兩草 (白布街)

營業中

休息中

又一個J生等我放工嘅夜晚⋯抱歉呢🙇🏻‍♀️好快可以唔洗等我收工啦⋯最近去邊到食飯都係J生推薦，揀親嘅都係同事帶佢食過又唔錯嘅餐廳。「兩草」有港式同馬來西亞餐🇲🇾，鋪頭細細但吸引唔少食客排隊，自然會坐得迫啲。店員都Nice，食物單價唔算貴，份量迷你啲，勝在可以試多幾款🍚，今餐兩個人埋單$150有找。特別嘅係有一半食客操流利普通話🫢，開住小紅書等內地social media搵食，不過而家都無得分得咁細啦😂是吧？————————————————👅香煎脆邊蛋肉餅飯（$42）👉🏻個人對半熟脆邊蛋係無抵抗力，店家堅持用新鮮豬肉整肉餅，肉餅唔算大件🐖，食落係有少少粉感，但質素都可以。雖然碗仔細細，食晒一碗都有飽足感👅胡椒肉骨茶（$38）👉🏻好重胡椒香，辣度強烈又不太嗆鼻🥣，湯頭好飲，一碗只有3支骨👅蛋炒豬腸粉（$25）👉🏻地道港式口味，以豉油為調味基礎🆗，正常發揮👅咖央多士（$22）👉🏻烘底多士夾住份量偏少嘅咖央🍞，好彩搽得夠均勻，每啖都食到咖央味————————————————🚩總結：性價比較高———————————————— 🌟注意：人齊方可入座，2位要搭檯，用餐限60分鐘————————————

之前常常在西營盤店吃，可惜可能疫情關係，早就關門了。很高興現在可能在旺角吃到， 外賣app 也會送。肉餅煎燶邊蛋飯非常美味👍🏻。蛋炒腸粉和咖映多士，也非常出色，分量充足，價錢也非常合理，絕對值得一試。以後一定會繼續多多支持❤️❤️❤️

一張2人同4個人坐。野食一般，份量細，多士分量直cut一半，由2塊方包變一塊既量，醬又少，好似食方包咁，乾爭爭。個肉骨茶小籠包，湯飲完，我成晚隊左3枝水超勁味精。個包其實都係普通急凍野不值一提個飯就叫左有豬油渣嗰款，一食入口真係好益，好勁油臭味，可唔可以搞搞佢。食食下都無咩引繼續食店員態度差，趕客走，不停入客，專做大陸客，大陸人2做人坐雙人枱，香港人要2人枱格塊板坐4人，依家個年代真係舉住部手機拍片就大晒。難怪依家無咩香港人幫襯，今次再食，食物同服務都真係好差，我好後悔

行過白布街，見佢個樣玩懷舊就入去試下佢咩料！*紅色膠燈 *摺檯摺櫈 懷舊金曲我依個小女人一次過叫左三樣野🌟香煎脆邊蛋肉餅飯-唔好睇佢細細碗，一定填得飽個肚仔！要讚係個煎肉餅，唔會勁多肥膏淋啤啤。撈埋個脆邊流心蛋黃同秘製豉油，無得輸🌟小籠包胡椒湯-湯底胡椒味好足，非常濃郁！不過我個人就嫌小籠包個皮有少少厚，今次太飽肚！所以建議試佢個原粒蒜肉胡椒湯，可惜我去到的鐘數已經售罄⚠️每日限量🌟咖央多士-個人勁喜歡佢個薄切多士，脆薄薄得黎，啖啖咖央牛油香，當做一餐結尾的甜品就prefect多！🌟檸檬薏米水-中女唔覺甜雖然係嗌大左少少不過都無做大嘥鬼可以推薦下比朋友👍🏾👍🏾👍🏾

