六両三.台灣食堂

營業中

休息中

今日同朋友嚟到觀塘呢一間台式餐廳食火鍋，湯底有五種選擇：蔬菜養生鍋、牛骨沙茶鍋、藥膳麻辣鍋、蕃茄昆布鍋或台式白胡椒鍋。火鍋可以選擇套餐或者單點。同朋友叫咗一個一人一鍋超值套餐（牛骨沙茶鍋），包自選肉盤一份（加$25 選擇左澳洲草飼M5牛頸脊 120g）、台灣好丸拼盤三粒（台灣燕餃、薑母鴨九、鱈魚丸）、雜菜盤一份（高麗菜、時令蔬菜、金針菇、大甲芋頭、玉米及蒟蒻）同自選主食一份（台灣粗麵）。一人餐嚟講份量十足，我同朋友兩個人叫一個餐，再單點火鍋料都好夠食！首先講吓個火鍋湯底，牛骨沙茶湯底味道濃郁，用嚟打邊爐一流，基本上唔需要額外再沾上其他醬料已經好夠味，好食，好推薦！亦可以喺調味料bar配搭醬汁：有乾蒜、蒜蓉、乾洋蔥、辣椒油、麻油、火鍋豉油、蔥等等。牛肉方面，真係一分錢一分貨，M5牛頸脊貴少少但牛肉油花已經靚好多，食落牛味香，肉質軟嫩！單點左澳洲M7和牛後腿肉眼150g $69，價錢唔貴，油花唔多，減肥人士可以叫，但我個人鍾意有多啲油脂嘅肉😂主食台灣粗麵彈牙爽口，超吸湯汁，每條麵條都好夠味，一份面可以發大到1.5倍，又飽肚又好食，推薦！之後就單點左蜂巢豆腐6件 $22 ，蜂巢豆腐吸收晒湯

六兩三：樓上好食處呢排天氣又凍返，想打返個邊爐🫕暖下身～所以就約左男朋友黎呢度食個二人邊爐套餐啦～開胃涼菜: 皮蛋豆腐豆腐上面淋左芝麻醬同撒左木魚碎，所以食落去唔單止有豆腐味，仲有醬汁嘅香味～加埋我鍾意食嘅皮蛋～完全唔會唔夾～ 食落其實幾清新，唔會覺得膩～好味好味！餐前小食：炸花枝丸咬之前記得吹一吹😂因為佢係即炸，如果唔係就好似我咁la親自己。味道👅幾好👍🏻而且仲有沙律醬點，夾埋好match ! 咬落都好有彈性🫶🏻🫶🏻邊爐🫕養生蔬菜鍋、牛骨沙茶湯底我就揀左個健康d嘅湯底啦～咁就唔怕打邊爐太肥啦～而男朋友就揀牛骨沙茶鍋，呢個鍋口味重啲，適合重口味嘅朋友仔🫶🏻打邊爐點少得牛肉呀🥩！我哋揀咗（1）M7和牛後腿肉眼+（2）M5牛頸脊🫶🏻好香嘅牛肉味，夾起淥佢10零秒就剛剛好！而價錢方面又唔會太貴🫶🏻仲有丸類同雜菜盤🫶🏻啲丸意外地幾好食幾彈牙！而且仲有燕餃😝蔬菜🥬都好新鮮～一定要食多d蔬菜均衡返營養啊～ 主食方面就揀咗珍珠米飯同冬粉🫶🏻🫶🏻晚餐點都要食返少少澱粉質先滿足嘅😌杞子桂花蜜！強烈推薦！冬天乾燥，飲一飲自己滋潤返！ 總結來講，呢度空間夠大，坐落好舒服，可以慢慢食個飽足嘅晚餐🍲

有啲掛住台灣想食番碗牛肉麵就去左六両三但去到又俾佢嘅小火鍋吸引住最後我嘅晚餐就由台灣牛肉麵變左打邊爐😂揀左二人火鍋set 都幾抵食可以揀開胃涼菜 小食 兩款鍋底 兩款肉 仲有蔬菜盤 丸類 主食 雪糕 我地揀左皮蛋豆腐同炸花枝丸皮蛋豆腐嘅醬油膏同木魚絲真係好有台灣風味花枝丸炸得好香 入面有花枝粒粒鍋底我地揀左蔬菜鍋同藥膳麻辣一個清甜 一個惹味 推介麻辣鍋 有幾件鴨血同豆腐 鴨血都幾滑肉盤就揀左豚腩肉同M5牛頸脊 每份120g都夠食 肉質都唔錯豚腩肉睇落肥但食落好爽口彈牙 推介主食我地揀左冬粉同粗麵 用麻辣湯煮好好味呀

