元札幌拉麵 (宇晴軒商場) (已結業)

晚飯時間去食都好好彩有卡位坐店員知道我哋第一次來食好主動咁介紹我哋有咩特別推介我哋最後揀咗個二人餐佢就建議我哋可以加＄10將個原本個拉麵轉做其他款我哋就揀咗個札幌螃蟹拉麵另外佢仲提醒左我地套餐可以加錢轉嘢飲揀咗個桂花酸梅露同埋一個黑糖薑母茶主食我哋就揀咗個拉麵同埋滑蛋吉列豬扒飯三個小食就要左雜錦串燒一份入邊已經有咗冬菇雞軟骨雞翼同雞肉丸燒魚餅同埋牛油炒草菇特別係個牛油炒草菇 好大浸牛油味個魚餅一入口勁熱辣辣等啲主食期間小食野飲已經陸續咁上咗可以一路食住一路等啲串燒加埋檸檬汁超入味最鍾意就係佢個冬菇同埋個雞軟骨舊檸檬俾我揸到一乾二淨雞翼就整得比較貼心特登將雞翼拆好咗方便女仔食拉麵湯底嘅味道比較濃滑蛋豬扒飯一定要趁熱食粒粒珍珠飯好有口感 又入味 二人餐對兩個女仔來講真係好夠食二百幾蚊呢個價可以試到三款唔同嘅小食 晚市黎講真係幾抵仲要位置係地鐵站D4一出 上一層就係 好方便下次再經過呢邊會再試吓

今日近近地去屋企附近食野揀左呢間日式料理睇出邊平平無奇，整整齊齊咁入去坐低先發現臥虎藏龍，見到有很多奬狀奬杯，咁味道應該都會唔錯既🙊咁我地2個人，叫左拉麵同小食拉面湯底好濃郁，唔會太咸，份量亦都幾豐富👍🏼面佢有得揀軟硬程度，所以大家叫之前記得揀適合自己嘅程度。而小食方面紫芋栗子薯餅份量好大😍而且炸得很脆，紫芋同栗子塞滿左裏面，整得幾好食👍🏼而平時好少見到有蜂蜜梳打，所以試一試，幾特別，鐘意飲梳打的朋友要試喇！總括嚟講叫咗幾多嘢食份量好夠價錢合宜每人都係百幾蚊，幾抵食，最好係佢唔趕人走，可以同朋友坐低傾耐啲計~~

見到有得自選組合咁正就揀左一個自選套餐佢分梅松竹菊四類可以跟自己BUGET揀我就揀左松竹菊呢個組合友人揀左一個定食。豬軟骨拉麵+雞翼+餃子6隻。豬軟骨拉麵 揀左鹽味湯底，味道比較淡，有D似清湯咁，豬軟骨幾爽口彈牙，附送半邊唐心蛋。雞翼表面既鹽搶左雞翼本身既味，可以用檸檬汁調調味。餃子入面係韭菜同豬肉，外層煎得幾香脆，有鎖住內層嘅肉汁。燒鯖魚定食基本套裝麵豉湯加沙律。鯖魚冇腥味，肉質結實而有咬感。甜品唔算太甜，幾啱我口味。

又是接男人收工的日子，附近常去那幾間去得有點厭了，行多一點過去宇晴軒那邊。一上去便見到有一間拉麵店。店內有大大塊海報板介紹這裡的拉麵。餐牌上有不少定食和套餐的選擇，最後我們點了 松+梅+菊+竹 的套餐。炸豆腐皮薄豆腐滑，醬汁的味道鹹淡剛好。自家製手包餃子餃子包得很飽滿，皮夠薄身，菜肉餡的肉夠軟稔，調味不會太鹹。燒鯖魚燒到魚很香口，但魚肉不會太乾，只以鹽調味，沒有蓋過魚鮮味。豚軟骨拉麵豚骨湯味道濃郁而不膩，一啖喝下去不會覺得口乾或有其他味精過敏的症狀。豚軟骨醃得入味，味道微甜，拉麵軟硬恰到好處，麵質有彈性。這個綠茶可樂是另外點的，可樂我一般，但這個可樂是很久之前試過一次便愛上，但不知哪裡再可以買到，想不到這裡竟然有。淡淡的綠茶味融入了可樂的味道裡面，真的很特別。這裡的套餐是真的很多選擇又有彈性，重點是非常超值，而且味道其實不差，接男人收工的日子又多一個晚飯的選擇了。

