六公館

營業中

休息中

今日同朋友黎試呢間好出名既中菜廳，環境靚食物高質而且服務亦好好!西班牙黑豚叉燒叉燒厚切而且燒得岩岩好，燶邊又有蜜糖既甘香。肉質嫩滑有肉汁而且豬肉味濃，就咁食當前菜好開胃!法國邊豆欖菜金柱炒飯炒飯粒粒分明而且完全唔油，每樣食材都好新鮮又唔會搶過其他味道，清清地幾好!雞湯浸菜苗菜苗份量唔算多但真係煮得岩岩好又唔會黃哂同乾，雞湯鮮味突出，直頭當湯飲埋都得!流沙球配雪糕呢個真係幾有驚喜，大量既黑芝麻加上流心既餡料，配上雪糕一齊食口感幾特別!

老公話帶我去間浪漫菜館食中菜，原來係黎海運大廈既呢間中菜館食!一入到黎已經俾個景靚到嘩一聲，落地玻璃對住維港嘆中菜真係超正!龍眼蜜燒西班牙黑豚叉燒睇下MENU就決定要叫呢個龍眼蜜燒西班牙黑豚叉燒，本人唔係好食肥叉，呢度既龍眼蜜燒西班牙黑豚叉燒同平時既叉燒唔同，龍眼蜜甜得黎有其獨有既味道，叉燒燒到燶邊真係勁香，一口咬落去肥瘦分明，超滋味!鮮茨實濃雞湯浸菜苗浸菜苗以為係好清，但加埋濃雞湯原來個味都可以咁正，鮮茨實帶俾呢度菜多一D口感，菜苗索哂D湯汁食落好似飲緊濃湯咁，健健康康唔錯!法國邊豆欖菜金柱炒飯一餐點都要有飯氣落肚!叫左呢個法國邊豆欖菜金柱炒飯，炒飯炒得粒粒分明又唔油，加埋欖菜咸咸香香好食又飽肚!流沙球伴雪糕最後叫埋甜品流沙球伴雪糕，流沙球係炸奶皇湯丸，咬落真係爆漿甜甜的好好食，伴既雪糕係芝麻雪糕，一冷一熱既配撘冇得輸!呢度走高檔路線，價格會偏貴，但對住呢個景食真係別有一番滋味，黎慶祝或者放工老闆請食飯就岩哂!

想食中菜，但又唔想咁悶就要試下呢間創意中菜喇～ 餐廳位於海港城，裝修高貴典雅。望住五光十色既維港美景🤩 加上美味佳餚，實在令人非常陶醉～😌🥰✨翡翠蟶子皇 $208呢個冷盆前菜帶有麻辣花椒香味，但唔會好辣。蟶子幾大隻鮮甜、爽口彈牙，好新鮮！配埋萵筍絲，微辣爽脆，係一道唔錯嘅開胃菜 。👍🏻😋😚✨ 鮮柚子鱈場蟹腳 $188菜式以鱈場蟹腳殼來做裝飾，鱈場蟹腳巳預先起肉，伴柚子肉、青瓜絲、果仁碎等，配酸甜既醬汁，清香怡人。✨龍井熏太爺雞 🐓 $328侍應會喺上枱時先打開蓋，一打開係陣好香既龍井煙熏味同淡淡既玫瑰露香氣。雞肉已一早起骨，啖啖肉非常嫩滑，雞皮香甜帶茶香，食一啖茶韻已令人齒頰留香。😌✨ 班片肉鬆脆米魚湯泡飯 🐟🍲 $278奶白色既魚湯濃郁鮮甜，裡面有嫩滑既東星班片、肉碎、絲瓜同冬菇粒。將炸到金黃色既脆米倒入泡飯，令泡飯有白飯同脆米兩種唔同質感，口感豐富。😋

同朋友想食點心坐得好啲，就去咗尖沙咀嘅六公館。坐低茶揀咗水仙$28/位。茶味都幾香。我哋叫咗幾款點心一齊食。▶️山葵海蜇頭$128分量唔算好多，海蜇頭好爽口，前菜唔錯。▶️水晶蝦餃$78一份有三粒，蝦餃幾爽口、蝦餃皮唔會太厚。▶️魚籽燒賣$72面上有黑魚子及蝦，外皮係綠色幾精緻。燒賣熱辣辣都幾好食！▶️松露野菌餃$62黑松露味幾香，入邊有好多野菌粒粒，非常飽滿！▶️黑豚叉燒腸粉$72黑豚肉真係特別香，腸粉幾滑身。▶️脆皮蘿蔔糕$92脆皮蘿蔔糕，一件件炸得香脆！餐廳好舒服，可以望到出邊海景，慢慢嘆茶！