心血來潮想食台式火鍋，見到apm隔離有，咁方便就衝咗去食🤪🤪上到去已經見到裝修好台味，木嘅設計，環境好舒服。我哋揀咗梳化位，好有風味。今次嗌咗2個火鍋，湯底分別係藥膳辣同埋沙茶。個沙茶好香！淥嘢之前一定要啖返兩啖，好香好惹味。個梅肉好大塊，每塊嘅脂肪都算平均分佈。除咗豬肉之外，仲加咗錢要個靚牛，有牛嘅味，淥完唔會好韌，仲冇乜肥肉，超正。小食就揀咗牛展頭同埋地瓜條。鐘意食辣嘅人可以叫牛展頭，我食完都出晒汗。地瓜條炸起好脆，配埋椒鹽，好食過豪XX，而且份量都好多。套餐有雪糕送，係曲奇味。最後就揀係配返杯古早味奶茶。店入面有自助吧，調味料可以自行去調教。

這次到六両三台灣食堂與朋友用膳，已經是第三次到來，是觀塘工業區聚會好地點。食物方面，這次點了蔬菜養生鍋套餐，十分適合想吃小鍋又想健康的朋友。由於是蔬菜湯底，味道適中不油膩，有蕃茄等配料做底，亦有雜菜盤一份，包含了高麗菜、金菇等等，份量充足。另外叫了鹿兒豚梅肉和澳洲牛後腿肉眼，兩種肉盤肉質理想，淥熟後不會韌至未能入口。花枝丸方面，味道十分香口，亦有鹽酥味，上碟時也是熱騰騰的。而皮蛋豆腐小吃的份量也比想像中大，味道清甜，十分適合與朋友共嘗。店舖環境和職員態度方面，店舖環境寬敞，晚上時份也不會太擁擠，是跟朋友相聚閒聊的好地點。而餐廳職員態度也是友善的，會提醒我跟朋友吃小鍋時需要注意甚麼事項，上菜速度亦為之理想。整體而言，就食物質素及價格、地理位置、店內環境來說，六両三這店子是可值得一試。

之前喺尖沙咀食過記得幾好食 佢係由台灣基隆人老闆主理 主推秘製紅燒牛肉麵 但原來佢喺觀塘開咗分店 玩埋邊爐😮‼️——————————————————————🐕藥膳麻辣鍋套餐（$138）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯包雜菜盤一份+丸三粒+主食+$25轉咗澳洲黑安格斯牛肩肉幾鐘意佢嘅豚梅肉 厚片又大塊 食落啖啖肉又夠腍身😛湯底方面它的麻辣屬於典型台灣款不是四川那種橫行霸道的麻酥辣是偏向內歛 後調才隱隱浮出的辣它辣椒豆瓣醬的辣香頗特出再混合了八角 肉桂的藥材飲落舒順 是易入口的麻辣湯配料額外叫了澎湖花枝丸就是喜歡它有粒粒花枝肉😝雜菜盤的大甲芋頭也很不錯質感綿密 芋香濃香突出主食揀了冬粉唔喺煙韌彈牙嗰種似蒸海鮮啲粉絲——————————————————————🐕 滷肉飯（$32）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯$32裝到滿滿真係好抵食肥膏入口即化卻不油膩😮醬汁調較得宜 盡滲飯內肥膏和咸甜醬汁交會同係台灣食到嘅好似😚如果有埋酸菜就仲正——————————————————————🐕 鹽酥雞（$38）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯鹽酥雞調味亦不錯炸皮輕薄酥脆 就算放涼都仲脆

呢間餐廳我朋友好鍾意返工過嚟食晏晝！坐得舒服，冷氣又夠！小食首先是炸墨汁墨魚扒，它外脆而且唔會太厚粉，墨魚食到一粒粒好有口感。鹹酥雞，它的外皮酥脆，內部則鮮嫩多汁，好似喺台灣當地食到一樣。再來是皮蛋豆腐，豆腐的滑嫩口感和皮蛋的鮮味相互融合，皮蛋質素好高！阿宏蔥油拌麵是一道經典的台灣小吃，麵條入口彈牙，搭配著香氣濃郁的蔥油，超級多蔥真係好正！牛腱牛肋條麵湯底夠晒深色，嚼勁十足的牛肉條和牛腱肉在口中融化，配上溏心蛋，為整道菜增添了豐富的口感。冬瓜檸懞茶(凍)是一種清涼的飲品，在炎熱的夏天特別受歡迎。它具有冬瓜的清甜和檸檬的酸爽，入口時帶來一陣陣涼爽感。蜂蜜咸金橘金橘的甜美和蜂蜜的香甜與微咸的味道相互融合，帶來一種獨特的風味體驗。