這天下班後想吃頓豐富的晚餐慰勞自己，所以就到了「元札幌」吃一個拉麵套餐，可以選款一款拉麵和三款小食。「元札幌」的煎餃子外皮香脆，吃進口又不會有肉臊味之餘，還有很多肉汁，令煎餃餡不會過於乾身。套餐中可選一款拉麵作主菜，拉麵的湯汁較清，不會像其他的一些拉麵般濃郁，不會太鹹。同時海鮮拉麵亦有蝦、魷魚、小元貝等作配料，味道不錯，喜歡清淡的可以一試。在這套餐中，我還注文了雞軟骨。軟骨向來都不會太有味道，通常都是吃吃口感。可是這裏的雞軟骨所加的調味料卻能非常香口入味，抵讚。還有最後的小食—汁燒魷筒，魚身沒有燒至過乾，吃進口非常軟腍，同時亦有燒魷魚和燒汁的香味。唯一是魷筒帶點鱔腥味，可能廚師用了燒鱔的用具一併燒這份魷筒吧。我還另外注文了一客串燒活鰻！作為一個鰻魚發燒友，當然不可以放過鰻魚食品啦！可是店員卻為我們點錯做串燒大鱔，幸好我也喜歡鱔。這條鱔魚肉身質感非常有彈性，充滿鱔魚香味卻又用鰻魚汁烤。這個錯有錯著的配搭卻令人有點驚喜。

又到搵食時間小四龍既餐廳唔算好多選擇~一上商場就見到食間野,裝飾都幾靚, 擺設好和風正常Lunch time會好多人排隊食lunch 但"元札幌拉麵"無人等位我第一個反應會唔會好貴?!睇左MENU就覺得可以接受因為日式午餐一個都100蚊左右依間個SET LUNCH RANGE~60~90蚊我叫左炸豬扒便當(麵豉湯,沙律,主食,日式蒸蛋),而我同事叫左燒肉便當(麵豉湯,沙律,主食,日式蒸蛋)日式蒸蛋好似元X既一樣,好味幾十蚊食到甘豐富~小食都食唔落,好滿足

今日同朋友經過荔枝角呢頭，系商場見到間裝修幾特出既拉麵店，吸引左我地去睇下個menu，好驚喜！出面食拉麵閑閑地都八九十蚊，呢到既午市套餐一碗拉麵、一份小食同埋一杯飲品都只系72蚊，經濟實惠之選！餐牌好有風格既紙巾盒我地叫左兩個Lunch set，分別係ANKAKE拉麵同豬軟骨拉麵。ANKAKE拉麵 既湯底睇落似普通既醬油湯底，不過像落芡汁味、蒜蓉味都好特出，唔油膩，飲落順口麵條軟硬適中，叉燒帶肉香，肥瘦均勻，糖心蛋半凝固，口感不俗又有蛋香！另外配埋雞軟骨，串燒雞軟骨2串，燒得岩岩好，擠D檸檬去油膩感，帶點清新。豬軟骨拉麵，配料豐富，有粟米，芽菜，海帶，糖心蛋。味噌湯底比較厚實，但吾會太咸，豬軟骨好軟綿，食落唔痴牙。自家製餃子，皮薄餡多，椰菜新鮮，肉、菜比例岩岩好，煎到金黃香脆，食落有肉汁，吾會乾巴巴，賣相同味道無得挑剔！我地再叫左個串燒大鱔，燒到有D脆卜卜但吾會燶澀，火侯掌握剛好！而且燒汁都好入味～總結黎講，呢度既拉麵價錢公道，而且多款式選擇，地理位置都近地鐵站，確實係唔錯既選擇。

平時好少來呢一區，咁啱今日來批發中心行下，行完要換地方食野，商業中心夜晚比較難搵嘢食，咁我哋就捐落地鐵站，唔打唔撞嚟到呢一間日本嘢食，之前都試過去分店都覺得OK，甘就實食冇痴牙，坐底食啦。叫咗個拉麵，豬軟骨好厚好大舊，不過佢就一夠過，咬落唔太咸，唔痴牙，軟林林，軟骨都食到的，魯得幾香口。拉麵煮得軟硬適中，湯底濃郁，好夠味，雞蛋半熟蛋，香蛋味，不錯，炸紫薯餅佢啱啱炸好，外脆一點都不油，咬落熱辣辣嘅紫薯喺口裏面溶化，加上愛趣嘅皮，更加香味。

