六十六十火鍋 (已結業)

復活節長假前的晚上，約左另一半去屋企附近新開張無耐既火鍋店。本身想去食粥底，點知見到有$248一位海南椰子雞煲，之前係深圳食過好正，所以就揀左黎試。Book了八點半位，一去到前一輪d人仲未走，但等左5-10分鐘就有位了。雖然人流都好多，但員工都好有禮貌咁帶我地埋位坐，仲好細心介紹d野食同落單方法。我地揀左最出名嘅海南椰子雞煲，先來了一份雞，d雞食得出唔係雪藏雞，因為d雞骨入面無咩血，都係新鮮的（老闆講明係海南雞)，真心唔錯。食完雞，飲淡湯，好鮮甜。之後仲有海鮮，d海鮮好新鮮，有蟹，蚌，好大隻嘅扇貝，蠔，沙白，蜆。D蟹新鮮到仲識動的。呢一餐真係好豐富，食完雞同海鮮仲可以揀6款邊爐料，有西班牙豬肉，美國肥牛呢d揀，呢兩個肉都好好食，好有肉味，絕對係好抵食，d食材絕對對得住個價錢，好飽好滿足，人均300蚊唔洗，呢個價出到尖沙咀同cwb應該要400-500一位，一定會再黎！

一路都想試下粥底火銅，之後朋友就推薦左我黎六十六十試，話食過超抵食。😗😗入到去當然揀粥底，雖然話就話粥底，但其實係用清湯打邊爐最後先會落配料同底去煮。海鮮方面我同朋友揀左鮑魚，帶子，聖子，魷魚，蝦，花甲同油貝。另外邊爐料就揀左，豆卜，娃娃菜，牛肉同手打蝦滑。🥳🥳呢餐首先會食哂海鮮先，海鮮全部都好新鮮同鮮甜。由其是蝦，上既時候仲好生猛咁跳。鮑魚勁大隻，全部海鮮都睇得出係有水準保證。😜😜再到邊爐料，其實就全部都差唔多，差在個湯底用左海鮮提味再淥黎食會更加好味。超正。最後粥底係落左啲酸菜，油渣之類去煮，配埋一開始啲料既味，超香超甜，絕對值得一試。

朋友生日飯，試食海鮮火鍋由同事介紹，訂了8:30至11:00時段2位一到便見有不少人在門外等，座位差不多座滿以為是分時段，8:30便會全部走人原來唔係，話不繁忙時間，有枱的話可以不跟佢個時段的，想食的朋友可以留意下我們被安排一張6人枱,一邊座3個那一種情況有點尷尬，因為得好少位擺野2人枱都座滿，無辦法食物方面，可以自選幾樣海鮮，貝殼類好鮮甜，虾都好味道聖子，蟹同鮑魚好大隻，不過隻蟹唔夠甜，但肉質都好好總括海鮮類唔會失望各樣食物都唔錯個椰子湯底好正，好好飲我地食完啲餸，都唔洗加粥底了(一人加10蚊)價錢一人248，不用加一，非常底食

好少去呢頭食野，今日去開黃金買野，買完終於食到呢間海鮮火鍋，mark左好耐架啦😂😂！雖然天氣暖左，但係人氣都無減喎！男朋友話想食蕃茄泡飯鍋，驚粥底會太淡喎。蕃茄薯仔鍋都唔太重味，甜得黎又唔會遮到海鮮既味道。呢到唔係任食，不過可以揀8款海鮮同6款配料，我地揀左蟶子，d貝類，鮑魚等等，好新鮮，隻鮑魚仲郁郁下！😱😱😱配料都幾多野揀，魚皮好脆好好食👍🏿👍🏿最後店員會幫我地整泡飯，食埋就岩岩好，飽哂😋😋😋

