全記海鮮菜館

營業中

休息中

又去行山啦，今次入西貢行，6點行完出返西貢碼頭，人人都話食海鮮做遊客生意，所以我就未試過係西貢食，但山友們都想食，就去食個海鮮餐，原來都幾好食，海鮮質素都幾好。龍蝦鮑魚套餐，明碼實價寫明每位$274，免加一茶芥，經輕度格價後，比較左多間都有郊外油菜同生果/糖水 送，呢間仲多左秘制鹽水雞腳，最正係用「銀聯」unionpay，可減$100，都幾抵。特濃芝士焗龍蝦伊麵，芝士稀稠適中，唔會好膩，伊麵可以掛滿醬汁，好濃好香好滑。龍蝦味唔太重，勝在厚肉肥美，而且幾大隻幾抵食。椒鹽瀨尿蝦，我第二次食，原來大隻係好味好多，難得呢度用大隻的瀨尿蝦，所以更多肉更有口感，微彈嫩滑，仲好甜。薑蔥炒蟹用兩大隻肥美大蟹，仲要用肉蟹，啖啖肉之餘，仲好鮮甜蟹味濃，而且蟹肉滑溜，蟹鉗肉厚。薑蔥爆得夠香，越食越惹味，又唔會蓋過蟹鮮味。古法椒鹽鮑魚，每人一隻好睇又好分，賣相的確好吸晴。味道其實一般，鮑魚微彈易咬，口感方面係幾好，但椒鹽蓋過鮑魚味，而且外層偏硬。用清蒸可能更鮮味。白灼海中蝦超大隻，份量也足夠，肉質鮮甜爽彈，蝦味突出，唔使豉油，直接食更重蝦味，好新鮮白灼海螺肉厚肥大，彈牙有嚼勁，一點腥味也沒有，味道好好，加上海

未遇尚可，一期不遇，難以踫頭，復活假期一於找個適合損友相敍的好地方，一遇一聚！小人超愛雞腳，餐前的鹽水雞腳又且看其虛實。爽爆無比，鹽水剛好，絕上佳作！友人獨愛的豉椒蟶子相當的入味，相當的爽。椒鹽瀨尿蝦乃絕密之作！不似其他地方要撈椒鹽上的，就是實實在在的炸上。脆度不用多說，還附上剪刀，開得容易，香口備至！另一香口之作椒鹽豆腐，椒鹽皮脆，豆腐在口腔裡已被融掉了。酒味濃烈的辣酒煮花螺，酒香絲絲入扣的滲入花螺裏，再呷口啤酒，簡直令人不會停口！薑蔥焗蠔是吃得出的鮮，薑的香加上大量的青蔥，此蠔留香(^_-)！別以前貌似水汪汪的芝士龍蝦會流；事實上十分惹味，伊麵底盡索其汁，吹水會員瞬間轉移到肚裏去。蒜蓉粉絲蒸元貝，蒜味激香，元貝不老。蒸魚那理是斑是龍躉，總之是又香又滑，不新鮮的話很難蒸出這樣的高質。在海鮮飯店吃到的燒鵝是出奇的香，鵝皮有油脂是預了的，浸著燒鵝汁，三兩碗白飯在所難免。喜幸的一期不遇，得嚐美食。

自從上年新年唔想再迫酒樓,黎左西貢食海鮮後, 今年都係一樣~黎西貢食海鮮!上年係萬年街個間全記, 今次黎牌坊呢邊~呢間就要行樓梯, 但對住個海吹埋黎又幾爽~今次我地一行16人~(就係太多人一般酒樓D位同份量都唔係太夠)叫套餐, 有講話套餐照除12 X 16 變大份, 但其實我地又諗.. 你樓面會咁計數者, 你廚房又點會咁同我地計, 呢D 一大碟又唔係用GRAM 數, 難用人頭量化既野, 你黎到話係大左, 但我感覺無分別既話, 到時又點算?!新2最緊要開開心心, 唔好搵野嘈嘛~所以我地都冇咁叫, 照返12人套餐, 只將扇貝呀鮑魚個D加返人頭就算(好似係$38 一位)~到時唔夠食先加野或出去食糖水重好啦係咪先?!要食得精明先得~ 可惜當日套餐鮑魚賣哂, 伙計過黎話換蟹畀我地...其實我唔中意食蟹家..不過都冇得揀啦..椒鹽鮮尤~ 我最愛呀!無得輸~係好食既~~~同埋係有鮮味~呢個係豆腐~ 又幾好, 唔會炸到好油~龍蝦~ 呢個就好似細只左D, 唔係啖啖肉~呢個好似係散叫既黃金蝦~冇哂鮑魚換左既蟹, 麻麻地, 唔靚, 水水地呀.D肉縮哂~如果係豆苗會開心D~呢個紅豆沙係OK既, 多豆同結身~唔

