元気寿司 (遠東金融中心)

營業中

休息中

真係2個星期黎1次元氣, 今次同一個同事仔黎, 今次12點4黎到, 竟然要我地排隊等位, 不過就好快有得入座了~!no good:1. 枝豆又係勁唔fresh, 太黃喇!2. 燒三文魚腩一食入口勁凍, 叫waiter換啦, 點知得來既答案: 我地係燒完之後, 由日本空運過黎, 所以唔係熱, 係凍凍地~ (嘩~咁都得? 你點都整番熱少少比我都好呀!!!)3. 醋鯖魚? 時令喎~過酸呢...good:1. 唯一都是鰻魚好味~2. 炸蝦卷, 今次覺得好好味, 我倆食左3碟!埋單每人126蚊...唔係好抵!

2個星期黎左2次, 同同一個朋友仔黎, 今次12點4先黎, 都有位, 唔洗等, 不過就開始full full地!appreciate:1. order左既sushi好快就上, even人手唔多夠2. 鰻魚手卷幾好!!! 好甜, 好好味!!!3. 帶子壽司都好好味, 好甜!!!4. 元氣卷上面的三文魚好幾長~no good:1. 枝豆唔多fresh, 仲有少少黃黃地!2. 三文魚刺身雪得太硬喇...埋單每人80蚊, 都好抵~

Lunch with friend nearby since we are working at PP1 and Lippo CentreArrived at 12:10pm, we can walk-in without waiting! So great!Ordered a few dishes, but it is quite slow to be on desk, maybe there are more people arrived later.

今日同bb睇奧運睇到一半就落黎呢度食sushi~我地慳住係, 叫左個元氣卷, 紅牡丹蝦刺身, 炸公魚, 鴨胸壽司, 煙3文魚壽司同帶子壽司~首先係個元氣卷, 外面有我最鍾意食既3文魚, 裡面有脆脆地既炸物加沙律醬~ i love it~之後係個蝦刺身, 超正呀, $26 有5隻~ 又甜又新鮮~ 勁多蝦子, 真係好嫩好滑架!!!!!bb特登留多d比我食呀~ 炸公魚好似多春魚咁, 不過少d骨, 熱食都好味架~ 仲好大碟添!個鴨胸望落去普通, 點知甜甜地又有煙燻胡椒味~ 煙salmon同帶子其實都好鮮好味, 不過相對落黎就冇咁特別了!同bb一齊食野好hapi, 一邊食一邊玩~ kekekeeeee最開心都係我地有cash coupon!! 好味呀~~~

黎過幾次，每次黎都要等，d壽司唔錯，d料都ok，最鍾意佢既波士頓卷同煙三文魚，幾次食都唔錯，但係淨三文魚壽司好似無咁新鮮好食。我個人覺得d飯可以再雪凍就好啦，食落去好似有d暖暖地。價錢ok，同其他壽司店差唔多。不過整體來講，我都係鍾意峰壽司多d。

晚上夜點去人好少好舒服, 好似一個人覇幾個位一樣.海膽墨魚壽司係平價壽司裡面最好的, 無論味道口感都不錯.穴子魚係另外一個驚喜, 味道濃郁而且份量十足, 指定菜色.軟殼蟹手卷同鰻魚手卷都係很不錯, 即整紫菜好脆好好食.

是晚約了同事們一起去看Hancock，也順勢一起去吃晚飯。在金鐘地帶可選擇的食店實在不多，最後大家還是決定了去元氣一聚。不過仍在病重的我，是絕對不可以食下任何生的食物，不然只會加深病情~去壽司店又不能吃魚生，那麼又有甚麼東東可以吃呢﹖當然有，亦剛巧地遇到新的推廣，題目為童心系列。看到那些"壽司"，真的笑了出來，因為為用的材料基本上算不上是壽司，反而似是just for fun多一點。在沒有太多選擇之下，就要了一碟熟蝦壽司、鰻魚壽司、青瓜卷、茶蒸碗、玉子壽司、腸仔壽司和生菜蟹柳卷~其實也沒甚麼好說的，因為始終水準不是中上級的壽司店。不過還是有點例外的......青瓜卷今天做得不錯，師傅把六件手卷都切得一樣高度，至少在賣相上勉強合格。另外，茶蒸碗是剛出爐的貨色，所以蛋漿內還有很多從雞肉，蟹柳滲出來的汁，味道當然比一般的好得多。不過，如果問我在廉價的回轉壽司中選出最有水準的，還是會說元氣比元綠、金太郎、明將等等好得多。

食過多間元氣, 最滿意都係金鐘lee間, 壽司比其他分店大少少, 店員好快手, 可能去金鐘lee間都係假期, 人唔太多, 只係1點至多人, 但都唔係太差!!

