八號餐廳

營業中

休息中

剛看了別人對此間店舖的評語，所以今晚便去試食。晚餐點了個鮮茄豬頸肉飯配可樂同雜菌芝士扭扭粉配西柚汁(很細杯明顯是果汁先生出品)。個飯不用5分鐘便來，飯溫一般，感覺像放了很久似的，幸好味道補救，飯偏軟，芝士汁多與飯融為一體，豬頸肉嫩但少，番茄略帶酸不太新鮮。總體一般。個粉27分鐘才到，並追了2次，明顯人手不足。幸好粉勝任夠熱，磨菇及冬菇新鮮，但芝士汁稀，粉上不了汁，食畢後碟底留下很多汁，失策。環境不錯，間中有飛蛾飛過，有鄉郊感覺。食宴途中播鄉土音樂，讓人放鬆。但缺點是空間感不足。

小弟去完客人屋企收文件, 獨自行到大埔中心覓食, 又見到佢好似幾多野食, 咁就入左去......講真D野食都幾好, 果次叫左個三文魚意粉都好得, 而且咖啡可以添飲, 仲可以選擇花茶及果茶......有次小弟同女友晚上十點才在教會離開, 想吃點東西但又唔想食太多野, 忽然想起呢度的茶餐全日供應, 於是又去呢度開餐.唯一一次唔係幾好既, 係情人節果晚個菇同埋個闊條麵麻麻地, 不過果晚氣氛都唔錯, 而且年青女待應仲不理係一家大細, 定係二人同行, 叫普通餐定當晚的「愛人共餐」, 每枱都派了一個小小的心心作為情人節禮物, 同埋果晚個等左廿五分鐘才有的甜品「心太軟」都好好味(看相), 雖然同一款甜品在Strawberry Forever及元朗某一間店(仲要同名)都有, 但它比較大件.同意其他食家講呢度, 日頭去食都幾有Sidewalk Cafe的Feel既, 而且又唔貴, 平日及星期六早上又唔駛加一, 待應同老板娘好好招呼, 全份餐牌的扒或者意粉都係有湯有飲品的Set, 所以一定會再去既.

一行４人去左八號餐廳DINNER～＄２８－３４／ｓｅｔ．一杯果汁+ 一個飯／意粉我order左個西柚汁，焗野菌芝士汁紐紋粉芝士汁比較稀~ 所以唔太漏~ 份量剛剛好~^.^其他人order左焗茄汁豬頸肉飯，咖哩吉列豬扒飯，煙三文魚蟹籽沙律．o個２個飯味道都唔錯～係個沙律有ｄｄ搵笨o既感覺＄１３２埋單（明明話唔收加一，但都係收左）

olive 太貴，扒王又行貨，在那邊行... 行... 行....以前晚市經過見這8號餐廳好爆，近日卒之去了吃午餐。我叫了卡邦拿意粉(即白汁意粉；紅汁叫拿坡倫意粉)；朋友叫了豬肋骨配薯條。意粉好有水準、口味正宗，比意粉屋還好吃。豬肋骨非太瘦都有肉食，但帶點雪藏味，可幸汁料惹味平衡下。午餐價約$35，但差唔多有齊晚市的熱門散餐款式，所以覺得好抵。散叫的甜品如pancake 或cheesecake 成$24以上，拍得住成份午餐。有點貴，叫唔落手。這裡的咖啡有很多口味，隨餐上的也不是cheap 0野，仲可refill 0忝。服務好似唔夠人手，叫幾次至有人應，但0的年輕人員工及老闆娘都好有禮。下午去無客滿又有點sidewalk cafe feel ~ 幾舒服的。為了它的意粉~ 我會再去的呀！

當日我朋友生日...所以我地慶祝完就去食飯..我地去左8號食飯..因為個度有朋友係僖個度做野..個日我就叫左個拿破倫意粉,,味道幾特別..值得一試..係個度做既朋友仲請左我地食香蕉船..and奶凍.,香蕉艘船好靚..好多朱古力..又有雪糕..正!奶凍面個層係cream..好滑..下面好重奶味..好香..一個奶凍大約15蚊..香蕉船唔太記得幾多錢了,

住大埔咁多年都未過此餐廳，每次都只是經過。今天終於有機會，跟姐各要了一個set，另加日本吉列蠔(5隻)。整體而言，味道麻麻，尤其是餐湯，姐要的青豆茸忌廉湯跟茶餐廳飲o個白色粉糊沒有太大分別，更遑論有青豆茸。所謂的意大利菜湯更是不知所謂，其實是雜菜清湯，味道十分奇怪。主菜白汁雞扒焗飯，姐說白汁極溜兼冇乜芝士味；我要的吉列龍，笎全係食麵粉，另叫的吉列蠔也是，上時很大隻，到食落先知隻蠔跟我的姆指差唔多size，可想而知那層炸粉有多厚，完全呃錢！ 不過，此餐廳有一可取之處，就是不收加一，兼免費添飲咖啡，還有所有主菜、pasta都係set，唔駛局住要午餐、飯餐，多好多選擇。