平日放工黎到APM附近食飯揀左呢間係國基集團中心既台灣餐廳位置幾方便 餐廳都幾大木系裝修座位之間加左竹簾 增加私隱度用QR code落單 送餐速度快我地叫左幾款小食 1飯1麵 甜品同飲品滷甜不辣 $28口感Q彈扎實 份量多醬汁小辣涼拌小黃瓜 $28爽脆開胃百頁豆腐 $25口感軟綿蕃茄炸墨汁墨魚扒麵 $83蕃茄湯濃郁粗麵口感適中炸墨汁墨魚扒 有驚喜炸粉唔厚 墨魚粒彈牙滷肉飯便當 $65滷肉肥瘦均勻滷蛋正常有2塊台灣腸仲有娃娃菜同芽菜 健康感覺飯份量多 下次可以揀少飯追加甜品 桂蜜躺雪山 $28大大碗 芋圓同仙草都有咬口冬瓜茶 $20可以揀凍定熱 正常糖度或者7分7分 唔會太甜無糖冷泡冷萃茶 走冰 $22當晚好多人都黎食台式火鍋下次天氣凍d 再黎試~

見呢間觀塘人氣小店有我住附近既朋友最鐘意既台式邊爐，於是就拉埋佢黎試下。食台式邊爐當然要整返杯台式野飲。大家都揀左仙草奶綠，我果杯係走甜少冰，朋友果杯係3分甜無冰，好貼心同個人化。仙草幾香滑，味道天然。我揀既蔬菜養生鍋好清新，有屋企煲湯既感覺。朋友既藥饍麻辣鍋辣度係X仔10小辣左右，咸度適中，就咁飲都無問題，有彈既鴨血豆腐，幾大眾化得黎又有台灣既感覺。雜菜盤每人一盤，份量幾多，種類仲要有成7至8款，例如有：金菇、白菜、雲耳、蕃茄、芋頭、白蘿蔔、粟米等...宜家出街食飯真係好少會有咁多菜食。望落同食落都幾新鮮。澳洲黑安格斯牛肩肉同美國Prime牛頸脊都只係套餐分別加$25同$40，食落有肉質彈牙爽口，絕對值得加錢升級。

今次嚟到觀塘呢間食台式嘢嘅餐廳食晚飯，餐廳裝修好有特色，牆上畫咗好靚嘅畫，而且座位好大好闊落，好啱約齊三五知己過嚟，完全夠位坐👍🏻👍🏻餐牌選擇好多，有唔同嘅set，可以揀食麵食便當或者火鍋😽😽😽套餐好抵食，有曬前菜同甜品，所以我哋最後揀咗2人火鍋套餐😋😋😋開胃涼菜我哋揀咗🧡皮蛋豆腐，超級好食🤤豆腐又香又滑，皮蛋超級多，切得好靚，連埋配料一齊食超級香餐前小食🧡地瓜條，份量好足夠，炸得好香，食落好甜~火鍋湯底🧡蔬菜養生鍋🧡牛骨沙茶鍋，兩個湯底都整得唔錯，適合唔同嘅人~肉類揀咗🧡鹿兒島豚梅肉🧡澳洲M7和牛後腿肉眼，肉質好鮮嫩，油脂均勻，特別係豚梅肉，值得一試😽最後🧡台灣粗麵，彈牙好食😋同🧡雪糕甜而不膩~

原來六両三都有火鍋食！今日同媽咪去觀塘，順便一人一鍋打邊爐。有自助火鍋醬料，鍾意食咩慢慢揀。每人叫咗一人火鍋套餐，藥膳麻辣火鍋好抵食，有埋鴨血同豆腐，好入味！叫咗一份鹿兒島豚梅肉同澳山M7和牛後腿肉眼，豚梅肉比較軟紫口，和牛後腿肉比較結實，一定係隻牛後腿郁得多。台灣燕餃、薑母鴨丸同鱈魚丸好地道，台式火鍋先食到，係幾特別。鱈魚丸味道似花枝丸，煙煙韌，幾好食！雜菜盤份量十足，芋頭、金針菇、粟米同蒟蒻等等，種類好多，平衡返個油膩感。蒟蒻好煙韌，好好味，似年糕。最後食埋個王子麵，吸哂個湯頭，好入味！加埋個秘製醬汁，撈勻個麵，真係一流，完全唔使加調味包。媽咪食冬粉，都係好掛湯，好入味。

