八一漁八

營業中

休息中

蟹係我嘅至愛～ 試吓先搵咗一陣先搵到個門口🤣入去環境已經贏咗一半望海景。。🌊坐得舒服妹妹發現包毛巾嘅扣有一條魚有一個貝殼彈～ 好精美🔸惹菌蔥爆牛柳粒坐低妹妹已經好餓餓都想喊我立即叫個牛柳粒加半碗白飯俾佢頂一頂秒清🔸黑胡椒焗大肉蟹講真，隻蟹唔係真係好大😂侍應哥哥推介，星洲風味胡椒味勁唔郁個殼都好好食蟹肉都算彈牙肥美🔸48小時煙燻片皮鴨家姐好鍾意片皮鴨平時食完嗰層皮好多時攞啲鴨肉炒肉鬆覺得一啲都唔好食仲有少少so呢度好好連肉都上埋俾你食家姐食8件連埋粉皮包住嘅片皮鴨👏🏻👏🏻👏🏻👏🏻厲害妹妹食咗兩隻大鴨髀，仲有幾件肉、幾件粉皮包住我見到都好飽🤪#其實我最想食佢個炸河粉#底層係蜆#哥哥話冇蜆喎#冇得食

呢間嘢我諗新開咗三四個月，第一次黎食午餐，茶錢20蚊一位可以接受，但係最有趣嘅地方係連一啲普通嘅辣椒醬都要收費25蚊一啲，呢個位就有少少唔係太大方雖然係美心集團，但係佢行偏高檔路線，所以點心都係細細件，而且如果係三件嘅點心全部都唔可以加錢要多一件，一定要另外叫多一份，唔係太flexible講番食物，味道其實同一般酒樓冇分別，只係外表睇落比較精緻蝦春捲用咗米網紙喺出面再包一層，係脆嘅，但係非常之有成個碟都係油，同埋偏鹹小籠包算係做得唔錯，皮好薄而且有大量湯汁反而xo醬蟹肉炒米粉有啲驚喜，蟹肉食得出係鮮拆嘅蟹肉，唔係用罐頭嘅，有蟹嘅鮮甜味，而且米粉炒得乾身唔油膩整體嚟講，食物同服務都只係不過不失，唔會專登再返去

同朋友餞行，諗住搵間靚景貴少少嘅食餐好，點知原來揀錯咗…平日晚上六點半，都唔係好多人，一開始係個男人幫我哋落order，態度已經麻麻，之後想搵人幫手影相更加難搵，望一望無下文，再之後想加甜品又無人理..期間有個女服務員又係態度不佳…. 最後終於搵到一個女服務員有返應有嘅態度，有禮貌幫我哋落甜品，我個朋友不停同佢講你真係好人得你咁好唔該晒佢，證明其他服務員態度真係好差，老實講價錢又唔平，食物又麻麻，個龍蝦伊麵好鹹，服務仲要咁，無下次.

尖沙咀海港城新開嘅中餐廳💚 今日去咗午餐環境開揚午餐主要係食點心晚餐有海鮮，高質小菜同片皮鴨今日比較欣賞佢嘅鮑汁鳳爪估唔到咁有誠意真係有鮑魚😍🙃另外有一碟叫酥炸五香蝦棗反而平時比較少見但係十分香口超級脆身🤤

係得海港城食都預左有返少少budget, 但埋單又唔算好貴，環境寬敞， 服務人手都足夠， 一班人食呢間唔錯👍🏻窗邊可以望海， 坐低每個侍應都介紹我地叫套餐， 建議大家散叫平好多， 有收茶介， 但無餐前小食（例如花生）🤔 加$55先飲到香片， 叫左一壺鐵觀音，一壺普洱，茶好普通～同埋無糖水生果送🤪要另叫😂♡ 七味鹽香脆豆腐Crispy Tofu $58裡面白豆腐好嫩滑， 外皮煎得好靚， 味道唔會太咸。♡ 老醋海蜇頭sea blubber $128好好食， 形狀一片片透明三角形， 爽口， 開胃， 幾特別。♡ 48小時熟成煙燻片皮鴨48 hours Smoked Duck $598好大隻，一鴨2味，皮唔會過多油脂， 好脆， 片得好靚， 肉分開上。片皮鴨有2 set配料有青瓜， 京蔥， 蜜瓜， 乳鴨醬， 青瓜醬，孜鹽， 薄餅皮厚薄適中， 唔會太乾， 有黏性。♡ 大澳蝦醬脆排骨crispy Pork Ribs $168有6塊， 肉質嫩滑， 唔會死咸。♡ 子薑菠蘿牛仔骨Sautéed Beef Short Ribs $168啫啫煲上， 好入味。♡ 雙蔬手工魚腐煲Braised Assorted V