☀︎ 𝗦𝘂𝗺𝗺𝗮𝗿𝘆：位於尖沙咀海旁嘅「六公館」分成室內室外兩Part室內裝潢以時尚典雅高級格調為題同時設有酒吧室外的露天雅座，飽覽270度維港海景氣氛浪漫有情調..◈ 日本金柚手撕脆皮雞 $238只係前菜就可見廚師功架雞皮燒至奇脆，如薄紙般脆口手撕雞肉肉質細嫩帶鹹香再添入條條青瓜絲及紅柚子肉增添清爽感同時帶黎微微的果香甜酸，實在開胃.◈ 法國邊豆欖菜金柱炒飯 $268炒飯粒粒分明，米粒潔白晶瑩，飯香濃郁加入砲瑤柱絲，法國邊豆粒，欖菜，蛋白等啖啖口感豐富，鹹香惹味加入瑤柱元素，令整個炒飯增添不少鮮香.◈ 避風塘茄子 $228又係一道令人讚歎嘅菜式口感如似油炸鬼般入口薄脆鬆化，內裡茄肉柔軟綿腍香口但不油膩加上大量炸蒜粒香氣十足同時又帶滿滿嘅蒜香.◈ 阿拉斯加鱈場蟹酸辣羹 $188以阿拉斯加鱈場蟹肉為主角口感濃稠，集酸，辣，鹹，鮮，香為一配料豐富，入口順滑更附上迷你蠟燭一直燃燒Keep住暖笠笠的溫度.◈ 茉莉花茶味意式奶凍 $158造型吸睛，一上枱於見到仙氣飄散入口冰涼如豆腐般嘅柔嫩，細膩又富彈性淡淡嘅茉莉花香，甜中帶茶甘配合住朱古力磚及抺茶粉令味道更富層次感

尖沙咀海運大廈的「六公館」，一直以來都主打精緻細膩嘅美食而享譽同儕！ 這個晚上，我們二人點了四個菜式，一邊享受著餐廳舒適的氛圍、美好的環境及景觀；一邊陶醉於獨特滋味的食品，實人生一大樂事！咁【咕嚕鬈毛豬脆】近似於咕嚕肉，但吃落全沒一點硬綁綁的感覺，肉質軟嫩，外皮薄薄一層，酥香工整，粒粒飽滿圓潤，非常好吃。【螯蟹無骨脆皮雞】雞肉去骨軟腍，極之香口，外皮夠薄又脆，配上大閘蟹蟹肉和蟹膏，更能突顯與眾不同的滋味。 雞肉和蟹粉味道出奇地很搭配，難得。【螯蟹花膠墨魚麵】相對於前者，稍為失色。花膠口感彈牙，帶些黏稠煙韌。金黄色的蟹粉汁讓墨魚麵的黑色更顯亮澤。 只是螯蟹的分量太少，不能全面沖擊出墨魚和螯蟹膏的鮮味，令人有些許平淡的感覺！【日本百合香芹炒白玉木耳】像極一碟雜薈蔬菜，內裏還有冬菇粒、馬蹄、蓮藕和豆乾。 百合非常香口、蓮藕片切得薄薄有咬勁、白玉木耳軟腍、馬蹄切到長條型，爽甜！

好難得係屋企人主動話想去某間餐廳飲茶。星期六未開門已經有人等位，我地walk-in黎到被安排坐沙發卡位。坐低望住個海景即刻身心舒暢食物：我地主要order點心。首先上菜既係川味燒賣，expected係水煮魚咁或者係麻香味重，但事實係超級無敵鹹！鹹既程度甚至令我連續食幾樣嘢都食唔到咩味晨早流流不適宜太刺激味蕾，不推薦小籠包一般呢度有一道主打菜係叉燒，要幾百蚊一碟，諗住就算唔係同一舊叉燒，應該都唔會差既，所以order左叉燒包。的確，唔難食，但都冇乜特別。呢碟係唯一覺得好食既豆腐蝦多士：鹹.三個人飲茶$1000埋單，個景係飲得杯落，但比得呢個價錢，我會期望味道配得上價錢。