前排聽朋友講話呢間火鍋好掋食，質素又唔錯，於是就諗住試下。之前上網睇過下，見到好多人去食，所以今次就一早打去book定位。去到既時候見到門口已經貼住滿座，好彩有一早訂枱！呢度有三款海鮮火鍋套餐揀，每個餐都會包八款海鮮同六款配料。我同朋友就揀左蕃茄濃湯脆米泡飯套餐，海鮮就揀咗鮑魚、扇貝、肉蟹、蠔、海蝦同鮮魷，同埋有兩款指定貝類。鮑魚同扇貝都幾大隻，食落好鮮甜。啲貝類一啲沙都冇，亦好有鮮味。蠔份量都幾多。而鮮魷就好彈牙。上海蝦嘅時候，侍應用個蓋琴住啲海蝦同我地講啲蝦好生猛，落嘅時候小心佢跳出來。然後我打開個蓋，啲蝦真係仲識郁，想跳出黎咁，證明真係好新鮮。而我最鍾意食嘅肉蟹配番茄湯底真係一流，完全係襯托到肉蟹嘅鮮甜，仲有少少膏，正！食晒啲海鮮其實已經好飽，六款配料我哋嗌左美國肥牛、娃娃菜、炸魚皮、午餐肉、墨魚丸同牛丸。最後我同朋友都飽到食唔哂，所以我哋索性叫佢唔使比飯我地。但係用佢最後打完邊爐嘅湯黎煮個泡飯一定好好食好鮮甜，因為係聚集左咁多款海鮮嘅鮮味。下次嚟我一定要預留個肚食埋個泡飯！

今日朋友突然話想食海鮮，又好想打邊爐，所以我哋就決定食個海鮮火鍋，一餐搞掂曬！上網見到呢間海鮮火鍋店嘅海鮮好多人都讚佢新鮮，所以就一於試下！佢係好似一個set咁叫嘅，先揀咗一個湯底，然後再根據指示喺唔同嘅Area揀唔同數量嘅自選海鮮或配料，不過我哋兩個人揀嘅嘢要一樣，所以都要傾下大家想食咩先揀到呢度通常嘅做法都係食咗海鮮先，之後先會再食其他配料，呢度嘅海鮮真係同上網睇到嘅一樣全部都好新鮮，特別係啲蝦，嚟到嘅時候要搵個蓋蓋住，唔係佢真係會太生猛咁跳咗出嚟😂美國肥牛嘅份量雖然唔算話好多，但係就超級薄切，有少少入口即溶嘅感覺，而且因為佢真係好薄，所以一入水基本上就可以拎返出嚟食，啱晒我呢啲心急嘅人雖然今餐嘅主角係海鮮，但係其他配菜一樣不過不失！

一直都知道朋友鍾意火鍋, 一年四季都話想打邊爐, 所以今日放工就帶左佢黎長沙灣依間六十六十火鍋試下依度主要分三個SET可以order, 我地就叫左一個椰子雞湯底雞件係我地自己落既, 非常貼心, 因為唔會浸到好老雞件都幾新鮮下, 份量亦都唔細, 兩個人食晒d雞都差唔多飽左1/3之後就有8款海鮮揀, 要揀8款幾乎都揀晒佢menu上面既海鮮!我地order左比較多有殼既海鮮, 因為蝦蟹自己敏感, 所以就冇叫咁多種海鮮, 我自己就最欣賞扇貝同貴妃蚌扇貝好大隻, 仲大過我手掌! 就算煮完都冇咩點縮, 而且好有鮮味! 唔沾醬汁食都好好味!貴妃蚌平時唔係成日食到, 所以今日有得揀點都要試下! 同扇貝一樣, 大大隻, 依度仲有教學教你煮d海鮮煮幾耐, 所以d貴妃蚌唔會煮得太老, 食落好新鮮!海鮮以外仲可以揀6個配料, 我自己覺得個蜂巢豆腐同西班牙梅頭肉最吸引蜂巢豆腐煮完好似海綿咁吸晒d湯底, d湯底本身煮過海鮮, 又有椰子雞, 好鮮甜!而個梅頭肉肥瘦均勻, 食落好彈牙, 滿足我依d鍾意食肉既人既口味!六十六十火鍋地點方便, 環境都舒服, 所以就算夏天將至, 我諗我都會繼續黎滾一滾!

