八號餐廳

營業中

休息中

20080517我住了大埔很多年, 但未曾在此餐廰食過!餐廰面積都很大, 可坐上70-80位, 裝修一般,坐滕椅, 简简單單,比其它茶記好!星期六早上我帶着小朋友因事路過, 見有6至7成客, 我們又未食早餐, 我想可以試下.由於趕時間, 我的小朋友order左Yogurt set (: Juice, Croissant & Yogurt),而我叫了豬枊蛋漢堡+ Croissant. 心想吃簡單些, 食完便要走, 但等了20多分鐘,食物才到 !!在等候時也曾追問多次, 唯是waitress祇作說:等等.., 眼見稍遲入坐的客人所叫的什麼餐麵也己經將近食完呢!最后真的是食得很忽忙.在付錢時見到一個狀似老闆的男人向他理解是不是牛角飽出了問題?因為 Juice, Yogurt, 豬枊蛋漢堡等基本己預備好. 除非牛角飽是由從麫飩焗成飽 , 可真需要那麼久. 他依哦以對及say sorry! (也算禮貌)如果真的廚房出問題, 落order時Waitress應該先向客人解釋才對.回說那牛角飽也算ok, 還可以 ! 其它一般.

這間餐廳所有菜式都可以用一個字黎形容：淡!我唔係想讚佢"清淡"，佢地的食物真係好淡，係無乜味果隻。我係附近返工，間唔中去食午餐，基本上佢地的食物係愈黎愈淡，不論係意粉、湯麵，甚至係扒類，都可以用"淡"黎形容。我地仲成日講笑，話病左一定要黎呢度食晏!不過我幾同意另外幾位既comment，就係老闆娘好好人，同埋環境真係幾清靜。奈何佢地的食物實在太難食，好難叫我地返轉頭幫襯。

小朋友放學同佢去八號餐廳，細路鍾意佢d朱古力奶昔，不過所為西餐就非常過份簡單，焗芝士白汁石班飯，完全見唔到d汁的焗飯，兩片石班大唔過張新十蚊紙。D刀工好了得，石班可以片到得5mm厚，不過都要收$68-一客。我要左個猪扒晚餐，d似香脆猪肉干多過茶餐廳d猪扒，人地d猪扒有半吋厚。下次影d相比你地睇。見到有就叫左個，d朱古力都ok，不過D蛋糕就似曲奇餅今脆，真系第一次食到D脆朱古力心太軟，唔知軟邊到呢？如果唔系因為杯朱古力奶昔，我一定唔會再去。

我係07年係呢度食過聖誕大餐唔知係咪人多啦湯又凍主菜又凍黎d 野又慢全場可以用兩個字黎形容凍+慢~~~~~~~~~~~~~~~~~~~~~~~~~

我地一行十幾廿人慶祝生日,我地叫左好少野食,一人都冇一個餐,我地又要移好多,老闆娘唔單上冇黑面,仲俾好多碟+刀叉我地分蛋糕,仲送左好多噴彩帶既野我地玩,更冇收任何切餅費果d,簡直係服侍周到!其他唔理住,剩係呢種服務態度,就已經令我地覺得好開心,比起d野食好味更開心~

今早要到林村上堂,於是早點起身,先到八號餐廳歎番個早餐.其實想去呢間餐廳好耐,基於唔順路,所以從未去過.餐廳佈置優雅,全是籐織坐椅,餐廳兩面面向公園,在輕音樂伴隨下一面吃早餐,一面遠看花園的景物,十分舒服,可惜時間不充裕,未能亨免費添飲和報紙,最是美中不足.食物質素一般,但餐廳環境己佔了高分,置身其中,可想像自己正在外地旅行,忘掉了一切煩瑣吃了一個滿足的早餐,帶著愉快的心情上課去

前幾晚去呢間餐廳食晚飯,見到個餐牌已經覺得冇咩o野食...好似其中一個餐竟然係卡邦尼芝士意粉,得芝士+意粉叫人點食...咁都收人$38...個waiter講野又細聲,好似講俾佢自己聽咁...唔多得...雜菜湯:清湯一碗,神奇係竟然係涼茶味...難飲...自選鐵板:可以揀3款餸,叫o左薄牛扒,炸蠔同埋雞翼.雞翼黑到成舊炭咁,鹵o左都唔知幾鬼耐.炸蠔個色又係幾罵o下...唔知係咪用萬年油o黎炸,男了友話炸得好難食.得個牛扒可以放得入口.白汁芝士焗海鮮意粉:超級雪蝦,雪到隻蝦係霉霉o地個種.青口麻麻地,好在仲有d魷魚仔送意粉...除o左環境夠靜適合傾o下偈之外,食飯就唔好o係度喇!!!

