八月居 (海港城) (已結業)

今天休年假，跑到偏遠的屯門曾嘴，直的很偏 (手機定位，顯示我在深圳！)辦完事，回到市區已經近下午兩點！和家人在海港城找地方吃午餐，媽媽想飲茶，就到了八月居，先差評服務，如下：1) 問門口的店員下午茶幾點開始？答案是：我們店不設下午茶，吃嗎？2) 帶着媽媽，不想走來走去，我答：吃！４位3) 店員叫我先按鈕拿號！4) 用餐高峰已過，店内座位很多，搞不懂為啥要拿號？！點了５款點心和１款主食：#蜜汁叉燒腸粉，腸粉質感軟滑，叉燒多，足料，好吃！#蒜香雞絲春卷，甘香鬆脆，蒜香味濃，好吃！#冬菇雞肉餃子，餃子皮簿飽滿，饀料有鮮味！#沙律生煎墨魚餅，墨魚餅好硬，不好吃！本餐唯一不滿意的！#蒜蓉斑粒燜米粉，這個好好味！大家搶着吃！#香滑芝麻卷，芝麻味濃，喜歡！

嚟得海港城平時都係食得西式嘢多， 今次嚟食下呢間八月居， 見佢菜單都幾吸引， 有好多味餸都係我好鍾意食食物 ：芥末脆香蝦球， 芥末味濃得嚟唔會攻鼻， 蝦球唔會太乾身比較脆口， 最有驚喜就係炙燒松露黑豚肉， 呢一隻食法都係第一次， 自己有個爐可以燒嚟食， 黑豚肉唔會太肥配埋松露醬好夾環境： 裝修都新淨嘅， 坐得都比較舒服 ，無奈嚟食嘢嘅人太多， 就算book咗位都要等， 如果一家人食飯唔想食例牌嗰幾間，可以試下呢間

今日到尖沙咀 海港城 海洋中心的「八月居」晚餐，7時已全場爆滿，我們要取票輪侯，很幸運不需等得太耐。片皮鴨海斑自選套餐好吸晴，片皮鴨一隻、時菜鴨骨湯、翡翠蒸沙巴龍躉仔及另選兩款小菜，有十多款可以選擇，套餐只需$498，當然未包茶芥。片皮鴨份量也頗多，鴨皮的油潤，好邪惡，加上醬汁青蔥絲青瓜絲，包在糯糯的麼麼皮中，但非常好吃。時菜鴨骨湯非常濃郁，好飲。菠蘿咕嚕肉 感到粉漿比較厚，但酸甜都正，幾好味，下飯的好餸。芥蘭炒魚鬆 家常小菜，芥蘭只用上最嫩的部份，當然好吃啦。最後上的是沙巴龍躉仔，蒸的時間剛剛好魚肉幼嫩，配上好好味的豉油，好魚。

今天來到尖沙咀想和朋友吃點心，於是來了這家連鎖店。我們叫了很多點心例如牛柏葉年糕，鮮蝦腸粉，瑤柱灌湯餃，山竹牛肉。我最欣賞的是很特別的牛柏葉年糕。牛柏葉爽口彈牙，配上了青蔥的味道就更好味了，這次特別地加上了年糕，年糕浸在湯汁中， 10分美味。瑤柱灌湯餃也10分美味，要煮鮮甜，湯汁就不用畫了，另外灌湯餃來的肉也美味，加上了少少紅醋提升了味道的層次，我10分喜歡。鮮蝦腸粉也是我的最愛，蝦肉鮮甜彈牙，腸粉也做得不錯，挺滑的。

