八妹雞煲

營業中

休息中

今日第一次帶女朋友食雞煲，嗌咗半隻雞兩份食。佢第一次食覺得個汁好食，我食開就覺得個汁其實冇乜誠意，似即食湯包。仲要一上到黎就即刻食得，唔使點煮，十足十快餐。順便嗌咗個竹蔗茅根，都幾好飲，清清甜甜，唔算太貴，下返火先。食完雞煲就邊爐，個湯煮完冇哂味。落豬肉片全部都係脂肪，煮完冇味。嗌咗個雜菜拼盤啲菜好大嚿冇切好精靈都冇乜心機切🤢煮出嚟所有野好似清水白烚咁🤖總括依然，第一次食雞煲嘅，可以試下食過一次以上，都一律唔建議投資級別係: D- 🤡

食過咁多間雞煲，最常翻兜嘅一定係八妹，又近又好味又抵食。閒日嚟到都多人咖，我次次都會BOOK定位先。醬料區其實佢個雞煲湯底都好夠味，通常我都唔點豉油，淨係落少少蔥就夠。另外會夾少少花生同脆脆食吓小食——虎椒皮蛋雖然呢度係主打雞煲，但啲小食都好好食。最鍾意點虎椒皮蛋，虎椒香得嚟唔會太辣，皮蛋係溏心狀態，好好食好邪惡。雞煲——半隻雞、微辣食過咁多間雞煲，覺得都係八妹個調味最好味，雞件都夠滑夠新鮮。辣度我哋揀咗微辣，花椒嘅麻味好香，仲帶少少洋蔥嘅甜味，成個醬好惹味。我哋兩個人食半隻雞，淨係食雞都飽飽地，所以叫少少配料打邊爐就夠。配料——響鈴、薯粉、淮山、羊肉響鈴真係必點，即叫即炸，熱辣辣大大件，炸得好香口。一份有六件，兩個人食好似多咗啲，食完真係好飽。羊肉好嫩，而且香得嚟一啲都唔羶，$50有咁大碟都幾抵。薯粉好吸汁，湯底正自然薯粉都正。淮山都幾新鮮，就算煲耐咗都仲好爽口。凍檸柑桔其實係話梅檸檬柑桔，唔會太甜，打邊爐飲好解渴，爽呀

今次陪男友到大埔打第一針 打完針就到附近食呢間雞煲。一定要提及嘅就係店內嘅裝潢，好有復古風特色有d霓虹燈招牌帶大家重返80年代啊！店舖都好新淨乾淨🔸微辣雞煲 $155 我哋叫咗招牌半隻，主要係我地得兩個人唔食得太多。講翻味道先，調味都頗重口味~唔怕唔怕，我地可以按翻需要加翻d湯底入去溝翻淡佢。個人講得微辣都啱啱好夠辣啦🔸美國雪花肥牛 $118呢個係小份，兩個人叫小份都足夠，但其實小粉同大分都係爭$20🔸墨汁墨魚丸 $50呢個唔同出面街市平常可買到嘅丸，咬落會爆黑色的墨魚汁出嚟，幾爽🔸海鮮芝士豆腐 $50店員同我哋講可以即食又得，打邊爐又得。個人來講最鍾意食呢個，清清的口味，又係咬落入邊有啲層次咁🔸紅薯粉 $18🔹大大杯凍檸茶 $32食重口味嘅野，點可以唔嗌翻杯凍飲呢——-因為佢係單點嘅舖頭，基於有d貴嘅考慮，(呢度埋單都around$500)所以我哋都冇嗌太多餸，但慢慢食落都夠飽嘅，味道都唔錯。特別推薦適合朋友聚會，多啲人嗌多d餸食先正d

好日都唔會過嚟大埔～但係一個好耐無見嘅朋友叫到，遠一遠都要去啦～朋友係要見架麻～佢喺大埔返工，我又咁啱放假，所以就決定入去大埔搵佢就佢放工～佢介紹咗呢一間八妹雞煲，話入大埔一定要食咁話喎！訂咗枱8:30，一到步就即刻入得喇～餐廳內部係舊式香港大排檔feel～有霓虹燈掛牆餐牌等等成個感覺幾正～坐低咗點嘢食， 首先帶咗半隻小辣雞煲先，之後再慢慢揀打邊爐嘅配料～等咗15分鐘左右雞煲就已經到啦，一上枱就聞到好香，店員幫我哋炒咗幾吓就同我哋講可以食喇！兩個人換隻雞啱啱好，雞肉都幾滑，我重點係個雞煲醬好惹味，小辣我哋兩個都食到！食到尾聲啲洋蔥都煮到透食落仲正！兩個人叫咗兩大支ASAHI啤啤佢~ 餐廳有提供到冰桶，Keep到啤酒冰凍真係好緊要！！叫咗呢個手切肥牛（大），份量都真係唔少，而且肉同脂肪比例啱啱好，睇吓啲雪花幾靚就知～牛肉味超級重👍🏻豬腩片，睇落好似好肥咁，但食落一啲都唔肥膩仲有啲爽脆！同埋食得出係新鮮嘅唔係啲冰鮮豬！手打鴛鴦滑（墨魚滑&蝦滑）每次打邊爐都必點！因為新鮮爽口彈牙！鮮蝦雲吞 我朋友鍾意食所以點嘅我自己就一般般， 不過都幾好食嘅我哋仲叫咗娃娃菜同埋炸響鈴，炸響鈴應該係餐廳新鮮自