好耐未去食日式，今次要食返餐。我最鍾意就係三文魚刺身，對三文魚刺身都幾講究下，同都有啲要求架。三文魚定食，當然要有三文魚刺身、蒸蛋、雜菜沙律、味增湯、酸菜、白飯、飲品。三文魚刺身，有八大片，片片都係厚切，肉質都算鮮甜，色澤唔錯。雜菜沙律，多種唔同嘅款式雜菜，一啲都唔單調，都係新鮮爽口。 蒸蛋，內裏有帶子的鮮甜，香滑好味味增湯，都算合格。白飯，建議可考慮選用珍珠米。餐飲都算唔錯，忌廉汽水支裝上，夠晒體面

元札幌拉麵不只有拉麵，食物款式很多，非常適合既想吃拉麵，又不滿足於拉麵的嘴饞一族。午市到店，燈光昏黃，甚有日式居酒屋的風格。牆上掛著一個又一個料理名牌，裝潢甚日式。橙黃燈光予人居酒屋之感，感覺溫暖。午市食物選擇很多，組合餐單更是非常抵！首先上場的是Ankake拉麵，湯底不濃一淡，醬油味道，配以半肥瘦日式叉燒、半隻溫泉港心蛋、粟米、拉麵配菜，令人吃得滿足，而且份量不少呢！叉燒肥瘦均勻，芽菜份量不少！接著上菜的是「燒黑豚肉」，黑豚肉豬味甚濃，半肥半瘦，咬下去油脂四溢，外皮燒得半乾香脆，微焦表面甚有風味。而且，燒黑豚肉份量非常多，配以爽甜椰菜絲，好美！實物比餐單上的圖片更多，足夠兩個人吃有餘！接著介紹的是燒牛舌，置於熱辣辣的鐵板之上，上菜時還是「滋炸滋炸」的鐵板燒聲音，光聽聲音已令人食指大動。牛舌薄切，燒後非常香口，若只燒一邊，另一邊則顯柔軟，雙重口感，妙也。串燒雞翼一客兩隻，鹽燒簡簡單單，火喉拿捏很好，不過會過份乾身！配以新鮮檸檬，fresh！自家製日式餃子，肉、菜比例恰當，菜非常新鮮，絕非陳年絞爛菜可比。日式雞肉棒內層有軟骨，愛吃爽口軟骨的人不可錯過喔。芬達非罐裝，而是玻璃樽裝，懷舊感覺

荔枝角呢邊越嚟越多餐廳，令我呢啲打工仔食lunch都多左好多唔同選擇。難得有鬆動啲嘅時間，就係坐定定食餐好嘅😍呢間日本餐廳都多人等位，每次經過都見到有人等緊，今次嚟食嘅時候都有，而且入面都好滿坐。我同個Fd share 左$178嘅梅松菊竹套餐，有拉麵，有小食，好多嘢揀！我地order左蟹棒拉麵，炸雞軟骨，餃子，炸魷魚鬚個拉麵湯底幾好味，啲拉麵又唔會太腍，而且餐廳調味架仲可以俾你加蒜蓉。啲炸物都好食，香口夠熱辣辣。不得不提啲餃子，皮薄，而且俾你點餃子個汁嘅味道都好好，好match仲有一樣，真係必定要讚係：呢間餐廳嘅汽水係玻璃樽嘅，正☺️😋總括嚟講，lunch真係食得過！下次要嚟試下個串燒雞翼得😌

雜錦拉麵，上枱是種煙霧離漫，熱辣辣，雜錦顧名思義乜都有，有豬軟骨非常淋又很入味，有叉燒也很淋，蛋是流心的非常香滑好味，湯底非常濃郁，麵質很彈牙。鋪頭嘅汽水是舊式玻璃樽的，很懷舊很有feel。炸雞件，把檸檬汁節一節在雞件上面，吃入口時外脆內軟，雞件本身也很入味，好味值得推介。鹽燒三文魚扒，略嫌太熟，係肉質比較乾身，加左檸檬汁後會比較好啲，很啱小朋友食，因為夠熟，而且送飯也一流。鰻魚飯定食，鰻魚很大塊，醬汁也很香甜，撈埋攞啲飯食超正，蒸蛋很滑也很有香菇味。

