六如

營業中

休息中

- 中環｜六如 -「午市一人套餐」前菜▪️煙燻糖心蛋🥚糖心蛋充滿煙燻味，上面放咗啲炸過嘅菇菌🍄‍🟫，更香更有口感▪️竹炭黑磚脆豆腐外皮酥脆，入面嘅豆腐滑溜，配埋少少炸蒜🧄一齊食，夠晒香口湯▪️養生燉湯🥣用咗烏雞🐔、瘦肉🐷、瑤柱等去燉湯，飲落清甜，好滋補嘅感覺主菜▪️宮保大蝦球🦐蝦球大大嚿，食落爽口彈牙，啖啖肉。外層沾滿醬汁，帶微微辣，幾惹味▪️鮮魚湯茨實泡菜苗🐟🥬菠菜苗好嫩，以鮮魚湯去浸，鮮味十足。另外仲有唔少茨實，增添咬口甜品▪️焦糖芝士軟糕🧀🍰其實就係西式芝士蛋糕😂，質感幼滑，味道香濃，面頭仲有粒士多啤梨🍓，酸酸甜甜「精選套餐」▪️南瓜芝士焗斑球🎃🧀🐟有好多件斑球，仲幾厚身，食落嫩滑。另外下面有啲南瓜墊底，軟腍香甜，再加埋滿滿嘅芝士鋪喺面，配搭特別▪️棗茸糕蒸起熱辣辣，口感好煙韌，紅棗味道突出，帶有好天然嘅甜味p.s. 六如前身係三小漁，本身之前仲以為三小漁執咗，原來只係改咗名🙂‍↕️六如📍中環皇后大道中139號The L. Place 5樓

呢排係咁食中菜，唔同嘅中菜都有唔同嘅特色，所以唔會悶🤭今日lunch去左中環嘅六如，前身係三小漁月，同事都有推介過👍🏻同朋友叫左叫一個精選套餐同一個一人套餐share~精選套餐揀左南瓜芝士焗斑球，套餐包左一個缽仔飯。斑球都算大塊，底下舖滿左清甜南瓜，而面頭滿滿邪惡芝士汁，餸飯食一流😈一人套餐有晒前菜、湯、主菜同甜品，幾豐富，又可以每樣試d🤗✨前菜 - 揀左煙燻糖心蛋同竹炭黑磚脆豆腐，兩樣都好啱口味，好鍾意個脆豆腐，外脆內嫩滑😋✨湯 - 養生燉湯有烏雞同瘦肉，足料好滋潤！🍲 ✨主菜 - 叫左宮保大蝦球同鮮魚湯茨實泡菜苗，隻蝦超大超彈牙，面頭又甜又脆好香口🦐 個菜苗好嫩好新鮮，魚湯夠入味👍🏻✨甜品 - 新疆棗茸糕同焦糖芝士軟糕各有特色，唔會太甜太膩，好圓滿🧡

前名三小漁嘅六如特色中菜館⼀周年驚喜優惠每晚八時半後惠顧可享八折優惠我同同事約好OT後正好去試餐牌有中式小食、新式小炒、中式燉湯甚至鮑蔘翅肚等等仲有唔少海鮮菜式中環商務菜館價但由於有折扣價錢更優惠🤭🤭店員強烈推介我地試個前菜係當店招牌煙燻溏心蛋上係炸過嘅油雞縱菌又香又有口感另⼀款黑磚豆腐將平時嘅金磚豆腐換上黑衣其實味道上無乜大變化但就食得出脆皮超級薄同滑滑豆腐饀⼀脆⼀嫩超好味！然後叫左兩道嚐鮮優惠🤭鮮麻椒油泡蟶子蟶子相當大隻嫩滑鮮味完全唔韌香茅烤椒煎焗生蠔煮法特別生蠔剛好鮮嫩配上酸酸地嘅烤椒好好送飯👍抵食店員服務到位不斷斟茶清碟餐廳環境舒適價錢合適下次同老闆出黎食lunch 又有好地方👍

嚟咗中環返工已經一段時間，今天網上搜尋了呢間餐廳，見佢評分幾高，冇乜負責評，所以就同同事一齊試吓。 我們一行兩人到達， 呢度有小菜同埋午餐可以選擇， 我哋叫咗兩樣餸菜， 分別係剁椒蒸龍躉肉同埋宮保大蝦球。 剁椒蒸龍躉肉新鮮蒸出嚟熱騰騰，一陣香辣的味道， 龍躉肉嫩滑有口感， 沒有腥味， 配以剁椒一齊蒸，對於喜歡吃辣的我來說，感覺好爽，味道好夾。宮保大蝦球另外朋友叫咗宮保大蝦球， 有個口水西瓜配左麻辣醬汁，吃落又甜，又麻，又辣，感覺幾特別，另外係個大蝦球，醬汁有一點麻和微辣，蝦球爽口彈牙，啖啖肉，惹味之選！ 之後甜品有個棗茸糕，熱辣辣又煙靭，甜度適中，對不喜歡太甜的人士，是一個好選擇。

