利寶閣 (已結業)

下午1點半 既點心放題，每個來臨既客人都係提早一星期訂位，但係竟然係安排客人上仍然係混亂至極，我大約提早10分鐘到但係等候時間竟然一直未比遲來的客人快取位。等了20分鐘，未食野先受氣，如果是一兩天前才訂位，人手安排不足，人之常情，但係基本上都係一星期前訂位，可惜依然係咁。入坐後，餐廳風景一流，可以一覽無際嘅海景，餐點卡略嫌少咗d選擇。首先點左一壺香片，唔掂，普通茶樓好似好啲😅之上嚟皮蛋瘦肉粥，正常鮑汁鳳爪，好味XO醬腸粉，正常百花茄子，正常乾燒伊麵，無味，麵身亦都想唔到咁淋，千祈唔好試椒鹽雞翼，我寧願食麥當勞或者KFC，一啲椒鹽味都冇。雖然係可以食但係唔會想再試等候點心時間，平均10分鐘後左右總結CP 幾高，就單單睇海景已經值個價錢，何況唔係好貴200內一個人，野食可食用正常。有機會可試，唔建議用黎慶祝活動。

服務人手不足，點心水準一般。出餐慢。出品賣相不好👎有些點心出來也不是很熱的，只是微溫。對比起上一次係酒店中餐部放題，人均少了$50，但$150完全不值這個價格！非常之失望😞

終於有中式放題經驗！12:00入席、限每枱2 hrs ,我哋要分開了兩張枱，二人一張，飽魚鳳爪、蝦蛟、燒賣、春卷、干燒伊面味道幾好，附送鉋魚撻、花鉸一碗，好可惜我友人嗰碗花餃內有一隻曱甴，立刻告訴服務生知、但回答是隻昆蟲自己爬入去、雖然換咗另一碗，唉⋯⋯我哋有d隂影和失望，然後付款走了。附送花餃加小曱甴

$148八折然後再加一同埋$15茶錢，計返起都係$148一個人，每位還有灌湯餃及鮑魚酥送，鮑魚酥一般，灌湯餃有驚喜食物種類唔多，但係亦都唔係少，都係一般酒樓嘅點心基本野，斷件或者斷碗計，食幾多就填幾多避免浪費食物。Order左蝦餃同燒賣，一食落去都有一陣變壞嘅味道，其實隔離枱已經講咗，不過唔信邪諗住試吓，點知.....瀨咗嘢講返啲正路野，春卷OK，皮蛋瘦肉粥OK，鮑汁雞腳OK正常味道嘅食物，叉燒包，叉燒腸，薑汁紅棗糕，炸竽角，鮑魚酥超難食嘅食物：牛肉球，黃金糕，蝦餃燒賣，香煎腐皮卷，煎蘿蔔糕係凍嘅基本上如果你對食物冇要求，呢個價錢係超值嘅但係普遍來講應該唔會有下次最重要一點，宣傳單張上所有嘅食物除咗蝦餃燒賣，有好多食物都係冇嘅，$148當買個經驗食點心放題最後補充一點，員工嘅服務是有禮貌的，值得讚賞員工服務態度

疫情期間好多酒樓都搞點心放題，上網都有幾個youtubers推介呢間嘅點心放題，我就抱住一試無妨嘅心態試吓。一個星期前已訂位，訂1點半係第二輪。1:15pm 到達，侍應們忙住執枱，等左10分鐘左右就安排入座。點心可以續件叫，三兩知己就最啱，每樣試一件可以試多啲唔同款。酒樓每位送鮑魚酥同灌湯餃，個鮑魚酥係微喛好一般，灌湯餃夠熱，餃子皮薄饀料都多幾好味。其他點心蝦餃燒賣正常，鮮竹卷清清地幾好食，腸粉皮薄算水準以上，鮑汁鳳爪夠冧好味所以encore左一次，蘿蔔糕唔粉見到有一絲絲蘿蔔，煎得香脆不錯👍🏻，咸水角皮薄夠脆都OK，叉燒包细細隻唔會太飽，糯米雞係水準之作，不過太飽肚唔能夠encore。薑汁千層糕夠薑，幾好食，反而個蛋白杏仁茶太甜有啲失望😞。服務方面，明顯人手不足，但侍應有禮。環境寬敞，樓底高，有落地玻璃，境觀開掦，唔嘈，三兩知己傾計一流。訂位有8折埋單$150一位，CP值高，推介!

