元札幌拉麵 (宇晴軒商場) (已結業)

住家商場裏，被門口機械人吸引住！不需到日本，也能食到拉麵。仲係牛油拉麵～賣相一流，我好似去左日本一樣，一大片牛油，兩大片叉燒，湯底仲發出濃湯既味道。食落麵既質感有彈性，加上牛油濃底，更添柔滑。無得頂！跟住嚟一碟自家餃子～皮薄餡多，肉質鮮美多汁，外面煎得脆卜卜，味道靚呀加一個甜品先，紫芋粟子薯餅～健康又美味，味道不太甜，又不肥膩！唔係周圍可以食到架！Yummy! Yummy!原來有很多選擇架，下次一定要嚟試下其它野食先

開心小聚餐，由朋友帶咗我黎呢度食，有意外驚喜。原來呢度除咗拉麵了得，熱食都好正！入面嘅環境都相當有氣氛，紅紅地嘅招牌，亦掛日本特色嘅菜木牌.....呢間就係元札幌拉麵喇先講下個拉麵，今次我就叫咗地獄拉麵，因為想食d濃味d嘅野......紅當當嘅地獄拉麵，份量中大，叉燒都好大塊，相當足料。食拉麵當然要先講個湯，夠辣，夠濃，豬骨味都好出，個糖心蛋亦做得好好，入口即溶化，超好食，面底軟硬適中。老闆仲介紹我落呢個勁辣粉，我只係落左一小匙，已經覺得好夠，而且辣得黎好香另外我點左個串燒雞肉丸，感覺好似明太子，一上枱係熱辣辣，特別好食！外皮嘅醬汁非常香口，入面仲有d軟骨，好有口感，好入面！最後我亦點左個枝豆，作為枝豆怪，一定要食，豆香夠甜

一直對荔枝角的印象也是工廠區，沒想到荔枝角竟然有拉麵吃。我們這次來到位於宇晴軒商場的元札幌拉麵，只要在地鐵站D4出口乘搭商場的扶手電梯便可，非常方便。食物的選擇還是蠻多的，除了拉麵以外，還有其他定食、燒物和炸物等等。自選三寶餐挺划算，以$72的價錢可以吃到拉麵、小食和汽水。最後我們點了2個三寶餐和額外追加了小食。原來汽水是支裝的，很懷念呢！札幌螃蟹拉麵的湯底味道偏淡，蟹腳和拉麵的份量頗多，口感較腍，溏心蛋半流心狀態，有微微的咸甜味。草菇拉麵配有菇類、筍和叉燒等等，叉燒味道不錯，肥瘦適中。蟹籽沙律青瓜爽口，拌上蟹籽和拉律醬，味道清新👍🏻炸豆腐即叫即炸，熱辣辣，要小心燙口，再舖上柴魚絲在豆腐上跳舞炸墨魚嘴的口感煙韌香口，在炸墨魚嘴撒上檸檬汁減少油膩和熱氣的感覺。略嫌炸墨魚嘴的份量偏少。紫芋栗子紫芋栗子薯餅賣相很不錯，一份有4件。栗子混入紫芋泥裡再炸香，外皮酥脆，芋頭香味四溢。

打風落雨季無辦法要喺屋企附近搵食，無乜選擇底下就揀左哩間前菜嗌左凍豆腐，加埋麻醬，好味道餃子皮薄，餡足，不過略嫌太油，仲有煎得唔係好香口。哩個叉燒飯係炒得好好食，好香，料又足，不過都係太多油哩度啲嘢食全部都好多油，油，油炒碟菜真係5洗咁多油，食到油味多過炒菜汁嘅味燒馬友係好大條嘅，賣相欠奉不過味道還可以啦，無咩特別。叫左個泡菜鍋，覺得伏伏地，真係好多油...睇相都睇到啲油喺晒個面度豚肉係多，不過油到咁，加上個湯得個咸字又5係有啲咩泡菜味，5知自己食緊咩哩度出名食拉麵，佢個湯底係5錯嘅，不過有眼睇，真係好油如果5係近屋企又無得揀，都5會再黎

