元札幌拉麵 (宇晴軒商場) (已結業)

探朋友而來到宇晴軒，順便在樓下呢個商場度食埋晚飯，都幾多野揀喎，朋友揀左食拉麵。店很大，餐牌選擇亦很多，拉麵，定食，鍋物，小吃樣樣都有幾十款選擇，左揀右揀下選了一客定食，一碗拉麵，仲有一個小食，十分豐富了。店員送上熱茶及茶壺，自己添好方便，啱哂我地鍾意飲茶的人。定食原來有汽水送，點餐時都無留意添。咖哩吉列豬扒定食（$86）朋友點的定食，意外地大盤大大塊炸豬扒，炸得香脆，肉質軟腍，日式甜咖哩正好撈飯，超多白飯呢，勁飽肚。日式蒸蛋好滑呀，濃濃的高湯令到蛋好鮮味，而且好大杯呀，正！勁鍾意食茶碗蒸仲有麵豉湯，好香不死鹹，好飲。沙律菜新鮮爽口，呢份定食勁多野食喎，抵！雜錦拉麵（$78）自己點了拉麵，本來想選元拉麵，但發覺沒有溏心蛋附送，哈哈，貪心啲要個雜錦的，咩都有嘛。叉燒有咬口，豬軟骨軟腍入味，兩款肉都好食喎。溏心蛋流心，正。拉麵是黃色曲麵，幾掛湯，選了一般硬度幾對胃。湯底選了醬油味，意外地清甜不鹹呢。海鮮大阪燒（$48）仲有大阪燒，因為我鍾意食！去食日本野通常都會點啦～主要有椰菜，魷魚粒，豬肉粒等，煎得香口，而且夠多醬正正正越夜越多食客，很受街坊歡迎呢～

假期過後的星期一晚，去到荔枝角香工，不是要瘋狂購物添新衣，只是為了領取週日跑步比賽的選手包。任務完成過後，走到宇晴軒的>>>元札幌拉麵<<<用膳。 由地鐵站D4出口往上走一層，拉開商場的大門，便已看到餐廳。餐廳門面裝修也很奪目的說。 餐廳以拉麵命名，當然提供不少拉麵選擇。 此外還有各款小菜，可與拉麵配搭成為套餐，食客可以優惠價享用。 若不喜歡拉麵，也可選擇定食。 今晚選擇了札幌螃蟹拉麵(HKD72)，一來本身喜歡食蟹，二來在餐牌見到食物名字旁邊，附有廚師帽標誌，看來是大廚推介吧？湯底和麵質可以自選，但並沒有作任何指定選擇，留待廚師把最好的預備給冰。螃蟹份量豐富，沒有偷工減料；湯底鹹淡得宜，吃後沒有口渴感覺，大概沒有怎樣加味精；麵質取了中庸之道，帶點嚼勁之餘亦見柔軟。當然不要錯過那半隻流心蛋啊，嫩滑香口。 追加一碟炒魷魚鬚(HKD48)。魷魚鬚以醬油、牛油及香脆蒜粒等炒香，不需搶眼噱頭，已成就一道美味小菜。 茶水無限量供應，但也點了飲品，就是被其好意頭名字吸引。招財貓(HKD24)真身是蜂蜜梳打。微微的汽量，小小的一樽，輕輕的蜜甜，沒

啲魷魚酥同炒菇小食細細碟 唔講以為人地食剩 多謝48一碟再講下啲拉面 垃圾到不得了好似淥公仔面咁整出黎仲生生地咁樣 根本就中哂伏唔會再有下次 真係請都唔食呢到比正評講果啲野全部都係假唔信就自己黎中下伏啦

今天和同事到荔枝角工作，做完順便食晚餐。在商場隨便逛逛，見到一間掛滿紅燈籠的餐廳，吸引眼球。在外面看，會以為餐廳細小，不過走入去了，會發現座位不少，目測有20多張餐桌吧。餐牌圖片豐富，有很多種選擇，而且套餐可自行組合。我們最後選了松梅竹菊的自選套餐，再加一碗拉麵。我叫了個雜錦拉麵，材料有溏心蛋，蟹柳，叉燒，海帶，粟米，豬軟骨等等 。麵的質感軟滑，湯底濃郁入味。我最喜歡吃溏心蛋，蟹柳和海帶。同事點了豬軟骨拉麵，豬軟骨有四件，厚身多肉。我試了一件，入口軟腍，滿滿的骨膠原。迷你叉燒飯的材料豐富，有洋蔥粒，青椒粒，甘筍絲，雞蛋絲等，飯炒得乾身，很香口，我們很快便吃光了。炒魷魚鬚，份量略少，不過彈牙有鮮味，調味恰當。吉列蝦炸至金黃，以蔬菜當伴碟。吉列蝦咬起來很鬆脆，蝦肉新鮮有彈性，加上沙律醬，酸甜開胃。另外，餐廳環境不錯，和風式設計，如有：木製餐牌，特別的燈飾。座位寬敞，讓人可以舒服地享受晚餐 。