5月30日, 自從做咗元氣既會員之後反而少咗黎食. 見佢今個月會員卡有8折優惠所以就同呀比黎食下啦~ 點知佢表面上好似有discount, 其實暗啞底有d野係貴咗!!::: 三文魚壽司 ::: $12以前$9而家要$12了...等左好耐先有碟靚仔少少, 食落都幾鮮味不過塊魚生就比以前薄左囉...::: 海膽墨魚軍艦 ::: $16海膽味好濃墨魚肉好煙韌. 不過塊紫菜就有少少淋喇~::: 炸蝦卷 ::: $16蝦都炸得頗脆口而且仲有微暖. d飯好軟綿綿唔錯!::: 牛油果軟殼蟹卷 ::: $16每次黎都必食~!! 我覺得元氣既牛油果軟殼蟹卷比其他地方既都好食!! 牛油果同軟殼蟹好夾~ 軟殼蟹好脆又有肉味~ 雖然好食, 不過好似無之前甘好食!!::: 北寄貝沙律軍艦 ::: $12普通~ 北寄貝肉質較實. 沙律凍左d.::: 蟹柳卷 ::: $9一個字... 平. 都抵食既~ 但係普通到冇野好講啦~::: (期間限定) 蒿燒鏗魚 ::: $16都幾鮮~ 表面有少少燒過黎, 話晒都係期間限定丫~ 不過我就嫌佢有少少腥...唔知係咪食得多峰壽司同千兩呢d貴價少少認真少少既壽司店~ 覺得元氣好似

今日中午同男朋友去左好耐都冇去過ge元氣食，好好彩吾使排隊等位，d侍應招呼都o.k，一坐低冇耐，有個女仔走埋嚟推介赤貝刺身,又話即叫即開,講到甘吸引，男朋友好快就order左一客試下,食落去都幾爽口幾鮮....$55都食得過ge,其他燒三文魚、墨魚鬚、吞拿魚、穴子都是一般般啦，不過連燒曼魚都冇ge，加上d飯比較散,款式都比較少,好在炖蛋依然甘好食甘滑,元氣卷同辣三文魚都o.k，仲有加埋我最愛的綠茶雪糕，已經非常滿足了....埋单問有冇得申請vip咭,佢居然話而家只有屯門店做緊promot...oh no..我住港島即係又冇得申請啦^o^.......

朝早去完ocean park，夜晚7点幾嚟食野,一家大細,都排左一陣隊...入座都有好熱烈嘅欢迎語.....食物質素都.o.k,可惜榮螺冇貨..佢地介绍食鱸鱼，都幾清新嘅..一口氣食左3碟鳗魚...好耐冇食了....店員都好勤快..又细心，又主動同我d小朋友倾偈,感觉o.k親切....朱古力慕絲蛋糕好好食...下次一於再去金鈡食。

(29/7/07)新出左太刀魚、燒蠔壽司,先至想黎咋。很久沒來了,迴轉帶長左,位亦多好多。最想試試太刀魚究竟咩味?係腥味,魚皮仲要o趙o趙o趙。彩虹卷,圖片是油甘魚、三文魚、吞拿魚排成彩虹切件,來到竟然係油甘魚還油甘魚;三文魚還三文魚;吞拿魚還吞拿魚,反卷各一件。算啦,食味出奇地新鮮喎!在香港食到的吞拿魚都係有雪、有酸味、有根,今日食到這件竟然好軟熟啊!雪糕泡芺當係小小甜品,一陣風就無喇。小柱是以前的愛好,元氣真係水準不如前(可能太多後起之秀比較了),小粒到不得了。最後見件赤海蝦,"令笠笠"好吸引,食埋可拾回小小面子,因為好~好~味,好鮮甜。

八點幾係金鐘力寶離開諗住搵野食, 一出就見到元氣, 而且無人等添, 朋友仔都無反對, 咁就揀左食依間, 其實己經食過好多間元氣, 間間嘅質數都差唔多, 但係啲軍艦卷, 即係辣味三文魚壽司呀, 芥辣八爪魚壽司呀等等, 佢啲餡真係少過其他店囉, 雖然味道佢地係保持到, 但係份量都要統一囉, 如果唔係好似比人食左啲咁, 咁就唔好啦…重有就係三文魚壽司塊三文魚薄左好多喎…唔知係咪將貨就價呢…

我去過好多間元氣無一間衰得個佢我一入門口就比帶到轉角位因為下午3時所以迴轉不多食物咁我order左8碟不同款式的最令我失望是辣味三文魚這是我的至愛理應餡料比紫菜高一點誰知就像地裡有個洞一樣跟住已經找不到任何人跟進實在令人失望我唔會再去了

壽司都好新鮮,好食,值得一去.