六記

營業中

休息中

😋喺青衣行完山，就嚟咗附近呢間大排檔，款式選擇都多，室內有冷氣，坐得舒服，嘢食大份價錢合理，所以都好多街坊幫襯！👍🏻六記招牌雞煲（$142）半隻都好多雞件，仲送一份生菜，超抵食呀！揀左小辣啱啱好，雞肉有炒香過，加埋醬汁好濃郁惹味，值得推介！✨豉汁蒸大鱔（$168）份量好多好大碟，入口嫩滑多汁，豉汁味濃郁好食！✨椒鹽鮮魷（$118）炸得香噴噴，唔會好厚粉，外面香脆內裏彈牙！✨尖椒肥腸好有鑊氣，香辣十足，肥腸稍為肥咗啲！

在繁忙的一天結束後，朋友話要食地道的風味小菜，我地揀左青衣附近的鑊氣小炒客家菜餐。交通都算方便搭巴士249M去長康山邨康富樓落就係。🌟#雞煲（半隻、微辣、小麻）雞煲味道獨特而誘人，嫩滑和多汁性，麻辣香口，好惹味，最重要真係份量好足。🌟#豬油渣炒韭菜豬油渣的香氣炒出的韭菜，口感鮮嫩，豬油的濃厚風味和韭菜的清新口感相互融合，豬油渣要整得好食真係難，不會油膩，讓人難以抵抗。🌟#足料楊州炒飯飯粒飽滿，飽含各種配料，每一口都能嚐到海鮮、蛋、火腿的美味，讓人心滿意足。🌟#蒜子火腩大鱔煲大鱔肉質鮮美，搭配火腩和蒜子的煮煲，味道醇厚，令人食欲大開。必試～🌟#Hoegaarden+Stella飲料方面，我們選擇了Hoegaarden和Stella兩種啤酒。這兩種啤酒的口感都很順滑，並且與我們的菜餚完美搭配，消除今天的疲勞。香港少有的高質客家菜，使人感到熟悉而舒適。如果你是美食愛好者，我強烈推薦你來這裡體驗一下。

【青衣•六記】ππππππππππππππππππππππππππππππ入到青衣經過一間有名嘅雞煲餐廳，個環境好溫馨，服務好慷慨。濃郁嘅雞煲香氣飄散，雞肉多汁，岩曬我😍🌻｜六記招牌雞煲｜HKD 268滑嫩雞肉，湯底香濃，有啲辣味，好開胃。湯汁濃郁，味道正，令人開心食。每口都飽滿幸福感！🌼｜椒鹽雞軟骨｜HKD 88外脆內軟好過癮，鹽椒香辣唔失溫和。薄脆外皮，內里軟骨帶啖啖咬勁，賣相一流。香氣四溢，食落好鮮口，令人舌尖興奮！每一口都有口感，贅妄耐咬，夠味又唔油膩。真係一道令人啖得停唔到口嘅美食啊！🏵️｜秘制豉汁蒸大鱔｜HKD 168豉汁香濃，鱔肉鮮嫩，鱔身滋味濃郁。鱔魚肉質細緻，每一口都咬得到鮮甜，鱔魚骨軟軟易嚼，令人滿足。🍁｜Hoegaarden 大支裝｜HKD 40清爽啤酒中和熱辣煲菜，帶來意想不到的風味結合。Hoegaarden的微酸和柑橘香氣相互映襯，增添了口感層次。啜飲啤酒後，搭配雞煲的濃郁湯汁，鮮香尾韻在口中繚繞，令人回味無窮。絕對是一個難以抗拒的組合！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD564✨✨✨✨✨✨✨✨✨✨✨✨✨#青

