八寸料亭

營業中

休息中

大坑有各式各樣美食，日本菜係其一，今晚去嘅呢間日本菜非常隱蔽Menu上有多款食物選擇先來一客麥豆味噌料理麥豆係咸咸地同青瓜一齊食，效果幾fresh！食物陸續送上，明太子蝦仙貝，其實係明太子醬撈蝦同元貝，明太子微微辛辣令蝦同元貝食落更惹味刺身拼盤，大概有7-8款，擺盤非常靚，每款睇落都好新鮮肥美！店員介紹飛魚就咁食就可以，因為師父用左薑、蔥、醬油腌過，美味！其他刺身仲有深海池魚、烏賊、薄切牛鰍、拖羅、元貝、牡丹蝦同蝦膏等等.....好野留最後，拖羅一定要最後食，非常肥美又無根！不得了！海之幸，實情係軍艦，上面放左大糧海膽、拖羅蓉、魚子，下面係帆立貝小卷，唔錯嘅配搭海老蓮根片，炸物，蓮藕用赤醋腌過，少少酸，唔過火，中間夾住左海老，蓮藕嘅爽脆，海老嘅彈牙，口感一流！味噌煮蠔每客有兩隻，係宮城蠔，蠔肚飽滿，用左勁多麵豉但都唔覺得鹹雞肉捧呢到嘅雞肉捧係加入左雞軟骨，食落口感大增虎蝦明太子燒虎蝦非常大隻，燒得岩岩好，保留住蝦嘅肉汁同鮮味，加上明太子嘅味道，唔錯！奶奶朱炸蛋個名一聽就知係甜品啦，即叫即製！外層嘅質感非常軟綿，咬到中間係朱古力流心，香濃嘅朱古力味道，外熱內暖嘅感覺，不錯！

今晚與家人去左八寸料亭慶祝生日🎂為於大坑嘅入面小巷🙈非常隱蔽坐低無耐送上「麥豆味噌料理」麥豆粉粉地，咸咸地嘅感覺🥒配上青瓜一齊食又幾青新食完前菜小食📖急不及待開始點菜慢慢品嚐「刺身拼盤」總共有7款，擺放得非常精美，胃口大開😍飛魚已用薑加聰撈左，就咁食已勁好好味另外6款有深海池魚、拖羅、元貝、烏賊、薄切牛鰍、牡丹蝦配蝦膏😎「火灸平目魚邊」呢個係小好一向最愛之一❤️已燒過平目魚邊，入口即溶嘅感覺，咬都唔洗咬，正！「海老蓮根片」做法係天婦羅🍤蓮藕片用左赤醋腌過，變得紅色，食落有少少酸，但岩岩好，中間夾住左海老🍤「安康魚肝豆腐」安康魚肝蒸熟左，磨碎左，再加入豆漿整成豆腐，完全係手工製作，有心思🥰「壽司拼盤」必定要介紹富山灣白蝦花作，富山灣白蝦係香港真係無食過！呢件壽司係用左幾十隻白蝦砌成一朵花，晶瑩剔透，食落比一般嘅蝦鮮甜美味得多！其他壽司分別有甘蝦手鞠壽司，金目鯛，真鯖，鰤魚，赤身，鮪腦天到最後唔少得嘅甜品🍮「奶奶朱炸蛋」🍫中意朱古力嘅真係唔可以錯過！😚未上枱，朱古力已經香氣撲鼻，外層係泡芙與麵包之間嘅質感，表面沾滿左大糧黑糖，內層先係重點！係朱古力流心！係流心呀！🤩

大坑好多隱世餐廳，勁多高級嘅日本料理都集中係附近，約定一個月一次帶屋企人食好西，搵大坑餐廳實冇死😂蕃茄沙津 作為前菜清新又開胃幾正，賣相似足一朵花螢光烏賊 配上少量薑蓉去腥味，而且帶甜完全唔似出面個種死鹹黑鯥魚 第一次食呢種魚 肉質爽口鮮味深海池魚 微微燒燒帶出佢獨特嘅甜味鯛白子 白子好補身，第一次食係驚驚地😂但細佬話食過好正，猛咁叫我食。其實食落一d怪味都冇，綿密滑嫩嘅口感，一試上癮嘅感覺拖羅 赤貝 呢樣兩樣我冇試到 佢地話拖羅好肥美好味野菜天婦羅 - 南瓜 蕃薯 椒 呢到嘅天婦羅非常出色，炸漿薄 ，脆而沒有油膩感，吸油紙只有輕輕嘅油腔。餐廳重有溫馨提示，唔駛用天婦羅汁，只要蘸上岩鹽 冬菇好香，保留水份之餘外皮香脆和風炸雞 炸雞香脆帶甜味，on top有滿滿嘅沙律醬同仲舖底嘅椰菜絲，搭配好好可以解膩以一間高級日本餐廳埋單唔算貴，仲有唔少稀有嘅食材你試過夠，唔錯唔錯😛

