八王子拉麵館 (已搬遷) 新店位置

正所謂平野冇好, 我也沒抱過大期望去試每一單團購. 之但係冇還冇, 亦會對那次團購抱有一線希望. 做得團購, 有時候是太過受歡迎, 有時候是因為店子新開張, 希望人們有所認識.而小女一直想試的八王子拉面終於做團購了. 聽說他的生招牌八王子拉面很有水準. 最後買了兩張劵, 避開午餐時間, 大約兩點到達. 店子不難找, 就在佐敦永安百貨後街. 店子小小, 我們被安排到bar枱.拉面選擇都有10款, 在團購們中選擇較多.八王子拉面份量很多, 叉燒勁大片. 以量計贏晒!喝了一口湯......我說好的醬油味呢??? 或許它已經是醬油味??我好想講, 我完全吃不出是豚骨, 味噌抑或是我要的經典醬油.叉燒厚身, 但咬不開. 配菜還有蔥花, 粟米, 有半個溫泉蛋.原先溫泉蛋是沒有問題, 只是小顆點. 但配湯吃就出事了, 浪費了我僅分到的半顆.吃不完, 真的不想吃下去.自家豚組拉面老公要了豚骨味, 味道比醬油味好, 但也不太豚味.豚肉切小件, 口感跟我的叉燒一樣, 很硬又痴牙. 比較好是細件易handle.至於吃不完這個問題, 都出在老公身上. 其實我們都餓到肚扁, 但確是不想吃. 對於是有所保留, 亦

買左團購，認識左八王子，感到驚喜呢!所叫菜式:海鮮冷麵好足料！有帶子，蝦，蟹柳，超多粟米同蘿蔔絲，新鮮！加上芝麻醬冇得輸，味道正！三文魚沙律都唔差，多生菜，三文魚大大件，但本人鐘意芝麻醬多過醋呀！芝士獅子狗+北海道年糕啲芝士好cheesy，少少份量唔膩卻反而更好味！侍應態度勁友善，又會問下我地覺得啲嘢食點，值得再來呢！

八王子拉麵，某一段時間我十分鐘意黎依到食，佢既芝士拉麵同埋炸枝豆春卷令我一想起食拉麵都會黎依到，可惜，今次團購的拉麵，令我失望左一半！因為團購就到期，所以今日係假期就黎食埋佢，之前見到佢既MENU上已經冇左枝豆春卷，有小小失望，於是今日黎到就點左牛骨湯拉麵，燒芝士拉麵，蕃茄沙津同埋炸墨魚咀蕃茄沙津適中既凍,不過未到冰，配埋芝麻醬食，好開胃，蕃茄好甜！牛骨湯拉麵，牛骨湯味好濃郁，麵掛湯，唔太淋，不過湯底略嫌多油！燒芝士拉麵，芝士溶係拉麵上食落去啖啖都有芝士，但係湯底就好淡好稀，所謂濃豬骨湯味一d都唔覺有～豚肉有略火炙過，唔算太鞋，都幾好食！係衰在個湯，而且依個麵煮得有小小淋，，炸墨魚咀，唔太脆……小小鹹……咁囉……總括黎講，除左老公點既牛骨湯拉麵個牛骨湯仲好味之外，其他都有點下降質素既感覺……係因為團購嗎？btw，而家拉麵店到到都開好多，如果再係咁．相信團購都保唔住～

睇完醫生去醫肚，行行下見到有間拉麵店 $39 set lunch, 就入去試下。點了蕃茄沙律，八王子拉麵同一罐 Coke Zero蕃茄沙律 - 原隻蕃茄上，加麻醬，幾好。八王子拉麵 - 麵質我覺得都唔似日本拉麵，似食緊即食麵。湯底太油，塊肉都好肥下。可取的是服務不錯。