今日7個大人2兩小朋友，叫左炸蠔，炸魚皮，炸魷魚鬚，炸豆腐，三文魚刺生，片皮鴨，蒜蓉龍蝦，咕嚕肉，梅菜扣肉，啫啫菜，上湯時蔬，4個白飯。其實母親節出街食飯預咗會人多，所以服務質素爭啲同埋上菜會慢啲我稔大家都明既，但係三文魚刺生未溶雪，塊魚中心仲係結左冰既，呢個真係好難接受…同個服務員投訴，佢回應係：「哎呀係呀，未溶雪，同你換個碟…」。唔係化，換過碟又要等溶雪…稔返轉頭，唔怪得碟魚生叫左成半個鐘先到啦，原來要溶雪。講到呢度，大家心照喇。其實點餐時本來仲想叫多款刺生，不過佢話無，所以淨係叫左三文魚，好彩！

首先間餐廳服務差，職員無態度，我哋一行4人坐低唔夠10分鐘就問左3次起碼~點咩菜，每次都問食唔食"瓜子"(魚)，好似要跑數咁，已經好煩，最後點左4個餸，有個炒蘆筍，催左3次先有，另外叉燒同牛仔骨超肥，唉！全程冇服務，無態度，咁既價錢就係差。真係以後唔會再去。4個人埋單3,400+，重有一個餸係龍蝦，隻蝦要2千幾，味道一般，如果每人8百幾，有好多好選擇，大家如果考慮呢間真係要三思。如果大家食飯以環境行先咁就有個海景。

Had lunch here with my friend today. We were seated outside in the so called self serve area. You can only order by scanning a QR code, no picture nor menu! I had to get the tableware by myself, and run FIVE times to pick up our food while all the waitresses standing there. The drink order was totally missed until I went up to ask, and the foods are just warm, almost room temperature! And they still charge service fee. Give me a break!

復活節假期留係香港其實都可以好悠閑又舒適嘅感覺。平日工作好勞碌放假倒不如輕輕鬆鬆與友共聚都係一個唔錯的選擇。今次介紹以海鮮為主題《八一漁八》，引入創新嘅元素化作全新料理，師傅的巧手製作，令人滿有新鮮感。餐廳進駐海港城，無敵大海景飽覧維港景色絕對舒服😍椒鹽魷魚鬚前菜小食椒鹽魷魚鬚即叫即做，脆口炸至金黃色添上了椒鹽，魷魚鬚富有嚼勁而且份量恰到好處。古法黑椒燒鵝皇香港食到高質燒鵝都要有一份堅持度，原盤呈上極具吸引力。詞皮脆肉嫩的燒鵝沒有半點抗拒的理由，肉汁豐盈虧絕對用心製造。醬皇蒸東星斑清蒸東星斑大多以豉油為主，今次一反常態估不到的確有所驚喜。利用甜味醬油製作，頂層會有香蔥及豆品脆脆，啖啖魚肉提鮮又美味連同甜味醬油一起吃口感不錯。欖豉醬爆花蛤皇以海鮮為題巨大的花蛤皇沒有沙，而且炒得什有鑊氣配搭上有欖豉，相當惹味值得一試。山楂鳳梨脆皮咕嚕肉香脆的咕嚕肉沾上了甜酸醬汁，山楂味道濃郁。最特別頂層會有鳳梨乾，甜甜酸酸相當開胃，滿有驚喜。濃雞湯海味浸時蔬利用濃雞湯煮時蔬，湯底做到掛湯好入味而且有蝦乾、冬菇、豆苗等，清甜入味一解之前的油膩感。龍蝦芝士焗伊麵巨型的原隻龍蝦相當吸引，大家都爭相拍它的震撼感，