好耐無食過雞煲🐥 今日黎到大埔嘅八妹雞煲，離遠已經見到大大個招牌好易認個人覺得呢度嘅食物款式唔算特別多，都係一般火鍋雞煲會有嘅食材，但呢度勝在質素幾好，而且份量都算多👍🏻咁我地兩個人就嗌左半隻雞，諗住試多啲其他食材。雞煲個醬汁好惹味，賣相都幾靚仔。我地嗌嘅係微辣，食唔到辣嘅朋友都適合，有些微嘅辣味會更加惹味🤘🏻中意食牛嘅朋友唔好錯過呢度嘅牛。佢總共有三款可以揀，咁我地今次就揀左中間價位個款。我諗都唔洗我多講，睇幅圖都知道啲牛好食，油花好均勻，牛味亦都濃另外仲有響鈴、魚皮、菇，呢啲就正常發揮，無咩特別打邊爐一定要嘢飲解下渴！今次就揀左竹蓆茅根，清甜同降下熱氣🤓一渣兩個人飲啱啱好👍🏻

The sauce of the pot was really delicious, and the chicken was smooth with nice texture as well. Different options were provided and I ordered frog meat and asparagus. They were wonderful. Besides, the bamboo juice was sweet with reasonable price. Overall experience was awesome. Beef and minced shrimp were above standard as well. Good choice for hot pot lovers~

一入到黎，覺得佢既裝潢好有特色，係懷舊風，而且座位都多同環境舒服。坐低店員都為我地提供熱水洗餐具，夠曬細心，又為我地講解，如果同行朋友唔食得辣就叫唔辣既雞煲，我地就另外叫碗秘制麻辣汁。不久，雞煲就送上，雞件都大件，其實不用辣汁都已經夠入味。但喜歡吃辣的朋友就一定要叫呢個麻辣汁啦，係一個超級加分既醬汁夠麻夠辣，完全係我同另一位朋友既style係配料方面選擇真係好多呀，我地都叫左唔少嫁，例如有安格斯牛，響玲，竹笙，海鮮芝士豆腐等等。當中，個人認為較出色既係響玲同竹笙。因為響玲係即叫即炸嫁，一上枱就聞到好香豆味，而且熱辣辣淥30秒後，再點下秘制麻辣汁，即刻忍唔住再食多舊🙈🙈同樣地，竹笙大條，而且口感爽脆，再索曬湯既精華火鍋配料最重要當然係肥牛啦，簡單淥一淥，牛味完全唔會比湯底蓋過除止之外，仲有其他小食，下次黎會再叫，因為今次食得太飽啦飲料方面，我地三人叫左一要酌竹蓆茅根水，唔太甜，岩岩好夠我地三個人飲，我見其他人叫大大杯系列，真係好大杯嫁，決定下次再戰

今次黎到大埔呢間八妹雞煲，行呢個香港特色懷舊風味，佈置同裝修都好有香港80年代既感覺呀，係大埔呢間店仲有個大埔戲院既招牌，真係要有返咁上下年紀既人先知，加埋全垣滿座既牌，好有80年代風情，梗係要帶屋企人黎感受下喇。黎到八妹雞煲就梗係要食雞煲喇，叫左個小辣既雞煲，份量都幾足，成個煲都好多配菜，仲有紅蔥頭，一睇就知夠曬濃郁好味，辣汁好正，d雞醃得都幾入味，所以真係夠曬過癮。野飲方面，就叫左個清熱既竹茅，唔算話太話，保證自家制，夠曬健康下風，抵銷返打邊爐既熱氣。另外仲有唔少果茶選擇。響鈴夠曬大件抵食，上枱仲係熱辣辣好新鮮，建議上枱後就即刻食，咁先食到最鮮既響鈴。墨丸都好推介，夠曬彈爽口，味道都恰到好處。豬肉片，豬味好濃郁，而且唔會好so，肥瘦均稱，夠曬好味。