八寸料亭食到十二道Omakase，食物質素相當高，價錢又相宜。餐牌係人手寫，款款日日都不一樣：前菜-一品 京葉 真鯛 刺身三款湯-鯛魚清湯手握壽司-蝦壽司揚物-三款天婦羅，蟹肉、蔥及菠菜煮物-煮豚肉椀物-磨菇燒八寸-鴨胸+蟹豆腐配蟹膏櫻花蝦+蟹肉冷麵牡丹蝦湯甜品-紅豆和菓子每道菜式都令人回味無窮，蝦蟹菜式比例較多，無論製作手法或口感都特別。 刺身方面，較多用鯛魚，有別於一般響香港經常食三文魚，感覺夠新鮮！而且店員們服務殷切，又細心，茶凍左會幫客人替換，夠窩心

週末喜歡來這裏食午餐， 因為他的午餐menu不貴。雖然在小巷，但好易搵到。海鮮丼，好足料！包括2個小吃， 味噌湯，及甜品，都係$88！ 真係我寧願行多幾步路都唔留響銅鑼灣食。

前幾年，大坑是一個美食集中地，臥虎藏龍，無論大至小的食物選擇都有，熱鬧到一個點，你會奇怪為什麼一個小社區可以容納這麼多食店。幾年過後，大坑相對失色了一點，除了近來很出名的糧草意外，好像沒有什麼震撼大坑的餐廳。八寸料理在前幾年都有很多博客曾經讚頌過，不過係日本菜實在太多太氾濫的情況下，就算做得幾好，也很快會被人遺忘。或許這是香港做食肆的一個悲歌。特別這晚再來這間餐廳，吃了一頓不錯的晚飯，才覺得香港做食肆真的很難，一間做得幾好的廚師發辦，應該要寫番篇文，講下我的感覺。先來前菜是海葡萄， 絕對是沖繩風味，店家提供豉油，我覺得不用點也夠味。刺身部分開始，全都是最時令的飛機貨，淡到濃的味覺，帶子，目張，黑鯥，深海池魚，牡丹蝦，瑩光魷魚和拖羅。帶子厚身，切功非常好。目張用上蔥香來襯，更加清甜。深海池魚如果是切得厚身一點應該會更加好口感。燒過的黑鯥最難忘是其魚皮。牡丹蝦新鮮又大隻，蝦頭的膏多得要命。瑩光魷魚一口咬下去是爆炸的墨汁，非常幸福的感覺。拖羅入口溶化，完全無痕，我想起了那句歌詞，像是經歷過最溫柔共震。然後是兩個驚喜的選擇，鯛魚白子和鮟鱇魚肝。沒有想過在這個時間還可以吃到白子，鯛魚的白子味道更

大坑的確好多高質餐廳，而響香港竟可以以大約$1000價錢食到優質Omakase，應該非 八寸料亭 莫屬。餐廳位到蓮花宮廟附近，內裡雖小，但五臟俱全，完全將深夜食堂感覺帶入餐廳內。今次Omakase屬會席料理，有12品/7品選擇，朋友早一星期已經book定要12品，因為最少要三日前book omakase。餐牌一早已經準備供食人閱覽，可惜唔識日文，以有限水平了解菜式，而每上一道菜，店員都會細心介紹當中食材及食法。十二款菜式，有前菜、刺身三款、冷熱小食各一、燒物、湯及甜品。款款菜式都好特別，手工精緻。前菜係燒八爪魚配海膽，但有菊花菜瓣一齊食，鮮甜。 蝦壽司亦好特別，係用細蝦仔砌成，花盡心思！蟹豆腐配蟹膏，入口味道濃郁！

大坑有唔少高質日式料理, 今日呢間位於蓮花街嘅八寸亦係其中一員。飛魚一魚兩食, 刺身精瑩剔透, 肉質富有彈性, 喺口中越咬越鮮味。飛魚碎以紫菜包起, 加點醬油提升鮮味。多款壽司都屬高質水平, 其中帆立貝貝肉爽滑嫩口, 口感細緻, 新鮮程度無庸置疑。大蝦天婦羅外層炸殼質感輕盈, 一啲油膩感都無, 炸後蝦肉依然細滑, 盡顯師傅功架！呢道薯仔甘筍煮肥牛, 無論口味定賣相都十分住家, 薯仔夠腍, 仲好入味, 肥牛肉味香濃, 配個白飯就完美。