今日同同事過嚟開會，同事介紹呢間餐廳前身係中環三小漁，出名精緻中菜，於是過嚟試吓佢嘅午餐😋餐廳環境舒適，食物選擇多，午餐有好多多款選擇👍🏻🌟 養生足料燉湯呢款燉湯超足料，有雞、瘦肉、瑤柱等，湯頭濃郁，滋養又健康🫶🌟 竹炭黑磚豆腐，口水西瓜小食有竹炭黑磚豆腐同口水西瓜，竹炭豆腐外層超鬆化，內裡豆腐超嫩滑，非常香口，而口水西瓜嘅配搭亦都好特別同新鮮🌟宮保大蝦球蝦球非常彈牙鮮嫩，外層酥脆，非常惹味🌟 金銀蛋泡菜苗菜苗好鮮嫩，用料十足，湯底濃郁好好味🌟 青麻剁椒蒸龍躉件青麻剁椒龍躉件新鮮，有豐富魚膠，味道微辣十分開胃👍🏻🌟 甜品甜品有手磨棗茸糕同士多啤梨芝士軟糕棗茸糕熱辣辣蒸起，味道濃郁，芝士軟糕芝士味濃郁，同士多啤梨嘅配搭非常好❤️

想食中式海鮮我有好地方介紹位於中環嘅六如特色中菜館 @liuru2024前身係三小漁菜館除左小炒夠鑊氣外烹調海鮮更有⼀手創新煮法配上海鮮鮮味令人回味無窮今日我又同朋友黎嘗鮮先點六如招牌黑磚豆腐拼煙燻溏心蛋作開胃菜黑磚豆腐⼀如以往外皮香脆每次都要驚嘆點解可以整到外皮又薄又脆鮮麻椒油泡蟶子麻椒油嘅香麻辣平衡同鮮味蟶子非常匹配比蒜蓉或清蒸口味更刺激火辣食前要學撈起翻⼀翻等椒油完美包裹蟶子⼀滑入喉香茅烤椒煎焗生蠔蠔隻飽滿肉嫩記得要⼀啖食埋碎烤椒微酸令蠔味更鮮香🤤蒜香椒鹽鮮魷係好熱氣但真係忍唔住⼀定要嗌鮮魷相當柔軟同焦脆外層成強烈對比⼀抹香蒜椒鹽鮮香無比准山魚湯泡雙鮮呢個湯飯份量十足食前可加入脆米增加口感魚湯鮮香無腥味感覺足料湯內有魚片、准山、爽耳同年糕豐富又飽肚最後食埋又中又西嘅士多啤梨芝士軟糕就心滿意足喇～

中環返工嘅朋友介紹我去食呢間中菜💖啲嘢食真係好好食，而且服務態度仲好好🌟兩款前菜嘅擺盤都好靚💓有外脆內嫩嘅黑磚豆腐😋同埋上面有XO醬嘅煙燻糖心蛋😋呢日嘅燉湯係粉葛湯🤓每啖都飲到好濃厚嘅粉葛味道💖干絲芥未蝦球蝦球夠晒大隻，蝦肉又非常爽脆🍤沾滿晒輕微刺激嘅蜜糖芥末🌟上面仲有好多脆卜卜一條條嘅芋頭絲😜蓮藕蜜椒骨蓮藕炸到好似薯片薄脆🤩一層肥一層瘦嘅骨排炸得酥脆😜在沾滿晒可以拉絲嘅蜂蜜醬汁😍士多啤梨芝士軟糕店員推介必食呢個芝士軟糕😚陣陣士多啤梨香，又唔會過分甜，真係好好食呀😋

