元札幌拉麵 (宇晴軒商場) (已結業)

今晚不想下廚心血來潮便與女兒到屋企附近的商場品嚐拉麵，這麵店非常多人食都好多人排隊，不過今晚好彩不用等經侍應安排坐下；二人餐好抵食毎人一主食一小食一飲品選擇多多都是二百餘元，但由於不太肚餓想食多些小食於是只order一碗什錦拉麵開心share!什錦拉麵有濃濃的豬骨湯底配料上的义燒肉又稔又滑，拉麵彈牙爽滑！我食極都唔厭⋯小食：三文魚蟹籽手卷超多蟹籽，什錦串燒好juicy肉質滑，我最喜歡炸雞翼好香脆加上甜甜酸酸的沙律，好欣賞燒鮪魚煎得不太乾，好鬆脆搾上檸檬汁食！正👍

最近在荔枝角有啲嘢搞，就喺附近搵啲嘢食，忽然間商場其實都有唔同餐廳，最吸引到我就係呢間好似居酒屋咁嘅裝修設計，而且門口都有一個好大舊嘅多啦A夢模型，睇到餐牌價錢都好適中，就入去試一試佢。海鮮大阪燒$55有啲掛住去日本旅行嘅時間，就係香港食返個大阪燒，佢裏面嘅配料好得意，有好多係章魚燒裏面嘅章魚粒，同埋啲醬汁嘅份量都好足夠同埋係好食的。三文魚蟹子手卷$32手卷方面味道都還好，如果啲飯凍少少應該會更加好食㗎，不過個份量都算OK。自家製手包餃子$32四隻餃子都煎得幾香，可以點上醬汁，一同進食口味更加豐富。招財貓$24加多杯一杯飲品就Perfect啦！

和朋友行開荔枝角中午去了這家拉麵店午餐門口有夾公仔機和擺放了一個巨型多拉a夢公仔彷去了日本一樣而入到店後，已經被餐廳氣氛吸引我們一行兩人點了定食套餐再加炸生蠔溫泉蛋牛肋條飯定食這個很好吃牛肋條肉炆得很入味肉質軟腍溫泉蛋亦剛好兩者用來送飯超好食定食配有麵豉湯丶蒸飯和薯仔沙律份量剛剛好這裏的拉麵比較經濟實惠因為在外面吃一碗拉麵大約要一百元但這裏格錢合理點了海鮮拉麵-海鮮豐富海鮮方面有蝦、魷魚、青口麵質比較粗身食落有口感另外，拉麵是自選三寶套餐選了三文魚刺身作小食刺身夠新鮮另外我們還點了列生蠔即叫即炸熱辣辣又肥美吉列生蠔夠新蠔爽口不錯之選整體午餐食物份量足夠套餐價格合理味道不錯

同朋友約咗交收之後就去咗呢間好近地鐵站口嘅商場餐廳望到隻doraemon有啲眼熟望埋招牌都唔太肯定望到餐牌咁多嘢食就記得返荃灣都有佢分店餐牌太多選擇想試哂佢個餐牌上面我想食嘅嘢我諗要食四五次終於試咗上次好想食嘅芝士年糕外面好薄好脆入面好軟糯但係又好輕盈之後就嗌咗個北海道牛油拉麵麵底唔錯 粗幼適中 囉然揀咗硬麵但都算彈牙湯底本身豬骨味亦幾香濃喺個湯最熱嘅時候加牛油就再上一層樓吞拿魚手卷相當抵食$38魚蓉多到就滿瀉

一早BOOK左台, 唔洗等, 入到去有個4人卡位坐, 非常舒適.坐低見到有Sapporo啤酒, 即刻叫番支, 呢隻啤酒比較順滑, 易入口.咖哩飯 - 有小小甜味, 小辣, 易入口, 味道不錯. 飯是珍珠米, 好吃, 有飯味.燒牛舌 - 爽彈, 有牛味, 有咸香, 佐酒一流炸南瓜著餅 - Highly recommend, 一定要試, 南瓜超甜, 超軟, 外層鬆脆雜錦串燒 -  有雞亦, 燒冬姑, 雞軟口, 魚棒. 雞軟骨最香口.