好朋友升職請食飯，揀咗海港城呢間有海景環境最好舒適雅致嘅中菜！仲專登book咗窗口位，望住維港食飯，心情都特別靚！酒香生炸妙齡鴿外層炸得脆香，內裏多汁，肉質仲好嫩滑，水準都幾高！金絲麥香本地龍蝦賣相相當澎湃，金黃色嘅脆麥散發啖啖香氣，包裹着厚肉龍蝦，呢個煮法相當有新意！龍蝦好新鮮彈牙，每啖都食得好滋味！宮廷蜜汁烤排骨用上刀叉食用嘅烤排骨，好有中西合璧嘅感覺！肉質夠腍，蜜味幾香甜。配試旁邊嘅蕃茄增添清新味道！欖豉醬爆象拔蚌象拔蚌好爽口，第一次食用欖豉醬爆炒嘅象拔蚌，鑊氣十足，味道都唔錯！ 惹味得來仍能保留到象拔蚌嘅鮮甜，味道相當唔錯。桂花鵝肝牛鬆炒飯用鵝肝抄飯真係非常邪惡，食落每口都係濃香嘅鵝肝味，勁正！炒飯本身都做得好好，粒粒分別，非常滿足！甜品點左玫瑰棗皇糕，賣相非常精緻，一朵朵玫瑰花型，靚到唔捨得食！棗皇糕質地煙韌有彈性，味道都幾濃，呢個甜品為今晚完美作結！

我們喜歡吃中菜，也知道這間是連鎖店新開的，所以一嘗如何，味道就是快餐的感覺，沒甚麼特別，就是吃完飯非常口渴。只是水煮牛肉，用的牛是好一點。只是露筍，還是挺鮮嫩的。但整體與價錢不相稱🙏🏻謝謝店員熱情有禮的招待🙏🏻

跟幾位朋友海港城shopping後，就去了試這家朋友推介的海鮮菜館，餐廳入口就在超市之上，十分方便。通過玄關及水吧後，就看到一片無阻隔的無敵海景，更看到ICC與M+的燈光效果，是晚餐的絕佳景觀。頭盤先來個每人半隻的酒香生炸炒齡鴿($98/隻)，表皮炸得油潤香脆，鴿肉熱辣幼嫩，更滲出淡淡中國酒香，半隻實是意猶未盡，如有美酒相伴更是一流。然後就是朋友推薦的海鮮上桌，金絲麥香本地龍蝦($32/両)的賣相是一片金黃，滿滿的蛋絲及脆麥下包裹著新鮮龍蝦件，令本身已緊實彈牙的龍蝦肉添加一份酥脆感，味道層次分明卻很和諧。欖豉醬爆象拔蚌($198/4隻)也是朋友特別挑選，連殼上的炒蚌配上彩椒擺盤精緻，本以為重口味的欖豉醬會太過霸道，但廚師的份量及火喉剛好，惹味之餘亦吃得出象拔蚌的清甜，難怪如此得朋友喜歡。宮廷蜜汁烤排骨($98/位)也令我很難忘，肥瘦均勻的排骨肉烤得軟腍，輕輕一咬已離骨，蜜味醬汁亦恰到好處，很有佐飯的衝動。蔬菜則選了個二鬆炒芥蘭($168)，所謂二鬆就是舖面的白飯魚乾及肉鬆，芥蘭爽脆清甜，混合二鬆同食增加口感，為本是平凡的蔬菜帶來新意。最後點了個桂花鵝肝牛鬆炒飯($188)，粒粒牛鬆及鵝

