利寶閣 (已結業)

食物水平差過地茂，又凍又細碟好似拜神咁樣。一碟排骨得四粒骰咁「大」。需然係208任食，但係係咪可唔個賣相做好一啲。好心佢係連所酒樓黎架，顧一下自己個面子，唔係下三流小食店！

琴晚約咗老公去撐枱腳🤣🤣其實都好耐冇同老公去食飯遲啲弟弟岀世可能都有排未得閒🥲所以我哋就去咗尖沙咀The one分店食任食深海大龍躉草飼百日澳洲牛放題🥰🥰🥰🥰而且今個月6月有全新Menu有全新龍躉四食👇🏻👇🏻1.古法紅棗蒸頭腩2.健康米水浸斑片3.骨香酥炸頭腩4.麻香酸菜斑片我就鍾意古法紅棗蒸頭腩，食到魚嘅鮮味，而且加咗紅棗甜甜的，好養生🤣另外老公就鍾意骨香酥炸頭腩，夠香口丫嘛同埋我最鍾意就係呢個堂煎百日澳洲草飼小牛牛板脊，啲牛鬆化又入味，即叫即煎，好好食🥰，有青胡椒白酒煮海蝦，呢個係老公食嘅同埋每2人獲送一隻A級頂級爆膏奄仔蟹，入面真係超多膏嫁！其實放題多達40款食物，又有得任飲，有啤酒，同一班朋友黎就岩唒，又有糖水同甜品，真係唔錯！我自己就好鍾意食片皮鴨同佛跳牆，佛跳牆有原隻鮑魚，真心抵食！

今日同媽媽撐枱腳，試左佢既午市點心放題最衰落雨同天氣差，如果唔係個view一定好正！每位都有一份皇牌黑松露蟹鉗酥、墨魚子鮮蝦腐皮卷同花膠灌湯餃睇下有咩食先，個放題係用黑松露做主題，當然要試試黑松露既點心！叫左黑松露鮮蝦餃、晶瑩鮮蝦餃、鮮蝦菜苗餃,蝦餃黎講皮都夠薄，蝦肉都爽口彈牙，我地都encore左2次另一個幾得意係黑松露蔬菜香菇包，個樣同香菇真係90%似！好搞笑，個包口感都幾軟綿，上面黑松露都好香整體來講食物質素滿意，上菜速度都ok,唔洗催單，都無漏單情況，配合個景，值得一試！

之前在網上預訂兩小時黑松露魚子醬系列點心放題，週末成人價錢$158，另收茶芥加一$39.9。埋單每人接近$200其實在其他酒樓都可以食點心食到飽，只不過就是想試一下這個黑松露點心放題，點心質素是還可以，但出餐速度真的太慢！我覺得自己最後是等到飽…1點半前入座後即刻填寫第一輪點心單，等左大概半個鐘先上每人奉送一份的黑松露蟹鉗酥、黑魚子鮮蝦腐皮卷、及花膠灌湯餃。前兩者其實黑松露與黑魚子唔算濃味，但總算鬆化與脆口；灌湯餃皮薄餡多，幾好食。再過十分鐘（即係落左單都四十分鐘～），第一輪落單的點心開始陸續送上。其實上完灌湯餃我已經入第二第三輪點心紙，但等到3點都未上晒啲點心！雖然酒樓職員無趕人走，但我都唔係好得閒無了期地等…所以我地都無食齊所有點心就離座。而我覺得酒樓先出較平價車較能飽肚的點心，黑松露叉燒腸出了一次之後都沒有再出。點心都唔想多提拉…等廿分鐘上幾籠，幾好食都無用拉。

呢間餐廳最近再推2小時點心放題，主打6款黑松露、魚子醬點心💎平日最低價只需$134一位，就可以任食多達40款即叫即做點心、小食、粥粉麵飯、甜品等🥢🌟每位成人獲送一份🦀黑松露蟹鉗酥：鬆脆嘅牛油酥包住一梳梳鮮蟹肉，慢慢啖出黑松露香🫔黑魚子鮮蝦腐皮卷：脆香腐皮包住彈牙鮮蝦同清爽素菜，放上丹麥黑魚子增添鮮味🥟花膠灌湯餃：雞湯經長時間熬煮，味道清淡鮮甜。深海花膠筒軟滑爽口。皮薄餡足嘅灌湯餃包住鮮蝦碎、肉碎、冬菇粒等👍🏼值得添食💗黑松露牛柳酥：用上草飼小牛牛柳粒，牛味濃郁，加入百里香同洋蔥粒作餡料。搭配曲奇撻皮，口感酥化富牛油香🥧💗黑松露鮮蝦餃：餃皮晶瑩剔透，口感煙韌薄身，蝦肉餡爽彈飽滿，充滿黑松露香🦐💗咖哩蒸土魷：魷魚爽脆有嚼勁，吸收哂香濃微辣嘅咖哩醬🦑💗金鈎咸水角：糯米皮香脆軟糯，餡料有豬肉碎、蝦米、冬菇等，味道鹹甜惹味🥠💗豬腳薑：薑醋甜酸得宜，豬腳、老薑同雞蛋都炆得幾軟腍入味，唯一挑剔豬腳皮多肉少🍖💗百花燒賣皇：餡料包咗半肥瘦豬肉、蝦仁同冬菇粒，味道爽滑鮮嫩🍄👎🏼有待改善💔黑松露叉燒腸：腸粉口感略硬偏厚，蜜汁叉燒餡不足🐖💔黑松露蝦多士：蝦多士炸得超油膩，一咬成口油🍞💔黑金流沙包：鬆軟嘅竹炭包

