全記海鮮菜館

營業中

休息中

星期天，一家大細帶同小狗來到西貢逛逛。全記有户外坐位，方便帶狗人仕，而午市除了海鮮及小菜之外也可選擇點心，正合心意。午市點心不便宜，質量還可以。8個人點了12個點心及一個籠仔蒸飯，埋單$80一位，對正海景，一家人輕鬆嘆個靚茶，還算不錯呢。

年初二那天，我們一家去親友拜年，拜完年之後，親友話帶我們去西貢食海鮮團年飯，這麼多年都未去過西貢行逛，於是一行人就到西貢米芝蓮推介的食府試下，可以食到海鮮大餐，真是十分開心。我們點了一個四人海鮮餐，再到外面的海鮮池選了聖子皇，並點了一個橫財就手（即發菜，豬手，生菜）和全記炒飯 ， 四人海鮮餐有很多海鮮菜式可供選擇，這次我們選擇了薑蔥炒蟹，蒜蓉炒絲蒸扇貝，古法煮鮑魚，芝士焗龍蝦伊麵，清蒸沙巴龍躉，白焯海中蝦和蒜子炒小白菜。首先說蒜蓉粉絲蒸聖子皇， 聖子皇很嫩很新鮮，配蒜蓉粉絲，突顯出聖子皇的鮮甜美味；薑蔥炒蟹亦很惹味可口，  姜蔥炒蟹是廣東傳統名菜，蟹，生姜，蔥和蒜片，要用猛火炒蟹；蒜蓉粉絲蒸扇貝，蒜蓉和粉絲雖是配料，但卻能夠突出海鮮的鮮味，蒜蓉與鹽的鹹味，還有粉絲伴新鮮扇貝非常鮮甜好味。白焯海中蝦，海中蝦唔太大隻，份量唔太多，但亦鮮味十足；芝士焗龍蝦伊麵，沒有想像中那麼油膩，芝士味卻很濃郁，比平日食到的濃，龍蝦十分新鮮，龍蝦的鮮味沒有被芝士蓋過，芝士汁唔會好像漿著，大快朵頤。古法煮鮑魚，起初十分期待，可惜原來是椒鹽鮑魚，把鮑魚炸過之後，雖則很香口惹味，但鮮味全失，有點失望，清蒸沙巴躉肉

同屋企人得閒過嚟西貢行下，都幾熱鬧嘎，周圍都係人！！霖咗好耐究竟要食西餐定海鮮，后嚟覺得難得嚟海邊，梗喺食海鮮好啲！~~咁就揀咗全記啦。 點咗一條魚、魷魚酥、咕嚕肉、豆腐同蔬菜，總體嚟講口味都唔錯。 魚嘅味道好鮮，應該系即劏即蒸嘅，魚肉新鮮，肉質鮮嫩緊實。~~ 炸嘅魷魚酥好香脆可口，麵粉一啲都唔多，咬落去啖啖魷魚，好滿足吖！！~ 咕嚕肉，酸酸甜甜夠曬開胃~~

嬲到要特登開個ACC黎讚揚一下呢間野, 帶一班外地黎朋友佢地話睇介紹想試呢間, 已經預早打電話去卜位, 去到竟然話無收到我BOOKING(我肯定左我係無打錯去另一間既), 算!!!咁我即場攞位啦, 個職員已經黑口黑面, 算!! 人多預左! 等半個鐘左右(其實食飯由其是出名/好食果D預左等, 所以呢個又覺得可以接受既), , 一行10人咪打算叫餐划算D, 反正大家無咩要求, 志在聚下, 另外嗌多兩個單點(單點的質素好過餐, 呢個都預左, 但恕我少出街食飯, 我而家先知單點海鮮有手工費盛惠106蚊)唔緊要~出得黎行預左要還! 嗌落個單又悔悔氣氣,嗌支汽水高空掉落黎, 都算!!  氣已經一度一度咁吞, 菜一道一道上, 白灼蝦仲奀過奀妹, 尿蝦就舊舊索哂油, 鮑魚竟然係炸既(鮮唔鮮都唔知啦), 魚又係最cheap既倉魚(係覺得唔抵), 唯一讚既係椒鹽墨魚同蒸扇貝, 我地6點40分入座, 到最後龍蝦伊麵竟然8點40分先上檯, 期間吹左不下10次, 個個hea我「黎緊黎緊」,有D仲扮聽唔到, 最後一次個職員仲串返我「香港地食飯度度都係咁架啦」咩態度!??!