網燒雪花牛扒定食@元札幌拉麵 與友人荔枝角四小龍見面，附近廠廈林立沒有什麼特別好食， 朋友帶路下帶了我到宇晴軒商場的元札幌拉麵 晚飯 很有日本特色的裝潢 晚上七點左右人不算多， 空間感十足，冷氣強勁!服務員招呼十分殷勤， 我們被安排坐到四人位，空間感十足 食物款式很多，單點的有拉麵，有定食，有小食點餐可點二人餐或者單人餐 價錢不貴，一個人不過是$70左右 有小食有拉麵加飲料不過是一百元左右 跟餐飲料 日本糖心蛋 $13 很喜歡吃這類糖心蛋。糖心蛋就是煮熟的蛋內的蛋白是熟的，但蛋黃仍然是暖暖的好像蜜糖一樣 套餐包括了一碗海鮮拉麵 和一碗迷你咖哩粉非常飽肚才$92 咖哩飯味道偏甜，就是日式的口味，非常好送飯 海鮮拉麵看起來不萛亮眼! 但拉麵的拉麵底質感不錯，湯底夠熱而且非常鮮味 網燒雪花牛扒定食的牛扒， 份量非常多 ，還包括了一客沙律 ，麵豉湯， 茶蒸碗 非常之豐富真心推介 茶碗蒸雖然不是很嫩滑，但味道很香，我很喜歡它熱騰騰，帶點鰹魚汁或者柴魚高湯的鮮味

這天下班到了荔枝角逛街, 遇見了一個好久沒見的朋友, 於是就到了一家拉面店聊了起來;日式的裝修風格, 我們2人點了一個松梅竹的自選拉麵; 一客叉燒拉麵+串燒雞奕+自家制的餃子; 叉燒拉麵, 一大碗, 份量十足; 長長的拉麵, 浸泡於豬骨濃湯裏, 黏稠的口感, 使拉麵更為幼滑; 淡淡的豬骨味, 可惜不夠濃郁; 而叉燒大大片, 入口即溶;而雞奕, 2隻雞中奕, 金黃色的外皮, 香脆可口, 味道較鹹, 較乾身, 肉質較”鞋”;而這裏的自家制餃子; 有六件, 外皮光身透亮, 但略厚; 輕輕咬一口, 肉汁緩緩流出, 配以餃子汁, 更能帶出餃子及肉的鮮味;吃完這餐, 雖然只有一碗拉麵2客小食, 但我們依然覺得飽飽的, 十分滿足。

今日想食下日本拉麵，雖然荔枝角而家多左好多野食，但好食既日本拉麵又真係唔多，所以係冇咩選擇下，唯有食呢間啦餐牌選擇唔多，但有便當餐啦，咖哩飯餐啦同拉麵餐，我地2個都揀左拉麵餐，大部份都$72，特別既都係加多$5，而且仲有小食，我地就揀左蟹子沙律，串燒雞翼同2碗元拉麵，搵麵啫有蛋，筍，粟米，紫菜同2片义燒，雖然餸唔多，所$72仲想要啲咩，而且味道OK, 所以如果想止下拉麵癮呢間都可以，但真係唔好抱高質期望囉

四小龍之一的宇晴軒，商場內的有不少食肆，而這間元札幌拉麵就在International超級市場和東海堂之間 ， 裝修很日本feel。今晚是星期五晚，店內人頭湧湧， 很好時間上早還有位。 門外門內掛滿了許多傳統的日式燈籠，而牆身亦鋪滿了用木製的食物字牌，令食客感覺猶如於置身於真正的日式餐廳店內。看完餐牌，由於可以自選四款不同種類的食物，價錢也是178元， 分別是叉燒拉麵、串燒雞翼、燒牛舌和炸雞肉， 比起各住散叫，卻是便宜很多。 而太太則order了 蒲燒鰻魚飯定食，盛惠$98元。叉燒拉麵，order時點了味噌味和regular麵身，加隻溫泉蛋。 味道方面， 味噌湯底濃郁， 叉燒比較軟身，易入口，而拉麵麵身適中。 最滿意是溫泉蛋，口感很軟滑，日本蛋味香，不錯。串燒雞翼， 沾上七味粉，熱辣辣食又幾香口。 皮燒得很脆，而雞翼肉質又不會燒得太乾身， 還有少少肉汁。燒牛舌和炸雞肉也是做得不錯，炸雞肉汁很多，又非常香脆肉滑。至於蒲燒鰻魚飯， 由於醬汁好香甜， 配上一大塊鰻魚，味道濃香， 鰻魚做得不腥， 口感爽滑，味道香濃。飲品點了波子汽水和懷舊樽裝可樂， 極配合食日本拉麵，滿足到瀉。

