元気寿司 (遠東金融中心)

營業中

休息中

元氣推出嘅特價午餐大概一百蚊左右，有齊壽司、味噌湯、同烏冬／丼很豐富，而且味道是一直keep住無改變 ，不過值得留意的是午餐的時候都好多人在門外排隊，如果唔係早少少出嚟就真係要排一陣先可以入去坐，另外，我個人鍾意坐迴轉bar枱，雖說唔會特登拿嘢食，卻鍾意睇住轉盤上的食物轉來轉去感覺很輕鬆。雖然午餐要成一嚿水似乎太貴，不過在金鐘這些商業區又好似差不多了，而且份量十足，食到飽飽再做嘢拼搏又好似幾值得的。

其實每次去元氣壽司食lunch都會是食同一款，因為感覺上係最抵食只有款，有壽司有刺身、有刺身丼、炸薯餅及面豉湯，未到就不過不失。但係金鐘食飯非常人多，而家元氣壽司位置非常多，唔使擔心要等太耐

鍾意食元氣的朋友都知，好多元氣的分店已經變成「高速線」裝修，不再是迴轉壽司🍣之前食咗幾間，質數非常參差，試過食apm分店，碟吞拿魚壽司簡直不堪入目，魚生不新鮮，飯也是一夾即散今次因緣際會去到金鐘分店，好開心佢仲係迴轉壽司形式！真係好正，望住啲壽司都已經食慾大增～啲壽司真係新鮮，魚生有光澤，老土講句：真係魚有魚味！海膽新鮮金黃色，平時最怕食到啲有腥味，佢反而係甘甜👍🏼👍🏼 我個人最欣賞貝殼類嘅壽司，赤貝同榮螺真係冇得輸！連平時要求甚高的男朋友都有讚冇彈👏🏼👏🏼絕對值得一戰再戰🎉🎉

今晚係會員八折嘅最後一個月份頭星期三晚，當然要食啦！去左附近呢間人仲係迴轉嘅！點左幾款心水壽司，八爪魚爽口、珍寶蟹柳甜美、仲有赤海蝦甜美！軍艦有蟹籽沙律及粟米，一啖一舊夠暢快！唯飯粒唔夠紮實，一夾就散！

出咗去食元氣午餐佢星期一至五有套餐！比起星期六日去抵食！今日因工作關係去咗金鐘，去金鐘元氣壽司要等10分鐘好快就入得去！呢個壽司午餐包左幾件壽司，一個小小嘅壽司魚生飯，同埋一個嘢飲，仲有蟹子沙律，比起星期六日去抵食好多！元氣壽司嘅水準依然stable, 係一間香港人最愛嘅連鎖日本餐, 又平又抵食。同埋做佢會員仲可以儲積分下次使用！另外佢個Miao soup湯仲可以轉汽水, 亦都可以加$9街個手卷,就算男士食只要加多少少都好足夠好飽！

今日因為落大雨、本來打算行去士丹利街ｏ個邊食瘋狂小麵，但中途落超級大雨所以放棄plan A改行plan 即係唔走路面啦即係搭地鐵去第二處覓食啦今次近近地去金鐘雖然我地已經12:10已經到達但翡翠拉麵條隊真係嚇死所以唯有改去附近既元氣，一入到即刻🈶️位可惜～今餐飯真係一般、好麻麻既麻麻，d飯散既，小編既同事a點set lunch、賣相一般食落都一般、咁都要88元，另外我地幾個散叫既壽司都係好hea、不過都OK新鮮既但真心唔值人均消費135蚊囉，呢個價錢mark up返20蚊已經可以食千両囉、所以小編實在唔滿意呢餐。唔係落雨落到🐶💩咁一定唔會去金鐘囉，寧願去公司樓下既supermarket買頹飯好過