得知利寶閣推出了新的點心放題，還要是喜歡的黑松露😍，所以就決定去吃吃。店舖位於尖沙咀The One 17樓，環境挺大很舒適，可以欣賞到尖沙咀一帶的景色，一邊嘆茶一邊吃點心😛。-💥黑松露點心放題 HKD$168/位，首先會附送三款食物，分別是松露蟹鉗酥、黑魚子鮮蝦腐皮卷、花膠灌湯餃。餐牌上有40款多點點心小食、粥粉麵及甜品選擇😍。全部食物也是即叫即做，以確保是熱辣辣送餐，還要是任吃的🤩。-黑松露點心選擇了黑松露叉燒腸粉/黑松露鮮蝦餃，兩款食物面頭也有黑松露😍，黑松露味很香。叉燒腸粉口感滑滑的，蝦餃細細粒很可愛，味道爽口鮮味。-點心選擇黑金流沙包/咖哩蒸土魷/蘿蔔千絲酥/荔蓉蜂巢芋盒/金勾咸水角，食物份量與所點的一樣😆。流沙包熱辣辣吃很棒🙈，炸物也是要趁熱吃，口感酥脆不油膩。-甜品選擇了椰汁紅豆糕/楊枝甘露，椰汁紅豆糕味道清甜，紅豆口感煙韌粒粒分明。楊枝甘露味道酸酸甜甜，西米口感煙韌。-食物質素不錯，價錢一般，可以望著海景吃東西感覺不錯🙈。

黑雨嘅早上見無咩做食番個點心放題先。之前都食過利寶閣嘅點心放題質素唔錯，因知最近推出黑松露系列點心放題就特登過黎試下～平日 成人每位$134起都真係幾抵食！6款黑松露系列 點心+另有34款點心小食 2小時任食放題！每位送 1件 黑松露蟹鉗酥 墨魚子鮮蝦腐皮卷 花膠灌湯餃花膠黏黏感覺充滿骨膠原，灌湯餃紮實。蝦多士酥脆油香。蘿蔔千絲酥 外層酥脆，內的蘿蔔一絲絲爆餡惹味。蝦餃除左普通蝦餃外，當然唔少得黑松露蝦餃黑松露鮮蝦餃 蝦肉爽彈，仲有陣陣黑松露香。陳醋雲耳忍唔住食左兩碟，爽口入味咸菜豬肚 胡椒味香濃，豬肚彈牙。黑松露香菇包 菇菌同黑松露香非常夾。楊枝甘露勁足料！如果早黎坐到窗邊嘆茶就更寫意！

星期四既一點，朋友帶左我黎飲荼，佢話咩上網早烏價百零蚊一位任食。雖然酒樓唔大，但座位空間都是寬躺而且剛好我哋坐喺窗邊位，可以對住大大個景飲茶，都幾舒服。任食點心既點心紙食物唔算話特別多，但係基本嘅嘢都有。仲有就係佢嘅點心只係可以一件件一隻隻咁樣嗌，所以我哋兩個人食都唔使驚話食唔哂，可以每樣要D。任食嘅人，每位都會送花膠灌湯餃，雖然佢係送嘅但係啲材料都好足，唔會好hea 黑松露鮮蝦餃要左4粒，白雪雪嘅皮已經見到入邊有黑松露，雖然粒蝦餃比平時細粒，但粒蝦無縮水。咁熱食下蒜拍青瓜，另外鮑汁鳳爪，不過佢呢隻鳳爪同平時食開有啲唔同，感覺細隻同無乜肉咁，呢個你哋食嘅時候可以叫少啲試吓先，可以一隻隻咁叫。黑松露叉燒腸，呢度係6件，個叉燒腸本身已經好味同滑，加埋黑松露會更加香🤗另外仲有送黑魚子鮮蝦腐竹卷 & 皇牌黑松露蟹鉗酥，腐竹卷正常，而個蟹鉗勁鬆脆，同好香松露味，可惜無得點，如果唔係我都會食多兩個🤗黑松露蝦多士 & 黑松露牛柳酥我朋友勁中意個多士，而我就中意個牛柳酥，個酥超香松露，個底都好脆，我同朋友都一致認為佢哋嘅炸嘢全部都有水準！黑金流沙包，正常 好味👍🏽另外仲叫咗兩件燒汁木魚茄子 & 蘿蔔糕