之前係銅鑼灣返工都好想試，一直收藏左依間餐廳好耐，今日經過做完野經過旺角, 見到岩岩開門無人排隊就即刻入去。入面大排檔裝飾, 摺枱+摺凳播住經典廣東歌, 例如哥哥既Monica 🎵🎵坐底自己用手機落單，今次我就嗌左兩款食物。🍚🍚香煎脆邊蛋肉餅飯, $40 飯既份量大細岩岩好， 肉餅+蛋就最佳配搭。🥣🥣胡椒肉骨茶, $36重胡椒味, 今個星期天氣突然轉冷最岩飲, 飲完即刻暖返晒。配襯豬排骨肉質軟淋淋，好好味。

旺角平價美食，cp值超高，一個飯50蚊就有得找。平靚正！！-香煎脆邊蛋肉餅飯呢個一定要點，真的太太好食啦！個蛋邊煎到卜卜脆，重要是流心蛋，肉餅都好好味。-胡椒肉骨茶胡椒湯底同我之前去新加坡飲的一模一樣，排骨一下脫骨，而且啲肉質燘到爛果隻，入口即化，超好食！

其实一直收藏种草这家店很久啦，以前在天后，现在搬来了旺角，据说张智霖袁咏仪夫妇很喜欢这家🍳【香煎脆边蛋肉饼饭】荷包蛋确实煎的很脆，下边的肉饼和米饭就比较平平无奇，建议可以单独点一个脆边蛋就可以了。🥘【滑蛋叉烧饭】和上一道菜一样，米饭都配了酱油，但这道菜就比上一道菜里的米饭好很多，搅拌均匀后很好吃。🍞【咖央多士】喜欢甜食的我最爱的一道，多士很脆，内陷和一般的奶酱多士不太一样。🫔【蛋炒猪肠粉】猪油炒的肠粉，配了葱花，总体还不错。有一点点油腻，味道较淡。🥟【小笼包胡椒汤】没什么特别的。

種草這家店很久啦～ 擇日不如撞日 這次不是1人食 特意扯上媽咪來打卡 今天就讓我做一個飯桶吧(我媽一直都是一名堅定的飯桶)胡椒肉骨茶^36HKD還可以 胡椒味道很突出 排骨中規中矩 脫骨很容易 可以沾店家的秘製豉油吃 我點的是另上蒜蓉 另上辣椒 但是店家沒給我上 不知道是不是要另外叫 差不多吃完才裏記得豬油渣溫泉蛋撈飯^38HKD種草他們家的米飯都好！好！吃！粒粒分明的 加上他們家的秘製豉油 看起來就超級有食慾 豬油渣很新鮮 軟硬適中 不會炸的過頭 也能咬出一些豬油 和米飯很搭 加上溫泉蛋的蛋液 撈飯一絕香煎脆邊蛋肉餅飯^40HKD拔草 但飯還是很好吃的 但是肉餅沒有特別出色 吃不出什麼肉香味 我是一個肉餅控 沒有達到我的預期哈哈哈 性價比已經算可以的 份量我覺得還是挺管飽的 但是味道沒有特別驚艷我地方 我最喜歡它家的米飯🍚啦 簡直不要太好吃环境:位置不算少 我12點到的 不用排隊 就餐環境還是舒服的服务:挺好的～ 基本上掃碼點餐 沒有什麼特別的服務可言吧

🎤「我哋呢班打工仔 一生一世為錢幣做奴隸」呢首 #半斤八両 唱足咁多年無人不曉就係因為咁多年黎都唱足一班打工仔既心聲！🐶人人都想用最少既錢換最多既野做左咁耐人 我可以好明確話你知#以物易物 呢個遊戲唔好玩☹️不過唔好玩 都要繼續玩👉🏻👈🏻兩草今年年中係旺角捲土重來出名係草根價錢 平民美食 食個回憶 食個情懷 食到飽而想當年既#兩草 即係宜家既廿蚊 又換到啲咩返黎？✐ ✎ ✐ ✎ ✐ ✎ ✐ ✎⍥ 小籠包胡椒湯 ❙ $40小籠包好味！皮唔算薄，因為有胡椒湯所以唔會乾，餡料都大大舊，湯底有啲似肉骨茶😂胡椒香濃郁，飲完幾暖身，我喜歡🫰🏻⍥ 胡椒肉骨茶 ❙ $36失禮晒我係第一次飲肉骨茶，一聞就知補野😂飲落有藥材味之餘亦有陣陣胡椒香，驅寒一流！三大舊肉都不能忽視🤤一咬就骨肉分離，好稔又入晒味。不過我地就嫌佢唔夠熱，相信滾啲效果會更令人滿意😌⍥ 蛋炒豬腸粉 ❙ $25😍喂～堅香喎！調味恰當，唔會過鹹或太甜而且算炒得乾身唔會油林林，真心幾好食😆😆⍥ 香煎脆邊蛋肉餅飯 ❙ $40碗細細顯得裝到滿滿的！🤤燶邊太陽蛋，蛋黃呈橙黃色，面頭大量青蔥，過份吸引🤩肉餅薄薄一層，睇就唔多覺眼，食落會明顯少少