星期六幫襯完真係比店中一個年輕女侍應嚇親!!今天先有時間寫!自己幫襯八王子2年多, 一直很喜歡這家的牛骨白湯拉麵, 先講食物一樣的不錯,這次也是叫同樣的拉麵, 湯和平常一樣濃郁, 還有那3塊豬頸肉也是十分軟綿, 這是我最愛, 水準一樣的好就好像東坡肉般軟, 糖心蛋和平常的一樣, 現在一般拉麵店水準也不會差到那, 食物我是絕對滿意的, 但結尾服務真的不行!起初我下單時, 因為餐牌好像報紙宣傳一樣, (去過就清楚了,很難說明) 所以誤會那不是餐牌來, 所以要叫侍拿給我, 年輕女侍應在我面前拿出像報紙宣傳的餐牌後我才清楚, 還說我眼睛有問題...... 之後想叫侍應加水, 遺憾當時只有店長跟那位扎馬尾的年輕女侍應, 而那侍應生好像不太願意工作, 加水時還付送生氣臉, 我幫襯這麼多次也沒試過, 之後結帳時還被她怒視!一次差的服務已有很大的陰影, 顧客又沒有對你做任何粗暴行為, 要不是喜歡吃這裡的牛骨白湯拉麵, 之後一定不會再幫襯呢

之前食過幾次八王子,覺得服務同湯底都好正,剛剛好今次有團購所以再去多次啦最正的胡椒拉麵 ,夠晒香但完全唔會辣自家豚組拉麵,味道OK 而且感覺似厚切的日式叉燒,但味道偏淡新出的炸物拼盤,50幾蚊勁抵食,有2隻蝦,2番薯,2南瓜,2蟹柳同2個魷魚,可惜魷魚咬唔斷一食就肉粉分離

團購還有2日就過期 連忙跟家人來食一入去竟見還有大把位地方光鮮明亮 亦不如網友說殘舊的只是台面有點過小高瘦光頭店長有禮地介紹了不同拉面即使我們只是出示了團購 無黑面亦無hard sell我們點了 八王子拉面 及 蟹柳拉面另加溏心蛋 $10 (原來本身拉面都有溏心蛋)等一會就來了 好太碗溏心蛋可再熱一點 牛骨湯底唔太咸但味唔太出豬頸肉4大件 份量足但個人更愛叉燒拉面亦多 好抵食 但不算彈牙另2位小女孩員工亦有禮 未如他人說的差6點後人客漸多 多數是團購客但同樣不會黑面 有禮對待 整體來就 服務好但環境亦好拉面算合格但不特別出色

一行五人來這裡吃拉面，各叫了一碗，一般湯底還可以，但好像欠了什麼似的。面尚算彈牙，溏心蛋也好吃，日式叉燒確實大塊兼入味。但朋友的芝士拉面湯底，竟然是在普通湯底上加上兩塊方型芝士？這樣看上去叫人有一點兒失望。吃拉面後再點了幾款小吃，炸雞軟骨還是相當不錯的。總括而言，拉面的製作還可更認真。

這店服務態度極差, 本人原本沒有在網上寫食評的習慣,但今次真係怒到要在到在此開account 向各位朋友反映,本人在網上看到團購, 於是購買和家人前往,入到去看到牌子先知原來在facebook 按like可以免加一 (每人一個like),問站門口負責招客的啡短髮的女職員(職員A)好唔耐煩話係, 但要証明比佢睇,咁我們都OK, 但當時我們得一部可以上到網的手機, 遺有2個account按好後叫一叫佢過黎睇,但我們準備好後, 叫極佢都扮聽唔到, 再大聲d叫佢,就黑臉過來話同剛剛第一個的account 無分別, 唔得 (明明係佢自己唔記得)咪遺有重新按多次請佢睇清楚,之後見到佢(職員A)同一個金色中長髮20幾歲的女職員 (職員B) 一路指住我地張桌, 一路講是講非, 我們都算, 想食完就走,但可能佢地d 湯好重味, 食完後好口渴, 之後我們已經很有禮貌地同職員B要點水,但估不到佢(職員B)用好無禮貌的語氣 以後貼錢比我都唔會再去, 我到底是來食野, 定係黎受氣?!(都知團購無好, 但我想講團購都要比錢架, 唔係免費, 做不起什麼團購同facebook like, 你咪唔好做囉, 可必影衰自己

