃瓜 。蒸茶碗蛋- 不算太稀, 有蛋香味,而且很多料。鰻魚飯，鰻魚燒得香,油香四射，還嫌飯不夠多撈汁吃。環境簡單舒適, 吹下講下又一晚，期待下次再聚！

一個休息的　weekday, 1點鐘落樓下覓食，今日揀左呢間拉面店。其實我本身不太愛拉面，不過餐廳有好多其他選擇，友人揀左剌身定食，我要了鰻魚飯　set!刺身定食好快就到，個刺身好大片，好厚切，略嫌飯有點硬身！等多接近八分鐘先來這個鰻魚飯，證明夠新鮮，但我覺得飯不夠熱，汁亦少了點，但鰻魚算大舊！side dish 個沙律，醋放多了，有點兒過酸！由於正正午餐時間，吾想阻住其它食客，所以一食完都埋單了。奇怪這個招待客人既　welcome tea, 係用左　chinese tea

近排喺荔枝角附近返工,真係做得好辛苦. 今日ot o o下蛇出嚟食個飯！ 見到呢間舖頭仔喺角落頭，望落好舒服，可以安安靜靜坐一陣。 決定入嚟食個飯！ 唔想食拉麵咁飽，唔想食定食咁悶決定 A La Carte!叫咗三樣嘢都好好食！先嚟炸手捲， 新鮮炸熱，飯微暖， 配少少沙律醬， 幾唔錯安格斯串燒牛， 肉嫩多汁, 伴有少少牛肥脂，正！ 加埋檸檬汁 perfect!最後燒油甘魚鮫! 即燒，所以要等， 食落肉嫩油香， 配埋個白蘿蔔蓉 值得等一等 好喜歡呢度既環境， 自成一角, 外面人流熙來攘往, 我卻又可以安安靜靜享受一餐晚餐....食飽啦死死地氣返去ot囉

去咗荔枝角嗰邊食嘢，因為出面太熱我哋都約咗去商場食，大家決定去食日本野揀咗個二人套餐，都算抵食，有兩個主菜同埋三個小食我哋兩個都揀咗滑蛋吉列豬扒飯，飯量都唔細，豬扒都有成個碗咁大，下面有洋蔥，返就係用日本米煮嘅，軟硬啱啱好，如果個汁再多啲就更好炸雞塊有五件，而且每件都幾大舊，外皮炸到好鬆脆，雞肉唔會硬，都幾抵食餃子就有六件，餃子皮好薄，見到入邊嘅餡料，師傅啱啱煎起，熱辣辣好好食我同老公最期待就係牛舌，呢度嘅牛舌好薄，上面有黑椒同鹽調味，我自己就覺得鹹咗少少，但係都好夠味老公仲加咗$5要汽水，汽水嘅選擇都幾多，而且係支裝汽水

今日同阿囡啱啱去探完人哋bb，就喺商場入面逛，本身想事搵間西餐食意粉， 但咁啱經過就畀夾公仔機同埋叮噹吸引咗入嚟食拉麵。入面唔只有拉麵，仲有好多飯類可選， 我地三人叫咗兩個套餐，一個松.梅.竹,$145蚊,一個松.梅98蚊， 夾埋就兩個拉麵， 三個小食。老公叫了地獄拉麵，色水唔係好靚，但d湯夠辣，我們另外再加了極辛勁辣粉。我同bb share 個雜錦拉麵， 麵豉湯底，唔太咸，拉麵彈牙。小食有燒牛舌，雞翼及炸豆腐。炸豆腐外酥內軟，加上醬汁，及木魚，好味道燒牛舌夾爽脆惹味燒雞翼本身簡單易做，皮脆肉嫩，但又係小朋友最愛，所以必點。簡單一餐，選擇又多

