六合小巷 (已結業)

因為中學時期在寶馬山讀書,還記得那時候放學都會和同學在北角食下午茶.今天剛好來北角,路經電廠街發現新開一間小店,店員介紹招牌牛肉麵,麻油雞濃湯麵.我十分喜愛台灣牛肉麵,所以點了一個精裝牛三寶麵,出奇地麵和湯是分開上.湯夠熱,倒湯時已經攻佔你的嗅覺.喝等一口湯,十分濃郁的牛味名顯是十分足料.牛肉 牛把 金錢肚都十分入味地全部吃完後.湯還是熱的.整體餐飲體驗都很好.最後店員見我很喜歡這個湯還給我加湯.很窩心

位於電廠街的內街位置，於炮台山地鐵站B出口步行約10-15分鐘左右。店內、店外均掛滿燈籠，裝潢充滿台灣地道古早風味，感覺似置身於六合夜市內的地道小店一樣🏮是晚多人聚餐，可以品嘗到多款菜式，非常豐富！🤰🏻 欣賞店主們充滿熱誠，令J妹仿如身處於台灣咁🇹🇼🍱 皇膳好頭好尾牛肉湯麵 $298(只限堂食，每日限量)好驚喜！原來湯麵Set咁大盤！😍一Set可以食到多款選料新鮮的食材！除了有用上濃郁牛味的牛面頰肉及牛尾肉的皇膳好頭好尾牛肉湯麵，更可以一次過食到每款單售 $32 的涼菜！包括： 牛奶水果白玉粟米、烏醋拌雲耳、台灣梅粉番石榴串！ 3款涼菜都真心好食！爽甜嘅爽甜！開胃嘅開胃！😋👍🏻 而且更有自家提煉的辣椒牛油及調味唔過鹹的鹹酸菜，供自行加入牛肉麵湯底，令味道層次更提升！🍡台灣梅粉番石榴串 $32番石榴同蘋果粒都好新鮮爽甜，特意多吃一串！🐮 原味牛肉麵 $78與皇膳好頭好尾牛肉湯麵是同一款每天經過熬煮6小時以上的牛骨髓藥材湯底！而原味牛肉則是用上牛腩肉，2款湯麵的牛味和肉質口感都各有所好！🐓 黑麻油蟲草花濃雞湯麵 $68雞肉嫩滑，唔肥膩，店員表示湯底由多隻原雞熬成，難怪雞味咁濃郁！仲有炸蟲

中午食飯去左一間北角新開嘅台灣小店，喺門口已經見到好多彩色燈籠高高掛， 好有台灣風味。 雖然店面細細，但佈置得幾有心思，墻上仲貼左好多經典台灣電影海報，播緊我鐘意聽嘅華語歌，有d時代感🤩。 ❤ 黑麻油蟲草花濃雞湯麵蟲草花脆卜卜，雞件有好香嘅麻油味，都幾多肉，麵底份量好足，係闊條面，麵質比較軟，索曬濃郁鮮雞湯味👍。 ❤滷肉跟餐加左一小碟滷肉，細細碟但入面好多肉丁，肥瘦適中，好入味。食麵食到一半時倒入去做滷肉撈麵，更加開胃😋。 ❤ 一口鹽酥雞一上桌就香氣撲鼻😌，好酥脆嘅細細粒雞件，加埋爽脆九層塔，鹹香味十足，有夜市風味。 ❤ 精裝牛三寶麵三寶分別係牛肚、牛筋同牛腩，牛腩帶少少筋，咬落唔會覺得鞋口，仲有少少入口即溶嘅感覺。麵底同雞湯麵一樣，牛肉份量都唔少，牛味比較重。 ❤ 香芋奶茶、珍珠奶茶我鐘意香芋奶茶加珍珠，芋頭味道好突出，珍珠好Q彈有咬口👍。

今日同瑞士嘅朋友敘舊，佢好鍾意食台灣嘅食物，見北角電廠街聯和大廈地下開了一間新嘅舖頭，叫六合小巷，裝修望落去好舒適又有台灣feel，就帶咗佢入去吃東西。我食咗一碗原味牛肉麵，牛肉炆得又淋又香滑，幼麵好軟熟好滑，店員即時加牛肉湯在麵上，倒湯嘅時候已經聞到好香嘅牛肉湯味。👍🏻外國朋友讚不絕口。我就比較喜歡吃炸物，叫咗鹽酥豬扒麵，豬扒好入味又鬆脆，鬆脆得來又唔覺得肥膩。麵嚟咗之後，店員係你面前加上清湯，唔會一早就浸到啲麵淋晒。都幾欣賞佢哋嘅服務。叫咗肉鬆皮蛋滑豆腐，呢個配搭又幾夾味，係一個涼食，豆腐冰冰凍，配上皮蛋，加上一啲台灣嘅肉鬆，好開胃。香芋鮮奶好香嘅奶味同埋芋頭味，有一粒粒嘅芋頭，少甜，唔錯。朋友喜歡飲熱嘅紅棗杞子桂圓薑母茶，飲落去唔會太甜，感覺到是一杯很健康的茶。我非常喜歡六合小巷的台灣美食，會再來吃☺️