同閨蜜每月一食，趕得切食到利寶閣6月晚市放題✌🏻，這裏地方寬敞，而且有落地玻璃，望着維港靚景吃晚餐，個人即刻放鬆很多☺️。首先嘆番個百日澳洲草飼小牛牛板脊，牛肉味香濃，肉身亦夠淋。必食北京片皮鴨原隻即叫即片，夠晒新鮮，原汁原味！仲有大量海鮮放題： 鹹香金沙蝦、醉翁海蝦、蒜蓉粉絲蒸元貝、麻香酸菜斑片等等，既有特色味道一流😋。還可以一次過品嚐各式各樣不同口味的小菜涼拌炸物： 胡椒鹹菜豬肚、甜醋豬腳薑、麻辣雞煲、陳醋雲耳、川味口水雞、黃金蝦多士、蒜香炸雞翼、蜜汁叉燒等等，非常多選擇，而且好有水準👍🏻。甜品方面有楊枝甘露、回味脆麻花、椰汁紅豆糕、雪糕等，韓式飲品任飲，好滿足，今次真係食到飽飽返屋企，超抵食！期待利寶閣下一次推出的新套餐呢🥰係Togetda訂購仲有特別優惠👉🏻https://bit.ly/33DYURG

上星期同朋友仔一齊去左食利寶閣晚市放題!位於尖沙咀The ONE 17樓，環境寬敞，樓底高，坐得舒適。今次食既係利寶閣6月全新晚市放題，除左可以任食龍躉四食、堂煎百日澳洲草飼小牛牛板脊、仲有青胡椒白酒煮海蝦!每兩位仲送頂級爆膏奄仔蟹，諗起軟滑細膩又流沙既蟹膏，真係好令人回味！北京片皮鴨肥而不膩，油香肉滑且肉味濃，配埋京蔥、青瓜一齊食好滋味！另外推介菠蘿咕嚕肉，酸酸甜甜，外焦內嫩，味道豐富好有層次。麻辣口水雞辛香味濃，雞件鮮香嫩滑。另外甜品都好唔錯，楊枝甘露有香甜芒果粒同Q彈西米露、千層薑汁糕煙煙韌韌，夠哂軟糯有咬口。而家係Togetda訂座仲有特別優惠，更抵食!有興趣快D訂位啦~https://bit.ly/33DYURG

我哋訂左食黑松露点心放題，本身book左今早十一點，我哋未夠十点半就去到，服務生都好有禮貌比我哋兩個入座，坐底左可以tick点心紙，整體食物款式算多，不過主要賣点有黑松露料咖点心就失色D，本身上到檯應該熱辣辣，但係現實係好多樣嘢都係唔夠熱頂多係微暖，反而佢哋咖包点類同蝦餃菜苗餃就一上檯就出晒煙好夠熱好食D，另外一部份side dishes例如係酸菜豬肚同鮑汁鳳爪就好入味好好食，所以我哋應該幫陳一次就夠... 最後因為本身係Togetda網以預訂早鳥優惠比左316元兩位，另外現場會收每人茶芥加一 79.8元，所以為返每人平均197.9元。

放題食得多，純中菜放題反而一直未試過😆其實舊年都有試過利寶閣嘅大閘蟹片皮鴨放題，真係唔錯㗎！🤤🤤.利寶閣最近推出左中式放題， 有海鮮有佛跳牆仲有片皮鴨，行開The one就決定去試下，食中菜有個好處就係環境闊落，冇咁大壓迫咁，放工之後可以舒舒服服咁樣享受一餐晚飯🥲🥲.今次放題嘅主題好多都係圍繞海鮮為主，海鮮迷嘅我梗係要試。🙈 .因為二人同行，一上台就先送咗個鹽焗奄仔蟹同一人一盅佛跳牆，奄仔蟹做得好入味，蟹膏同埋蟹肉鹽焗嘅鮮味，令人食到唔想停！佛跳牆燉得好夠火候，食得出無乜落味精 ，除咗有佛跳牆嘅一啲基本湯料之外，仲有一隻鮑魚仔响入面 ，有驚喜！😋.龍躉四食個煮法都幾特別，除咗有炸得好脆口嘅香酥炸頭腩，比較欣賞嘅係古法紅棗蒸頭腩，有充滿魚既骨膠原健康米水浸斑片，仲有呢排勁受歡迎嘅麻香酸菜斑片！真係你想要咩口味都有😂.輪到戲肉環節，豉油王乾煎大虎蝦，青胡椒白酒煮海蝦，醉翁海蝦同鹹香金沙蝦，呢幾個個都係必點同埋回本之選，放題嘅價錢可以食得酒樓出大師傅既功力！🤭🤭.不得不提就係堂煎百日澳洲草飼小牛牛板脊，堂煎真係香港中菜嘅一大特色，仲記得細個嘅時候去飲茶，一定會圍住堂煎嘅area望住口水流，然