同朋友嚟大坑慶祝生日, 揀咗呢間高級日式料理 - 八寸。大根沙律混合新鮮大根同炸大根, 加上酸酸地醬汁, 係一道唔錯嘅開胃菜。牡丹蝦蝦肉呈半透明, 肉質潤澤爽口, 表面加上一層蝦膏, 簡直係雙重鮮味！帆立貝水潤豐盈, 肉厚飽滿, 口感很清爽。海膽紋理細緻, 鮮味濃郁, 重點係份量很足, 比飯量還要多！拖羅魚脂充沛, 入口柔滑, 脂香濃厚。大蝦天婦羅新鮮炸起, 咬落蓬鬆酥脆, 內裏蝦肉仍保持水份, 口感令人回味。炸雞雞肉唔會太乾, 加上沙律醬同燒汁, 很有 大阪燒風味。

好耐冇食過Omakase，亦係咁多款菜式中最少食既一種，一來價錢不便宜，二來確係一款比人感覺好高級，唔係特別日子都唔會食既菜式，好耐冇同另一半食一餐高級既晚飯，大家不約而同諗到Omakase，而大坑又係女朋友比較鍾意既地方，咁就揀左呢間。餐廳內外選址係大坑，比人既感覺就有一點與世不同，大坑一直比我感覺都係好放鬆、遠離鬧市既地方，而一間高級懷石料理店開係呢個地方，好夾，佢亦係開係巷仔入面，絕對可以用「隱世」黎形容。店內裝修十分有日本既格調，牆身、餐紙都係舊時日本年代既明星海報，好有感覺。食物選擇唔止Omakase，係可以選擇單點，選擇亦好多，冇影哂所有單點餐牌，而我地今日就當然係食Omakase。師傅發辦(樁) $1180/位(先付盛合、刺身七種類、壽司五貫、溫一品、椀物、甜品)先付盛合: 吉備奈子(芥末酢味噌醬)及鯛魚白子刺身吉備奈子真係好少聽，其實係銀魚仔，唔算多餐廳供應，因為盛產唔長，食落魚味、海水味重，肉身頗滑。鯛魚白子白子即係魚雄鯛既精巢，用上柚子醋調製過，口感滑溜，但魚腥味比較重，加上唔係個個人接受到白子呢個部位同口感，未必人人岩食，我就試過就算。刺身七種類: 1. 目張魚淡

我公司啲舊同事幾個女仔一起聚餐，最好的當然選一些靜的地方。我們選了吃日本的omakase，銅鑼灣這兩個選擇，看得我們眼花撩亂，但因為假期前後的關係，我們害怕餐廳嘈吵得很，於是我們選了大坑的日本餐廳。大坑本身有兩間omakase 也不錯的，在壽司藝和八寸料理之間，我選擇了八寸，因為幾個朋友吃過都話很好吃。預約了七點，我們四個人來到餐廳竟然人不太多，而且氣氛很正，選得非常好。因為真的很適合我們幾個人傾計，餐廳的員工也很多，幾乎是一對一的服務。不想麻煩的我們最後都是選了廚師發辦，我們要求大部份都是刺身類，女仔都係怕吃澱粉質，我們要求不要這麼多壽司。我們先有的是一個刺身拼盤，有幾個刺身，有黑鯥，深海池魚，拖羅，帶子，瑩光魷魚，牡丹蝦多種，師生的種類算非常多而且都不是普通的，起碼不會戇居居吃三文魚和吞拿魚刺身。我朋友最喜歡吃的是那個螢光魷魚，這個刺身有師傅調過味，和之前吃過的都有點不同。之後的鯛魚白子和鮟鱇魚肝我都喜歡吃，不過味道真的不是人人能夠接受。熱辣辣的松葉蟹棒和大根，好正，蟹棒很大件，做得不錯。鰻魚天婦羅，呢個係大驚喜，包著年糕呢個做法很少見。最後的汁煮雞肉，又係好美味。總括全餐感覺也很

係觀塘放工過海都十分方便，大坑個頭出名食日本野，好多好authentic 既日本餐廳都會係個到開。一入到店面就feel 到日本傳統居酒屋既和式風味。睇番OpenRice 話呢到出名食omakase 廚師發板，還掂返工好攰唔諗太多，由大廚決定仲恰當。蕃茄沙律作為前菜最適合不過，味道帶酸甜酸甜，連本身冇咩胃口既我都想食多啲野。另一道前菜都係開胃菜，係我地平常講開既海蜇，當然亦稱為水母。入口酸味較重，水母絲爽口清新，呢兩道菜都係ready for 你迎接之後既菜。刺身拼盤種類多，好多出面日本餐廳比較罕見既刺身類別呢到都有，拖羅、深海池魚、黑鯥魚、瑩光烏賊等，而且質素拍得住其他高檔既日本餐廳。其中最特別係鯛魚白子，佢原來係鯛魚既精子，聽落去好似好有趣咁。白子入口唔腥，肥美甘甜。蔬菜天婦羅入口熱辣辣，我地親眼睇住佢新鮮炸起。粉漿唔會過厚，亦都唔會炸到過哂火，菇類咬落去仲有汁唔會乾哂。鮪頰肉係攞左吞拿魚面頰既肉，比魚腩部位更爽口，因帶有筋而富有彈性，佢麻油味比較突出但同吞拿魚既鮮味好夾。值得一讚係呢到服務周到，店員好有禮貌！平日黎人流唔多，希望多啲人發掘下呢邊既餐廳啦。