人人期望可達到，我的快樂比天高。作為鍾意發夢、追夢、圓夢既年青人點可以吾比呢隻多拉A夢吸引到。餐廳門口位有大大隻多拉A夢係到歡迎光臨，安坐後打開menu發現原來系一間CP值比想像中更高既拉麵店呢。🔷豚軟骨拉麵 💰78+5 💙80/100午市時段去叫左既第一個套餐係豬軟骨拉麵，需要另外+$5。豬軟骨份量大約有四大舊，每一嚿都煮得好淋，所以個肉都吸到哂醬油味，尤其係啲軟骨位，叫得豬軟骨應該大部分都係想食果種軟骨既骨膠原口感，食落果然不出所料地軟淋淋。湯底有三款可選擇，今次揀左味僧底，仲似到濃濃既豬骨味。呢款拉麵仲配埋半隻糖心蛋添。🔹三文魚刺身 (三片) 💙75/100小食揀三文魚刺身，滿足下作為刺身控既一點情意。作為三文魚而非三文魚腩，卡比認為呢3片已經算肥美了。🔷辛辣拉麵 💰78 💙75/100辛辣拉麵故名思意即系辣既拉麵，辣既程度都較為大眾化，自稱不太吃辣既都應該會接受到，喜歡更辣既亦可以問店員提取「勁辣粉」提升湯底味道。麵底份量十分多，多到令卡比有少少懷疑係味入左間「大胃王」客常到既拉麵店。另外配菜仲有海帶、粟米等能夠提升口感層次，拉麵都算係偏硬有口感。🔹蟹籽沙律 💙75/100第二

🤤好似去左日本禁🇯🇵•平時食多數都係青魚，油甘魚今次第一次食花魚🐟原來係先用鹽腌製再燒唔使點任何醬汁都自帶鹹香味肉質依然好嫩滑•溫泉蛋叉燒飯叉燒半肥瘦🥓入口即溶一啲都唔油膩加埋蛋汁撈飯可以食幾碗飯🍚•個牛油帶子真係超級香個重點係個粟米好甜仲試左日本嘅汽水竟然係綠茶味嘅可樂一入口有少少苦飲完之後會有綠茶嘅清香留係喉嚨

黎到四小龍呢間拉麵，入門就見到唔少明星合照放左係門口，見到咁大隻既武打巨星，真係忍唔住要入去食下個拉麵呀！！！裝修好有日式風味，感覺好似去左日本咁，幾輕鬆愉快，另外佢既位置既又濶，夠曬坐，唔會好似一般快餐廳/日式拉麵店咁窄。呢個就走大眾路線，唔似一籣咁，獨立一人一個私人位置，所以都算大路。食物種類方面都幾多，除左拉麵，仲有串燒，飯類，菜類，咁多種食物就岩曬d三心兩意既人喇。樣樣食落都唔錯，本人就最鐘意佢個串燒，調味岩岩好，唔會太咸or太淡。另外個燒三文魚頭就真一流，最鐘意係食佢個魚眼，佢d串燒都係即燒出黎，所以上枱仲係熱辣辣，正。如果食得辣既朋友就可以試下佢個地獄湯底，幾鮮幾惹味，都真係唔錯。

入到去，成間舖頭嘅裝修都好有日本特色。飲品方面，晚市套餐送汽水，汽水係玻璃樽，好有情懷，加分！我地嗌左3個套餐，分別係三文魚刺身定食($108)，北海道芝士忌廉炸雞飯（$98），元拉麵醬油湯底（$62）。三文魚刺身定食，材料豐富，用料新鮮，塊塊三文魚都係厚切！定食入面仲包埋一碗麵豉湯一碗沙律同一個茶碗蒸。成個定食一擺上台就好有日本嘅感覺。元拉麵，醬油湯底濃郁，我揀咗硬嘅麵身，果然爽口彈牙，亦都有呢個清甜嘅竹筍同埋鮮味嘅昆布，再配合埋呢個肥美嘅叉燒，簡直就係天衣無縫嘅組合。北海道芝士忌廉炸雞飯，忌廉香味撲鼻而來，同呢個飯配合得好好。炸雞外脆內嫩，又大大舊，真係好味又醫肚。.