放工同女朋友兩個人黎食上一次黎都係中學果陣啦,果陣記得d麵好彈牙,湯底香,最正係可以無限加底,岩哂我呢d大胃王大約七點半黎到,都估到要等位等左一陣就有枱我同女友分別點左八王子拉麵同芝士拉麵另外再叫多客燒芝士年糕一食即刻覺得差過以前好多豚肉細塊都算,仲要咬落無咁口感麵既水準亦都下降,無以前咁彈牙同香,不過作為拉麵館水準始終都係ok既值得一提既係,感覺比以前油膩左,同埋湯底都無咁香濃女友既芝士拉麵其實亦相當普通,就咁一碗麵落兩塊芝士女友覺得溏心蛋好好味,值得推介芝士年糕味道唔錯夠煙un得黎又好香芝士味一上到枱已經俾女友搶左黎食影唔徹相埋單每人八十幾蚊,雖然質素下降左,但始終都係一個唔錯既選擇得閒放工都會再黎食!

多年前經好朋友介紹，第一次食『八王子拉麵館』，那時覺得拉麵的質素不錯今日因為有團購優惠，所以再一次來光顧，屈指一算，應該是第四次光顧了去到的時間是下午5時30分，踏入店中，感覺和前一次來的時候，有很大的分別可能還在準備的時間，店中有不少的位置被雜物霸佔了，而整間店也給人一種死氣沈沈的感覺負責招待的侍應也沒有給我一種親切的感覺，只說環境和服務，真的比以前差了很多店中給人一種殘破的感覺，隨手拍攝一張爛了的椅子這樣破破爛爛的椅子，在店中隨處可見在點餐的時候，侍應告訴我，店中馳名的「牛骨湯底」已經售罄哈哈，「團購」的時候剛巧招牌湯底就售罄，好一個「巧合」算了吧，點一個『八王子拉麵 (豬骨湯底)』吧因為團購，拉麵價錢是$29，加一收費是依據正價($68)，所以正式價錢就是$29+$6.8=$35.8稍後片刻，拉面送上來了心中難免有點失望，因為回憶中的『八王子拉麵』根本不是這樣以前是有幾塊大大塊的豚肉，現在豚肉的份量明顯大減，變成像豬頸肉的大小豬骨湯底味道頗濃，也算是不錯而拉麵，口感上有點怪，可能稍為硬了一點點雖然豚肉的份量明顯減少但質素也不錯，略帶焦黑，十分香口，而豚肉也有一點油份，是全個麵中我

同爸媽出街食飯, 我多數會帶他們食一些他們平時自己很少去食的菜式, 今次去了食拉麵。如果帶老人家食近百元一碗拉麵, 一定會被"哦"一大餐, 佢地一定唔食得開心, 所以都係平民一點, 佢地食得開心一點。環境7:00pm多到達, 未算多人, 不用等位, 三人還可坐六人枱, 非常闊落。因為客人不多, 所以很清靜。服務服務員都算多, 所以招待很快手。她們亦友善、 親切, 不錯!食物三人各一碗, 包括八王子拉麵(黃金牛骨湯底)、胡椒風味拉麵(牛骨湯底)及自家豚組拉麵(豬骨湯底)其實三碗的配料大致相同, 只是湯底不同。配料有：三件半肥叉燒、半隻糖心蛋、芽菜、日本魚片、蔥及紫菜。黃金牛骨湯底(胡椒風味)：味濃不太辣, 但看到湯面上有一層油, 所以比較油膩。拉麵：尚算彈牙, 麵能與湯底融合。半肥叉燒：稔滑、肥膏和肉分明、食落感覺不油膩。半隻糖心蛋：最正! 蛋的熟度剛好, 蛋黃與湯底混合別有一番美味。______________________________總括而言, 環境和服務不錯, 以團購價$29@再加一可食到這質素, 當以不錯而抵食, 但當然不能與正宗或名店拉麵舖比啦!