雖然依排天氣熱番, 但係間唔中都會有打邊爐既衝動!朋友知我心意, 所以今日就帶左我黎依間六十六十火鍋餐廳地點好近長沙灣站, 非常就腳!6PM入到去, 都已經有唔少人食緊, 估唔到有咁多人同我一樣咁鍾意打邊爐我地揀左一個椰子雞湯底, 再加8款海鮮同6款配料依個湯底有2人份量既雞件, 滾起就放雞落湯, 煲一陣已經聞到好香既椰子味!雞件好新鮮, 口感唔錯, 食落仲有椰香味!海鮮方面有好多款, 我地揀左貝類既比較多! 當中最值得提既一定係鮑魚同蠔!蠔雖然唔大隻, 但就好新鮮, 食落唔會好「梅」,而且蠔味都幾重, 真心推介鮑魚就勝在夠大隻, 而且未落鍋之前仲識得郁, 好生猛! 其他配料都係水準之上, 其中最好食既係美國肥牛! 肥牛雖然叫肥牛, 但就唔會好多肥膏, 岩晒我依D鍾意食瘦既健康人士! 最重要係D肥牛雖然唔太肥, 但就保重住肥牛既香味同口感, 用黎打邊爐真係一流!估唔到過左凍天, 都仲有機會打邊爐, 而且質素仲要係A++, 價錢合理, 下次一定要再黎幫襯!

今晚專誠來到往日唱K先來的宇宙廣場鄰近搵食，一間名字特別的火鍋店，淥下洽下淥下洽下應該就是六十六十火鍋的店名源由吧。店前已表明了「一個價錢滿足哂你，超抵食，包你食到飽。」重要不設加一! 而且有正宗海南文昌雞食! 的確幾好吸引。店內環境舒適，座位寬廣。未到晚上7點店內已滿佈著海鮮味的空氣，裝修以中式懷舊形式作主題，特別欣賞牆上的畫報與餐具有一種中國文化懷舊風的整合。餐牌有三款湯底選擇:包括兩款$200一款$248的套餐，分別是粥底、蕃茄濃湯底及椰子文昌雞，本身以為睇錯，誰不知真係有八款自選海鮮以及六款火鍋配料可以選擇。CP值高甚高!落了單選了椰子文昌雞湯底套餐，八款自選海鮮選了:肉蟹、鮑魚、扇貝 (紅色三款)貝類X2(黄色指定)蠔、海蝦、鮮魷 (藍色三款)先來一盤醬料自選自加，而其實整餐食原味基本上只點了兩次。另外，餐具非常齊全而且免收加一之餘亦有店員不斷幫忙收吉碟，真心抵讚。椰子文昌雞湯底套餐，整晚都被椰子鮮甜香味包圍著，湯內的椰子已淋得可隨時進食，另外湯料的竹笙記得記得記得要留到海鮮食到最後先食, 完全吸哂D 鮮湯精華!! 真的不得了。文昌雞的烹調方法: 店員叮囑當水滾後放雞，再煮到

天氣涼返少少無咁熱放工好想打下邊爐住長沙灣既同事介紹長沙灣有間打邊爐都幾抵今晚去滾一滾先🤣佢地有三款湯底揀椰子文昌雞、粥底、蕃茄濃湯底我第一時間揀左椰子文昌雞 $248（每位）我平時都幾鐘意飲椰子雞湯好滋補職員一開始遞上調味料自製豉油湯底首先送上一打開煲蓋已經聞到椰子味落左雞後轉大火，再熄火焗5分鐘就食得果然雞肉鮮嫩無比令到d雞入哂椰子味好好味呀😍湯底仲有馬蹄、椰子、竹笙除此之外我地仲揀左好多海鮮蠔、海蝦、鮮魷、扇貝、鮑魚手、肉蟹、花甲海鮮實在太鮮d蝦、蟹上到枱仲郁緊架果然生猛👍🏻👍🏻我強烈建議先食海鮮因為食哂海鮮再飲飲個湯個椰子湯濃郁到難以形容真係太好味了襯湯底超濃既時候食埋烏冬肥牛、炸芋頭、菜、炸魚皮、花膠仔咁多野食每位都係$200-$248真係幾抵喎🤣好在有竹遮茅根飲可以清熱解燥正👍🏻👍🏻下次一定要再黎！

今日補祝母親節帶媽媽去食粥底火鍋🥰呢間位於長沙灣的火鍋店有3款湯底 - 粥底/椰子雞/番茄！仲可以揀8款生猛海鮮同6款自選配料👍🏻海鮮勁新鮮，隻蝦送嚟嘅時候仲識跳㗎！蟹肉都勁鮮味🤤而粥底配上脆米同豬油渣再加埋海鮮嘅精華，真係好好味仲好飽添呀，3個人都食唔哂🙈！每人埋單都係2百蚊鬆d，性價比極高👍🏻 連媽媽都好滿意話要推介朋友嚟食呀！😬👍🏻推介：肉蟹，海蝦，扇貝，手打墨魚丸😋指數：8/10