有個舊同事病左幾個星期，勁難得佢好返可以同我食LUNCH, 我地一於豪豪地去食元氣LUNCH，不過係金鐘呢間元氣食LUNCH都要付出下，因為唔係會員冇得用APP拎飛，今日12點半左右去到拎飛，1點3左右先入到去!!超誇張!!天氣咁熱真係有點辛苦。不過食物質數都冇令我地失望既!!我揀左SET D 雜錦刺身飯配壽司定食 $75, 有好多野食!! 有個迷你雜錦刺身飯，5件SUSHI，三文魚, 蟹柳, 芝士三文魚軍艦, 2件加州卷，日式炸雞, 前菜係個沙律，有青瓜, 蟹柳同蟹子，仲有個麵豉湯。個麵豉湯有點兒偏咸，所以冇飲晒，個前菜沙律好好味，青瓜, 蟹柳同蟹子根本係絕配，而且佢既份量分佈平均，所以食落口又蟹柳既甜味又有青瓜既爽仲有爆粒粒既蟹子口感!!正!!壽司定食冇咩特別，都算新鮮。日式炸雞唔係好得!!凍晒!!一啲熱都冇!!失望!!!迷你雜錦刺身飯有三文魚吞拿魚同埋好多帆立貝!!超中意!!雖然細細碗，但食埋其他野都真係好飽!!因為佢啲食物都黎得好快，所以雖然等位等左好耐，但係都夠時間既!!唔會太趕!!好滿意呢個LUNCH!! =]

  元氣壽司最近有好多新搞作，新幹線咩高速快線，lunch time既金鐘點會同你玩呢啲呀！我係會員，已經早左一個鐘攞飛，total等左45分鐘....A餐刺身竹輪卷湯烏冬定食，因為個個都食呢個餐，所以10分鐘就有啦！先到個沙律，d菜都幾甜，仲有條蟹肉，刺身每樣兩片，三文魚特別厚，甘甜有魚油味。北寄貝好大片，彈牙又清甜，壽司總共有6件，筋子壽司口感絕頂好，平日都要$10件，三文魚魚卵粒粒分明，煙煙靭靭，三文魚腩都好肥美，口感比起頭先刺身豐富，肥大d。主菜係竹輪烏冬，烏冬湯就一般，無乜味，但烏冬唔會好硬，算係彈牙有咬口。 $88再另收加一，金鐘，算係咁啦！  

已經好好耐無食元氣，因質素越來越差，勝價比低，已經好少食。但朋友推薦元氣下午茶好抵食，見完客就蛇去試下係幾平嘅，相對金鐘周圍餐廳，喺 food court 食碟叉雞飯都要$46-50+ 。而元氣下午茶由$50-62 有三樣嘢添！前菜有茶碗蒸，烏冬同唔記得一樣係咩小食有沙律炸粟米餅同炸秋刀魚主食有幾款，我想食少少刺身，就揀左$62果set. 有三點刺身，幾件壽司。個主菜係有少少令人失望，賣相一pat嘢咁，果三點刺身一pat 嘢咁灘屍咗喺度....睇見都唔開胃....其他三文魚壽司蝦果啲都睇落正常嘅。 個卷又係，啲魚子甩晒望落有少少鬆散...食落我只可以話元氣比爭鮮好食在啲飯，啲飯唔會一夾就散。但賣相不相伯仲，食落會新鮮少少....嘅！？果三點令人無乜食慾嘅刺身...三文魚都算正常，但隻蝦好唔新鮮，食左一啖就無食 唉...炸多春魚同湯烏冬都正常，多春魚熱熱地新鮮炸起又唔太多油，感覺幾好。烏冬略為太軟身，但尚可接受。算啦，$68(加一) 埋單，有三樣嘢又有刺身，喺金鐘嚟講真係好平嫁喇 無乜要求。。。。另一件事，係隔離有個客好慘，早我好多，我去到果時佢已經食緊炸物同茶碗蒸。到我差不多食完，佢舉