大隻仔今次覓食嘅店舖就係💥 六公館 HEXA 💥 大隻仔今日去一間好fancy既餐廳，進入餐廳前要穿過電梯搭落一層，感覺好神秘。餐廳裝修真係好靚，落地大玻璃，270度維港景致。大隻仔估唔到餐廳唔只係食環境，連食物都超級好食，大隻仔覺得食物水準達到米芝蓮級數，可惜服務就真係好一般。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 晚市套餐 $888 （另加一服務費）頭盤1）担担滷肉酥酥皮好脆，滷肉味道好好，味道濃，滷肉多汁。2）日本鮮鮑魚柚子沙律九孔鮑魚新鮮彈牙，配柚子沙律味道清新。3）松露法國邊豆松露牛油味香。湯4）日本靜岡蜜瓜燉雪雁成碗湯好清甜，靜岡蜜瓜好甜，鴨肉唔乾唔柴。主菜5）虎蝦球配意大利鮮蕃茄汁虎蝦超級大隻，肉質彈牙，超級好食，蕃茄汁清甜唔會酸，食得出完全冇用茄汁調味。6）法蔥焗慢煮牛肋骨用法蔥造成嘅汁配牛肋肉好夾，配上新鮮四川紅胡椒粒點綴。牛肋肉牛肉味好濃，好軟冧，入口即溶。7）松露羊肚菌浸菜苗可惜用養殖羊肚菌，羊肚

.[🇭🇰香港- 尖沙咀].菜式都幾新穎, 尤其係點心方面好似 “酸菜魚鮮竹蝦卷”, “和牛芋角”, “黑鱈魚餃”…Lunch Set 比單點抵食, 除左有三款點心, 仲有湯, 虎蝦球, 潤肝醬撈菜苗…最鐘意係個“馬友鹹魚九洲雞頸柳炒脆米” 炒得夠乾身又有鹹香味不過服務態度真係要作善下😤.🔻🍽 六公館📌 地址: 尖沙咀廣東道3-27號海港城海運大廈地下OTE 101號舖.#tummysreadyattsimshatsui #tummysreadyforchinese

朋友話想食慶祝生日 所以就上網搵咗呢間位於尖沙咀海港城嘅六公館🥢呢度嘅裝修都唔錯 樓底高配上華麗吊燈 感覺高級坐擁維港靚景 視覺享受呀！前菜：山葵周山海蜇頭$198睇落帶有光澤 新鮮花椒伴碟~海蜇頭片大平整 好爽口又有嚼勁 清爽帶點山葵味 比一般海蜇口感更加爽脆 真係好開胃呢😋前菜：日本金柚手撕脆皮雞$238雞皮炸得十分香脆 同時不會太油膩熱氣口感做得唔錯 值得一讚 😜另外手撕雞混合了青瓜絲和柚子條食落去酸酸地 非常開胃 香口惹味肉類：意大利蕃茄燴牛膝$368牛骨同埋車厘茄伴碟 令人賞心悅目牛膝炆得稔滑 肉質軟嫩入味 油潤甘香 同左意大利蕃茄汁燴製而成 味道酸酸甜甜咬落juicy之餘 仲有啖啖牛肉香味💕 發揮得淋漓盡致飯類：班片肉鬆脆米魚湯泡飯$298令人意外同埋驚喜嘅係入面有帶子呢個食材✨令到原本鮮甜嘅魚湯更進昇華入面嘅配料有肉鬆、勝瓜、鹹菜 口感豐富最值得一讚嘅係脆米粒 配埋熱辣辣嘅魚湯出面食泡飯好少會咁細心架出去影下相總的來說是一次很好的體驗整體而言service一流 冇得彈~

🌟餐廳：六公館📍地址：尖沙咀廣東道3-27號海港城海運大廈地下OTE 101號舖💰價位：～$400⏰營業時間：星期一至日 11:30 - 23:45📱電話：2577 1668呢排工作忙碌，成日捱夜唔夠訓，多得媽媽不時煲d靚湯比我調理下，滋潤身心！難得今日終於有時間抖抖，媽媽最鍾意飲茶，一於約佢中午一齊去「六公館」呢間新派中菜館嘆返個下午茶，慰勞下佢呢排成日煮飯煲湯比我！餐廳位於海港城，落地玻璃坐擁絕美維港景色，主打新派中菜及點心，具創意之餘，亦保留傳統中菜既精髓。———————————————————🌟茗茶🌟🔹獅峰龍井 - 茶色清澈，口感鮮爽，入口啖啖甘香🔹杭州胎菊 - 色澤金黃，帶有啖啖蜜香———————————————————🌟點心🌟🔹黑豚叉燒腸粉腸粉皮薄得黎餡料非常飽滿，而且黑豚叉燒肥瘦適中，口感十足！———————————————————🔹窩夫蝦春卷無論賣相定味道都一流！擺盤夠哂精緻，入口蝦肉爽彈又足料，外層香脆，加埋用特調芒果沙律醬，好清新，搭配春卷一流～———————————————————🔹千絲蘿蔔酥外層炸至金黃酥脆，蘿蔔絲好幼細精緻，而且仲好清甜，食落完全唔油膩！———