今次想介紹返一間平民地道既拉麵店，就開係D2 PLACE 附近既商場。(呢商場可能要住係荔枝角既人先會熟D。)商場叫宇晴軒，附近就係昇悅居、泓景臺同碧海藍天。合稱「西九四小龍」。貪吃小妹我年輕既時候都有係呢間商場既琴行打過工。當時仲未開呢間元札。元札設計幾夠日式。主要用左搶眼既橙色。(餐牌)男朋友揀左一客定食。有沙拉有蒸蛋有湯有小配菜，沙拉比較清，可能因為要襯托返濃味既鰻魚飯。配菜係酸黃羅白，幫你醒腦提神。整體黎講$98有咁既水準算係非常高分架喇而小妹我喜歡食湯，叫左呢個出奇特別既ankake拉麵。湯好濃郁，帶有少許煙燻左既味道，又有少少燒焦既香。麵屬於比較爽。$68晚市黎講好平民。本人覺得最有特色既就係呢支綠茶汽水呀。綠茶味唔太出，不過勝在夠出位，包裝又靚總括黎講係間好平民又地道既日本野。如果經過呢到可以試試架!

荔枝角既日本餐廳比較少，聽同事推介公司附近開左間日本餐廳就決定去試下新野食午市去個陣都比較多人，不過唔洗等位就有得入服務員都好快搵到位招呼我地入去。見到牌照都好多選擇，定食套餐黎講都算係有水準同幾豐富，今次就叫左燒鯖魚定食套食有我最鐘意食既茶碗蒸，大大條燒鯖魚，開胃沙律菜，例牌日式味噌湯，同埋滿滿一碗日本珍珠米飯。不過lunch黎講要$62 ，要另外加一收費， 係荔枝角區黎講都算幾貴雖然好好食，但都唔會係lunch常去既飯堂

下班後的時間，理所當然的是吃頓好吃的來調劑身心喔。這天來到的餐廳光從門面來看已是很有日式氣息。這是一間拉麵店，內裡的裝潢也是如此，滿是日本風味。日文的元素跟日式招財貓在餐廳的牆身顯而易見，挺讓人感到頗有特色。在門外報上人數，店員領著你到位置，剛落座，他們轉身便送來茶跟餐牌。茶還挺好喝的，只喝得出來不是玄米茶，大概是焙茶吧?!這裡的餐牌以松竹梅菊四花分別菜單，可以自選搭配。於自選套餐可以看到松餐牌搭配梅餐牌的便是$92了。而我最想介紹的是以下這個套餐。這個二人餐還真的很抵食喔。兩個主菜配上三道小食共$228，價格挺符合我這些小市民的要求。我們點了這個二人前，配上飲料，送餐速度也是很快的。簡單的玻璃瓶飲料。先來的是自家製手包餃子(大)，或許是個人喜歡吃餃子，因此我蠻愛吃這個的。這道煎餃餡料是椰菜跟豬肉，會送上餃子醋給予調味，雖是多油了點，但是煎得挺味美的。餡料味道不錯，而且皮也算薄，我倒挺愛吃這小食。再來是炸雞肉，配上日本醋。雖是油炸的，但是外皮沒有酥脆的口感，反倒是鬆軟的，不用擔心會太過於香口喔。雞肉不黏牙，味道咸啖適中，一咬下鬆軟外皮配上嫩滑雞肉，不錯喔。而且，就小食來說，份量也算多。

荔枝角近年愈起愈多私樓，連帶住都開左唔少餐廳，但大部分都係啲連鎖餐廳，難免有啲乏味。今晚同朋友行完D2既文青野，就逛下附近啲商場，係宇晴軒入面突然見到間日式餐廳，好似幾特別！就入左呢間餐廳食晚餐。入到去，見到用左鮮紅色既日文字做招牌，非常耀眼奪目因為時間尚早既關係，人流唔算太多，侍應俾左張4人卡位sofa枱我地，都幾舒服！呢間餐廳好識善用牆上既空間做裝飾，既放左啲日本清酒，亦都放左掛畫，幾有日系感覺而以下呢張相見到，餐廳既走廊好闊落，客人出入都幾比較方便！餐廳既櫈都用sofa質料，都幾舒服！而係窗邊位置，放左啲牌仔，係餐廳店主既特別推介，有手卷，帶子，刺身，羊架等。如果諗唔到食咩好，都可以試下店主推介餐廳既杯都印有「元」字，幾有特色，呢杯綠茶都唔錯！張枱旁邊幾貼心，用左個特色盒裝住啲紙巾，幾有質感！通常黎到日本餐廳，我都鐘意叫日式餃子食，今次都唔例外呢間餐廳既自家製手包餃子，睇落唔錯。雖然隻碟睇落有啲油，但咬落口，既唔油膩，仲皮薄餡靚喎，又幾好食喎，幾香口我地叫左另一樣當前菜，就係海鮮大阪燒！大阪燒份量剛好，一人兩塊，食落幾香口，配料足而且結實，唔會散開雖然元札幌主打係拉麵，但今晚想食