<<Thursday Couple 為食記🐖🍌>> 之前成日都聽朋友講，大埔附近有間好好味嘅雞煲，但係一直無時間去試，今日來到大埔，所以就同男朋友一齊去大埔，順便道朝聖呢間八妹雞煲，又幾正！😍😍🔥🥰有雞煲又打邊爐，睇吓係咪真係咁好食🔥🔥你知有啲會做得好馬虎嫁麻！🤦🏻‍♀️嚟到大門口，覺得都幾光鮮，同埋雖然閒日，但入邊已經超多人客😂😂😂😋所以都幾期待！裏面嘅裝修，全部都係好有特色，同埋好有心思🤩🤩大部份都係用香港傳統嗰個街頭文化，同埋啲茶餐廳冰室文化，去設計🥰好靚靚好多霓虹燈，令成個感覺好有香港本土文化氣息，小朋友外國人嚟到，相信佢哋都好鍾意呢一個體驗，古舊嘅味道，可以感受到以前嗰種特色，但係就同時間好有衛生同埋好企理嘅感覺！🥰🥰🔥正！嗌嘢食之前，可以自己到自助吧嗰度，拎啲小食食，有脆脆花生同埋卜卜脆餅🤣🤣😂我好鍾意食！其實唔知佢係咩黎，咬落去脆卜卜，味道好好🤣🤣會上癮，正！😍同埋所有嘢都真係好好新鮮嘅感覺，所以為好想瘋狂咁樣係點加🤣🤣😂而度啲人多數先食佢哋嘅雞煲，然後再揀湯底，換過個新嘅煲，打邊爐嘅，所以我哋都咁樣做，就叫咗個麻辣雞煲先😋😋🥰終於試咗佢個雞

呢間雞煲係taipo都幾出名，經常夜晚都要等位，今日黎食都明點解咁受街坊歡迎😍首先緊係要試佢地既招牌雞煲😍同朋友兩個人嗌佐半隻only，份量都ok，但個醬汁十分和味🙂🙂🙂🙂👍夠麻，搞到想嗌多隻🤩🤩嗌既辣度係小辣，但對於唔係好食得辣既我黎講都係接受到👍雞肉都好新鮮另外嗌佐雪花肥牛，食完雞煲緊係打邊爐😚呢隻肥牛係呢個價位都算唔錯～煮完都幾嫩唔會鞋兩人必嗌既雜餃😚咁就呢個既抵食噶，有韭菜餃、魚皮餃同埋雲吞，每隻餃都有三隻大大隻，尤其係雲吞😳我個人比較鍾意韭菜餃，滿滿韭菜夠香☺️皇帝菜份量兩個人食份量都幾足，好新鮮😚野飲嗌佐竹蔗茅根同埋大大杯椰汁冰（俾我偷偷地飲佐幾啖先哈哈😛）😳竹蔗茅根可兩個人share黎飲清熱氣，而椰汁冰我覺得嗌得過👍價錢實惠又夠大杯夠甜，仲飲到d椰子碎😍總括而言呢間雞煲果然冇令人失望ga🤩裝潢又好港式既感覺，坐得幾舒服，下次會再幫襯😚😚

今日好開心約咗一個好耐見嘅朋友食飯，難得聚頭梗係要搵一個坐得舒服又可以傾到計嘅地方啦，搵咗一輪最後決定食朋友介紹嘅八妹雞煲，一路傾偈一路嘆一嘆個靚煲！去到見到啲裝修勁有特色，入邊嘅裝修好有舊時香港嘅感覺，醬料亦都應有盡有，而且非常之乾淨，唔會好似其他地方咁放醬料嘅地方會污糟邋遢。我哋叫咗一個小辣嘅雞煲，雞件有肉而且入味，我同朋友都覺得如果再煮耐啲會入味啲，但係而家都係絕對唔差！ 即炸響鈴！重點推介！響鈴嘅質地同其他餐廳嘅好唔同，更加香同埋更吸湯，我同朋友都覺得好好味。羊肉同牛肉份量絕對抵食，味道不過不失，啱三五知己一齊食；我同朋友兩個人黎，餐廳入邊亦都有二人嘅食物組合，例如蔬菜拼管同埋啲餃類嘅拼盤，我最鍾意食就係雲吞，而朋友就覺得淮山非常之正， 亦喺出邊好少會見到有得用嚟打邊爐。更值得一讚嘅係職員都好客氣同埋有禮貌，我哋二人座位但當嘢食上齊嘅時候張枱唔夠位擺嘢食，佢哋會推介銀色車仔嚟俾我地放野，而且係食緊雞煲嘅時候佢哋亦都會幫忙換骨碟。朋友都大讚我呢間餐廳揀得好啊！