八寸 大坑的高級日本菜好耐無吃過日本菜了，今晚有人請客，就試試新菜吧，吃起來感覺還不錯啊，跟平日吃放題好大分別。白籽竟然是（鯛魚精子），差點沒敢放進口內，加了點鱈魚卵調味，完全沒有腥味，滑身無需咀嚼，入口即溶。一條吞拿魚只有一片，炙燒腦天壽司的吞拿魚額頭非常軟稔，又是入口即溶，油香甚重，好吃。這山菜天婦羅用了平日不會用的材料冰菜 大蒽等等都很鮮嫩爽口，用油不老。加入點點岩鹽調味，也是一道良菜。沒想到味噌煮蠔的蠔肉這麼飽滿，味噌汁加入了沙律醬調味，甜中帶咸而不膩，值得大家一試。

呢間位於大坑嘅八寸，距離天后地鐵站大概10分鐘嘅步行路程，位置於僻靜嘅橫街， 花點時間就可以搵到。首先梗係點返個食身熱身先啦，刺身包括金目雕，池魚，黑鯥，拖羅，帆立貝等等，拖羅同帆立貝當然就比較常食啲，其他魚刺身就當然係睇時令先有得食啦。總括嚟講刺身都好新鮮，每一款魚都有自己唔同嘅鮮味同質感，而一向唔係好鍾意食魚嘅我同女朋友都覺得不俗。第二道前菜以鯖魚、梅子、生葵積、味噌混合而成，出奇地配合; 梅子嘅微酸，山葵嘅辛辣，味噌嘅濃郁，配合鯖魚嘅鮮味，再加上紫菜嘅脆口，絕對係一個開胃嘅前菜。海之幸 - 餸如其名，食晒海裏面令人最幸福嘅美食，有海膽、吞拿魚魚蓉蔥花、三文魚子，配上帶子手卷，將海裏面所有嘅鮮甜美食一次過帶到桌面上，四個人三扒兩撥就將佢清空左啦。鮪頰肉唐揚 - 其實識食魚嘅人都知道有幾個部位係特別嫩滑好味，就好似係面珠登，同埋魚鮫位。難得呢度有炸吞拿魚面珠登肉食，當然要試吓啦。微脆嘅外皮，包住嫩滑嘅面珠登，再配合少少蘿蔔蓉食，一次過食晒脆、鮮、清，又係食到一舊接一舊咁食，停唔到口。八寸鵝肝 - 呢度嘅鵝肝做法很特別，先醃後蒸再煎，內凍外脆，鵝肝嘅油分唔會好似出邊香煎咁油分偏重，相反

對於一個食量較少嘅細胃，食一餐高質嘅，比食幾餐放題日本料理黎得更滿足吧😎八寸料亭位於大坑，搵條橫街的確有點僻靜，如果唔係特登搵呢間餐廳，都應該好少會行到咁入😮食呢d日式料理通常都會叫廚師發辦👨🏼‍🍳因爲只有廚師先會最清楚邊款食材最合時令，有次序地將會席料理嘅極致呈現岀黎👍🏻刺身拼盤池魚 金目雕 拖羅 帆立貝 赤海蝦 鯛魚白子 黑鯥魚。鯛魚白子原來係精子黎，無論賣相同味道都好估佢唔到，十分厚身，質地較結實，但內裡仍帶點黏稠甘香。我自己就最欣賞拖羅，魚腩部位肉質當然最肥美😈，油脂豐香酒肴有鯖魚包紫菜，巧炒地以梅子、味噌以及山葵漬配上鯖魚製成一道開胃前菜👅再黎係海之幸，有吞拿魚蓉加蔥花，食起來更香，油脂比拖羅少不過口感仍夠油潤。帆立貝大得黎夠厚身，配埋海膽以及三文魚籽，矜貴得黎鮮味十足🤓汁煮鮪目魚即係吞拿魚眼。佢嘅質地軟林，開頭晤係好夠膽試，但原來食落都幾鮮甜，口感係幾得意，最重要係零腥味👍🏻鮪頰肉係吞拿魚嘅面頰😁今晚好似食咗Mr & Mrs Tuna一家幾口咁，外脆內軟，正！都真係第一次食咁多稀有部位。果然食好西係要尋訪隱世小店先有食神⚠️以為已經完？仲有八寸鵝肝呀！平日食鵝肝通常都係煎，原