呢日黎荔枝角探朋友，佢帶我黎呢間日本餐廳醫肚。店舖面積不大，但d位同枱都幾大張，又有吾少卡位，環境舒適寧靜乾淨，燈光柔和，食得好舒服。有別於一般拉麵舖，呢度有拉麵、壽司手券刺身、燒物、天婦羅、豬排飯，甚至炒菜食，咩日式野食都有d，應有盡有。呢度仲好細心咁提供一二三四人餐，主菜小食全部有能揀，而且份量都吾少，輕量級大胃王都應該滿足到。我地揀左二人餐:元拉麵豬扒蛋飯吉列蝦炸雞肉北海道南瓜炸薯餅元拉麵應該係揀左味噌湯，湯底濃厚得黎，又不會過咸。麵質掛到湯，而且不容易發脹變軟。豬扒蛋飯係大男人既份量，豬扒厚切去骨，炸得幾香口，加埋蛋漿同日本甜豉油，平時扮細食既fd都食到一大半。吉列蝦size正常，有4隻，似係即叫即炸。去油功夫吾錯，無食到成口油。炸雞肉係我最鐘意食既，因為佢好有肉汁，超級嫰滑，最重要係份量夠多，吾洗同fd爭食。北海鮮南瓜炸薯餅呢個係我fd既至愛，佢讚個薯餅裡面口感綿滑，外脆內軟，炸皮仲整得好酥脆。整體而言，野食環境幾好，而且幾近荔枝角站，值得回頭再食。

呢晚途經荔枝角但又想食拉麵，正當以為要放棄冇得食個陣，俾我SEARCH到呢間元札幌拉麵! 於是就去試下~~~ 呢間拉麵係四小龍入面個商場度，個商場指示都麻麻地，我地搵左一陣先搵到間鋪頭～ 我地叫左個自選套餐，分別係松、竹、梅、菊度揀一樣野食～我地揀左地獄拉麵、雞翼、炒魷魚鬚同埋鹽燒三文魚頭～之後再另外叫左個滑蛋豬同埋炸雞！ 我地叫野食個陣店員已經提左我地個地獄拉麵都真係好辣下！但睇相又覺得D配料佢最岩食，於是乎即管叫黎食下～點知到左個陣試左啖湯都真係有D辣!!!唔飲個湯都食到，但要飲埋個湯就辣得滯！呢款拉麵既麵質都非常之有咬口，同埋其實湯底都好好飲！X燒都好有肉味夠哂好食!!! 雞翼燒得岩岩好，醃到入面都好夠味，唔會話太淡！個皮又燒到夠哂脆身！ 炒魷魚鬚上枱超香！超重魷魚味！同人地係街邊燒D魷魚一樣咁香咁吸引!食落唔會話炒得太熟! 正呀! 燒三文魚頭夠哂嫩滑，好怕平時D三文魚頭燒得太熟，咁D肉就太鞋~~而家燒到岩岩好，D肉又夠哂多汁!!!!!!!!!!!!!!正呀!!! 滑蛋豬D豬夠哂脆口! 亦都唔會太乾，但略嫌美中不足就係個飯太濕～D吉豬要快D食，如果放得太耐會淋～證明D吉豬真係

宇晴軒商場食肆選擇唔多，今日兩個人黎到元札幌拉麵食晚餐。環境 4星雖然舖頭喺商場入面，但裝修都唔馬虎。門外掛住紅燈籠同直幡，店內是木製枱凳，好有日式風格。空間寛闊，同隔離枱唔會好近，傾計都方便啲，張枱又夠大，絶對放得落套餐既主菜同小食。服務 4星上菜速度快，侍應亦會主動收走用完既碟。水係自己斟既，但因為保暖壺既水唔夠熱，我地要求更換，店員都好快幫我地換過。冇野可挑剔。食物質素 4星我地叫左個二人餐，$228可以揀2個主菜3個小食。主菜選擇唔多，最後揀左元拉麵+豬扒蛋飯。小食就揀左吉列蝦+炸雞肉+北海道南瓜薯餅，黎到先發現全部都係炸…… 元拉麵﹕睇個名估佢係招牌拉麵，因為用店名。其實就係最基本拉麵，有叉燒、荀、味噌湯底，單叫呢個拉麵都唔貴，60零蚊。湯底幾好，唔會好鹹，食完亦唔會口渴。麵質彈牙，放耐左都唔會”索”晒啲湯變淋。叉燒亦係水準以上，唔係一般冰鮮肉。豬扒蛋飯﹕份量好大，基本上食完呢碗唔洗食其他野都飽左。豬扒厚切，肉質實淨得黎唔會過硬，炸粉又唔會太厚。啲飯係珍珠米，個汁甜甜地，加分。吉列蝦、炸雞肉、南瓜薯餅﹕呢間啲炸物好出色，全部即叫即炸，上碟熱辣辣。蝦肉大隻兼彈牙，炸雞有驚喜﹕外