無意中上網見到呢間中環嘅中菜😚啲嘢食好似好好食咁，呢日收工就同屋企人上咗去食野啦😜煙燻糖心蛋糖心蛋煙燻嘅味道好突出，上面仲有啲XO醬嘅瑤柱，更加鮮味啊🤤黑磚豆腐黑色部份都調咗味，表面仲有啲炸蒜，所以呢嚿炸豆腐都幾好食架🌟鮮蘋果陳醋香煎牛柳粒牛柳粒只係煎到五成熟，裏面仲好粉嫩😍每粒牛柳都好軟腍腍，牛肉味濃厚😋陳醋配上蘋果、菠蘿，味道酸酸甜甜，整體一啲都唔油膩呀🤓干絲芥未蝦球彈牙又爽脆嘅大蝦上面有啲炸過嘅芋頭絲，所以口感好有層次🍤微微攻鼻嘅芥末顯得蝦球更加鮮味🤩粉葛湯呢碗燉湯好足料，有好粉嘅粉葛、又有五花腩等等😉呢個秋天飲佢特別覺得滋潤😚士多啤梨芝士軟糕芝士蛋糕嘅質地好幼滑，士多啤梨嘅味道一啲都唔假😋

中環的｢六如｣餐廳，前身是食店三小漁，主打中菜依家走親民路線以午市套餐吸引食客🤩午市一人套餐$198 (已包茶芥加一)，堪稱物超所值🤤 前菜有煙燻糖心蛋和竹炭黑磚豆腐，獨特的搭配讓人食指大動。養生燉湯以烏雞、瑤柱和瘦肉精心熬製，湯頭濃郁，滋養又健康😍主菜方面，客保大蝦球以其鮮嫩的蝦肉和金銀蛋泡菜苗的爽口組合，帶來多層次的口感享受。甜品部分，則有新疆棗茸糕和芝士軟糕，每一口都是甜美的誘惑，跟餐有一客懷舊豬油砵仔飯，散發濃濃的懷舊風情!此外，午市套餐，每日變換款式😎鮮菠蘿咕嚕肉只需 $82，同樣跟餐有一客懷舊豬油砵仔飯

近排都係發覺自己好鍾意食中餐，所以今日約朋友嘅時候都叫佢介紹有冇邊間好食，佢諗咗一陣就同我講以前中環有一間三小漁，而家改咗名叫六如，質素都唔錯，於是就預早訂咗枱，結果我食完之後真係覺得幾高質！今日叫咗好多樣嘢，但係我覺得出色嘅，就係以下呢幾樣：口水花雕雞凍，冇諗過焗雞動會用西瓜嚟夾住食，甜甜辣辣嘅味道真係幾特別！黑磚豆腐都炸得好酥脆，外面脆卜卜，入面就係軟滑嘅豆腐！水煮年糕龍躉球個辣豆剛剛好，加埋好少喺出邊食到有年糕做澱粉質，所以覺得都幾特別，而且龍躉片好多塊，仲要每塊都好厚身。鮮蘋果陳醋香煎牛柳粒好嫩，陳醋加埋蘋果同菠蘿，令到成件事更加有層次感。茴香乾煸爽肉白菜花爆炒得好夠鑊氣，正！

今日嚟到一間新餐廳，餐廳前身係中環嘅三小漁，所以未嚟嘅時候都已經有啲期望，結果嚟到之後都冇失望。裝修簡潔得來都有質感，所有食嘅嘢嘅擺盤都好精緻，真係視覺同美國嘅衝擊，你知啦，而家打卡咁緊要，見到靚靚嘅嘢食，食落都會覺得特別好食！個茶我哋要咗桂花烏龍，真係勁香桂花味！口水花雕雞凍同黑磚豆腐係拼埋一次過上嘅，擺盤已經好靚，口水雞夠辣，但係加埋西瓜夾層，成個味道好特別。鮮蘋果陳醋香煎牛柳粒擺盤好靚，上面更加有菠蘿同蘋果，甜甜嘅果香加埋陳醋，再配埋牛肉味，令成個口感同味道都更加昇華。水煮年糕龍躉球對於食得辣嘅人嚟講，一定覺得勁正，尤其是係佢個湯底，一飲就飲得出同出邊嘅有分別，原來係因為老細真係用魚件去淆啲湯底出嚟，所以食得辣嘅人一定要飲晒啲湯啊！茴香乾煸爽肉白菜花唔會太油，菜同肉嘅比例剛剛好，肉嘅油香加埋落啲白椰菜花度，成件事更加爽脆可口。士多啤梨芝士軟糕都係一個完美嘅結尾，甜品唔會太甜，幾出色。