差不多一年多沒有來這店, 還以為她可能消失了, 因為香港地租金太貴,經營小店好多時一過蜜月期就即要分手, 上次來的時候她還是新簇簇的傢俱, 今次一見已經可以用”滿目瘡痍”來形容了, 白色的椅墊很多污漬甚至被人用尖物劃破了, 當晚客人不算多, 一進場時才3枱客, 價位同一年前比較上升約$10算是合理啦, 一般價位在$60~ 68之間, 只有一個男盛是自誇1.5KG 的才$98, 自己沒有叫但看到其他客人叫的實物主要是用一大碗雜菜蓋上麵條面, 令人看上來有睇頭一點, 當然如果兩個人食這個就可能比散叫兩碗的省$20左右, 當日品嚐了: 泡菜鍋拉麵, 買回來的泡菜醃得未夠身, 連唔食呢味的太座一睇都話:乜咁淺色嘅, 辣椒粉落得唔夠囉, 個湯底正如食友所謂:的確幾多油下,介意食到油的話,就真的要考慮轉地方啦, 湯底嘅味道係屬於濃味嗰隻, 瘦义燒可能係呢度嘅堅持, 因為年多前來她賣的义燒經已係咁樣, 但相對而言這瘦义肉味夠, 糖芯蛋可能因為已經放咗半日的關係蛋黃面已經結了一層簿簿的衣, 但唔影響蛋黃的流芯效果,另一個芝士拉麵, 估佢唔到芝士嘅意思係就咁放兩片卡夫芝士片上拉麵面,非常之直接的表現手法

晚上6：30在這區搵食一點也不難，到處每間店都不乏明星相。早幾個星期，見三色台有介紹大胃王，想搵下大碗麵試試，搵了好耐，原本唔係日日有，店員話五月先至有，有點受騙感覺，入得來帶埋千里迢迢來到的朋友，唯有點另類。有無套餐，又無得由烏冬轉拉麵 ，有得加底但有限制，都食得好無癮，貴得來唔值。點了㕚燒拉麵配牛骨湯底 ，只感油多肥膩，叉燒可以但同平時食差不多，芽菜多但麵唔加底又唔夠飽，麵質唔錯但唔知點解唔想再食，不是最初好期望。反想之前食開午餐及下午茶套餐，價錢及配套都好抵食，還是覺得這兩個時段最好。

曾經唔知0係邊度睇過lee間「八王子拉麵館」，當時係想試0既,不過遲遲未有時間,，之後就直情忘記左佢lu。今次朋友提議去食，我當然非常樂意啦^_^但，大家知道嘛?!我本身係冇諗住打blog架~點知見到佢個雞軟骨同埋隻蛋...再忍左一陣...唔得喇!!!都係要拎個相機出黎影低,，然後打個靚blog宣洩吓先>_<元祖激辣拉麵 $56 (此相不是原貌,因為食食吓先決定要寫blog)拉麵黎講，麵質太林了。雖然是可以自己order硬度(我估可以)，但standard的麵質不應該是這樣啊。然後乜激辣0者?! 完全係小辣中0既小辣 !!!!! 大佬，咪吹到咁大丫，如果係咁我叫過第二個咁嘛>_<舊叉燒呢...好肥美0既，仲有3大塊添，有少少"孩孩地"，但個豐厚口感是使我挺滿足的。好喇!!! 要講隻溏心蛋喇... 抱歉我攝影技術欠佳=__="隻溏心蛋呢...好扁好扁，瘦到一d日本feel都冇，傷心:"(色澤又黑灰啡咁喎，好唔吸引囉...咦....我隻糖心蛋呀...>_< 炸雞軟骨 $34 (大概啦，忘了價錢)再次抱歉我攝影技術欠欠佳=__="lee碟