今日啊媽生日，佢話想食海鮮，今日佢大曬，佢話食咩咪食咩囉。啊嫂話全記味道唔錯而且d海鮮好新鮮喎。甘餐晚咪嚟咗全記囉。晚上好多人，等咗十幾分鐘先有位，環境衛生都可以，服務過得去。雞睇落好淡色，但好入味，而且夠曬瘦身皮又薄，食落唔會老，嫩滑得嚟唔會帶血。花甲鍋氣好夠，肉質鮮甜，味道喺好好，花甲好細只，只只都開，不過唔見有幾多肉囉。清蒸海上鮮喺鯧魚，蒸嘅時間啱啱好，肉質嫩滑而且鮮甜，調製嘅味道啱啱好，唔會太淡又唔會太鹹。芝士龍蝦伊，龍蝦喺原只開邊，都幾大只，好厚肉，原本龍蝦都夠曬鮮甜，加埋芝士仲更加鮮美，整只龍蝦肉都喺香濃嘅芝士味，又入味食落口感好好。伊面吸咗龍蝦同芝士味，香滑且彈牙，唔會好稔，喺好長嘅一條條。蒜蓉粉絲蒸扇貝，扇貝大細適中，肉質鮮甜彈牙而且好夠味，冇沙。粉絲都唔錯，好入味。椒鹽瀨屎蝦好大只好肥美，上檯果時煎開一舊舊，肉質好實好新鮮，夠味唔會太鹹。清蒸鮑魚，鮑魚都幾大只，望落好普通，食落鮮甜爽口，不過鮑魚唔喺好入味。白灼海螺唔單外表大只，而且螺肉都好厚身，肉質鮮甜爽口又彈牙，白灼原汁原味，食落感覺比其他做法更加鮮味。油菜冇咩特別，都幾新鮮下。

難得食一餐海鮮大餐，點知今日有個friend唔知發咩神經，突然話要請我食海鮮大餐，咁就捨命陪君子啦 一入嚟就見到各式各樣噶海鮮，啲食材肯定會好新鮮，不過唔知味道點呢？扇貝，肉質好嫩好彈牙，而且上面加左些少粉絲，食落口感豐滿，再加上少少豉油一齊食，好鮮甜吖 炒龍蝦，佢將龍蝦切成一舊舊，比較容易入口，而且炒完之後肉質依然鮮嫩，而且龍蝦肉好入味 花甲，肉有好多，唔會淨係見到好多殼囉而且從出面到肉入面都係醬汁，好正 碟蟹真係超級無敵好食，原本我對蟹都麻麻，因為是起身覺得太麻煩，不過呢度就完全唔係問題啦，再係表面淋啲芝士汁係上面

1早入西貢玩船p,早早o地咪去全記飲茶,放底部車,就行入去,因為佢可以睇到車,唔驚炒牌!㸃左鳳抓排骨飯,味度真係1般貨式另1樣番薯包,真係有d新意,但味度怪怪的,可能食唔慣la..ha ha其它有蝦腸粉,煎羅白糕,味道都係1般lo......蝦腸粉裏面好似有d生生o地,可能甘樣叫新鮮掛........