突然興起想食雞煲，搵黎呢間八妹雞煲，裝修睇落好新淨，感覺坐得應該都幾舒服😌呢到可以簡嘅湯底有好多，但第一次黎食緊係食最出名嘅秘制八妹雞煲啦，2條友食半隻嘅小辣。（其實花睇雞煲都好吸引🙈）食物方面都好多選擇，單係肥牛都有幾款可以簡了～另外都有好多海鮮可以食！飲品方面我就簡左大大杯嘅凍檸茶，真係超級大杯。主角來了，等左5-10分鐘左右雞煲就到了。果然秘制嘅雞煲唔簡單，聞到都流曬口水，雞有好多肉食，唔會得啲骨無肉食。簡左小辣岩岩好。食完就可以加湯打邊爐了～～～～先點了一份細嘅手切肥牛，好香牛味，估唔到牛肉配雞煲嘅醬又okay喎😂😂😂。另點左一份三拼（有萵筍、鮮淮山、蘿蔔片），打邊爐好鍾意食啲可以碌好耐啲蔬菜，吸收埋湯底嘅精華，食落真係好正架！！！最後叫左一份鴛鴦滑，有墨魚滑同蝦滑。超級出色，係咁多樣嘢食之中最好食，我同朋友係咁掙食😂十分推介，特別係墨魚滑☺️食完一次已經好多快啲再食多次，咁多湯底要食幾多次先可以試得曬😂

There are many restaurants near Tai Po old market. But I chose this 雞煲 because it is really attractive for the lighting. I miss the feeling of gathering.Still a lot of ppl dinning here at 20:30. I know I didn’t choose a wrong restaurant.I ordered this half chicken with no spicy super yummy!!! Must give it a try 👍🏻For geeen fruit, I ordered this, crispy and yummy 🤤 Beef 🥩 ❤️❤️my favorite. Love it so much 蝦滑～ I really love the taste of it 💕💕 it is very fresh For the drink, 🍹 we choose this as it is

其實原本唔係想食呢一間雞煲，見到入邊好多人食就同老公入去試下。叫咗半隻雞，炸響鈴，脆鯇魚骨腩，韭菜餃拼水餃同埋魚皮餃同埋一份鵝腸。先講嗰雞煲，我地叫咗小辣，來到一點都唔辣，覺得好甜，之後另加一份麻辣醬加咗落嗰雞煲都係唔辣唔麻。啲魚好腥！餃子同埋鵝腸全部都係雪藏嘅。材料同任食雞煲無分別。炸響鈴皮好厚。我絕對唔會再去食。呢度嘅雞煲口味唔係我鍾意食嗰中口味。太甜了～

已經有一排冇食雞煲😭，對上個一次已經係五月嘅事了，心思思想食下美味的雞煲，就上網搵吓有啲咩好推介，見到呢間位於大埔舊墟美新大廈嘅-八妹雞煲有300幾個好評，就約埋雞煲愛好者-媽媽大人一齊去食。我哋五點幾去到，可能因為時間尚早所以唔使等位就有得入座，但我地7點半離坐已經爆曬場。一入到餐廳完全俾佢勁特別嘅裝修震攝咗，餐廳嘅裝修完全還原咗舊式香港，而且仲有好多打卡位😍花膠雞煲半隻-小辣 $155 🐓一黎緊係叫返個招牌秘製雞煲嘆吓先， 雞煲好香好惹味，配料方面好足料，有芹菜、芫茜、洋蔥等。雞肉方面都好足料，半隻雞真係有齊晒雞翼、雞髀同雞腳，真係真材實料，肉質方面都算嫩滑，雞皮食落爽口，配埋秘製嘅雞煲汁，真係好好食，我同阿媽比一舊雞我一舊雞好快就食晒成煲了。食完雞煲就開始打邊爐🍲即炸響鈴 $43響鈴上枱個陣果真熱辣辣，脆卜卜，響鈴質地同平時食開嗰啲有唔同，首先係size 好大舊，食落係皮薄鬆脆，好特別。但食多2件會覺得有啲滯，之後放湯又係另一種食法🤪混丸 $55🍢分別有魚、墨丸、墨魚丸、牛筋丸各2粒，丸類真係唔錯，魚蛋同墨丸勁彈牙爽口，好正😍😍日本鱈埸蟹柳 $43🦀佢唔係平時嗰啲cheap雞蟹樓