八八八拉麵 (已結業)

除了味千拉麵這間拉麵界的麥當勞之外, 八八八是我第一次光顧的地道日本拉麵。雖然未知此處是否正宗又地道, 但此終是個新嘗試, 就當我是大鄉里吧初見店鋪地方不大, 平日7時到達, 要等位也是預料之事, 我與男友兩人排第二, 等了約十分鐘。點了兩款拉麵及兩款小食, 分別是:豬骨湯牛油粟米拉麵加大($60+$10)---這款湯底較淡, 男友喜歡濃味, 所以不太欣賞這款豬骨湯底。醬油湯底牛油粟米拉麵($60)---我吃這款醬油湯底味道較濃, 男友與我都覺得不錯。拉麵質地有咬口, 卻算不上是彈牙。牛油雖然大塊, 融化於湯後卻吃不出有很大的分別, 那些分外香和分外滑的感覺我卻感受不到不過眼見牛油融化, 的確令人有點期待...但最後有的只是期待........順帶一提, 拉麵另加牛油要十元一小塊, 未免太貴了吧!一碗拉麵份量大, 女生多數吃不完。我吃到最後才覺得剩了兩塊叉燒, 完全忘記了它們的存在雖然飽得想吐, 但為免浪費食物, 勉強咬它幾口。肉質還不錯, 不過真的太厚了。另加滷水蛋一隻($12), 味兒很不錯, 外邊入味, 內裡是溫泉蛋。小食要了咸墨魚($18)和煎餃子($28)咸墨魚可算是整頓晚餐

六月廿七日(星期五)同老公仔做完gym之後,就急急腳.........做咩?都係為左食啦!去呢度食下北海道拉麵!o係地底既拉麵,一定要試啦!.....諗住9點應該唔多人啦!點知都要排隊!...食拉麵應該turnover快gei!太約等左20分鐘就有得食喇!呢間鋪頭既特色係個廚房好大,佔左四分一既位!.....好清楚咁見到師傅炮製拉麵!.....個拉麵紙皮盒寫著係北海道拉麵!......我地叫左:塩味义燒拉麵同埋豬骨湯义燒拉麵,加左個雞蛋!我地覺得個湯底幾好味!我覺得塩味比較出色!拉麵既質地都唔錯,可惜比較硬,香港就以八千代(直到目前為止)最好!而此店的質素算中上呢!义燒好厚,有成4-5塊,好飽!不過質素一般呢,唔夠林!雞蛋,太咸喇!...........><加左個酥炸雞球,都唔錯呀!!幾新鮮呢!!!!!!不過唔知係咪冷氣唔多夠,食到老公成身汗呢!

之前o係北海道食過好多款拉面,最懷念就係牛油粟米拉面,竟然可以o係香港再次食到,而味道都好似,我加左$要多隻糖心蛋,同北海道既溫泉蛋味道都好似呀~叫多左兩款小食,炸芝士同餃子,不過不失,仲有幾款湯底未試,下次會再黎～

來過這間店7,8次, 初時有日本人注場時, 水準感覺不錯喔, 現在雖然水準有點兒下滑了, 但師父仍要努力加油! 這是第一次來的經歷味噌叉燒拉面餐廳環境算系幾好, 但我不愛看見廚師在內弄東西呢, 廚房內的東西令我有點想嘔, 間格感覺不夠好, 而且油煙比較大. 我叫左個味噌叉燒拉面, 我沒加牛油, 及其他小吃, 只喝玄米茶, 因為他一直指他是日本來的拉麵, 於是乎忍不住吃吃lu, 麵湯比較肥, 可能因為北海道天氣冷, 肥d既湯食時也會暖身d, 可惜的是那裹是地牢, 溫度比較熱, 建議將冷氣較大一點, 客人或許會吃得舒服同不覺肥膩, 堅持肥膩是有必要的, 因為這才是日本北海道的味道喔! 叉燒幾好味, 肉厚但不太肥(不過在日本好難有厚叉燒喔, 師父真仁慈給我多了這麼多一點), 但最好切薄一點, 湯底都幾好喝. 整體水平都不錯喔.