住長沙灣既人對四小龍一啲都唔會陌生!但除左aeon就真係無認真行過，今日同朋友無聊無野做，一於過黎行下搵野食行完一圈，四小龍幾個商場都係互通，十分方便! 見呢間拉麵十分多人，多人實係好野! Let's go門口有個transformer，幾有趣。店前已經有兩邊卡位，入到店內，地方好大!而且裝潢擺設好有心思，有古式風味吊燈，燈光柔和。牆身周邊都貼有餐牌，點望都睇到有野食睇到牆身既menu已經花多眼亂，再睇手上既menu，更亂!因為太多選擇啦!真係多到唔知點揀先好，但計落點梅蘭菊竹套餐會抵啲!所以點左豚軟骨拉麵，滑蛋豬排丼飯，多春魚，餃子，同串燒雞肉丸!餐廳十分貼心，旁邊有紙巾提供，亦有不同調味料提供。天氣太熱了，先要一支啤酒解解暑，入口透心涼啊!豚軟骨拉麵湯底係豬骨湯!可能平時食開濃味厚身既湯底，覺得呢個有點偏淡，但朋友話岩岩好麵唔算太幼，麵質唔錯，有彈性，浸得耐都唔會軟豬軟骨十分香林入味!丼飯份量十足!滿滿既雞蛋同豬排丼飯既醬汁同蛋汁又香又甜，食到好開胃!而且蛋既份量多，每啖飯都有蛋係上邊!吉列豬排口感非常好!外皮又薄又脆，入邊豬排比較厚身，咬落口感十分之實在!日式餃子皮十分薄入邊既饀

炸雞肉定食一個餐包括左有個味噌湯, 一客沙律, 一客茶碗蒸, 和一碗白飯 味噌湯材料多得很, 最鐘意係佢有D小豆腐係入面, 又嫩又有少少鮮味 沙律D食材都算新鮮, 特別係蕃茄仔, 超爽甜同多汁 神級茶碗蒸!! 入面足料之餘仲要係即叫即整, 食落去口感會比一直翻蒸既更嫩滑, 最重要係佢因為食材多, 所以蛋會吸收哂咁多樣野既鮮味!! 一食落去就知又滑又嫩又好味 到最重要既炸雞, 呢間又炸得幾JUICY!! 唔會太乾同埋食既時候都感覺到有汁BEE出黎的, 口味適中, 唔會太咸!! 日本糖心蛋蛋黎講呢個真係冇得輸, 我見佢做緊PROMOTION所以就即刻嗌黎試下, 佢個蛋黃係流住心咁出哂黎!! 一口食半個真係口感真係冇得頂!!

第一次來到元札幌拉麵就被他的日式裝潢吸引住了開始今天這個日式晚餐之旅!! 我點了的是松梅竹菊套餐原因很簡單!!就是因為這個性價比極高!! 一個餐包括了有一個雜錦拉麵, 燒多春魚, 雜錦串燒和滑蛋豬扒蛋飯完全兩個人都夠吃的套餐, 選擇多而且價錢公道 雜錦拉麵一上台就聞到好香的日式拉麵味道, 有豕肉, 半隻半熟蛋, 蟹腳等等, 整個拉麵最重要的麵質一流, 食得出是用日本拉麵來煮的, 而食材的味道都融化在裡面!!! 個湯係最正!!! 燒多春魚我係超喜歡食多春魚的, 因為又好味又唔會有好多骨, 今次呢個SIZE同份量都唔算少, 而且好香既炭燒味, 唔會燒得太乾!! 正 雜錦串燒估唔到咁大份, 又雞翼又冬菇又雞軟骨, 全部都係我既最愛呀～～～ 滑蛋豬扒蛋飯好正宗既日式滑蛋豬扒蛋飯, 蛋同豬扒既份量都係超大份, 一個女仔其實就食唔哂既, 而味道方面豬扒一部份好香脆, 一部份就MIX埋D蛋, 口感一流!!