為咗歡迎同事第一日返工，大家決定豪一豪去食元氣壽司（我盡咗力去豪一豪架啦。。呢排好多朋友生日。。食窮我啦）十二點我同事就喺元氣壽司APP攞飛，點知到十二點十五分已經叫過咗我哋個號碼，唯有即時再拎過一張，再拎過就變咗等二十張枱。一放LUNCH TIME我就即刻拎住我同事個手機飛去元氣壽司攞位，去到一大班人企晒喺門口，大鑊了！好彩等咗二十分鐘左右我哋就可以入去啦，感謝主！九秒九捉住侍應落埋ORDER，個個都好驚食唔切呀。我點咗刺身配竹輪湯烏東定食－入面包括前菜、竹輪湯烏東、什錦壽司、刺身。佢上菜既速度真係抵讚，落單後我哋就整定杯綠茶同wasabi，搞掂完主菜同沙津都一齊黎咗啦！整體呢個餐份量係會夠飽，但係CP值不夠高，元氣呢幾年都KEEP住加價，但係又唔見有咩驚喜既新菜色/優惠。

相約友人係附近食晏, 用APPS預先拎左位, 教岩時間入座好方便!見到牆上有午市定食推介, 但壽司款式唔係太岩食, 決定散叫!一大盤壽司一次過上枱, 開心又滿足, 最喜愛赤海蝦鮮甜; 螺片夠脆身; 三文魚腩夠肥美; 飯粒軟硬中, 唔會一夾就散開!叫多客蟹籽沙律手卷, 滿口脆卜卜蟹子, 蟹柳香甜味, 加埋沙律醬一齊食好味, 唯獨片紫菜唔夠脆身囉!食得飽飽架呢......!!

收工後覺得好肚餓呀， 近近地黎食壽司食飽再返屋企喇！壽司間唔時都會食喇， 所以唔特別介紹了~ 今篇講下兩款唔係壽司的食品先！ 登登！鹽味雪糕仲有米味同綠茶味架，聽經理推介揀左鹽味。 打開~ 係淺藍色， 望落係咪好舒服同埋即時幻想自己置身係海洋ge感覺呀哈哈哈哈！一入口淡淡的咸咸的鹽味後來帶有微微的奶味， 真係幾得意呀呢個味道！ 荷蘭醬牛油果呢個就真係有d失望， 係半個牛油果打隻蛋就咁拎去焗only…定係荷蘭醬真係咁樣我唔識野呢？ 味道普通咁無乜特別今日既分享完畢

天口太熱，繼續想吃食點清淡的。午飯時間在金鐘要吃靠得住唔會出事的，好像只有元氣壽司.元氣談不上是美食，但只要抱著要填飽個肚的心態，其實是個不錯的選擇。壽司烏冬午餐，$75.其實味道比賣相吸引。野菌牛肉烏冬湯夠熱，牛肉也夠味。跟餐為存在而存在的前菜，賣相雖然頹，但味道是令人吃得落的。壽司上檯時, 覺得個賣相真係好頹。這一刻，由於太肚餓，所以我無閒介意。係，我知我唔係食緊Nobu...可能是之前那天用十幾二十蚊響個體戶小店食了兩條很有誠意的手卷，所以有了對比吧。覺得刺身不夠新鮮，吃的時候，我不斷在想，究竟廚師在想什麼？流水式作業只為交貨，工作滿足感在哪？

As a family, we used to eat at Genki sushi all the time. Then, about 3 years ago, we noticed the general standard and quality of food deteriorated. So we went less often. Today,we decided to give them another try.We ordered our favorites including the salmon sashimi, fried chicken wings and Japanese hot spring eggs.Sadly, we had to send the salmon sashimi back as the firmness of the fish was just squishy and mushy, although it did not have any smell. However the piece of fish was almost disinteg

今午經過金鐘這家迴轉寿司店，見到無需排隊入座，立即入去開餐。這里的寿司飯圑好柔軟但唔鬆散，size 亦適中。以下幾款寿司，食過後好满意，推介予大家: 左口魚裙邊寿司，魚肉又滑又捻，又有鮮味，入口即溶，有吃 toro 的感覺; 海胆墨魚寿司，墨魚切成幼條，用海胆搓混在一起，墨魚的靱度加上海胆的香味，口感十足; 帶子寿司，帶子新鮮甘香，又夠大件，放在口中有不想呑下的快感。比較失色的是三文魚籽寿司，魚籽調味不足，唔夠味。以外，三文魚鮫湯做得很好，用的魚鮫鮮且滑，湯内蘿蔔切片狀，又唔太捻，有𡁻口，奶白色的湯温度夠熱，入口好清甜。