一直都想黎呢間餐廳，因為坐户外可以望到海景，仲有影相時職員會幫你打燈，無論係環境、服務都一流。乳鴿係要預先訂購，每日限量10隻。即時點柴火，食嘅時候熱辣辣，乳鴿皮更脆身！用咗雞骨草同咖啡豆醃製過，味道特別又滋味！意大利蕃茄燴牛膝已經貼心地拆了肉，牛肉好軟稔，煮得好入味，又甜又酸，幾開胃。份量就吾算好多~松茸羊肚菌海膽燴飯招牌推介菜之一！首先正中間有一大舊海膽，好鮮甜！醬汁好好味，而且用咗羊肚菌汁，多數都係用黑松露汁，已經食到好厭🤣欣賞呢度搞搞新意思😍啲飯不會係意大利嗰種做法咁硬，係軟綿綿的~茉莉花茶味意式奶涷佢哋個甜品好快賣!晒建議大家要落定先，再後上。奶涷好香花茶味，可以配搭開心果一齊食，效果不錯！

終於去bookmark 咗好耐嘅餐廳食飯🥳 好開心！唔少朋友都推薦🐷龍眼蜜燒西班牙黑豚叉燒，確實係好好食😋 厚切半肥瘦叉燒脂肉均勻，肉質十分嫩滑軟腍，蜜味濃郁，仲有提子乾伴碟，為味蕾帶嚟甜蜜變奏 ❤️🎃原個日本南瓜燴蛋白係一道令人驚喜嘅菜式，南瓜肉非常香甜，口感軟滑，推介👍🏽🐑黑蒜焗羊鞍，羊味濃郁，配上黑蒜味道不錯，不過用黑色碟盛載，為羊架添上保護色，擺盤略為失色🍄黑虎掌京燒板豆腐，板豆腐軟硬適中，不會鬆散，配上野菌，調味香濃🐟斑片肉鬆脆米魚湯泡飯，魚湯味道鮮甜，可自行倒脆米入泡飯，整體口感及味道很好👍🏽🦪法國龍眼蜜煎金蠔可按人數加份量，不過味道較為一般，內外都冇香煎味道同口感餐廳位於海港城，坐擁無敵大海景，並採用落地大玻璃，用餐時可以飽覽維港景色，夜晚燈光偏暗，別有一番情調✨ 餐廳座位闊落，與鄰枱之間空間亦充足，適合家人好友共聚

餐廳乾淨企理，環境闊落，還可一邊飲茶，一邊享受無敵大海景，點心也精緻，感覺很寫意～開了一壺玫瑰荔枝茶，有著玫瑰的優香，荔枝的香氣，茶味濃郁，超好喝～松茸雞湯灌湯餃～餃子餡都塞得滿滿的，有鮮蝦、冬菇、豬肉等等，湯頭清甜～公館小籠包～湯汁很多，夾起時最好用匙羹幫忙一下，豬肉餡也滿滿足料的～松露野菌餃～松露味很香，愛吃菇菌味的一定超愛，野菌加上松露的香味同吃，令人難以忘懷～黑豚叉燒包～叉燒醬的味道剛剛好，黑豚肉的豬肉味濃郁，簡單的一個叉燒包，已令人吃不停口～師傅棗皇糕～一層椰汁糕，一層紅棗糕的互疊數層，入口香甜軟糯，棗香濃郁～

今天午餐一行2人來到吃午餐， 人不太多， 侍應安排了位置， 樓底高， 景觀開陽有海景。 我冇分別order 了蝦餃，叉燒腸，窩夫蝦春卷和和牛干炒牛河， 最後有紅棗糕。 首先蝦餃，叉燒賜和紅棗糕賣相一般， 完全想不到出自高級餐廳， 食物質素跟普通酒家差不多。 只有個窩夫蝦春卷做得不錯，爽口熱辣辣。 最後和牛干牛河， 太油膩， 太甜， 很難想像出自高級餐廳. 最後值得一提是服務方面， 服務員口黑臉黑， 最後一粒蝦餃剛剛夾了去吃，便突然過咗一聲不發的全部收掉，為知驚訝！