Had dinner here in a chilly evening. The staff were passionate and patient, warm welcome was received when we entered the restaurant. The 2 of us ordered a dinner-for-2 set. The food tasted quite good, especially the fish. However, the portion of the lobster noodles wasn’t as expected. Good experience overall.

今日冬至，抽空同阿媽Dum左兩個鐘頭車入西貢，去完香港地質公園、食海鮮，完美的一天。海旁有好多間食海鮮既，我地見到呢間全記海鮮菜館，話係獲得車胎人榮譽既，咁都無謂考慮，直接坐低！呢間店面積很大，而且有好幾層，內部環境唔錯的。門口有好多生猛既海鮮，可以自己挑選，蝦啊蟹啊都非常大隻，海鮮品種繁多，有好多平時街市見唔到既種類。我地叫左個溫馨二人套餐（$ 488）揀左四道餸 ——椒鹽瀨尿蝦，蒜蓉粉絲蒸元貝，薑蔥炒蟹，香味椒鹽墨魚。其實人均$ 244有4個餸1 d都唔貴。其中以香蒜椒鹽墨魚同椒鹽瀨尿蝦最為惹味。墨魚很有彈性，口感Q彈，點甜酸醬特別開胃；而椒鹽瀨尿蝦如手瓣般大，炸得夠脆身，蝦肉唔霉，接近蝦尾的部位啖啖肉，超鮮甜！薑蔥炒蟹都幾肥美，蟹都有啖啖肉，可惜冇咩蟹膏啦！蒜蓉粉絲蒸元貝既size非常大隻，但係味道就無功無過，可能未必係原隻蒸，因為個貝肉並冇黏住個貝殼，已經被鏟起左。其實黎西貢唔食海鮮，都唔知入黎做咩啊。全記呢間舖頭位於海旁，遙眼望過去都見到藍天碧海，盡是寫意。

點解話再次重訪？因為近年每次去西貢食海鮮都係幫襯另一間獲推介嘅海解餐廳。以前入西貢食海解，九成係會去全記，同老闆兩兄弟亦食得好熟，但係自從香港旅遊業大力推介西貢海鮮，加咗個牌坊又搵明星賣廣告，去食嘅人多咗好多，試過有次節日訂咗位都要等成個鐘，而食物質素亦有所下滑，似食套餐咁！後來有次去西貢決定試吓新堀起嘅小規模嘅海鮮餐廳，食物質素令人驚喜，結果以後就冇再幫襯全記。然而多年下來，該餐廳嘅銷費拾級而上，所以令次決定重訪全記！去到全記，雖然見到老闆在鋪頭入面，但佢已經唔認得我，完全冇反應！因為係平日，所以客人不多，有個伙記就全程協助我哋揀海鮮。最後揀咗4樣海鮮，包括一條一斤多嘅海杉班，兩隻奄仔蟹，蝴蝶蚌與赤米蝦。揀海鮮時，個伙記極力推薦我哋食九節蝦，但我從來未見過只係似普通海蝦嘅九節蝦，所以我寧願食赤米。果然冇令我失望，剝蝦殼時已經見到蝦殼厚而硬，絕非養蝦可比，食落又甜又爽，啲肉可能冇九節蝦咁實淨。因為係海蝦，所以係有啲大細不一。淨係食海鮮係唔得嘅，所以我哋都叫咗半隻燒鵝，不過就比較失望，我哋係第一輪嘅客，但係碟燒鵝就似係凍咗再翻熱，唔夠＂新鮮，比起嗰啲食燒鵝嘅名店係有一定嘅差距。原本我想點