上星期去咗港威商場新開嘅中菜，可以望住維港海景，特別適合同屋企人或者朋友一齊食。💕 🦑椒鹽魷魚鬚魷魚大條又彈牙，配上金黃色炸蒜粒，好香口。😋 🐟醬皇蒸東星斑欣賞佢嘅東星斑唔係用傳統清蒸，而係用醬皇加豬油渣去調味。魚肉鮮嫩，味道啱啱好。🥰🐚欖豉醬爆花蛤皇花蛤皇大大隻，加埋欖豉醬爆好惹味，花蛤冇沙，肉質鮮甜。😋🦆古法黑椒燒鵝皇第一次食黑椒燒鵝，味道濃郁，燒鵝皮脆肉嫩，加微辣嘅黑椒兩者配合得好好。🥰🐷山楂鳳梨脆皮咕嚕肉食中菜又點少得咕嚕肉😍 咕嚕肉外脆內嫩，肉質唔會嚡口，配上山楂鳳梨減輕油膩感。😌🦞龍蝦芝士焗伊麵全晚重頭戲就係呢個龍蝦芝士焗伊麵🥰 大盤到7個女仔都食唔晒🥹 龍蝦肉好大隻，爽口彈牙，芝士鋪滿成個伊麵，每啖都食到濃郁嘅芝士味。😋🥬濃雞湯海味浸時蔬食到咁上下要食下菜，浸時蔬清清地唔錯。💚香茅蘆薈果凍好鍾意呢個甜品，香茅味好重，加上蘆薈感覺好清新。

上個星期五約咗朋友放工食晚飯，我哋幾個都鍾意食海鮮🦀但放工後去山旮旯嘅地方又太夜🌚返屋企又唔方便🤣初頭都諗住食其他野就算，點知又俾我搵到海港城原來新開咗間主打fusion海鮮嘅餐廳😍咁就一定要去試吓啦~預早一星期book，俾我book到窗邊海景位，個view 好正🌃餐廳環境好闊落，坐得好舒服👍🏻佢嘅餐具同Menu都用海鮮做主題，精緻又貼題～肥婆五花腩黑叉燒🐷先黎碟燒味做前菜，識我嘅都知我平時唔鍾意食肥豬肉，但呢碟用五花腩整嘅叉燒顛覆左我對肥豬肉嘅睇法❣️脂肪和肉層層相間，燒到好香，有油潤感得黎完全唔覺得膩😋砂朥越白胡椒焗大肉蟹初頭睇餐牌都唔知砂朥越係咩🤣問侍應原來砂朥越係馬來西亞一個地方，出產高質素嘅白胡椒，真係長知識了👍🏻的確呢個白胡椒醬汁香濃微辣，但唔會搶喉攻鼻🙅🏻‍♀️大肉蟹真係啖啖肉😍入味又唔會過熟😋真係想encore❣️薑汁米酒花蛤皇🐚花蛤大大隻，鮮甜爽口😚個湯底有少少似冬陰功咁惹味，真係好好食🤤下次黎都一定會再叫❣️酥脆蠔仔餅🦪蠔仔餅都係我好鍾意食❤️炸到脆卜卜，蠔肉好大粒好肥美😋仲要啖啖都食到蠔🦪不過記得上菜要快啲食，唔係放耐咗就會變得遜色🤣黑椒紅酒焗牛肋條🍖賣相好精緻😍仲要佢已經

上網搵尖沙咀有咩中菜好食，見到依間d片皮鴨好似幾靚幾好食咁，所以就一於叫埋班朋友試試佢！不過去到就俾d海鮮吸引左原來依度既海鮮先係主打！望住維港食特別正～椒鹽魷魚鬚…先黎個魷魚鬚作為starter ，碟頭唔大，如果三、四人食岩岩好，個炸粉唔會太厚，魷魚夠彈牙又保留到應有既鮮味醬皇蒸東星斑…蒸魚就食得多，但將豉油換成醬汁既蒸魚真係第一次見同第一次食，條東星都幾滑，加埋面頭個豬油渣再沾埋個醬，第一次可以用惹味黎形容東星斑欖豉醬爆花蛤皇…每隻花蛤都幾大隻，最緊要係無沙！欖豉醬就令花蛤變得惹味山楂鳳梨脆皮咕嚕肉...最鐘意食拔絲既咕嚕肉！皮脆肉嫩，肥膏唔會太多，面頭既菠蘿乾好甜又脆脆地濃雞湯海味浸時蔬龍蝦芝士焗伊麵… 一上枱，我地成班朋友既眼球都focus 左喺碟龍蝦伊麵度！有別於傳統，依度既芝士超多之餘仲焗得夠哂香口！龍蝦亦夠厚肉，夠哂滋味！香茅蘆薈果凍… 食到飽如果再食糖水就會膩，但依個果凍反而有清新既感覺，第一次食加左香茅既甜品，味道好特別，真係可以清哂飽濟感