有次夜晚食完糖水係附近行下果時經過呢間台式餐廳都覺得裝修好特別,好有台灣氣氛🏮佢門口已經有好多燈籠好吸引人影相打卡,上面仲有個六合夜市既招牌,真係好有特色!-黑麻油蟲草花濃雞湯麵 $68佢係分湯咁上既,聽店員講佢做法係加入左少少日本雞白湯拉麵既元素入去💕雞湯熬煮足足6小時,所以雞味好濃郁鮮甜,如果唔夠湯仲店員仲會幫你refill,超正😍啲雞都好嫩滑重雞味,湯麵吸引雞湯精華,超好食!我加左$15加滷肉，飲完淡淡鮮甜嘅雞湯，食到一半可以加埋啲滷肉做撈麵咁食，另一個食法，好香👍🏻👍🏻-鹽酥拼盤 $98拼盤包括有鹽酥雞、鹽酥花枝九、鹽酥杏鮑菇黎到食台灣野覺得一定要叫鹽酥既炸物先完滿😌好夠味，啲雞唔乾炸得又夠香夠薄脆，一啲油膩感都冇，花枝丸最好食，好彈牙💕配埋海山醬提鮮昇華哂💯🧋珍珠奶茶 +$10、百香果冰茶 +$10推薦珍珠奶茶，珍珠好Q彈，又有茶香，比例平均～百香果甜度剛好，好清新😊🍮Oreo麻薯 $42到最後既甜品時間喇😆佢整到好似個盆栽咁好得意😍面層Oreo,下層係麻糬好飽肚，好滿足😆

近排去朋友屋企途中比佢外面裝修吸引咗😍原來係啱啱新開✨即刻試一試👀🐮半筋半肉麵-粗麵 $88湯底係即場用暖壺加上～牛筋牛腩份量幾多，都入味同淋👍🏼粗麵麵質偏軟～下次會試吓幼麵～✨🦪蚵仔煎 $58感覺較似蛋餅，好香👍🏼每一塊都有一粒好大嘅蚵仔✨✨鹽酥拼盤 $98包括🐥鹽酥雞、🦑鹽酥花枝丸和🍄鹽酥杏鮑菇～全部都好脆口入口唔會油膩，最有驚喜係鹽酥杏鮑菇，出面炸到香脆，入面又有Juicy嘅口感👍🏼🥛香芋鮮奶-少甜 $28有芋頭粒喺底，飲品係香芋味牛奶。✨🌼桂花凍雙奶-少甜 $28好香桂花味，又有桂花jelly。雖然比我平時飲嘅甜度甜，但都可以接受，好香✨環境：4/5餐廳有好多🏮燈籠嘅吊飾，營造夜市嘅氣氛～服務：4/5一坐低已經斟好兩杯水和提供花生作小食，上菜速度好快～食物：3.9/5推介鹽酥拼盤、蚵仔煎同桂花凍雙奶Revisit: maybe

附近開了家台灣食店 ，喜歡麵食的我 ，急不及待去試， 餐廳不大 ，台灣味十足， 牆上掛了台灣電影的海報 ，那些年， 那些令人回味的電影 。櫃檯上， 窗邊都擺放了可愛公仔，雙手捧著牙籤紙巾等用品， 好像是隨時提供服務的店員， 非常周到 。第一次嚟 ，當然要試餐廳推介的食物。💥💥 極力推介-- 黑麻油蟲草花濃雞湯麵 。聽店員介紹， 他們仿效了一家著名日本拉麵店的做法， 先煮好麵及滑雞 ，再淋上滾燙的濃郁鮮雞湯 ，激發出麵和嫩雞的香味，再加黑麻油，麵吸收了湯的鮮香，雞肉在麻油香的濃湯中更添風味，食出鮮美的最高層次。👍💥💥 原味牛肉麵 ，這也是不錯的選擇， 牛肉煮得剛剛好， 不軟不硬， 越食越香，伴有香蔥蔬菜， 麵湯有少少藥材味， 是經典的台灣牛肉麵口味。😋💥💥 滷肉時蔬， 半肥瘦的滷肉鋪滿在 油麥菜上 ，肉汁令嫩綠的油麥菜更香甜鮮味， 清香又唔覺油膩。💥💥 紅棗杞子桂圓薑母茶 ，這是秋涼天氣最好的飲品， 飲完暖笠笠，令人感覺好舒服。😘😘

今日午餐去左開張冇耐嘅六合小巷食午餐，店員話依家午餐會配埋前菜同飲品。前菜今日係花生，會不時有轉換。我就叫左精裝牛三寶麵粗麵(少麵)，牛三寶係牛腩，牛筋同牛肚。不得不讚，三寶炆得超入味，牛腩帶少少筋，適量肥肉，咬落唔會覺得乾。牛筋幾乎入口即溶，雖然入味，但唔會覺得太鹹，牛肚有咬口，但唔會太韌。酸菜爽脆，好夾。而且一飲湯底就分得出湯底與別不同，第一啖飲落唔會覺得特別濃，但係之後會有少少甘香嘅藥材香味，唔會覺得係苦澀，而係鹹香中帶有少少甘香。粗幼麵揀左粗麵，麵身扁，闊身，食落有咬口，滑身而且吸到湯味。絕對係出色嘅台灣麵小食叫左個蚵仔煎，份量都幾大煎得香脆，粉唔會過多，蚵仔味道香濃滑溜。跟餐飲品加配珍珠奶茶少冰加桂花凍，加左桂花凍隱約覺得多左份清新香味，味道都唔錯。餐廳喺裝修，佈置花左唔小心思，環境舒服，午飯時間都不停有客人。去開北角附近可以一試~

台灣菜小店，位於北角，有特色，個雞湯麵好特別，牛肉麵正，鹽酥雞同魷魚都好好味，鳳梨沙冰原隻上，好有heart 個人覺得六合小巷係北角區內高質嘅台灣菜，價錢唔算貴，CP值高，推介！