呢期個個都去咗d2 place影個d霓虹燈， 我當然都有去影喇！不過個頭其實真係唔知食咩好，淨係得個層有食肆。所以住旁近朋友就介紹我哋去咗後邊個商場食日本野。原來都真係過條馬路就到，好方便。因爲係5：30呢d時間，餐廳都唔算好多人。 黎得呢到緊係要食拉麵啦！ 我就叫咗個地獄拉麵，男朋友自己出雜錦拉麵。 好搞笑嘅係，佢有一個勁辣粉可以自己同店員request嘅，不過唔知係我落得少定點，又唔係真係覺得好辣。拉麵最緊要嘅就係個麵！佢哋個麵好彈牙，而且幼條幼條的，唔會覺得好難食！個人覺得呢個地獄湯底鹹咗少少，辣味略嫌不足，所以自己加左d勁辣粉。 舊叉燒嘅肉脂分佈好平均，而我最喜歡既係個溏心蛋，真心好好食！男朋友叫嘅係雜錦拉麵，話明雜錦拉麵就緊係咩都有啦！好豐富架！ 我偷偷哋試咗啖湯，個豬骨湯好香甜！呢4隻煎餃好正！外脆內軟，調味都岩岩好！唔會太咸。太耐冇食過炸雞軟骨啦！愛上佢係因為係沙嗲王食第一次！呢度嘅雞軟骨比喺沙嗲王食嘅大粒好多！但出面層粉就冇咁厚。 數量唔算好多，但兩個人食啱啱好！ 旁邊嘅沙律菜仲好新鮮添！佢嘅炸物真係冇得頂！呢個豬扒都好正豬扒最正嘅就係炸完唔會吸曬佢啲肉汁水分， 咬落去

日本也是拉麵國之一，而三大拉麵是北海道札幌市拉麵、喜多方拉麵和博多拉麵。元札幌就是源自於北海道札幌拉麵，所以原材料都是由日本空運到港，拉麵亦是店家每天自家製，還不會過夜，目的是要保持品質和味道。無論拉麵或湯底，都以3種選擇供應，絶對可以符合任何人的口味。此外，套餐選選擇也有所不同，不同價錢收費所包的食物也不同，晚飯價錢由HKD86-228不等，也算是實惠的收費。*****************************荔枝角區都是以工廠大廈為主，但元札幌拉麵並不在於工廠區之內，而是在工廠區外的住宅內。從地鐵站前往宇晴軒商場也不足5mins便能到達。元札幌拉麵用上很多日式的擺設，還有梳化位提供，其他座位都坐的很舒服。元札幌拉麵當然要以拉麵為主，所以餐牌之中都有15款拉麵味道選擇。拉麵'可以選上硬、一般和軟的質感。而湯底也可以麵鼓、醬油和鹽，絶對合符所有人的口味。拉麵套餐，還可以配上梅、竹和菊所限定的不同的食物，便以不同價錢收費，價錢由HKD92-HKD178不等。餐牌之中，還有飯類套餐，當中包括了2前，或晚巿定食，價錢由HKD86-HKD228不等。套餐還可以加HKD5或HKD8轉飲特飲