夜晚有啲野做黎到荔枝角，好少過黎呢邊，行到宇晴軒商場搵野食慰勞下自己一日既辛勞，見到呢間好有日本feel既餐廳，一於試試。套餐設計幾特別﹕張野食分做松梅竹菊四大類 (明明食日本野，但用左松梅竹菊變得好中國，哈哈)。松係拉麵類，梅、竹、菊係小食類，按個人需要可選松+梅 / 松+梅+竹 / 松+梅+竹+菊。 最後點左櫻花蝦拉麵+炸豆腐+燒牛舌+南瓜炸薯餅1.櫻花蝦拉麵見menu上有手指公，應該係推介。拉麵可自選湯底 (味噌/醬油/鹽) 同麵質 (硬/一般/軟)。櫻花蝦份量好多好香，基本上揀咩湯底都一樣，會變左櫻花蝦味。麵條夠爽夠彈牙，配料都唔錯，整體都唔錯，但比起拉麵專門店就略欠一些令人印象深刻既特色。2.炸豆腐好驚喜，食得出係即叫即炸，上枱仲係熱辣辣。炸皮非常薄，入面豆腐依然好嫩好滑，仲舖滿木魚碎，食過番尋味。3.燒牛舌份量都唔少，厚薄適中，有牛味之餘又唔’un’，如果厚多啲啲會更加有口感。4.南瓜炸薯餅幾款小食最好食呢個，都係即叫即炸，唔會好油，餡料夠多唔會只食到炸皮，南瓜又香又軟，仲有伴碟沙律。無論單點定套餐都推介點呢個。總結﹕套餐中”菊”既小食最吸引，建議點”松+梅+竹+菊” 套餐

咁岩去開荔枝角呢邊見到呢間拉麵幾多人食又到Lunch time，就入去試下。豬軟骨拉麵 配小食 燒多春魚🐟重要包汽水(不過我叫左熱檸水)(為食評分：4/10) (整體評分：5/10)。湯底味道一般，有少少死咸豬軟骨幾好食不過我嫌佢骨唔夠軟我比較喜歡軟到起膠個一種。反而燒多春魚有驚喜😋好少拉麵店做得好食，唔太乾又軟硬適中，但少許過咸或者大部分人都中意重口味🤣。雖然掋食又包飲品但食完好口渴，味道亦不算吸引同埋呢度比較多蚊滋仔…Sorry 我唔會考慮再來😒

同朋友喺荔枝角商場行咗一陣，有啲肚餓，睇下附近有乜嘢好食先遠處就見倒呢間日式食店，元札幌拉麵店既外觀用咗红色嘅燈籠同旗幟好吸引眼球啊，就試下食佢啦。 入到去，室内環境都好舒適同亁淨喎。店員安排入坐後，睇下個餐牌有什麼推介先，拉麵同小食都好多，最厲利係可以有好多選擇同组合，但對我呢D選擇困難症嘅人真係好難取捨啊。最後我哋點咗鬆梅竹菊套餐，北海道南瓜炸薯餅，炒魷魚鬚，滑蛋吉列猪扒飯，北海道櫻花蝦拉麵。好快，拉麵到了，櫻花蝦既份量好多喎，飲啖湯試下味先，入口蝦味好濃好鲜味，拉麵煮到軟硬度剛好，果然是必食之選。滑蛋吉列猪扒飯，塊猪扒好大件重係厚切添，猪扒好有肉香味道又多肉汁唔會亁噌噌，而且咬落有質感唔會只得一個（冧）字，正！北海道南瓜炸薯餅，即叫即炸，好新鲜，外脆內軟，南瓜蓉好香濃帶少少甜，味道無得輸，真係非常好食。元札幌拉麵嘅食物都好有水準，份量又多，非常抵食喎。下次再來可試下其它食物。今晚真係食得超飽啊，滿意又滿足。