首先呢度煮嘢味道係ok嘅！話哂米芝蓮！所以來一試。。。但想大家有經驗的人睇下碟龍蝦究竟看似幾重！？我地今晚一行十一人，買左幾款海鮮俾佢地煮，然後喺佢地度叫左隻最大隻的龍蝦，係有三斤二両！22蚊一両，連加一大約要1200元！！！無錯，整出來就係上面張相！大家數下有幾多舊龍蝦肉？係七舊肉！七舊！伊面就成座山咁高！！平時食個例牌都有七舊啦！仲要啲手腳係好明顯係普通一斤幾左右的龍蝦手腳一樣，唔好以為我未食過龍蝦先得架！！當我地搵人問下嘅時候，有一個阿姐過來極不好態度地同我地爭論，堅持話係原隻上！講真，原隻點會得七舊肉丫，三斤幾喎，偷料都唔好咁過份丫！之後我地話口同鼻拗，我地照食，不過會影相放上網俾朋友睇下，之後嗰位阿姐就大叫 "你收聲!!!!!!!!!!!"無錯，係全記的一個大姐向我地，即係對住客人大叫"你收聲"!!!!!!!! 之後發脾氣攞走碟龍蝦，一路攞一路鬧！！！我真係第一次見識！！！另外，我地買五隻大蟹俾佢煮，出來只得三個蟹蓋同一啲濕濕碎的手手腳腳，真係好過份！之後佢地竟然解釋其他兩個蓋炒碎哂！！！😂😂😂😂😂不如你話佢兩隻嘢骨質疏鬆啦。。。另外三個原整蓋又無事。。。最後我只想說，呢間嘢

五一黃金周，如果吾係因為男朋友既台灣朋友黎左，我相信要佢去同人逼，係冇可能的。佢地一場黎到，香港既朋友自然會諗起係西貢食海鮮。因為今日人太多，我地等左大約十五分鐘，比預期快。以為坐底叫嘢食，好快就有得食，點知等食既時間仲耐過等位，大家開始肚餓，但催左幾次都冇人理，係有啲無奈。加上帶左囡囡黎，連狗仔都冇耐性，同佢跑左兩轉先見第一碟豉椒炒聖子出場。聖子一早起左肉，放便大家食。鑊氣係夠既，但係啲肉唔夠肥，差左啲。跟住出場既係蝦刺身，都係頭身分開，放係一大兜冰塊上面。蝦幾新鮮，好爽口，欠膠質。我地見啲蝦頭大大隻，就甘扔左好哂，所以侍應建議用黎煲粥。接住既菜都陸續上枱，椒鹽瀨尿蝦、辣油浸螺、炒飯。原來台灣冇瀨尿蝦同聖子，佢地敢食聖子，仲讚吾錯，但瀨尿蝦就吾敢食，最後勉強食左一隻。本人其實都麻麻，因為剝殼好煩，加上呢碟蝦又瘦又吾夠入味，真係有啲失禮…螺，講真，好難吾好食，佢特別之處係加左烏冬，好滑，但…放落黎，同辣油個陣螺味一齊食就怪怪地。炒飯更加一般，我鍾意佢係生炒飯甘，硬硬地，但冇料，連蛋都慳家得過份，大家麻麻地。我食到中場先知，菜冇哂，個陣只係八點半左右，今日有幾旺場，可想而知。菜上哂，仲碟

今日去西貢全記食海鮮，諗住米芝蓮食府，一定無問題。六點未夠就坐低，估死一定唔會點等，點知篜鮑魚上枱已經得返微溫，豉汁炒蜆又係唔多夠熱，炒蟹又無咩肉食，椒鹽鮮魷份量少到震，而食完以上提及的，才出現碟菜，大大話話追左六七次，等了三十分鈡，問左兩三次D企枱已經想ignore 我地，次次都話炒緊，足足等足半夠鈡，吃到一肚氣。如果不想食到一肚氣，就要考慮下去邊家。

今日同老公去西貢食海鮮套餐，價值388。無樣好食！無一樣野岩食，蒜蓉炒菜都等到最後先上菜。最後既糖水，紅豆沙，苦既，食左一啖無食了。套餐果然靠唔住，下次去第二到試散叫！

突然想食海鮮咁o米走入西貢囉(We suddenly crave some seafood so I made my trip into Sai Kung)之前都食過全記都 ok 但係今次真係唔出聲唔得(I have tried Cheun Kee before and it was ok really, but this time I need to voice out my concerns so fellow eaters can pay attention to what they are ordering)等位唔洗等, 唔知係好定唔好(There is no need to wait for our seat, don’t know if it’s a good thing or not)我地叫左膏蟹, 開邊蝦, 扇貝, 通心菜(We ordered fatty crab, shrimp, Scallops and some vegetable)我地同海鮮呀姐問有無膏蟹同指明係要膏蟹, 呀姐當然話有. 上檯時我覺得呢隻係普通嘅肉蟹囉. 搵阿姐上黎問清楚係o米比錯, 佢大大聲話