今日接荔枝角返工既朋友仔放工, 就去周圍既商場搵食, 咁岩想食日本嘢, 佢就帶我去佢平時既“飯堂”呢間嘢係商場入面, 比較方便， 出jor 地鐵直接就可以上到去, 完全可以不用畀太陽曬倒. 入到去, 老闆好熱情招呼我地, 而卡位都比較寬趟, 講返個餐牌, 款式真係好多, 真係睇到眼花撩亂.  除jor 定食晚餐外, 仲出埋好多自選套餐, 2-4款自選都有, 價格合理.  正餐加小食一齊order , 真係好抵！2款就 $92  3款都係$138而今次嗌jor 一個牛油拉麵同燒雞肉丸   再要一個鰻魚定食 同最愛既南瓜炸薯餅$92 大元 呢個一餐真係好抵！ 而且質量可以～ 鰻魚定食都好大驚喜, 好大塊鰻魚, 好好味, 燒汁好惹味, 啖啖肉. 值得一試！ 南瓜炸薯餅, 算係我最愛一道,lol 因為炸得熱辣辣, 裡面軟軟的, 好吸引我. 加埋沙拉醬 或者 芝麻醬 食一流～～～

6點入座未算多人，黎到拉麵緊係必食架啦。拉麵可以揀硬中軟，湯底都可以揀醬油、鹽味（清湯）方便到唔同人既口味。款式較多，亦可自選套餐配搭其他食物。牛油拉麵係推介拉麵所以試試。有一塊牛油係面，自己攪勻佢，令湯底有陣牛油既香味。地獄拉麵辣度適中同惹味。如唔夠辣仲令外比左辣粉可以自己加。湯底偏濃味所以配料都較大味。燒餅（似日本既大阪燒size 2個人食就岩岩好，唔會太飽。已切好方便食。上面木魚好多 算厚身，如果多番少少餡就更好酒因為實在太熱，嗌左枝啤酒。杯係不秀鋼，同係雪櫃拎出黎，感覺會keep到凍。

今日同老公黎荔枝角探朋友咁岩行過發現有間拉麵店有好多人等位應該唔差，於是決定係度解決午餐👌👍🏻豬軟骨拉麵。$72+$5我呢個豬軟骨怪，一見到有豬軟骨既地方，肯定嗌，當然呢度見到有都唔例外😂拉麵湯底唔算好濃，但味道岩岩好，食完唔口干，而且乾麵質彈口，豬軟骨入味，肉質煮得嫩嫩的，好滿意跟餐揀左雞翼咸味適中，雞肉燒完都仲好嫩，擠埋檸汁好清新👍🏻炸墨魚咀。$42墨魚咀香口脆而不油，份量唔少，滴上檸檬汁，清新不油膩👍🏻吉列豬扒定食。$62豬扒炸得外脆內軟，肉質仲好嫩呢個套餐好划算，有湯、前菜、沙律、燉蛋全部都有質素👍🏻串燒活鰻。$48鰻魚燒得剛好，超好食又肥美 ，肉質嫩滑彈邪，啖啖魚油充滿口腔，鰻魚汁香口，真係好正下次一定要再黎試埋其他野食先

成日行開荔枝角都見到呢間野，都冇乜機會試吓，今日心血來潮咁咪行街試吓囉。地方都幾夠大嘅，裏面都好多選擇⋯⋯又有拉麵又有好多小食又有飯又有，真係花多眼亂餃子自家製包餃子$32餃子皮10分薄，入面嘅餡料呢非常之有口感又多汁，唔會乾珍珍，賣相同味道都非常好。芝士年糕$38味道都OK，芝士味幾濃郁。鰻魚飯定食個鰻魚飯超正,笑得非常好好香呀，上面仲加左五味粉，嗰汁都好好味，仲有佢係用日本嘅珍珠。定食仲包埋沙律，湯同蒸蛋。叉燒拉麵$75拉麵彈牙叉燒又甘香配合得啱啱好，配料豐富，有粟米芽菜海帶，糖心蛋。

買物買衫都唔一定要做風紀，荔枝角行陣街買衫👗👠，再去食最愛日本野，食完再血拼過。鰻魚定食$78🍱有沙律菜，有湯，仲有蒸蛋，鰻魚飯都比想像中大份，鰻魚同個碗差唔多大，燒得夠香，上面灑上五香粉，而且鰻魚汁夠多可以用嚟撈飯😍😍，而且入邊嘅份量都不少，米飯係用上日本珍珠米，呢個值得一讚，食完超級滿足。炸雞肉定食＄62朋友點左呢份，炸雞都有成十幾舊，份量不少，食落不會覺得油膩，炸粉也不會落得好多，雞肉依然保持到嫩滑，呢個都不錯。