今日小編就嚟到利寶閣，食下全網熱烈討論嘅6月全新晚市放題Menu，因為全因佢哋夠膽死主打龍躉四食、百日澳洲草飼小牛牛板脊任食套餐，啱晒好似小編呢啲貪小便宜又想食返個夠本嘅貧友。-佢哋會送京式片皮鴨、每人1盅原盅佛跳牆、每2人仲會送頂級爆膏奄仔蟹。咁當然啦呢三款就無得無限encore，人哋係咪唔洗咗生意先玩咩，呢個質素呢個價錢真係可以謝天謝地。小編真係好鍾意佢哋嘅佛跳牆好鬼鮮甜大佬真係頂唔緊！將所有材料嘅精華都熬入個湯入面，小編飲咗一啖咁大把都已經覺得皮膚靚咗身體健康咗（誇張mode）。佢哋嘅爆膏奄仔蟹真係唔好講經，小編食到連每一隻手指都吮埋點搞啊！-佢哋仲有好多正到爆嘅任嗌中菜，好似鹹香金沙蝦、胡椒白酒海蝦、椒鹽排骨、上海烤麩、蒜蓉粉絲扇貝、菠蘿咕嚕肉、楊枝甘露等等，小編真係癲咗咁encore真係唔好意思嗌到，相信個晚肥咗幾百磅但真係心甘情願不講經。

我食黑松露點心放題， 坐咗半個鐘先上每人限送一份嘅點心，坐咗45分鐘先至開始上叫嘅點心。 建議唔好嚟食, 上嚟啲嘢食好似打咗龍捲風咁， 呢個食評唔會有圖因為餓到就算好似垃圾崗摷出嚟咁，到都即刻食咗。 寫寫下而家過咗差唔多一個鐘零三個字啲嘢先開始出嚟我哋第一次落嘅野食， 咁影畀大家睇下啦。 唯一要講返就係啲阿姐服務態度係好好嘅， 係佢請唔夠人， 啲嘢食真係十分普通， 食得飽真係偷笑。寫到呢度隔離兩枱都係上咗年紀嘅人，我比較後生，阿姐唔知係咪以為我哋係foodie,突然之間嚟得快咗啲嘢。好笑嘅位係坐咗半個鐘之後女朋友出去攞嘢食，然後話"我幫我哋爭取咗呢碗嘢返嚟😂 唔知以為自己去咗難民營。

之前去過利寶閣飲茶，覺得點心特式精美  ;  最近給我見到有6月全新晚市放題，可以任食深海大龍躉、草飼百日澳洲牛、海鮮小炒等，所以我們的聚餐就相約在這裡，可以欣賞靚景之餘還任食我最喜歡的高級粵菜，讚！進入餐廳感覺地方寬敞，環境舒適，餐廳裝潢雅致，加上落地玻璃窗，讓我們一邊品嚐廚師烹調別致的粵菜，一邊飽覧香港醉人景色。餐牌上有6月全新晚市放題，任食深海大龍躉、堂煎草飼百日澳洲牛、海鮮小炒、飲品任飲，每位成人送一份鮑魚佛跳牆，兩位成人更送一隻頂級爆膏奄仔蟹，2小時任食高級粵菜，大概近50款精緻菜品。收費 : 逢星期一、二、四至日 成人$318/位，小童$244/位 ; 逢星期三 成人$298/位，小童$244/位 ; 2021年6月19日至21日 成人$338/位，小童$244/位。珍貴稀有的斑魚之王 - 深海大龍躉，是我非常期待的美食之一。龍躉四食來到，單看見已經好吸引啦，龍躉無論是清蒸或炆炒焗，都一樣好吃，魚肉特別爽滑，肉質鮮甜彈牙，鮮美至極，我們都食到津津有味。在香港較少吃到的堂煎百日澳洲草飼小牛牛板脊，沒有太多脂肪，牛肉煎煮後肉質鮮嫩，有彈性，肉味香濃，草飼牛屬較低脂肪及高蛋白質，