係咪以為米芝蓮星級餐廳就=品質保証？五碟海鮮，只有龍蝦伊麵正常啲，蟹肉霉嘅，超多薑蔥！扇貝完全肉殼分離仲帶有雪味！超多鼓油！點解咁做？大家都明啦？！肉類我唔敢認叻，海鮮點為之鮮？呃唔到我哋倆公婆呢！其實，食得海鮮唔會太計較價錢，冇本事做好套餐，不如唔好出！我寧可你比少啲份量，甚至比少兩碟不知所謂嘅嘢我，用心做好一兩道菜吧！米芝蓮星級食府謂何？如果只是向顧客的錢包打主意，失去對食材的執著，只會叫人不屑、反感！西貢係旅遊區都攪成咁，諗住做一次生意嘅話，香港，又多一個污點！

同屋企人入西貢散步，到晚飯時候行去艇仔睇下有冇平靚正海鮮，揀咗一條魚，三隻大瀨尿蝦，同2隻蟹。拎住袋海鮮再行去睇下俾邊檔加工，見全記位姐姐打開餐牌，明碼實價寫住加工收費就安心入座，佢地唔會即時拎袋海鮮入廚房，而係倒入膠盆俾你睇清楚，再寫抵要點煮，真係值得一讚！因為試過拎去第二間煮蝦蟹都縮晒水，然後酒樓又話本身已經係咁，真係唔知艇家定酒樓出事，口同鼻拗餸菜嚟到都係水準之上，瀨尿蝦原隻椒鹽爽口彈牙，燒鵝都皮脆肉嫩，唔會食完成口油，簡直係入秋之行既完美句號

伯母生日，又去食生猛海鮮！今次黎到出名多海鮮食既西貢，佢樓高三層，去到應該唔洗點等位，不過我地一早卜左位。套餐好抵食，1000蚊左右四人餐，包蒸魚、炒蟹、炒西蘭花、椒鹽鮮魷、沙薑雞腳、芝士龍蝦伊麵、生果，原本包糖水，不過話太晏無哂（個時9點左右），四個人其實好夠食了。我地叫左5隻瀨尿蝦，再加埋人工費要一千大元；其實唔係好特別，只是大隻取勝，生猛又椒鹽，唔會有咩出錯。我地坐3樓比較靜，燈光暗沒什麼人，上菜速度一開始好慢，之後好快。感覺上鯉魚門的海鮮比較抵食，不過一家人食飯慶祝，吃什麼都開心！

今天公司活動後，過來西貢食海鮮。訂了豪華海鮮套餐 $4688不包加一。碧綠泡蝦球蝦球體形中等，爽口彈牙，西芹炒得香脆無渣。清蒸海石斑石斑很大條，約左斤半重，但肉質比較鞋，味道一般。高湯焗龍蝦伊麵用料是本地龍蝦，肉質新鮮爽口彈牙，龍蝦肉多，伊麵煮得爽口。椒鹽賴尿蝦炸得過火，外殼香脆但太咸，肉質比較乾。避風塘炒蟹蟹殼有很多膏，但泡油致太乾，蟹味很淡，沒有鮮味。蒜蓉粉絲蒸扇貝扇貝很大隻，肉厚，味質鮮甜，不算鞋，蒜蓉粉絲好味，不過過咸。果皮蒸鮮鮑魚果皮味香濃，鮑魚味道不算鮮味，但火喉控制剛好，很爽口彈牙。星級椒鹽豆腐全晚最好食的一味，豆腐外面炸得香脆，內裏依然嫩滑，但豆味不太濃郁。食物份量多，完全食唔哂，最後成個炒飯幾乎無食過。

星期六日 ,我最喜歡到西貢。我和內子接過岳母便駕車到西貢。雖然週六日，西貢比較難泊車，但現在有了兩個較便宜的爛地停車場，找泊位也不算太難。我們喜歡到洪記海鮮酒家吃午飯，一盅兩件，還有無敵海景，認真寫意。這一次我們叫了豉汁蒸鳳爪、燒賣、鳳爪排骨飯和春捲卷叉燒酥。豉汁蒸鳳爪又淋又入味。燒賣大大粒，大大隻蝦，材料十足，一口咬下去，香味溢出。還有鳳爪排骨飯，蒸得剛剛好，也是非常不錯。 還有雞包仔也是用了豐富。不得不提的是春捲春，也是非常都蝦。不知是不是臨近海邊和主打海鮮的緣故。洪記海鮮酒家製作點心用的蝦，都是非常爽口和大隻的。要提一提這裏叫點心， 是自助形式，都是要自己拿的，很傳統。這樣有點彈性，我們要了兩件春卷，搭一件叉燒酥，也是可以的。