只係門面就都幾有日本感覺☺️原來呢間日本野又幾抵食喎，食物質素都唔差，回頭率都幾高添餐牌先黎既係5大片三文魚刺身，質素新鮮之餘，重要係厚切架！雖然唔係腩位，不過都食到甘香既味道，唔錯黎個午餐鰻魚定食，見到個賣相大大份，感覺都幾唔錯，除鰻魚丼外，重有日式蒸蛋，前菜沙律及麵豉湯，整體份量都幾多鰻魚丼就都幾高質！雖然佢既大小不足以放上原條一大條既鰻魚，不過呢度都講緊有半條鰻魚，佢既質感都幾厚肉，加上有大量鰻魚汁，成個飯真係好正！每啖飯個口感都幾有張力，同時，日本既珍珠米配合下，真係無得頂麵豉湯入面嘅豆腐都真係幾好食，宜家出面好多餐廳既麵豉湯好多時都偷工減料㗎小食我就加左呢個燒三文魚。我都係第一次食呢個要用到湯匙去幫手食，因為佢真係勁多肉，用湯匙食真係會有種啖啖都係肉既口感！用筷子食都真係搞佢唔掂味道調教得唔錯，唔會太咸，而外層魚皮係主要味道來源，並且炸得幾香脆，所以魚皮好食，入面既骨又重膠質，真係好正

今晚去左朋友屋企附近食飯，沿荔枝角地鐵站上商場就到，超級方便！始終呢度係屋苑商場，人流不多，大概七點到達walk in 都有好多位～ 暗黃色的燈光加上不少的日式佈置，蠻有特色！一開始以為呢度淨係食拉麵，原來唔係架～同一般日本料理餐廳一樣有壽司，刺身，定食，熟食，飲料等等⋯⋯而且價錢重好親民添！最後決定叫自選套餐$178 ，在餐牌上(松、梅、竹、菊) 中各擇⼀款～松：雜錦拉麵拉麵湯底可選擇味噌，醬油，鹽味；麵質可選擇硬，一般，軟。我地選擇味噌湯底加一般麵質。雜錦拉麵係樣樣都有齊曬，有叉燒，豬軟骨，溏心蛋，蟹棒，非常豐富！叉燒豬軟骨同樣軟腍，半流心溏心蛋最吸引！湯底不算濃郁，而麵質粗粗地咬落幾彈牙～梅: 迷你叉燒炒飯果然超級迷你，哈哈！！用一隻壽司碟size的細碟裝住，大概每人三啖左右，份量雖然不多，但都好多洋蔥和叉粒，飯粒略為軟身。如果好似我地錦怕食成碟飯太飽，叫呢個真係岩曬！竹： 北海道南瓜炸薯餅外層炸得較硬身，內餡塞滿南瓜蓉實在太正！就算生梗飛滋都要食！ 超級滿足！菊：燒牛舌牛舌切成薄片，意外地嚼勁十足，好爽口，表面灑上黑椒令味道更突出！另外散叫左三文魚刺身，新鮮肥美！估不到荔枝角有

今晚口癢癢想食拉麵，原來呢間拉麵係荔枝角都有分店，所以就入左去食了門面別具特色，而且有個叮噹，幾有趣內部座位數目不少，而且環境乾淨、舒服有多少日式拉麵、飯、小食等等，款式很多，所以都花多眼亂望望下，發現原來有套餐叫，都幾抵呀可選拉麵、小食等，比散叫抵好多最後我們二人點了兩份餐，一份92蚊自選餐，包一碗拉麵加小食。另一份點了138蚊的自選餐，包一碗拉麵加兩款小食小食又可以share來食，所以很豐盛雞肉串。燒汁很香濃，滲入了雞肉當中，十分滋味雞肉串啖啖肉魷魚鬚十分彈牙爽口作為小食十分吸引，而且味道清新更能帶出魷魚的鮮味食日本拉麵又點少得食餃子呢餃子皮薄餡多，沾上了豉油吃，味道不錯餃子跟拉麵真是絕配麵的份量不少，叉燒薄薄的，但有很多塊叉燒肉味香濃叉燒拉麵的食材主角以叉燒為主，有少少筍片、紫菜。湯底香濃，拉麵滑而且麵身帶點點粗，更為有口感呢款拉麵食材款式較多，有叉燒、溏心蛋、蟹棒、紫菜、筍、粟米。每款食物都有點點，這樣就不用煩惱了咩都試到套餐的確幾抵份量又足夠，下次可以再試下其他食物款式

今日一大班朋友去朋友屋企玩，夜晚食飯兼慶祝生日，揀jor哩間就近餐廳4個朋友都嗌jor佢既拉麵，而我同另外兩位朋友就嗌jor佢啲飯類我嗌jor個滑蛋吉列豬扒飯，可能因為好肚餓啦，所以覺得好好味我地仲嗌jor佢啲小食，包括有雞翅、牛舌、餃子、芽菜等不過我地一致覺得小食相對比較麻麻聽朋友講拉麵比較鹹但係我地三個都滿意我地既飯食完之後我地仲係到切蛋糕佢無收切餅費，而且我地仲將近坐到關店啲員工都無催我地走所以整體感覺okay