去完朋友屋企一齊落樓下食野, 原來商場都幾多野揀, 不過見到呢間元札幌拉麵, 之前響其他地方食過唔錯, 所以呢度再食.款式同價錢跟荃灣差唔多, 都係以拉麵, 小食為主.豬軟骨拉麵係心水, 豬軟骨肉跟筋位比例平均, 軟骨入口黏口夠膠質, 肉質夠軟腍入味, 唔會覺得好乾.拉麵麵質軟硬度適合, 咬落夠彈牙爽身, 唔會好易腍.最重要個湯底夠濃郁豬骨味, 再帶少少醬油底, 唔咸無口乾.拉麵除左之外, 仲有蛋, 粟米, 海帶, 芽菜之類既配料, 份量充足.食拉麵之餘仲加多個煎餃子, 煎至金黃好香脆, 皮又夠薄. 餡料夠多, 食落滿滿既肉, 肉汁四散, 好滿足. 而且煎起唔會太油, 太油會感覺肥膩飽濟, 但呢個無.雖然簡簡單單既拉麵配餃子, 但味道已非常好, 食得出好用心, 下次會再黎.

今日收工約了朋友在四小龍行下街順便食下飯 ， 看見這間宇晴軒商場的元札幌拉麵， 忽然想食日本拉麵，今晚就決定食這間。咪睇餐廳門口細細， 原來入面L型都幾大下，有很多座位選擇， 加上裝修很有日式化， 感覺猶如置身在日本九州食緊拉麵。餐牌食物種類也有很多， 除了主打拉麵外。 還有多款定食及小食，任君選擇，而且價錢 出乎意料，非常大眾化。最後我們點了兩款拉麵和一款小食， 分別是豚軟骨拉麵、 蟹子沙律， 只是$92元，另元拉麵$55， 兩個人落樓連加一都不用$200， 真正平靚正。豬軟骨拉麵份量多， 魚肉味濃郁， 加上豬軟骨做到好軟身，有點入口即化的感覺。 而拉麵麵質可選軟、硬或正常， 我覺得正常麵身麵質會好食啲，比較煙韌啲。 別流心蛋做得很出色，非常香滑， 味道很濃郁，加上湯底點了味噌湯底， 湯味不會太鹹，味道香濃。以蟹子沙律份量也多， 食完口感很爽彈，好fresh。別一款元拉麵雖然沒有什麼特別的材料， 但勝在湯底和拉麵麵質搭救， 而當中的配料-筍 也是十分爽， 吸收了濃湯的精華 ， 特別惹味 。此款拉麵平平地也是不錯的選擇。

其實自己好小去荔枝角食野，今日去開AEON買野係個昇悅居商場穿黎穿去竟然發現佐有間拉麵，見無乜人，又未試過就膽粗粗就入去試下啦。間野都幾得意，好似乜都有D 咁，雖然個面叫拉麵店，但就又有串燒又有飯(雖然部份日本拉麵都有跟飯)。見唔係太肚餓就兩個人一人點佐個拉麵，我自己點佐個香蔥拉麵，女朋友就點佐個辛辣拉麵。等既時間都唔見好多人入黎，所以環境都算靜。不過都算等得幾耐下，差唔多成30分鐘，不過唔緊要啦，反正唔等時間，環境都算OK。黎到賣相都OK，味道就中規中矩啦，都算合格。湯底唔算太濃太油，如果鐘意食開清淡的就應該會喜歡，反之如果鐘意日式傑撻撻個種就應該未必岩了。其實昇悅呢頭真係唔多野食，而家搵到呢間野，起碼下次再過黎有多個選擇了

