六十六十火鍋 (已結業)

已經第三次幫襯，今次揀咗粥底套餐。海鮮選擇左扇貝、鮑魚、肉蟹、海蝦、魷魚、大顯。鮑魚同扇貝同之前一樣都係咁大隻。因為非常樣樣海鮮都新鮮。所以只要用清湯滾一滾已經鮮甜。配菜選了肥牛、西班牙豬肉片、響鈴、生菜、鴨血。樣樣都唔錯。滾完所有嘢。個湯吸收晒所有海鮮精華，店員幫我哋加咗南瓜、芋頭、豬油渣、菜譜、芫荽。用依幾種配料煲粥。真係超好食😋我好鍾意幫襯呢間舖頭其中一個原因。係因為明碼實價。唔使加一。每人$200一位。

一行六人想食粥底火鍋，就揀左六十六十試下，四個人叫粥底火鍋，兩個人叫椰子雞湯底，仲叫左好多枝啤酒，額外叫左份雞，但大部分人都食唔飽，食完仲有兩個人肚屙！椰子湯底好油，味道一般，佢唔會係你面前拎成個椰子倒椰子水落去個鍋，所以唔知係咪純椰子水。啲雞件都ok好味，但份量真係少，完全唔夠食。粥底火鍋海鮮唔太新鮮，有啲味，貝類都無沙既，最後放晒蠔仔拎去煲粥，但粥底比較稀，係食過咁多間粥底最差個間，完全不推薦！

見到三百幾個like ，以為好得，點知 真係好麻麻， 我去樓下求其佳寶 買菜同肉都好過呢間野🥲臭午餐肉 臭魚 其他食材都吾多新鮮😭😭😭呢間野實係咪無心經營 佢既三百幾個like 係點得返來

去Fd屋企玩，唔想去街市同人迫買材料所以叫外賣。用外賣app叫，見佢Open rice好評咁多，一定唔會差得去邊。點知🚁🚁🚁伏到pk.4個女仔，叫左一個椰子海南雞海鮮火鍋套餐，2個超值火鍋套餐，三個都係一人套餐，佢嘅一人套餐材料真係好少，份量少到有啲離譜。仲有唔同嘅肉都放埋同一個食物盒裏面，超唔衛生，同埋核突。之後我地自己夾手夾腳將佢地分開放放。枱面上圈住係我朋友自己食材，仲有一大袋餃子，如果冇呢啲真係唔飽。食材方面：竟然五餐肉有怪味，其他食材都好一般。海鮮較為好，啲貝殼類無沙。真心唔知點解咁多好評，唔會再幫襯。

三五知己聚餐，見食評好，就訂咗星期四來食，入座計2.5hrs, 客人算多，但未見滿座，坐位寬敞舒適。叫咗椰子雞湯底套餐，湯無椰子味，雞份量多，但同樣無味；8款海鮮，包括鮑魚，扇貝，魚，蝦，蜆*2，鮮魷，花甲，除咗蝦新鮮有蝦味外，其他全部無味；6款配料除咗生菜，其餘無一可取，花膠仔，蟹籽丸及魚皮餃，無味兼有啲硬，龍眼般大小的手打墨魚丸，無味兼唔彈口，超薄嘅炸魚皮，入口即溶，仿如無物。總括來講，環境及職員態度幾好，食物方便就唔多定了。

冇得返大陸，唯有喺香港搵椰子雞食！見呢間60 60火鍋好似幾抵食，於是我哋幾個就黎試吓佢嘅椰子雞火鍋套餐🤣椰子海南文昌雞湯雞索晒椰子湯嘅精華，10分鮮甜鮑魚鮮甜美味扇貝扇貝吸左椰子湯汁，令其鮮味更為突出鮮魷爽口彈牙花甲鮮甜西班牙梅頭肉簿切，616就熟啦，口感唔錯美國肥牛打邊爐點可以少得肥牛呢🤣海蝦啲蝦超生猛，上到枱都仲係跳跳紥，好鮮美當然都唔少得其他配料啦，萵筍，響鈴，知足，手打墨魚丸，金菇，蘿蔔，鮮淮山等等等總括來講二百零蚊一個人又唔算好貴，嘢食多款，味道不過不失，都係一個唔錯選擇