小店覓食，呢間台灣食堂就系巧明街國基集團樓上4樓。整體裝修有小小日式feel，木元素為主，中央有吧枱俾食客自己調製點碟。位置算相當闊落，竹簾間隔都幾有feel，同埋仲有長長嘎面檔可以睇到師傅炮製牛肉麵。不過我們志不在此，因為我地系俾樓下一人一煲臺式小火鍋吸引上來的，甘就肯定要試下啦。店鋪仲有優惠活動，可以以優惠價換購多一份M7牛肉同埋兩份特飲，真系非常唔錯。距地主打無味精，關注食物健康，鍋底都相當有質素，我地就揀左蔬菜養生鍋X2。蔬菜盒夠新鮮，材料都相當豐富，有油麥菜，粟米，番茄同金菇等等，夠曬大份。我地更鐘意食牛多啲，所以upgrade咗M7肉眼同埋PRIME牛頸脊。M7肉眼系澳洲牛，因為系後腿肉，油脂更少一些，更有咬口，淥嘎時間可以適當控制，牛肉味會更為濃郁。PRIME系美國牛種，頸脊部位油脂分佈更為豐富，食落相當有牛油香味，滿口油香，肉質更為鮮嫩多汁。主食可以挑選唔同噶面，吸埋煲入面牛油香味，真系非常好食。飲品氣泡水都唔錯。

今日去觀塘購物，之後朋友提議去六両三.台灣食堂吃晚餐。今天天氣轉涼，我們决定食一人一鍋台式火鍋。一人一鍋超值套餐價錢實惠。小鍋湯底有三款，包括蔬菜養生鍋，牛骨沙茶鍋和藥膳麻辣鍋。自選肉可揀䐁肉或牛肉，套餐還有台灣好丸拼盤，雜菜盤一份和自選主食一份。醬料自助，不另收費。火鍋套餐可享追加優惠，加$48可享用澳洲M7和牛後腿肉眼一份和兩杯飲品。蔬菜養生鍋清淡，牛骨沙茶鍋惹味，各有千秋。鹿兒島䐁梅肉肉質靚，口感佳，不肥，食落有豬味。澳洲M7和牛後腿肉眼也不俗，有牛肉味唔韌。台灣燕餃，鱈魚丸和薑母鴨丸都好食，我最鐘意燕餃。雜菜盤好新鮮，有高麗菜，油麥菜，白蘿蔔，金針菇，番茄，椰菜，大甲芋頭，粟米和蒟蒻。大甲芋頭尤其美味，粉糯有特色，值得追加。主食台灣粗麵又滑又有咬口，吸滿湯汁美味。滷肉飯出色，份量又多又美味，豬肉肥美，米飯香。凍黑糖珍珠奶茶有茶味。追加甜品桂蜜躺雪山超值，又好睇又好味，內有桂花蜜，紅豆，仙草，芋圓和香草冰淇淋。大大碗夠兩個人分。今餐食得又飽又滿意，滿足口腹之欲之餘，食物相對健康，值得再訪。店環境舒適，店長和店員服務態度很好，讚!

今日天氣轉涼，同朋友出咗荃灣，經過國基集團中心，去咗4樓嘅六両三食台式火鍋。餐廳以木系風格為主，環境闊落舒適。六両三除咗台灣牛肉麵等台式美食，仲有台式火鍋一人一鍋套餐。火鍋套餐有3個湯底可以揀，配一份120g肉，一份台灣丸拼盤，一份雜菜盤同一份主食。除咗火鍋套餐，仲可以追加其他火鍋食材。我地點咗一個牛骨沙茶鍋套餐同一個藥膳麻辣鍋套餐。另外仲追加咗100g澳洲M7和牛後腿肉眼同2款台式飲品。餐廳仲有自助配料區。我地點咗3份肉，分別有澳洲M7和牛後腿肉(100g)、鹿兒島豚腩肉 (120g)、鹿兒島豚梅肉(120g)。豚腩肉肥而不膩，豚梅肉好大塊，食落一點都不韌。台灣丸同雜菜盤台灣丸有台灣燕餃、薑母鴨丸、鱈魚丸，味道唔錯。雜菜主要有高麗菜、金針菇、大甲芋頭、玉米同蒟蒻。我地點咗2杯小黑糖珍珠奶茶，珍珠夠煙韌，好飲。

有日Vivian想打邊，朋友想食牛肉麵，估唔到有餐廳有台灣野食，又可以打邊爐🥰Menu👉🏻👉🏻👉🏻QR code落單喔牛骨沙茶鍋套餐 $138超豐富，有碟份量唔少嘅豚肉，仲有燕餃、鴨丸&鱈魚丸，大量蔬菜，竟然有芋頭😙😙主食揀左王子麵請勿靠近之後加左$30麻辣鴨血（3件）鴨血好爽滑，好軟，一咬會有少少爆汁，雖然湯底係沙茶鍋，但用黎淥鴨血，都仲可以食到麻辣味（鴨血本身有麻辣入哂味）三寶牛肉麵 $95牛筋、牛腩and 牛𦟌，全部都好腍，之前去台灣食過好重口味嘅牛肉麵，而呢個唔會太重口味，牛肉香剛剛好，正正茉香綠茶奶蓋（涷）$28茉香味好天然，淡淡茶香加上奶蓋，好夾冬瓜茶 $20打住邊爐飲瓜冬瓜茶超爽，可以揀甜度，清爽又唔會太甜，正