有幾日假期無得出外地玩，所以同外母預先慶祝母親節，佢好耐冇食點心，所以特別嚟呢度食點心自助餐。假日$168+加一收$22.8，茶位再收$15/位，總數為$206左右，一D都唔平，同外母來都無想過返本，只希望食多些點心款式。首先每人送一個鮑魚撻及灌湯餃，飽魚又淋又入味，摓底脆口蛋香豐富，有水準。但灌湯餃就差少少啦，個餃子表散晒，好在湯都唔錯。蝦餃及燒賣有驚喜，無因為自助餐而降低水準，蝦肉多又結實，感覺新鮮。燒賣亦有少少彈牙。炸春卷及流心榴連炸彈都炸得唔錯。其餘的點心水準都一般，腸粉皮有啲厚。鳳爪比較瘦身，無咬口，味道還可以。牛肉球感覺唔到牛肉味。炸蝦餃炸到過了火喉，老過頭。排骨有少少瘦，好在還淋身，但份量偏少。珍珠雞米肉分離，散開晒。流沙包包皮太厚身。脆皮叉燒包等好耐才到，但食落完全凍。甜品有兩款還可以：楊枝甘露及杏仁茶，最後食咗2碗楊枝甘露。原本對十勝紅豆雪糕有期望，但同張相完全唔同，冇咗脆麻花。我估疫情原因，侍應人手緊張，上菜時間好慢，亦有漏單情況，有一半食物水準一般，以此價錢，性價比一般。

家人一直好想試點心放題，但好多間都full晒，打去呢間又book到，所以就泥試下。好耐之前泥過一次飲茶，覺得d炸蝦餃幾好味，所以都想試下放題。一上到泥，見到好多人等緊位，全間酒樓得4-5個部長，傳菜，執枱，帶位，聽電話，埋單都係佢地，真係睇見都覺得佢地慘，跑泥跑去，忙唔停。都明呢個時勢好多公司都cut人，但又要整唔同promotion吸引客人泥，泥到其實唔夠人手，大家都幾辛苦。每張枱都有提示牌話落完單要等20-30分鐘，都明嘅，始終咁多人咁多單。等左半個鐘，終於有野食喇，d炸蝦餃都仲係好正，但其他炸野都真係幾油，一咬已經擠左5-6滴油出泥。 蒸包又係好失望。。個奶黃包一咬係流心，但d顏色係啡色，味道怪怪地，有d似咖央醬咁，食左一啖就頂唔順放棄左。 到甜品系列，叫左個養顏棗皇糕同楊枝甘露(如下圖), 真心嚇親，好大隻小強腳喺舊糕上面，仲要有毛架個楊枝甘露我都係第一次見會有咁多泡。。睇見有d唔開胃

Very disappointed, lunch buffet only has 39 dim sum dishes to choose from, no fried noodles or rice, only one congee to choose, not much varieties, will not come again. 148+10%, 20% off from Monday to Friday. Only 3 waitresses.

呢排好想飲茶⋯咁見到尖沙咀有幾間酒樓都做緊任食點心⋯咁我比較左大家既點心紙⋯（因為通常任食都會比平時少）⋯佢哋有點心，腸粉，炸點，甜品⋯咁比較完我覺得呢間都算幾多選擇⋯咁就訂左枱啦⋯因為疫情影響，枱與枱需要150米距離⋯咁佢地個場已經set好左啦⋯一入去都需要量體溫🤒️⋯跟住就可以坐低啦⋯因為佢係高層所以風景唔錯⋯有海景😇⋯我未試過飲茶飲到咁靜⋯好似食緊fine dinning 😛..另外所有碗碟佢都有用滾水係我地面前淥⋯所以都幾放心⋯點野食個陣⋯睇清楚啲就發現係一件件叫⋯而唔係一籠籠⋯呢個方法係超級讚⋯咁就唔會浪費而且又可以試多啲款⋯而且每人會送一個鮑魚酥同灌湯餃⋯啲野食基本上都幾好食⋯蝦餃燒賣樣樣齊⋯有曬我鍾意食既野🥰其中有一樣比較surprise⋯⋯炸燒賣就食得多⋯第一次食炸蝦餃😋😋好好味⋯外脆內軟⋯仲有啲椒鹽味⋯其實任食點心真係好爽🤩🤩