好耐未食過椰子雞呀呢間位於長沙灣嘅椰子雞真係都幾出色個湯底好鮮甜另外佢個海鮮都好足料基本上食完海鮮同雞都已經飽哂加埋其他配菜真係肚腩仔都突晒出嚟另外一題我覺得個炸魚皮都好正仲encore左兩份鍾意食椰子雞既朋友真係可以試一試

今日收工突然心血來潮想打邊爐，上網搵一搵發現原來六十六十火鍋有粥底火鍋，馬上決定試一試。上一次食粥底已經係幾年前，當時粥底火鍋岩岩興起，幾年之後再帶住興奮嘅心情再去一試，果然冇令我失望。由於係即興去打邊爐，擔心會冇位，所以打左電話確認左先出發。最後walk-in入去，當時都已經有大約1/3枱坐左係到，到我離場嘅時候，得反3張吉枱，都好爆場下。一入到去，會先遞上熱水比你清洗碗碟，店員會提醒你要洗埋一陣會用到嘅夾，湯匙，值得一讚👍🏻洗完碗碟就好快送上調味配料（蔥花、芫荽、辣椒、豉油、蒜頭）都系一般會用到嘅配料。之後好快就上湯底，咁當然就係簡左粥底啦！海鮮方面，我地簡左肉蟹、鮑魚、扇貝、蠔、魷魚、花甲+兩款指定貝類-沙白&大蜆。海鮮好鮮甜，食得出係新鮮，所有貝類都冇沙好乾淨👍🏻唯獨係肉蟹有小小美中不足，因為個肉質有小小（梅），但整體黎講都好滿意☺️自選六款配料方面，我地簡左午餐肉、芝士腸、魚皮餃、美國肥牛、雞件、響鈴。雞件好滑，響鈴大大條唔似出面買現成嘅，肥牛好鮮，滾兩下就食得，唔會好（鞋）👍🏻其他就現成野冇乜特別🙂由於份量係按人頭，所以每樣野都係只有每人三件左右，枱上有QR code 可以掃

食海鮮又唔想咁貴，200蚊一位可以食到咩？答案係8份海鮮+6份高質打邊爐靚料+特鮮甜靚粥！！1.肉蟹蟹膏超爆多，蟹大隻好多肉，蟹鉗淡淡肉蟹腳每隻都可以食到肉。肉質非常鮮嫩，煮11分鐘到火候恰到好處，好鮮！蟹膏煲左落湯鍋入面香味撲鼻，一絕2.蠔蠔係細細仔，煮完又唔會點縮水。份量好多，好滿意。味道亦算鮮，口感唔錯。3.象拔蚌象拔蚌好大隻，肉質有嚼勁，可能煮耐左d。不過味道唔鮮，且有d沙囊要清走。4.活魚唔多識係咩魚，都幾嫩滑，魚味就只係普通。份量都唔少，四大件。5.帶子帶子煮得太耐好韌，而本身鮮味真係唔得，係全晚最失望。其餘仲有2份蜆及1份花甲冇影相，蜆都鮮味，花甲就一般。食完海鮮仲可揀六種食物。所有食物都好新鮮。而且真係鮮甜到難以形容相信係因為煲湯已經匯聚左海鮮嘅精華。無論冬菇，娃娃菜，肥牛，花膠都非常鮮味，加上超甜粟，正到暈。最後落埋d配料做粥底煲埋食，又夠飽，又好食。當日仲咁好彩可以安排到我地兩人坐4人枱，好爽

探店「六十六十火鍋」第一次幫襯，唔知要book位，直接walk in，不過店員好快就有位俾我哋椰子🥥海南文昌雞湯底湯底好好飲，鮮甜肉蟹，鮑魚（仲識郁），扇貝全部都好新鮮3個人食真係食到好飽，仲食唔晒

$250位椰子海南雞，再配8款海鮮6款配料，聽落唔係好多嘢食，但事實係未食到配料，已經有飽肚嘅情況出現。首先阿姐話要食咗隻雞先，四個人嘅份量就係咁啦椰子雞湯入邊有竹笙及椰子肉，香噴噴又清甜。不過需要自己去油！海鮮份量足，而且都新鮮！仲有兩款免費嘅貝殼類估唔到配菜都唔係heahea下！我地揀咗鴨血同萵筍炸魚皮及手打墨魚丸西班牙梅頭肉美國肥牛，齋睇都知道靚！我哋四個都好滿意，食到飽晒，好滿足，開開心心吹完水返歸！