星期五晚同幾個朋友黎試試,，因為食拉麵冇得share．，只係講下我果碗麵的詳情：我叫了味僧叉燒拉麵(加牛油)一向都好鍾意北海道式既味僧拉麵，不過香港唔係好多地方有得食，呢度既湯底都幾正，都算濃郁！加入牛油就更香更滑！麵方面都彈牙，叉燒亦夠肥，唔會好似大部分香港拉麵d叉燒咁鞋。不過湯底方面，我始終prefer尖沙咀Domon．．呢度環境不太大，不過個廚房只用大玻璃圍住，食客可以清潔睇倒整個煮食過程，可見佢地對廚房清潔、製造過程好有信心，而我亦見倒呢方面係令我滿意既！服務都ok，不過佢地唔會帶客人搭檯的，即好多四人檯都只會放兩個人，若多人時倫候時間會長一點．．

一個人系銅鑼灣搵食，今日唔想食壽司，轉轉口味食拉面，參考過openrice食評之後決定離呢到一試。離到兩點半左右，店內唔系太多人，可能始終系下午茶時間啦，但對我而言這只不過是「早餐+午餐」餐廳環境算系幾好。坐正系廚房玻璃窗格離，睇住師傅用心地製作我的order，實在有些愈來愈其待的感覺。等了五分鐘左右，終於有得食了。我既order叫左個「味噌叉燒拉面」+牛油，飲品只要左罐雪碧。雖然流晒口水，但都不忘為豐富的「早餐」影返張靚相湯底是一碗面的靈魂，先試了一啖湯底，湯底本身已經是好夠濃味，試過一啖後再加入牛油，更加滋味。不過或許對一些人來說比較油膩了一點。但我就好啱，之所以喜歡北海道風味拉面多於日本其他地方的，就是喜愛它濃旭的湯底。如果冬天吃應該會更有風味的呀叉燒有五大塊，而且好厚切。不過有兩件略為HAI口左廋左少少，不過其餘三件都幾好，半肥廋的啊~~~拉面方面，軟硬都算適中，所用既面都系正宗北海道拉面的粗幼。本來仲打算叫多客小食試下，但碗面既份量真系好大，食完已經飽到死，下次啦埋單連加一$74，同系DOMON食差唔多，但自此睇離要同DOMON SAY GOODBYE了。

尋晚友人K叫我兩姊妹唔好去八八八拉面店度食(K話難食)，但我見openrice上版版都係好評，於是我將K話難食當係個別事件我地約七點半o係八八八度進餐，我叫左個豬骨叉燒拉面，而友人M叫左個鹽味牛油栗米拉面上菜時碗面賣相麻麻，d叉燒同面都o係晒湯入面，我只見倒一碗灰色湯，咁我諗起openrice所講"呢度唔係賣相麻麻，但大碗又好味"都唔介意點知一食落去就發現唔妥，d湯好似用公仔面d湯粉(仲要係半包)開咁，淡，稀，冇咩味，仲帶腥，咩豬骨湯底唔係應該比較濃稠咩? 點解似阿媽尋晚兜公仔面湯底今朝再拎黎煮面咁?至於d 面麻麻地，冇特別彈牙，冇特別好味叉燒‧‧‧普通豬肉一塊‧‧‧友人M o個碗牛油粟米拉面更加食到一半頂唔順唔食我同友人M環顧全場，d人係食得好開心，食晒全碗，仲影埋相，而且好多係第N次黎，令到我心入面懷疑"係咪我同友人M味覺有問題?"埋單時送張Stamp Card比我有咩用?我呢世唔打算番黎食， 我詛咒呢間食店永不超生

晚飯食兩碗拉面+煎餃子醬油魚湯叉燒拉面...湯好鮮味...拉面彈牙...豬骨湯叉燒拉面...湯香濃...拉面當然都係彈牙啦...兩碗面都係太多叉燒喇...正常甚至大食女仔都冇可能食得晒...食到嘔都要食剩一D面同埋兩至三塊叉燒...好浪費呀...下次唔會再叫叉燒...餃子唔係好得...唔係難食...但唔係好食啦...唔香脆...仲叫左隻成十蚊GE蛋...好味道~~

經過一連串日文報導後,自動玻璃門打開,進入到八八八拉麵館.星期天,卻幸運地不用等位,坐在大型玻璃窗旁,探頭就可一窺廚房景況.點了醬油湯牛油粟米叉燒拉麵,鹽味拉麵和一客炭燒魷魚筒.兩種麵內容一樣,只是湯底不同,和加了一大份牛油.份量真的很足.醬油湯比鹽味更有風味,混合牛油又有一種新感受,可惜吃完口渴感仍存在一個晚上...炭燒魷魚筒炭燒味有點過份,進口很清楚的給人感覺是燶了...重口味的朋友可能喜愛.