長沙灣深水埗係美堂嘅集中地就人人都知，今日去到四維都係糖水鋪嘅長沙灣深水埗交界，位置宇宙廣場隔離嘅「六十六十火鍋」。今日放假，六點佢一開門就入去。坐低就即刻睇下有咩食。wow，好似樣樣都好正咁。有勁多款嘅海鮮食，我就揀左以下果啲：椰子文昌雞鍋底：好香椰香，入黎仲有竹苼，正啊！雞件又滑又好味，無揀錯！仲有姐姐教路煮五分鐘就熄火，服務幾好！鮑魚：以為會好un,點知跟餐廳嘅meun煮，又好易入口喎！聖子、蝦、蠔、花甲：鮮！唔錯！北寄貝：大有驚喜！好甜好鮮！極度推介！其他配料肥牛：打邊爐必食之選。碌幾秒，放入口就又好食又滑，大家記得夾住黎落架，如果唔係唔見左，就會太老太熟架喇。西班牙梅頭肉：又係驚喜之作。平時啲豬肉都要煮好耐，佢今次薄薄地切出黎，又易煮又易入口，一定要揀啊！鮮冬姑鮮淮山：好甜！最重要係吸晒個靚湯底啲味，好正啊！手打墨魚滑：細細粒，幾好食，冇雪味

早排有朋友話食咗呢間海鮮火鍋話好正，同朋友試下。之前食咗幾間類似嘅都好唔錯，點知呢間竟然都有驚喜！之前食果啲通常啲湯底都冇乜特別，但呢間嘅椰子雞湯底一定要試！佢地做法好特別，先滾咗個湯落雞後滾起再要熄火焗佢五分鐘，煮緊已經聞到椰子好香！之後啲雞係勁嫩滑，五分鐘真係啱啱好！唔好多！！呢個好重要！之後就食海鮮，都好多款可以㨂！其實我覺得有得㨂海鮮好啲，有啲火鍋貼係一式樣嘅款，但我有啲海鮮其實唔好like都冇得換！所以呢間都唔錯！同埋呢間啲海鮮好生猛！見啲蝦要com住就知佢好新鮮！怕佢會跳出嚟！仲有果隻油貝一定一定要試！好甜，同埋唔係間間有，好出色！仲有啲蠔，份量勁足！我好鍾意！同埋海鮮一定要洗好乾淨，佢地基本上都好乾淨，一直食都冇食到沙！底讚！！之後其他配菜都ok！呢間可以一戰！

去咗長沙灣接姊妹收工，同佢一齊打邊邊，同佢一齊去咗六十六十火鍋打邊爐。二人餐連粥底奉送。海鮮拼盤有以下。扇貝，好大隻 粒肉好食白好新鮮。象拔仔， 好爽甜。蟶子， 好爽脆好大隻。貝類x2蠔 珍珠號粒粒脹卜卜， 肚仔好飽滿，食落完全冇渣。刀貝，肉好清甜。帶子， 粒肉都係好清甜。西班牙梅頭肉， 好林滑。美國肥牛 ，好有肉味又淋又唔認入口即溶。腩肉片， 咬樂好有口感 幫肥瘦好正。鮮雞件， 普普通通過得去。娃娃菜， 幾新鮮。花膠仔， 勁林勁正。忌廉兩罐。整體來港人均約200蚊，食到咁多海鮮，肉類。真心抵到爛。下次會同媽咪再幫襯。

有一排冇食海鮮，就諗起附近呢間海鮮火鍋好抵食，唔知係咪天氣熱左所以已經少咗d人🤔今次食蕃茄泡飯鍋，湯底就係簡單嘅蕃茄同薯仔，又係可以揀八款海鮮再加六個配料，我哋就揀咗聖子鮑魚等等啦，但係重點係隻鮑魚上枱仲識郁，真係超級新鮮!!!!!😍配料方面都幾多嘢揀，其實食完海鮮都飽一大半，所以配料份量就唔係好多， 本身仲驚唔夠飽，好彩店員提醒我之後仲有個泡飯，泡飯嘅重點去咗豬油渣嗰度，加埋海鮮嘅精華超香超好味喎！🤩