齊歡唱，同慶賀。。。啦啦啦。。。感恩和家人慶祝好日子，一定要食返餐好架啦！當晚我地未夠七點嚟到餐廳，之後陸陸續續好多客人，到七點左右幾乎已經入座八成。由於仍然係四人限聚令，於是我地分開兩張枱咁坐。餐廳安排得好好，每枱之間有塊很大的透明膠片遮擋，又可以同到家人傾偈，又做到防疫嘅效果，抵讚！弟婦提前幾日訂咗八月居名物—脆脆ＢＢ豬，果然係必點之選！雖然有點貴，但係好值得呀！ＢＢ豬啲皮好脆，肉質鮮甜可口，皮同肉之間嘅油脂唔算太多，就算食多幾片都唔係問題。真係好好食！呢度並冇提供到所謂嘅乳豬醬俾食客蘸，證明ＢＢ豬真係好鮮嫰！其他菜式就咁睇餐牌裡面嘅圖片，賣相都覺得好精緻！這個星斑球嘅肉質結實，非常厚嘅一塊，魚肉非常新鮮冇雪味，食得好滿足！芥末蟹籽手撕雞作為前菜嚟講真係ichiban! 因為Wasabi都係我鍾意食嘅口味，加上雞肉又好嫰滑，一啲都唔會鞋霎霎！仲有脆卜卜嘅蟹籽，這個配搭認真令人胃口大開呀！這個白玉木耳好似出水芙蓉咁，食落爽口，配合蟲草花同翡翠苗，味道清清地，真係好夾，令人回味再三！這款真心夠特別！有啖啖龍蝦肉，而且係我最鍾意嘅山水豆腐花，真係超級滑溜，而且掛滿龍蝦汁，用嚟送飯一流呀！

坦白講,為咗海港城現金券, 先會走過嚟食。 環境一流,服務都可以 。唯獨是美心集團真係要改善的，就係 一架車仔 上菜嘅時候，要等埋幾張枱先一齊上， 等食物 等都等到天光。 管理層可唔可以改善一下?? 另外嗰個鴛鴦豆腐會龍蝦 成盤九成都係豆腐 呃錢！

前排幾次到八月居都是吃套餐， 今次試下散叫，家人生日預早已經訂定枱， 星期五的晚上大約七點半店內已經坐滿客人。 菜式有炙燒松露黑豚肉$198、 芥末脆香蝦球$168、 加拿大龍蝦肉炒鮮奶$198、 安格斯半熟牛肉沙律$248、 黑蒜蒜泥蒸勝瓜$108、 福建炒麵線$138。安格斯半熟牛肉沙律～牛肉薄切但有咬口， 牛肉味亦很濃郁， 下面用青瓜絲洋蔥做沙律， 兩者味道很夾。 炙燒松露黑豚肉～ 香濃的松露醬配上肉質軟稔細嫩的黑豚肉，入口非常惹味。上桌時營造火焰效果，視覺與味覺都很享受。芥末脆香蝦球～芥末和沙律醬的融合， 蝦仁口感香脆，醬汁味道美妙。加拿大龍蝦肉炒鮮奶～ 龍蝦肉爽口彈牙， 炒鮮奶做得香軟滑溜， 多重口感集於一身。福建炒麵線～ 生日一定要吃長壽麵， 炒麵線 滑爽彈牙有嚼口。黑蒜蒜泥蒸勝瓜～ 簡簡單單又清淡的一個菜式， 配上黑蒜和蟲草花兩種健康食材， 味道很好。八月居的食物一向有水準， 喜歡餐廳環境整潔，座位舒適， 店員服務周到， 是我家人經常會到的飯堂。

今天和摯友共享午饍, 選了八月居優惠價$139的兩人午餐。未計加一只茶芥。- 脆脆BB 豬沙律爽脆燒豬皮+ 美味沙律配醬汁, 恰到好處。- 筍尖鮮蝦餃新鮮又彈牙蝦餃,回味無窮。- 一口南非鮑魚撻鮑魚煙韌彈牙, 配像叉燒肉汁+ 鬆脆撻, 味道甜甜哋很不錯。- 娥姐素粉果粉果皮薄餡靚+選1款時蔬或豆腐我們選了鮑汁煎豆腐, 豐富鮑汁配皮薄煎豆腐, 豆腐嫩口即溶。+選1款飯或麵我們選了蝦子薑蔥撈粗麵, 香氣撲鼻蝦子配薑蔥撈爽口粗麵絕配。+選2杯飲品我們選了玫瑰石榴梳打, 芬芳四溢石榴味梳打+玫瑰花, 很美妙。我們最後還叫了甜品, 椰汁銀耳, 入口即溶, 不甜不膩。