星期日中午，人在銅鑼灣，不知吃什麼好。見到街上的宣傳，於是走入去一試。一個小小的店鋪，擠滿了食客，坐得不算舒適，還稍嫌冷氣過大。點了兩個Lunch Set，是小拉面配燒豬肉/咖哩牛腩飯。先來一盆飯，水準都算合格，燒豬肉頗香，而牛腩也頗嫩，易入口。至於小拉面也不小，湯底都是豬骨湯，可是兩碗濃淡不一，絕對有改善餘地，雖沒有口渴之感，但一碗淡得渴不下去，而另一碗則尚可。拉麵質地彈牙可口，而配料也不錯，有日式义燒，稍嫌太多荀，如下次再來學懂了叫『走荀』。總之，水準合格，值得大家一試，但尚有可改善空間。

Excellent ramen and snacks ! One of the best I have tried in HK. Portions are large and entirely satisfying - no wonder they have people lining up for a seat at 9pm even on a Friday evening ! Also ordered the deep fried potato which is also very good. The ramen and side dish went down very well with a bottle of Asahi.

朋友請食飯，話呢間啲拉麵好食，心想應該唔會係「味千」質素呱..... ?!我點了叉燒豬骨湯拉麵：湯味道清，不是那種只有味精的湯底 (吃後極口喝)；叉燒多又大塊，吃量小的女士可能吃不下一整碗。拉麵很彈牙，配合美味的豬骨湯底，自己加上七味粉吃，味道更佳。Good ~ ~ ~另外點了炭燒魷魚筒大大隻，魷魚面上烘得小小燶 --> 輕輕的、適中的炭燒味，幾好食。炸薯餅 (兩塊上)：炸得好，不油膩，我的至愛。值得再食。未食過咁有水準的拉麵。

係香港, 食過跟最日本味道最接近的係函館拉麵. 但好耐無去, 聽講搬咗後, 味道無以前咁好. 今日機緣巧合下就到這裡晚膳. 其實之前也看過它的評價不俗, 但奈何喜歡吃拉麵的人不多, 自問也只喜歡在日本吃. 在香港吃到的, 總是未如人意. 要落樓下, 一到門口, 嘩, 九點多還要排隊, 咁我就更有點信心. 等了十五分鐘, 坐下後, 發現有小拉麵, 正! 今天中午吃得太多, 根本不很餓, 那就好了. 點了一個小豬骨拉麵, 一個正常牛油鹽味拉麵, 一口炸芝士, 炸豬扒. 先來炸芝士, oh, 芝士味好濃, 好似係笑牛牌個隻喎, 真係唔錯. 下次試下返屋企自己整先得. 再來係熱騰騰的拉麵. 豬骨湯, 幾濃味, 唔錯, 但湯面有點點油, 好肥呀! 拉麵都幾彈牙. 喝了友人的鹽味湯底, um...好似係日本飲過的湯底呀. 再把牛油溶掉, 更加確認我的想法. 呢個係較淡的鹽味湯底, 但配上牛油後, 便剛剛好, 牛油味不會被湯底蓋過. 也不會很膩, 很容易便可照鏡. 豬扒, oh, 原來唔係我最愛的吉烈豬扒, 味道都ok, 但始終和我心儀的吉豬相差太遠了....仲有, 這正常柆麵份量係十分之驚

這裡的拉麵是蠻不錯的，尖沙咀那間結業了，於是來這店重溫。來到時7點多，都要等一等才可以入座。豬骨湯拉麵($45)︰湯底不是很濃，有少許失望。麵條很有咬口，爽口彈牙。叉燒也很腍，不會「鞋」。麵豉湯拉麵($48)︰湯底濃濃的，有頗重的味道但不會令人覺得很鹹，喝了也不覺得特別口渴。麵和叉燒也不錯，麵的份量都很多的，吃一碗已足夠了。座位算是寬敞舒適，沒有擁擠感覺。可儲印仔，也會吸引我再來的。

o係香港食正宗既拉面唔係咁易, 仲要係北海道的仲更加少. CWB的八八八拉面就真係難得一見咁好味的拉面店, 有好多日本人都會去幫襯ga!平時我同阿細通常會星期六lunch黎食, 因為佢的lunch set好抵, $48有拉面加小食加汽水, 大家可以用好平的價錢享用有質素的拉面.有晚放工同阿細食飯, 拉面癮起, 所以走左黎呢度食. 我地叫左:1)細麵鼓拉面2)滑蛋炸豬排飯3) sapporo beer拉面湯夠熱, 麵夠彈牙, 味夠濃. 而豬排就夠鬆化, 蛋夠滑, 唔會太熟, 正!! 阿細見我做野辛苦, 仲俾我叫左枝beer, 好抵錫呢~~ 呢度仲有樣野好, 係你可以望到入面d師傅整野食ga, 佢地d功架真係十足, 好多都係日本人黎ga.