食盡青衣之中式 — 六記————————————————最近聽朋友介紹青衣有一間食小菜雞煲既中式餐廳好值得拜訪， 佢係住將軍澳都專誠過嚟呢邊食， 咁我住得比較近既就當然要去試下啦！🔸豉汁蒸倉魚 $128倉魚大大條，蒸得好好唔會過老， 魚嘅肉質非常鮮甜嫩滑，鍾意食倉魚係因為貪佢通常都係得啲大骨冇乜細骨容易食，兩三下就好快清曬一條魚啦兩個人推薦！🔸 六記招牌雞煲半隻 $142見到佢既然話係招牌菜式咁就一於叫半隻試下啦個價錢睇落都幾抵仲會跟埋一盤生菜添 雞煲有辣有唔辣， 今次就叫咗唔辣嘅雞煲， 味道一樣咁好食，雞食得出係新鮮雞， 分量都唔少🔸 咕嚕明蝦球 $138平時都好鍾意食咕嚕嘅菜式因為超級好餸飯！呢個咕嚕名蝦球果然冇令我失望！ 佢每隻蝦都超大隻， 加加埋埋好似差唔多有十隻左右， 炸粉又唔會落得太厚，性價比高，推薦！Overall comment:呢度除咗有多款中式小菜雞煲可以任君選擇之外，亦都好歡迎大家可以外帶海鮮入嚟再加工嫁唔好以為佢位置好唔方便，其實喺青衣站就有巴士直達㗎喇

係附近搵朋友，見呢間幾好咁，一試發現，真係太正啦！選擇都唔少！我地就叫咗：黑椒蜜燒脆薯牛柳驚喜和大滿足！牛柳好厚好juicy，經過燒烤後搭配脆口的薯仔，外層金黃酥脆，內裡軟熟。黑椒蜜燒的牛柳鮮嫩多汁，帶有微辣的黑椒風味，與甜蜜的蜜糖完美結合，口感豐富而平衡。真係好好味～～～味道：⭐️⭐️⭐️⭐️⭐️賣相：⭐️⭐️⭐️⭐️⭐️招牌馬拉盞炒通菜通菜的很鮮嫩和香氣完美融合，經過炒製後保留了其鮮脆的口感。而馬拉盞的香辣風味則為這道菜增添了不少色彩！仲要唔貴～～大大盤，唔算太辣，岩哂我，真係好正！味道：⭐️⭐️⭐️⭐️⭐️賣相：⭐️⭐️⭐️⭐️⭐️ 川辣肥腸雞煲很喜歡肥腸同雞的我，必須點這個！外皮酥脆，內部鮮嫩多汁，吸收了雞煲的汁，十分喜歡！配合洋蔥等配菜，真係好有川味的感覺，很不錯！味道：⭐️⭐️⭐️⭐️⭐️賣相：⭐️⭐️⭐️⭐️⭐️蟹子芝士蝦球伊麵底伊麵底煮得彈牙有嚼勁，配上鮮嫩多汁的蝦球，而蟹子芝士的加入更是為這道菜帶來了唔同的口感！帶來了滿滿的滿足感和豐富的層次。唔會太膩又飽肚！味道：⭐️⭐️⭐️⭐️⭐️賣相：⭐️⭐️⭐️⭐️湯：鹹菜胡椒豬肚湯想暖暖胃的的選擇了這個湯，湯底清澈，鹹菜的鹹香與胡椒的辛辣融合得好好～～豬肚增添了豐富的口感。不僅能暖身，無論是作為開胃菜

坐巴士青衣落車諗住揾下有咩野食，咁啱search到呢間有得食雞煲就諗住試下啦，估唔到一試難忘！！！咁佢分左室內同室外，我坐個間房就有4張大枱，而冷氣都好足夠，原本諗住2個人食就唔駛嗌咁多啦，但佢d菜式真係超級吸引，忍唔住嗌多左幾款野食，但可以同大家講絕對值得一試！