經過商場比呢間拉麵店門口好搶眼既燈籠吸引左過來，見到餐牌好多款拉麵，經濟實惠之選！晚市定食見到有鰻魚飯，二話不說就選擇咗呢個定食。再揀多款雜錦拉麵，同埋牛舌、燒冬菇做小食。先來左一份鐵板牛舌，熱辣辣一份手掌咁大嘅鐵，都有8塊左右牛舌，有蘿蔔蓉鋪底，不算厚切。點上酸酸地既汁，有牛香，肉質好諗，不錯。串燒冬菇味道好濃，調味很夠，鹹鹹甜甜又有鮮菇嘅味，唯一就係燒得有點過火，水份流失哂。浦燒鰻魚定食好抵食，都算係有水準同幾豐富。一份入面包好多野，包括開胃沙律菜，例牌日式味噌湯，茶碗蒸水蛋同埋一大碗鰻魚珍珠飯。呢度嘅鰻魚飯好有驚喜！鰻魚幾厚同大塊，軟綿綿入面有小量細骨，經典既鰻魚汁係沒得輸，汁唔會太多，伴飯岩岩好。珍珠飯軟糯有咬口，每一啖都係美味。呢有咁既質素我覺得係超值，下次為左呢個鰻魚飯再食過。雜錦拉麵 湯底係麵豉湯，唔油膩，飲落順口，唔會好濃好重膠質。配以1大塊半肥瘦日式叉燒，豬軟骨、蟹棒、半只溫泉蛋、粟米，海帶、芽菜等配菜，份量都多。麵質非常彈牙，叉燒半肥瘦夠鬆軟，帶肉香，不錯！豬軟骨好軟綿，蟹棒鮮味，溫泉蛋好流心，配上湯蛋味香濃，好好味！好想再加一隻。總結黎講，呢度既拉麵價錢公道，多款

去完D2 睇飄雪，諗住去埋對面AEON行下，點知經過宇晴軒個商場，見到有間好有日本氣氛既拉麵店！價錢又唔係好貴！就入去試下！裏面都好大，大部份客人都係一家大細！佢有好多款拉麵選擇，湯底清一色係豬骨湯底！我地每人叫左一個拉麵食我叫左個辛辣拉麵 $68湯唔太濃，唔洗食幾啖拉麵一杯水雖然係辛辣，但都唔係好辣。拉麵係幼麵重都好多！主要配菜有芽菜，荀，炸醬，木耳沒有平時一般拉麵有既叉燒！他叫左香蔥拉麵 $68勁多蔥！如相中既白色長條衣個有叉燒，大大塊！

同男友去荔枝角試婚紗，試完經過荔枝角宇晴軒商場，見到間勁多選擇既拉麵店，價錢相宜，二話不就即刻入去坐底叫野食。叫左2個套餐，眼闊肚窄既我諗左好耐，樣樣都想叫🙈最後叫左個松+梅（拉面+1小食），同一個松+梅+竹（拉面+2小食）。薯仔沙律好像雪糕一樣一球球，一口一口放進嘴，充滿了薯仔既香氣，非常香滑，連平時唔食沙律既男友都同我爭食🤦🏼‍♀️地獄拉麵湯底唔算好濃，比出面既地獄拉面扁淡，只有少少辣，但麵質彈牙，叉燒半肥瘦，肉質唔會太乾，不錯！溫泉蛋雖然唔係勁流心，但浸於湯中後非常入味，蛋味香濃又唔會過熟。叉燒拉麵湯底係麵豉湯底，味道唔太濃唔太淡，味道岩岩好，配以4大塊半肥瘦日式叉燒、芽菜等配菜，令人食得滿足，份量都唔少。叉燒切得好厚但唔肥膩，脂肪好小，肉質唔會太乾，夠鬆軟，麵條方面具嚼頭，非常彈牙。**不過呢個麵係無溫泉蛋嫁，相果到有係我偷男友既🤣串燒拼盤雞翼帶有鹽燒味道，皮燒得香脆可口，肉質嫩滑。日式雞肉棒內層有軟骨，啖啖嫩滑既雞肉食落又有咬口感，正！冬菇好新鮮好香,唔會燒到好乾，幾juicy,唔錯雞軟骨又香脆又有嚼勁，燒得唔錯。日式咖喱飯無錯，我男友係咖哩迷，所以小食點都要叫咖哩飯，黎到發覺

估唔到係荔枝角一個細小既商場裡面，會有日本地度既餐廳，仲有有多元化美食。環境相當之有氣氛，好有日本風格，紅色為主要色調！而餐牌上有很多種選擇，價錢方面仲幾抵食，有唔同既組合可以選擇喎！我坐低左之後，心大心細之下就揀了一碗豬軟骨拉麵，麵的質感唔錯，又夠彈牙，湯底是煲左好耐既豬骨湯，香濃得黎又甜，豬軟骨十分入味，很林身，仲有骨膠原很豐富，靚呀！跟住，再叫了一碟燒靖魚，賣相一流，靖魚燒得岩岩好，魚身夠厚，無乜細骨，魚既味道鮮美！呢餐真是物超所值呀！