平日想飲茶食點心，開著車來到The One隨便選了利寶閣，座位寬闊，又有落地玻璃，坐得挺舒服的。一開始看到有四張平時放題看到的點心紙，原來這邊還有放題，不過我們也吃不多，還是讓他們把正常的點心紙拿過來。原來平日2點後大小點一律$24.8。瑤柱灌湯餃、上素腐皮卷、鵪鶉蛋燒賣、五香鹹水角等都做得很不錯！就是唐生菜比較老，有點一般。兩人合共$186，加幾塊可以泊車，絕對方便。食量大的絕對可以點放題，我看總類也滿多的！

成日黎K11但冇咩上去樓上既餐廳。朋友介紹利寶閣點心放題質素好，今日特登同家人黎試下，實在令人驚喜！首先每位一隻大大隻鮑魚燕窩蛋撻，鮑魚唔係普通貨色，味道濃郁同燕窩配合！還有每位一盅花膠灌湯餃，花膠味濃，材料十足，淨係呢樣食品已加分不少！此外，還點了多款點心，我選了幾款提提大家一定要食下：芋角內有帶子，唔同平常只有豬肉，味道很好。炸蝦餃有創意，皮脆蝦彈牙新鮮！鮮竹卷有湯底，帶出鮮竹的美味，而腸粉順滑可口。最驚喜的是懷舊點心大包，材料十足，好多酒樓都冇架喇。雞粥味清甜，不加味精，可口！甜品方面，我們點了楊枝金露，蛋白杏霜，芝麻卷，紅棗糕蛋白杏霜滋潤養顏，楊枝金露消暑可口，芝麻卷有濃郁的芝麻味，紅棗糕有紅棗的原味，值得一讚。呢度最好的是每次份量剛剛好，試食過後，哪一款合口味的就再 encore，食得非常開心，叫到成枱都係，大快花頤！

今年團年飯揀左黎利寶閣，貪佢有粵菜放題，一個價錢可以有五十款唔同小菜飯麵甜品任食，就算香港未有真普選，起碼喺利寶閣，都可以唔睇荷包任點任食。放題平日夜晚$238/位，入單起計可以任食兩個鐘，雖然話限時，但時間都足夠，茶水每位連加一$17.6，新年期間賀年酸菜$13.2/位，不過留意返，每位另外仲耍收返原價加一$48.8，埋單人均大約三百蚊鬆啲，價錢雖然唔算特別平，但臨近新年都算合理。賀年酸菜係麻辣雲耳，雲耳爽脆，辣辣地幾惹味。其中一個回本位一定係任食北京片皮鴨同谷飼牛柳，兩樣都係喺出面自助區攞。北京片皮鴨皮下面唔會有太多肥膏，鴨皮燒得夠脆，連住少少鴨肉，用餅皮住食再加埋片皮鴨醬，味道拍得住出面茶樓散叫嘅片皮鴨。佛跳牆雖然唔係任食，但非常足料，入面有鮑魚、螺肉、瑤柱同瘦肉，唔會太油，好入味。椒鹽蝦鹹鹹辣辣，辣度只屬bb辣，不過就略嫌唔多夠鑊氣，但放題質素都唔能夠要求太多。黃金蝦味道比椒鹽蝦濃郁惹味。避風塘肉蟹加左幾多炸蒜粒一齊炒，所以好夠味。叉燒同燒腩仔唔會切得太薄，肥瘦適中。沙薑鳳爪沙薑味唔算太濃，味道普通。脆皮炸燒賣平時比較少見，係將平時嘅燒賣皮轉做炸皮，脆脆地幾特別。淨雲吞皮夠薄，