朋友今日帶我去食中菜😋佢話呢間中菜廳食物質素好有水準，特別係這個竹炭黑磚豆腐值得一試~廚師運用最簡單的食材都做得好出色👍🏻原來餐廳前身名為三小漁，現在改名為「六如」。多款不同精緻的小菜，餐廳仲有包房，下次親朋戚友聚會都可以再來～香檸凍蝦一款好開胃的小食，肉質好新鮮彈牙，味道好清新鮮甜。煙燻糖心蛋｜竹炭黑磚豆腐上面加左少許炒過的姬松茸，糖心蛋晶瑩剔透，呈半凝固，入口滑溜。推介❤️黑磚豆腐真係好脆好脆😋入口保留住豆腐好滑的口味，真係外脆內軟。紅湯酸菜辣煮龍躉球份量十足，材料好豐富🤩有年糕，豆芽、豆卜…湯頭好鮮又惹味，龍躉球大大塊，連埋魚皮好有膠原黏口的口感，啖啖肉。青麻椒醬煎牛仔骨配燒菠蘿牛仔骨煎得好香口，食落仲有脆邊口感，完全唔靭👍🏻配埋青麻椒醬味道更昇華。陳皮話梅燉雪梨配紅棗糕一款滋潤養顏的糖水，雪梨好清甜紅棗糕Q彈又煙靭

同朋友來到中上環 The L. Place 《六如》聚一聚，好友介紹呢度食物質素唔錯，餐廳前身是中環三小漁。店內佈置走自然風格，座位舒適，提供廂房。竹炭黑磚豆腐~黑色成嚿炭嘅炸豆腐，新鮮熱辣辣炸起，外層脆卜卜，內層豆腐好軟滑。煙燻溏心蛋~ 香濃煙燻味嘅溏心蛋。香檸凍蝦~味道好特別一試難忘，大大隻鮮蝦，肉質爽滑好新鮮。香茅烤椒煎焗生蠔~這個也做得好出色，香焗脹卜卜生蠔，加上特別配料，味道非常可口。紅湯酸菜辣煮龍躉球~酸菜湯底味道香濃，竟然沒有蓋過龍躉球 鮮魚香味，廚師手勢一流，配料包括上海年糕、芽菜、白雲耳、豆卜等等，掛滿酸菜魚湯，正！鮮蘋果陳醋香煎牛柳粒~煎香嘅牛柳粒一啲都唔韌，牛肉味香濃，配合蘋果及新鮮菠蘿，使這道菜更上一層樓。士多啤梨芝士蛋糕~這個芝士蛋糕確實堅好食，好欣賞中菜館食到咁好味嘅西式甜品，讚！手磨棗茸糕~試多個中式甜品，熱辣辣蒸起，老友記一定很喜歡。

前二日同朋友去咗呢間中環中菜廳食晚飯，前身名為三小漁，現在改名為「六如」中菜廳，主打高質精緻小菜，環境更闊落令人好舒適。打開餐牌菜式都好多選擇😋好多款都想食～🦐香檸凍蝦凍蝦肉質好彈牙，非常新鮮，加上香檸令人更加開胃的一道小吃。🥚煙燻糖心蛋x竹炭黑磚豆腐燻蛋色澤光亮，蛋黃呈半凝固，有濃郁的煙燻味，中間橙黃色的溏心入口醇香，上面加左炒過姬松茸，味道更香口。黑磚豆腐外層好脆好香，一咬即碎，中間豆腐好滑溜。🐮青麻椒醬煎牛仔骨配燒菠蘿🍍牛仔骨肉質入口軟嫩，而外邊好像烤過一樣好香脆，牛味香濃配清甜又多汁的菠蘿片，可解膩。🐟紅湯酸菜辣煮龍躉球紅湯惹味又開胃，配菜豆腐卜、年糕等…吸晒湯汁哂，好好味。龍躉球份量好多，龍躉球連魚皮食落帶點黏口，好厚身啖啖魚肉。🍐陳皮話梅燉雪梨配紅棗糕陳皮話梅燉雪梨好潤喉，好適合而家轉天氣比較乾燥飲，紅棗糕口感好煙煙靭靭。

最近去咗中環間幾正嘅中餐廳，位於Lplace 商廈內，其前身係三小漁。首先係**黑磚豆腐**，外脆內嫩，醬汁鹹香啱啱好，試過一次就唔會忘記。接住係**香檸凍蝦**，清爽又可口，蝦肉夠鮮甜，加埋酒及檸檬香味，一流。**水煮年糕龍躉球**係我嘅心水推介，魚塊彈牙，年糕軟糯，湯底香辣，每啖都好挺有層次。**鮮沙薑蔥油清遠雞**都好出色，雞肉嫩滑，沙薑同蔥油嘅配搭真係冇得頂。講到**啫啫羅馬生菜**，真係幾驚喜，生菜竟然可以咁煮，口感清脆，味道濃郁。最後，甜品**桃膠燉手工千絲豆腐**為這餐畫上完美句號，豆腐細膩，桃膠甜味啱啱好。總括嚟講，呢間餐廳無論係菜色定服務都好滿意，值得再去！