去左荔枝角探朋友，同佢一齊食樓下個間拉麵店。我地share左一個set，佢可以包一碗拉麵、兩個小食、一碗飯。我試左個叉燒炒飯，覺得都幾好味，而且仲炒到好香，，仲有好多叉燒肉碎添，不過嫌佢油左少少。薯蓉同埋個餃子都唔錯，而且一個set嘅份量啱啱好夠2個人食，好抵呀

黎到5月天氣已經勁熱同男友都唔想食太熱既食物一於去食日本菜呢間餐廳係荔枝角其實都好方便仲好方便泊車！環境唔錯，好有日本feel估唔到呢間餐廳有好多款唔同類別既食物，有拉麵，定食，二人餐仲有好多串燒同小食我地叫左兩個定食蒜片雪花牛柳定食，個餐好豐富有好多牛柳粒，燒得好入味，好多肉汁仲有蒸蛋，沙律，麵豉湯蒸蛋都好足料，有蟹肉另一個叫左咖哩吉列蝦定食吉列蝦炸得好香口，唔會好粉好油咖喱是甜甜的，少少辣跟餐仲送汽水平民價，好抵食！

店內環境像是置身在居酒屋，下班後去到感覺好輕鬆。而且枱與枱之間闊落，令人坐得非常舒適。這裏食物選擇很多，有拉麵、有晚市定食、有串燒、有炸物、有餃子、有手卷，有刺身、有茶碗蒸、有鐵板燒等等，應有盡有。今次叫了一個拉麵「松、梅、竹」套餐。因為拉麵款式好多，每樣都想試下底下，就叫了雜錦拉麵，樣樣有就最好。雜錦拉麵有豚軟骨、叉燒、螃蟹條、半熟蛋及粟米昆布等配料，配上豚骨湯底。拉麵爽滑彈牙，有口感，越食越想食；豚軟骨又淋又入味；叉燒大片足料；螃蟹條，鮮甜；半熟蛋有少許流心，正；配上濃郁足料的豚骨湯底，令人想encore再encore。燒牛舌，燒得剛好，又厚又juicy。自家製手包餃子，煎得外脆內軟，配上醋汁及加上辣椒油，美味。另外叫了一個三文魚刺身定食，定食包括三文魚刺身、白飯、麵豉湯、沙律菜、茶碗蒸及一枝枝裝可樂。三文魚刺身新鮮，切得尚算厚身。也算是拉麵外不錯的選擇。

今日來到荔枝角覓食因為朋友係宇晴軒返工，所以近近地係返呢道食；話時話都好似無黎過呢道🙊因為早左少少到，所以自己行左一個圈，食肆都唔算少，但出奇地清一色全部都係連鎖店咁滯好彩我眼利，比我見到百佳隔離有間日式餐廳價錢好親民，$58已經有定食$72有拉麵、小食、汽水，小食入面重有迷你飯揀，一個餐實食得飽定食款式都幾多選擇炸雞肉定食$62很豐富而且炸雞肉份量夠多呢個定食值得推薦，炸雞肉一點都唔厚粉，入口夠脆，雞肉唔乾有肉汁，新鮮即炸，非常美味蒸蛋濕潤夠滑有蛋香叉燒拉麵+煎餃+汽水$72另加；糖心蛋$12叉燒夠大片，肥瘦適中唔鞋口煎餃紫芋粟子薯餅$48呢個都非常推薦，入口好香紫芋味，粟子份量唔少，食落外脆內軟有芋香又有粟子好有口感

餐廳供應三款套餐共十五款拉麵加上近四十款小食自由配搭選擇牛油拉麵鹽味湯底清澈清爽唔會死鹹而且略帶牛油香味充分展現食材原味；薄切叉燒肉腍脂香；配料豐富Ankake Ramen味噌湯底濃郁；溫泉蛋半熟流心好正迷你叉燒炒飯雖然份量唔多但係拉麵配搭炒飯真係好飽；炒飯飯粒分明略帶焦香而且配料豐富串燒雞翼新鮮即烤表皮金黃香脆；肉質嫩滑唔乾肉汁豐富燒牛舌薄切牛舌表面香脆而且肉味香濃略帶脂香；加上檸檬微酸開胃唔會過膩