今日青衣友帶隊食飯…嘩…呢度無人帶我諗我唔識黎都唔會黎🤣🤣。約左地鐵站集合…一齊坐的士。後尾老闆話地鐵站有車到呢度六記其實係一條好多三層高屋村入面…一路行一路昅下…原來呢度都好多野食…地面舖頭…樓上住宅落車位置好近餐廳…行無耐就到。餐廳有室外同室內…咁鬼熱當然坐室內…不過都好多人坐室外🥵🥵🥵望下餐牌呢度除左有小菜外…你仲可以打邊爐。我地今晚揀左食小菜。朋友帶隊…咁就由呢位朋友揸旗。點左朋友試過好味既野小炒王 好足料有炸魚仔…蝦乾…腰果…魷魚…豬頸草菇…當然仲有主角韭菜花。韭菜花好嫩無渣…成碟野惹味但又唔會好重口味蒸韭菜餃 呢個果然廚師推介…皮薄餡靚…好香韭菜味…即叫即蒸即食雞煲 我地要左中辣…辣度都有dd料到…呢度雞煲夠味…惹味…但又唔會好重口味。雞煲仲跟左兜生菜椒鹽魷魚 呢個新鮮炸好熱辣辣…即食真係會焫口🥵🥵🥵。魷魚有d都好厚身…最緊要一d都唔韌…個炸漿又唔厚…黑椒蜜燒脆薯牛柳 呢個餸已經開枝散葉到每一間中菜餐廳, 各有千秋。薯仔有炸過…外面微脆…呢度同出面最唔同就係牛柳係一舊舊…唔係一般既牛粒…牛柳放左好多黑椒…好香。牛柳juicy有嚼頭又唔會韌…唔同出面會用鬆肉粉…有d仲要乸到無

小編即興又想食大排檔🤤，朋友推薦咗青衣一間隱世大排檔，位置雖然隔涉，但好食喎💚❤️🍤金沙明蝦球明蝦球外脆內嫩金黃酥脆的外層包裹著鮮美多汁的明蝦口感豐富伴隨著一些香料和調味料絕對令人食指大動🥢🍲時菜豆腐魚雲湯呢碗湯營養豐富，豆腐嘅嫩滑與魚湯的清爽完美融合，時令蔬菜的加入更增添了豐富的口感和層次感🤤呢碗湯唔單止味道鮮美，而且都好有益健康，絕對要飲多幾碗呀💗🐟秘製豉汁蒸大鱔大鱔蒸熟後質地鮮嫩，搭配豉汁的特殊調味，口腔完全感到鮮美嘅口感🌳西蘭花腰果雞丁賣相好顏色鮮豔西蘭花的脆嫩與腰果的香脆完美結合，雞丁的嫩滑口感更是讓人回味無窮呢碟菜不僅色香味俱佳，而且營養均衡令人一口接一口的享受美味🍳香煎蠔仔蛋蠔仔經過香煎後，外焦內嫩，鮮味十足加上蛋液的綿密口感和微微的香氣🌟唔錯📍六記🥢青衣涌美村92號地舖@六記#青衣 #大排檔 #青衣美食 #打冷

平時去青衣食野都不外乎青衣城同長發，盡然餐廳唔少但大多連鎖餐廳。朋友介紹下知道原來青衣有一間叫六記嘅大排檔，有獲氣小炒仲有雞煲客家菜。六記位於涌美，室內室外都有位坐。外表同一般大排檔一樣，但落單可以用QR CODE，傳統得來又幾先進。本來想食雞煲，但坐底之後聽見炒餸獲氣聲十分吸引，所以就叫咗幾碟小菜。分別係黑椒蜜燒脆薯牛柳，蒜蓉粉絲蒸鮮魷，啫啫通菜，跟住口痕又叫咗小籠包同兩罐汽水。南翔小籠包一籠有8隻，剛新鮮蒸好熱辣辣，記住要點醋食，令味道更上一層樓。黑椒蜜燒脆薯牛柳係每次去大排檔必食嘅一碟餸。六記嘅薯仔同牛柳都大大件，食落外脆內軟。黑蜜醬收乾水之後掛上牛柳，口感味道俱備，大啖大啖食十分滿足。蒜蓉粉絲蒸鮮魷以魷魚為主，搭配蒜蓉和粉絲。魷魚爽口彈牙，加上蒜蓉的香氣為整道菜增色不少。索曬味嘅粉絲比起魷魚毫不遜色，餸飯一流!最段當然要食返啲菜啦，鐵板上嘅啫啫通菜同樣熱辣辣味道十足，真係只有大排檔就可以炒得咁好味。好多人話青衣係個美食沙漠，估唔到地方細細都有一間可以同朋友一齊開心飲酒食返餐嘅大排檔。