商場堆出消費送食市優惠卷...幾間選擇中揀左呢間用左優惠卷..每食$100減 $50脆皮bb豬沙律菜每碟4件大大碟...脆口美味..肥瘦適中..仲配埋沙律菜解膩...如果再加點應該都可以食哂龍蝦汁泡鴛鴦飯...上桌先落湯..熱到滾起...龍蝦味曰略淡..眼見配料有龍蝦肉既..可以一試雙蝦蘿蔔糕..份量好夠..蝦球大大粒..但個汁比較’健‘ ....食到d 生粉粒咁瑤柱菜膽燉花菇湯...清甜...瑤柱有原粒.但唔洗特別叫

限聚令放寬左，由每枱最多只可以四人，增加至每枱最多八人。好耐無去尖沙咀行街，因為好多舖頭經常早收，今晚決定黎八月居食晚餐。晚上七點半左右入座，睇下Menu 覺得選擇不多，而且咁早已經無呢樣無果樣😥，有d失望。點左兩款小食，椒鹽脆豆腐丶芥辣蟹子手撕雞，同埋幾款小菜，即燒原隻脆脆BB豬丶薑蔥斑頭腩煲丶菠蘿咕嚕嚕肉丶薄荷安格斯牛肉炒菜遠丶落神花黑豚骨。每款菜式都好出色，而服務方面都唔錯，每位員工都有禮貎。

因為有朋友優惠券，所以就去八月居到食飯。呢到既環境都唔錯，我地就點左以下既食物:安格斯牛肉炒菜遠份量其實唔算多，都預左。牛肉肉味濃郁，食落去唔會覺得好似係到咬緊橡皮膠咁，菜芯都炒到岩岩好，吸收左牛肉既味道。洛神花黑豚肉黑豚肉炸得岩岩好，肉汁鎖住哂係入面，但可惜我地個碟太多硬既軟骨，唔多肉。再加埋洛神花醬，酸酸甜甜既滋味好易下飯。不過個洛神花醬太過結身，如果稀番小小就會比較好。香酥鴨唔知係咪抱有太大既期望，一上碟既擺盤已經覺得好奇怪，份量真係唔算多，食落去覺得好乾，食落去鴨肉既味道唔算太突出，再加上鴨肉斬件已經好散，所以覺得好失望。

今天朋友飯局，我們特意選了在尖沙咀海洋中心的八月居晚膳，因八月居位處尖沙咀，地點適中，方便來自港島區的朋友及住在九龍的我們。八月居為美心集團旗下的粵菜食府，餐廳的環境及服務有一定的水準，餐廳除了室內的用餐地方，還有戶外的地方，適合喜歡看香港維港夜景的朋友用餐。是夜餐廳正進行推廣優惠，自選主餐牌菜式六折，真是超值哦！我們一於吃個痛快！首先來的是鹹蛋黃魚皮（78元），我很喜歡這個菜式，魚皮炸得卜卜脆，每片魚皮都沾上鹹蛋黃，十分可口。我們叫了乳豬三弄（198元），三款燒味分別是乳豬、燒鵝、白切雞。乳豬皮是脆的，肥瘦適中，很好吃。燒鵝好味、但皮不是太脆幸好肥瘦恰到好處。白切雞肉十分嫩滑，烹調得剛好。我最喜愛的是海參花菇陳皮鴨（228元）這個菜式讚呀！花菇選用日本花菇，花菇厚身，又香又滑，海參也是不錯，陳皮鴨入味好吃，甚至乎個汁都很好味，用來送飯一流。跟着來的是咕嚕肉（108元）咕嚕肉酸甜適中，粉皮薄薄，不會過厚。酸甜味道剛好，肉質又滑又有彈性，我很喜歡。最後來的是千層鮮果拿破崙，這個拿破崙十分出色，單是外貌已取勝，而索價只是88元，超值哦！拿破崙份量十分之多，我們四人也吃不完呢！