西貢飲茶，全記算唔錯，整體都比出面大份，又好食。今日早上7:30嚟，估唔到都坐滿晒出面，但咁熱始終坐入面有冷氣舒服d 义燒酥，傳統點心，而家唔係間間酒樓都有，脹卜卜的，微熱，鬆化。蘿蔔絲酥，係間間酒樓最無伏既點心，nice流沙包，話係呢度出名，但今次個飽唔飽滿，奶黃又唔係好流。但味道ok!蝦餃，4粒大大粒，脹卜卜，好多蝦，可能始終係海鮮酒家，果然真材實料，抵食菜苗餃，同蝦餃一樣，豐富既蝦加菜苗，比蝦餃係另一種風味。整體都好味，繼續係我飲茶心水

人地成日話西貢全記海鮮好正，係米芝蓮黎！上次食完佢萬年街個間分店之後，真係覺得街市求奇買黎整都好食過佢，鮑魚又凍又硬膠，芝士龍蝦伊麵直頭又爛又無味，食完真心覺得垃圾！瀨尿蝦仲細過乜禁，椒鹽完肉都無埋！今日去完玩，又話食全記！我即刻強烈反對，仲表明上次難食到爆！朋友話真係好想食，加上老公話去另一間分店，好食啲既！禁算啦，試埋今次，都係兩間即，最多無第三次即！點知呢間分店，真係好好多囉4人餐揀5樣餸椒鹽鮑魚熱辣辣又軟熟特濃芝士龍蝦伊麵芝士控一定要食真心濃！好似雙重芝士禁，龍蝦走油（應該係）又無過龍，鮮甜！椒鹽瀨尿蝦今次呢隻係大隻個啲切件上，好多肉，仲有膏添！鮮清蒸海上鮮，係黃立倉都好大條下！咕嚕肉係呢個差啲，個汁淡口啲，可能驚太濃，食完佢就會搶左啲海鮮味！而且每舊都偏肥餐仲跟個浸菜同臨尾有紅豆沙/果盤，我地揀左紅豆沙，都好食架！帶左狗，坐出面，好view好多，我地6點未到已入坐，唔洗等，再黎已經滿哂，仲要個個都話等出面！假日好煩忙，太多人等，唔好諗住慢慢食，未食完已經叫你埋單上糖水，而且禁多人企係度望住你，都慢慢食唔到啦餐價=埋單價，無加一無茶介係正既，不過只限呢間分店囉

放假一心想食海鮮，尊程入西貢行，喺海鮮街諗緊邊間好，最後揀咗有分店嘅全記海鮮菜館，點都係米芝蓮推介嘅食府。地方都算寬落舒適，侍應服務還可以，海鮮新鮮，味道唔錯，份量係有啲少，不過兩個人食，感覺還可以。芝士龍蝦伊麵，個汁好濃好重芝士味，不過睇相都睇到好少，唔止龍蝦無咩肉，連伊麵都十分少。蒜茸粉絲蒸扇貝好味，大大隻，粉絲吸收晒啲汁又唔會太鹹。蛋白蒸蟹好味，賣相又唔差，如果蛋白多啲會好啲。蒸海斑，蒸得啱啱好，細細條肉質嫩滑。最後加碟綠油油嘅菜芯。

This restaurant is completely a ripoff .. Never again ... the seafood quality is just atrocious, and the cooking amateur. How this restaurant even made it into the Michelin Guide is beyond us. Maybe the reviewer on that tasting day had lost all senses on the taste buds.We ordered lobster sashimi, a dish that we would typically order when eating seafood in Sai Kung.The lobster was completely tasteless, not even a hint of seawater freshness, and the meat was tough and chewy. Even mineral water h