呢度都要訂枱啊！佢好多熟客仔，唔想黎到冇位，就好似我咁訂枱先。六記招牌雞煲半隻（小麻,微辣）雞煲熱辣辣用Gas爐上枱，佢會跟一碟生菜，雞食到咁上下，將生菜加入雞煲內，生菜吸收左醬汁好野味。豉油皇炒麵簡單炒麵用洋蔥、韭黃、銀芽炒麵，最正嘅係夠鑊氣，咁就係好食。薑蔥魚雲煲將魚雲炸過再連爆香嘅薑蔥放入煲內，煲仔香噴噴上枱，魚雲質感保持滑溜。鐵板啫啫生菜啫啫生菜內有肉碎同蒜、辣椒，因為鐵板上，大碟夾抵食。鹹菜胡椒豬肚湯咸酸菜、支竹、香芹菜、豬肚、薑片。胡椒味濃而帶辣，好開胃嘅湯水。可口可樂檸檬冰底食飯再加杯檸樂冰底，至高享受。

🥘.小豬我係青衣讀書六年都唔知原來涌美村有間隱世雞煲大排檔，係長康邨康富樓巴士站落車行過對面就係，價錢仲要比出面市價平，大家唔介紹入到去青衣的話都可以試下👍🏻.🥘 六記招牌雞煲 $142（半隻）雞煲用咗乾蒸煲燉煮受熱均勻，雞肉肥瘦適中，有農村走地雞味🤤，湯汁有洋蔥、辣椒、胡麻味，特別嘅風味亦都唔會搶走雞本身嘅味道，食完雞煲仲可以打埋邊爐👍🏼，配料亦都唔會好貴.🍽️ 鐵板啫啫通菜 $98嘩！💨椒絲腐乳通菜喺鐵板上面不斷‘嗶哩吧啦’，聽聲已經好吸引，鮮嫩嘅通菜同辣椒嘅刺激相互融合埋，仲有腐乳既濃郁鮮味🤤，叫埋個白飯食簡直一絕😍.🧆 六記小炒王 $108呢個價錢，比到好足嘅份量，韭菜好好味，連同白飯魚及蝦，呢個配合非常好食，好有鍋氣👍🏻 最鍾意佢哋嘅腰果同豬頸肉，呢到六記一定要嗌返碟佢哋嘅小炒王😎.🍽️ 椒鹽豆腐 $68平時唔鍾意食豆腐嘅我，竟然食咗半碟六記嘅椒鹽豆腐，知道出面大排檔或小菜館嘅椒鹽豆腐都係大大舊，同埋好鹹，但六記呢碟嘅豆腐size整到一口豆腐，炸到金黃色，好好美，亦都係咁多碟餸菜入面清得最快嘅一碟🤭.由於六記係青衣涌美村嘅一間大排檔，裝修環境當然無出面茶樓咁靚，但好有香港地道特色

黎到青衣搵朋友食飯 朋友帶我地去食地道大排檔😋整體野食有質素又有鑊氣👍🏻 每款菜式都大大碟 適合一班朋友/屋企人一齊黎食.｜芝士蟹籽明蝦球 $138蝦球爽口彈牙 大大粒🦐 掛上滿滿既芝士汁 芝士汁即使放左一陣都唔會好杰/硬左 抵讚😙. ｜椒鹽鮮魷 $118最重要係炸衣好薄! 啖啖都食到鮮魷肉 🦑 肉質有咬口彈牙 煮得岩岩好 .｜鮮沙薑爆豬肚 $98呢個好有驚喜🥰 沙薑味好濃 好岩送飯食🍚重口味得黎又唔覺得熱氣/好重負擔 豬肚好軟冧 唔會韌😉.｜時菜豆腐魚雲湯 $138每次一多人 我就忍唔住要叫一個湯share 平時少人就會飲唔哂🤭湯味道係重薑味同菜味 魚味唔算出 但對於鐘意薑味既我地就好岩口味👍🏻.｜金銀蛋肉鬆浸菠菜苗 $68好足料 好多鹹蛋同皮蛋鋪係面😆.另外想讚店員姨姨 非常親切有禮貌🫶🏻.當日星期五晚7點幾去到 室內室外位置都滿哂 睇黎係幾受歡迎既一間餐廳🤭 朋友無介紹錯～