聽住港島嘅同事介紹呢間由大坑過黎嘅馬來餐廳，就放工試一試佢我7點前已經到咗，當時門口冇乜人，所以都好快入到去，不過入面己經差唔多坐滿人，兩個人都要搭枱，都相當迫下講番食物先，上菜速度都好快，先飲小籠包胡椒湯，飲落好暖胃嘅感覺，雖然係胡椒湯，但唔會有胡椒碎同胡椒粒，可以放心飲清光，但小籠包就有小小失望，唔係人手自己包，只係急涷貨色。再黎就係咖央多士，本身睇價錢覺得幾抵，但咬落就知點解，因為真係好薄，但咖央醬都算係足料，而且即焗，所以都ok。然後係肉餅飯，由於太肚餓，所以叫咗多飯，亦都太肚餓忍唔住食咗，唔記得影相，多飯飯量唔算好多，我一個肚餓女仔都食得曬，肉餅係煎得香口，但未至於好驚豔，值得欣賞係豉油汁，甜鹹啱啱好，另外雞扒飯(已加大)味道都係正正常常，扒size對比肉餅算大，最後亦跟飯叫咗個$10蒜頭湯，原來即係$30原粒蒜頭湯，咁樣叫會比較抵，同樣係胡椒湯底，分別在於有粒大蒜頭整體都算不過不失，價錢合理，但未至於好有馬來西亞特色!

🇭🇰兩草·我地個日本身係諗住食拉麵來架 但係原來佢已經執左🥹之後嗰條街好多餐廳都變咗酒吧 所以最後我哋就決定嚟食呢間😎·香煎脆邊蛋肉餅飯$40 l 滑蛋叉燒飯$38佢呢度所有嘢食都係細細碗咁樣嘅 不過佢個份量比想像中多 尤其係佢啲主食超多飯 所以如果大家細食啲既記住嗌少飯🍚🤣我自己就覺得佢個肉餅飯做得好食啲 佢個肉餅質感好好 而且佢個憹邊蛋煎得好靚 好香口 督爆啲蛋汁撈飯好正🍳之後佢個滑蛋叉燒飯我自己就覺得冇咁出色啦 因為佢個蛋係偏淡味少少嘅 而且佢個叉燒切都比較細粒 所以口感冇咁好🫢🐷·蛋炒豬腸粉$25 l 小籠包胡椒湯$40小食方面佢個蛋炒豬腸粉我自己幾鍾意😍😍佢係煎到好香口 而且個調味好好 加少少辣椒油超級好食😋個小籠包胡椒湯都唔錯嘅 個小籠包真係有好多湯 而且個胡椒湯都濃 係個小籠包皮厚左少少😂😂·#rbyeat#rby港式#rby旺角·📍旺角白布街16號地舖

簡簡單單都好味😋，懷舊小食之前係大坑食過次，雖然結業左，好彩旺角又開番，地方仲方便左，唔洗去到咁遠，Happy happy 🥰🥰價錢亦唔貴，cp值高又抵食！脆邊蛋肉餅飯🍳重點太陽蛋煎到岩岩好，中間流心蛋黃加埋豉油撈飯一流，豉油唔係好咸個種，另外，肉餅煎到好香金黃色，咬落香口仲有肉汁，推薦！咖央多士偏簿身，成塊脆卜卜，口感好脆口，咖央偏淡。蛋炒豬腸粉炒到好靚，豬腸粉唔會散哂，口感亦好滑，搭配辣椒🌶️醬更惹味。