日本放題但唔食生野？打邊爐任飲任食太肥膩？酒店自助餐太貴？香港地有好多唔同花款嘅任飲任食，呢間酒樓有呢個點心放題，我當然要同我家人去食下啦！星期六日假期既下午點心放題只係$168，晚上貴啲但豐富好多，我同家人只想食點心，所以選擇下午嚟。好多張點心紙，入面有唔同嘅點心任君選擇，我地當然樣樣都叫少少，睇下邊樣好食!野食未嚟之前，每位送上鮑魚燕窩蛋撻，當然免費嘅唔會好大粒，但鮑魚味濃郁，蛋撻皮鬆脆，我家兩老食完龍顏大悅~另外仲有每位送灌湯餃，入面真係好足料，有花膠魚肚，湯底仲好清甜，抵讚！跟住我地叫嘅野逐一送上，腸粉、燒賣、蝦餃一定唔少得，仲有蘿蔔糕、春卷、釀茄子，呢度勝在你叫幾多佢就嚟幾多，而且樣樣野食都係熱上，唔係預先整定。另外仲有啲特別野食：迷你叉燒飯唔會好大碗，有一隻煎蛋放上面，又靚又好食！叫到成枱都係點心，而且樣樣質素都好高，望出去風景係一片維港，喺呢度同家人spend一個寫意嘅下午，兩老實在滿意，下次可以再encore!

最近天氣凍拍拖食飯都會揀D中餐暖胃，有初老症狀既我地都開始注重養身，連想食放題都揀特登返中餐黎食，今次就俾我地搵到係尖沙咀 The One 17樓既利寶閣。一出lift 好快有Staff 帶我地入坐，依個價錢對住夜景食中餐放題，淨係睇景都抵返晒haha。坐低叫埋茶，就專心睇下點心紙上面有咩選擇，熱盤、冷盤、點心、甜品有成五十幾樣。出面仲有堂弄北京片皮鴨同堂煎美國谷飼牛柳自取。入坐包左每人一份極上佛跳牆，湯料包括有原隻鮑魚、海參、瑤柱仲有女仔最鐘意既花膠，夠晒足料，用料矜貴，湯味鮮甜好滋潤。除左一人一碗極上佛跳牆，仲有每人一份既上湯大虎蝦天使麵，大虎蝦蝦肉爽口彈牙，鮮甜厚肉，天使麵就索晒湯底同埋蝦既鮮味，成個感覺就好似西式版龍蝦伊麵咁，好食！黎到我地最期待既堂弄北京片皮鴨，依到有專人將鴨切片，片皮鴨會皮連肉切，外皮同肉中間夾住層脂肪，係入面陣油香真係令人念念不忘。烤鴨皮脆肉厚，配埋爽口青瓜、香口蔥絲同埋甜甜既片皮鴨醬加埋外面薄脆香口既薄餅皮，係幸福既感覺！！！仲有我好鍾意食既酸菜魚，酸辣度適中，芽菜同酸菜都吸晒湯入面既精華，魚肉嫩滑夠薄身，食落啖啖肉。依到既海鮮都做得唔錯，薑蔥炒蟹有好重

利寶閣的二小時點心放題，每人會有鮑魚酥，花膠灌湯餃，牛肉腸原來係一件仔有驚喜，鳳爪和豬腳薑都不夠入味，醋雪耳不錯幾清新，雞中翼炸得不錯不油，蝦餃和燒賣味道就一般，牛肉球不錯帶牛肉味，大包太乾身，菜苗餃不好吃失望，榴蓮炸彈好味夠濃，雞粥粥底一般但雞件味道幾好有口感，甜品楊枝金露好味芒果不太甜，但整體食就剛好，杏仁茶即整真的有蛋白，紅豆雪糕勁失望，因圖片差好遠。而茶芥每位十五元，一共每人二百零七都不錯，可以食到不同食物又質素可以。