星期六游完夜水,行返出大埔睇下有什麼好吃啦行左入八號餐廳,果陣大約係10點10分左右,餐廳的客人不多,我和女友被安排坐在較遠的位置叫了一客"咖哩雞排飯"和"日式雞排拉麵",也同時order餐茶凍檸茶和橙汁先來的是"咖哩雞排飯" , 飯是半冷半熱的(微暖吧),塊雞排是不新鮮的,吃下時感覺不太好,於是叫waiter 過黎睇睇,好可惜,waiter 似乎見唔到我揮手,無人理會的情況下,惟有行出座位找waiterwaiter過到黎,我向他表示雞排不太新鮮,可不可以將拉麵中的雞排改作其他肉類呢?他的答案是:廚房已經整好左,d雞排用湯煮過,應該無問題,之前私私然行開左就係咁,果碗拉麵就變左食齋麵(塊雞排不新鮮點食o者),而叫了超過20分鐘的凍檸茶也沒有出現又要小酷到水吧找waiter 先有野呢d咁既服務態度,點幫襯得落丫!真係好希望八號餐廳的負責人可以睇到呢個留言以後都唔會再上當!!!

Last weekend, my father and me visited my grandfather that we came to tai po.As we walked to Eightland garden, we saw a special restaurant called "Eightland cafe restaurant"The music sounds romantic!Pasta and grill were hot and palatable!Waiter and waitress always keep eye contact and smile, service are excellence!!!We will come again.

我係一個唔多食嘢嘅人！佢哋嘅場地好暖、自由、仲可Refill，似Club。佢哋應該為人客唸咗唔少嘢。佢嘅意菜係沙田新城市同銅鑼灣水準。佢嘅收費係大埔。

My 91 year old grandmother lives at Eightland Garden, so in order for her to not have to travel too much, we usually eat at this restaurant whenever we visit her.The food here is extremely average, while the decor looks really cheap and is extremely simple too. The coffee's not great. Pasta came cold....I wouldn't recommend this place unless you really didn't have a choice You'd do better going around the corner for Chinese or Japanese food.

set lunch 有幾款, 幾平. 雜菜菜湯連暖都稱不上, D菜冇味道.煙肉火腿LINGUINE, 唔係難食, 但LINGUINE好易斷, 個SAUCE唔討好, 成碟野大而無當吉豬咖哩飯, 吉豬無味但口感OK, 咖哩唔辣. 菠蘿汁OK.服務一般.環境? 格調? 唔係呀? 叫好過茶餐e e 而已. 有個$, 係大埔, 就梗係去Oli...其實食西菜, 都係唔好留返響大埔. 去食元氣算了.

兩個人去, 朋友叫了個香草帶子海鮮的意粉我叫了個炭燒牛排兩個都跟湯, 大家都要忌廉湯跟了個凍奶茶同凍檸茶湯OK, 個跟湯餐包勁軟勁甜,正點湯一樣perfect食完一個仲想食第二個, but要留肚食排海鮮意粉很足料, 朋友唔舒服,胃口唔太好食完我仲見到一隻二隻青口帶子all over真係好多海鮮個排跟豆同薯仔(條), 薯仔炸得好crispy(sorry唔識中文點講), 豆就太凍, 排勁細塊, 但係我食over-done(十二成熟)都有入口即溶o既感覺, 食落似係AA級的(AAA為最好)想食靚排我強烈推荐, 但係想食飽呢隻排會令你失望(兩塊排疊埋barely夠一個拳頭大)檸茶只有四片檸檬但係都好酸, 正~ 我仲加左好多糖漿(我喜歡濃烈的檸茶)裝修OK, service都OK但似乎training唔夠waitress/waiter都好快手, 但係太快手便有快餐feel埋單時我同佢拎bill佢呆左一呆,原來要自己出去counter俾錢的我心諗:唔係呀....間餐廳咁o既格調,明明counter有收錢o個o的夾都唔用要客自己走出去pay?but oh well整體好舒服埋單123, 比150因為

由於附近比較多食肆，而八號餐廳位置又比較隱蔽，所以一直都未有試過，上星期才是第一次光顧。要了一個焗芝士什菌縲絲粉，而朋友點了咖哩吉列豬扒飯，都是套餐來的（有湯、麵包、飲品）。先來的是麵包和雜菜湯，麵包是一片長形包，但食味沒有特別，雜菜湯味道不錯，但看來忌廉湯比較好。到主盤，咖哩吉列豬扒飯很快便到，咖哩汁是日式，幸好我沒有要，不過聽說豬扒炸得不錯，過了數分鐘縲絲粉來了，芝士味夠，縲絲粉沒有太多水份，軟硬適中，雖然不能與OLIVA相比，但看看價錢牌，才不用$40，物有所值了。環境方面，燈光是暗的那一類，感覺還可以，不過還是迫了一點，但這倒是香港食肆的特點；服務方面，侍應不算得上熟手，但都很有禮貌，服務值得加分。

整體上間餐廳環境位置唔算開揚..所以好似比較清靜..同浪漫d...男友叫左1個煙三文魚意粉..ok 好味..我自己都係叫個焗飯...其實價錢就係以西餐算好抵...不過唔係叫非常好食囉...一分$$一分貨^^... 可能男友成晚拖住我隻手食..又互相餵對方食..所以咩都話好食..