😌 小編依日放工去咗旺角，想慳慳地又想食啲特別少少嘅嘢，發現咗間依間特色嘅馬來西亞港式小店。［ 亂闖試食 ］🍽 小籠包胡椒湯 😋😋😋😋真係好少見港式茶餐廳格局會有小籠包，好好奇叫咗嚟試下。🧐 嚟到先飲啖胡椒湯，除咗好香嘅胡椒味外，仲有陣陣藥材味。浸住嘅湯嘅小籠包外皮唔會淋晒，咬落仍保留本身嘅湯汁，內餡嘅豬肉🐷都好新鮮。🍽 香煎脆邊蛋肉餅飯 😋😋😋😋一如其名，蛋邊煎得香脆，好靚嘅太陽蛋🍳下面，有一塊同太陽蛋一樣大細嘅肉餅。肉餅口感好軟熟，肉質好滑。🍚白飯已加上鼓油，面頭仲加咗蔥花，簡單調味好足夠！晚餐 💵💵 約港幣$80/人💁🏻‍♀️ 小編叫咗兩樣細細碗做晚餐，過足口癮，亦都食得飽！一百蚊以內，又有大排檔特色，值得一試！🙆🏻‍♀️ 最後，喜歡嘅話，歡迎follow @foodirectory.hk！

🔥听说这是袁咏仪夫妇最爱的餐厅！在旺角重新开业了，所以就去尝一下。感觉位置有点偏，店面不算大比较复古。🍛滑蛋叉烧饭 💰38滑蛋滑蛋果然很嫩滑，而且饭里还有秘制酱油，叉烧、滑蛋和饭搅拌一起吃真好吃。👇🏻👇🏻👇🏻-🍛香煎脆边蛋肉饼饭 💰40和叉烧饭好像是必点，脆边溏心蛋和香煎肉饼，煎的肉饼很香。👇🏻👇🏻-🥯小笼包胡椒汤 💰40有点像灌汤小笼包，一口咬下去都是汁水。个人没有很喜欢胡椒汤，所以感觉一般，喜欢这味道的可以试一下。因为喜欢的很喜欢。-☝🏻☝🏻☝🏻🍛火腿脆边蛋猪油捞饭 💰35说实话好久好久没吃猪油捞饭 猪油真是太香了🧇咖央多士 💰22好喜欢这个多士，真的很脆，里面夹着甜甜的酱。吃了还想点一份～👇🏻👇🏻-🍜蛋炒猪肠粉 💰25推荐👍🏻很入味，夹着蛋香的猪肠粉。👇🏻👇🏻

人大咗，越來越老，總會有時想起以前。細個嘅時候好多鍾意食嘅嘢，有啲越來越難搵到。有啲可能係材料嘅問題；有啲呢，就因為「唔健康」。譬如，豬油渣。其實之前食過幾次，不過中環店執咗後就一直無機會再食。今日係旺角附近做完嘢，出發！我兩點後到，過晒lunch time，唔晒等位，但都仲有三四枱客。一個人，但係貪心地叫咗好多嘢：豬油渣溫泉蛋飯，脆口嘅油渣，配上香滑蛋漿，加上豉油，無錯，就係呢個味道。胡椒蒜頭湯，香口醒神火候夠，蒜頭一啲辛辣味都冇。炸雞翼，熱辣辣，即叫即做，有淡淡蝦醬咸香。咖央多士，稍遜，味道普通，可能攤凍咗。羅漢果水。食咗$117，食懷舊，ok 啦。隔離個枱係三個中學生，似乎都幾鍾意食。希望可以多啲將舊菜式重新包裝，吸引多啲年輕人興趣。只要一直有食客，呢類菜式就可以代代相傳。