無啦啦啦想食火鍋 就上網search下有咩介紹見到依家有小妹喜愛既椰子🥥湯底 就簡左依間在無book位情況下 walkin 竟然即刻有位坐底之後 佢比左張餐紙我地點 同埋熱水洗餐具（小妹少影相 所以無乜相片） 我地最後簡左........：湯底🥣：椰子文昌雞海鮮🦞：蝦、蟹、帶子、魚、蠔、飽魚、湯貝（唔記得左叫咩名 但係屬蜆類）火鍋🍲配料：鮮准山、鴨紅、肥牛、豬肉片、芝士腸、響鈴—————————————————————首先一黎 就黎左個湯底 同雞（本身湯底包左一人一份雞） 同埋海鮮類 放完之後無曬位然後個職員順便同我地講點食個椰子雞 （佢好快話 煲滾個湯 放雞 滾返熄火 焗五分鐘）我地好聽話跟佢指示 入邊個湯本身包竹笙、椰子肉同（唔記得咗點叫 白色一舊 爽爽地 未㓟皮前係黑色栗子🌰既樣）煮好左 我地就食雞連湯 個湯好甜 值回票價😋😋 d雞肉就好新鮮 唔錯之後加湯再落海鮮🦞由於個湯比我地飲曬咁濟 我地個煲好似重新煲一樣 但個煲蓋一早比人收左 無再比返我地.... 海鮮篇：（餐廳既海報叫人掃QR code 睇下啲野食點煮 但入唔到去 放棄左）蝦：生猛 鮮甜蜆：可接受魚：新鮮 有肉地 但多大

一早訂左位佢有兩個時段我地揀左後段應詃無咁早肚餓呀黎到唔駛等位直接入座可能疫情關係唔算好FULL十五十六揀粥底定椰青海南文昌雞鍋掙扎左一陣最後椰青海南文昌雞鍋勝出先食個湯底個椰子湯好清甜係加左幾次湯之後都係無溝到好淡呢個好讚雞肉都幾滑無話有D位好鞋呢個都係難得既海鮮好新鮮係個象拔蚌仔我地自己計時出錯搞到淥耐左UN左DD食完餐飯都幾飽仲要有D配料食唔晒我地已經無揀好多肉(西班牙梅頭肉, 炸魚皮, 蟹柳, 唐生菜, 午餐肉, 萵苣)真係擔心唔夠飽可以揀烏冬的中間有個小插曲食緊海鮮時突然個湯變到好黑我地估應該係貝類有泥同個STAFF講佢都即刻好歉意換過湯比我地講左幾次唔好意思我地覺得件事都唔係佢地問題總括黎講各方面都幾好下次會試下粥底呀

諗起之前食過六十六勁抵食，海鮮好新鮮，於是趁朋友生日又黎食。椰子雞湯好清甜，果晚叫左海鮮: 蝦，花甲，蠔，蝗子同扇貝，全部都好乾淨新鮮大大隻嘅，上湯底，雞件同海鮮速度都好快。係略嫌兩個人打對面坐枱面比較窄，同埋果晚都幾full,侍應又放緊飯唔夠人手，要等一等先搵到侍應。總括嚟講，都好滿足，二百幾蚊新鮮清甜湯底（唔係味精湯)，侍應主動加湯)，仲要海鮮款款生猛，大大隻！

做細的我被浩哥點左去book位早一日book都勉強book到準時8點入去即刻幫我地執位我呢4個叫了以上食物D食物來得好快 但個煲等左好耐不過係值得等候個椰子雞係不錯（雖然我地有人不喜歡椰子~）海鮮好新鮮 仲識郁好生猛海鮮椰子雞 （這個是2人分量）其他火鍋配料咩都好滿意唯一不好就係咩都叫N人分量（雖然我地都冇要求 未必唔得）BTW真係要預多D時間打邊爐D火鍋料夠我地由8點半食到11點幾由頭到尾冇人吹我地走D服務員都識得自動波加水服務態度都唔錯值得黎第二次！！！