今日同朋友一齊嚟到呢間八月居到食晚飯， 咁見佢近排有做一啲promotion， 咁就試下! 我哋order咗個陳皮鴨同埋椒鹽豆腐， 其實兩碟餸都可以，不過個陳皮鴨就覺得隻鴨細咗少少， 但其實呢一間餐廳環境同食物都唔錯，不過如果服務員態度好返啲我覺得會更好。

上星期六約了好朋友們到八月居吃晚餐， 八月居以新派粵菜做主題， 將原味中菜以西餐方式呈現。 餐牌上的散叫菜式和套餐都很精緻特別， 當晚我們四位選了😋六位超值共享宴$848， 套餐包括有慢烤脆香茶燻鴨， 上湯焗加拿大龍蝦， 炭燒半熟安格斯牛肉沙律， 龍蝦湯蛋白燴燕窩， 原隻蠔皇花膠扒， 古法蒸沙巴花尾躉， 101鮮果拿破崙， 智利紅酒。前菜～ 甜甜酸酸最開胃。✨炭燒半熟安格斯牛肉沙律～ 炭燒安格斯牛肉的肉質鮮嫩，肉味濃馥，脂肪分佈平均，肉汁充盈而不乾硬，以半熟為上選，配沙律菜而吃， 味道豐富又健康。✨上湯焗加拿大龍蝦（伊麵底）～ 每次在酒樓吃圍餐，好多時都會有龍蝦伊麵， 但八月居的上湯焗龍蝦真是很有質素， 龍蝦肉肥厚而 新鮮， 配上上湯令到味道更加鮮美。✨智利紅酒🍷～ 開頭以為每人一杯， 原來一個套餐送一支， 紅酒入口有很重的果香味， 味道唔錯。✨龍蝦湯蛋白燴燕窩～燕窩口感清爽甘美，加入滾燙的龍蝦湯內，味道瞬間濃郁四溢，散發出陣陣的龍蝦香氣， 絕對是高級營養補品。✨原隻蠔皇花膠扒～花膠膠質豐富， 肥美厚身， 女士們養顏滋補之選。✨古法蒸沙巴花尾躉～花尾躉的魚腩脂肪肥美肉質嫩滑， 烹調時間

網評好壞參半，確實如是餐牌上菜式十分吸引養眼，菜式主要都是中菜但混合著少許不同亞洲風味，屬新派粵菜！有室內室外選擇，環境感覺好不同，室內比較中餐館感覺，室外就比較西式，天氣涼還是坐室內好先吃點小吃暖暖肚！🐔芥末蟹籽手撕雞: HKD78 手撕雞份量可以，配青瓜味道清新，但嫌味道不足，而且芫茜味過重，無開胃感🐟肉鬆黃金脆魚皮: HKD78我怕吃黃金咸蛋，不過出奇地好味，魚皮十分香脆可口！咸蛋黃很多令魚皮更惹味！雖然有點熱氣不過很難停口！🥣黑松露竹苼素羹: HKD48完全沒期待的竟然超級好味！雖然菜色出現黑松露變得十分普遍，不過中菜出現黑松露比較少，而且做得很出色！黑松露味十分香而竹苼素羹平衡黑松露的香味！🐷原隻脆脆BB豬: HKD468乳豬吃過好多，這麼小的就第一次，點了好快BB豬就到了！不同平常吃的乳豬，皮比較薄，吃起來有點像西班牙乳豬，所以皮咬起來沒有想像中的脆口，但算可以，肉質不算香嫩，醬已經塗在豬肉裡，味道尚算可以🕊花雕醉乳鴿: HKD148第一次吃這麼難吃的花雕菜！能吃到花雕酒味，但甜得要死，真的甜得很難入口，基本上完全沒有乳鴿味！絕對不能點！🦐麥皮蝦: HKD208沒想到麥皮蝦