❤️六記招牌雞煲(半隻)叫左走辣走麻。有洋蔥、蔥雞醬汁甜甜鹹鹹好入味奉送爽脆生菜🥬。❤️金銀蛋浸菠菜菠菜份量多除左金銀蛋，重有草菇。鍾意佢夠清，食下菜清清地幾好～❤️菠蘿生炒骨酸酸甜甜，夏天食好開胃。❤️豉汁蒸倉魚倉魚夠新鮮，魚肉滑嫩，啖啖肉。落左豆豉同辣椒粒調味，令魚入口好香，微辣刺激食慾同時僻走魚腥味👍🏻。❤️豉油皇炒麵有洋蔥、芽菜和蔥，炒得夠香有鑊氣！👍🏻❤️XO醬西芹炒蝦仁西芹夠嫩夠脆口又清甜👍🏻。重有草菇、紅蘿蔔片等配菜。落左XO醬炒，好香口。提提大家呢度只收現金，記得帶備足夠嘅現金黎找數呀～🤣

香港代表美食就係大排檔 特別有風味六記位置有少少隔涉 但真係幾好味值得試下想有風味啲就坐室外 想嘆冷氣都有室內位星期六日假期有套餐 反而平日只可以散叫 不過我地叫到成枱滿晒都係600蚊仲要全部份量都好大 抵食六記招牌雞煲個人認為好食過啲雞煲專門店揀左小麻小辣都好惹味 雞肉夠滑仲跟左份生菜 索左啲汁好好食黑椒蜜汁脆薯牛柳黑椒牛柳大大塊食落都幾嫩 精粹係啲炸薯粒豉汁蒸魚雲大魚頭都幾好肉 魚雲食落滑捋捋魚香茄子煲呢個上枱時仲滾緊 咋咋聲好香呀惹味得嚟唔太咸 仲有好多肉碎 送飯一流金銀蛋浸娃娃菜食咗咁多款濃味嘅餸 食個清清地嘅菜都幾好小籠包個皮唔算太薄但肉餡充滿肉汁 唔錯呢間大排檔我哋絕對會翻兜呀

肚腩難得約到住青衣嘅好朋友食飯，聽講青衣多大排檔冬菇亭，我就提議去呢間食😎一到餐廳見到都幾熱鬧，仲有街坊帶埋海鮮叫廚房炒，好有feel咁😛見到餐廳有報紙推介過食客家菜，當然就叫番幾味啦😆古法客家碌鴨 $72幾新奇嘅味道！有甜薑絲鋪住係鴨上邊，仲有啲甜甜地嘅醃菜，肚腩覺得幾清淡👍🏼古法客家炆豬肉 $138濃濃嘅南乳香😍仲有嫩滑嘅豬肉太正了！豆腐好入味😁朋友最中意呢道菜，撈飯一流😋朋友都話客家味通常咸啲，因為客家人體力勞動多，不過師傅好明顯調左味，所以都適合港人口味😙招牌即蒸韭菜餃 HK$58從來未見過咁肥美嘅餃子，大大粒，皮薄餡靚💕時菜豆腐魚雲湯 HK$138成個魚頭都係入邊👍🏼有啲胡椒吊味，味道就淡啲金銀蛋肉鬆浸通菜 HK$68係住家菜嘅味道呢，金銀蛋好正，唔會太咸，通菜好爽口新鮮，同埋濃湯一齊正😋