前陣子想吃海鮮就落實昨天起行，目的地：西貢！臨出門時天文台預測會有幾陣驟雨，長途跋涉又下著雨的話會有多狼狽可想而知 …天公做美，我們一路上也沒遇上大風大雨，感謝！ 到了西貢就四處逛逛，原本想要到上次去過的那間 "洪記"，見旁邊也有很多海鮮檔就不如比較一下吧！最後我們選了 "全記"，一來多試一間作比較，二來我記得 "全記" 是電視台有訪問過的，很大的飲食公司，因為我見街頭巷尾都是他們的分店！二人套餐 HK$388，餐單上菜式選四款，另送菜一碟及生果或糖水，茶芥加一全免。 我們選了下面這些餸嚕：1) 白灼海螺 – 不錯啦，分量有點少 … 2) 薑蔥炒蟹 –我當然知道是一大鑊炒幾碟啦，只是分配很馬虎，我們的一碟少了一邊蟹腳，反而多了一隻蟹拑，而且整碟不熱的。3) 清蒸鮑魚 – 其實這個海鮮是我的 favorite but 又是不夠熱的 …4) 蒜蓉粉絲蒸鮮瑤柱 – 我們誤會了，以為是扇貝一樣，不過也蠻好吃的。另送的腐乳炒通菜和紅豆沙糖水。原本想到滿記吃糖水，但時間有點晚了就走嚕。下次再去西貢吃海鮮我還是會選擇我們上次去過的 "洪記" 呀！因為兩間價錢一樣，但 "洪記" 的食物來到客人的枱上

在西貢對住海邊的海鮮店.全記都算厲害.在短短一條街有2間店.其中一間可以吃點心,而這間只能選擇海鮮.這些食店.地理環境好.客人可一路吃海鮮,一路吹海風.有不俗的享受,而店員服務友善,效率也不俗.2人選擇海鮮.若自己選.新鮮即煮的.我估計平均消費也要400元一位.午飯無理由咁豪.就選擇388元2人海鮮餐,可從餐牌內的指定海鮮選4項.更會贈送一碟菜.另加白飯一碗10元.加一.茶錢,貼士也不會收.同明碼實價.上湯焗龍蝦<伊麵底>吃完看相.才見到有空殼,幸好肉質尚算結實.味道也有蝦的鮮甜味道.至少伊麵吸了汁也鮮甜好食.但這種海鮮的甜只是相當清淡.我估計都是調味得宜.味道才能接受.清蒸鮑魚仔:我應該在吃海鮮經驗中.最後一次叫這道菜.因為吃十次也沒有一次滿意.上枱時我見到附送蠔油.心中涼了,心想一定好淡.不出我所料鮑魚仔是零味道.猶如吃橡膠.我覺得可能要炸,有大量調味鮑魚仔才會好食.薑葱炒蟹:這個價錢吃海鮮,蟹一定瘦弱.肉一定偏少,幸好炒得惹味.總算香口.而在蟹蓋上更有香甜的膏.令此道菜的分數提升清蒸海上鮮:原來是鎗魚.是這餐最新鮮的一道菜.蒸的時間.恰到好處.剛剛離骨.肉質嫩滑,

天气好，入西贡玩，先来全記吃海鮮。平日午间的西贡，沒什麼遊客，更有渡假FEEL。以前我們都是選室外海傍吃，但今天有D熱，上了有冷氣的二樓。大落地窗，也有走出去的落台，感覺視野比樓下更好。選了700多元的四人套餐，4個女人2個孩子還沒吃完。龍蝦伊麵和粉絲蒸扇貝不過不失，鮑魚較小（這價格也不能強求），最喜歡的兩味是椒鹽瀨尿蝦和炸魷魚。瀨尿蝦好香口，還有膏。魷魚不油也嫩，佐酒很棒。加上酒水買單不到900，好抵食且好食的一餐！