影片
開飯介紹
利苑酒家提供大量套餐於食客選擇。當中有鮑魚﹑響螺﹑燕窩等貴價食物。利苑酒家著重不斷創新以迎合客人的需求及時代的轉變，一方面要保持現有菜式的水準並按客人反應加以改良，另一方面更要求每一位廚師鑽研新菜，三十年來創出上千款菜式。
繼續閱讀
特色
同客食飯
適合大夥人
營業時間
今日營業
11:30 - 15:00
17:30 - 23:00
星期一至四
11:30 - 15:00
18:00 - 23:00
星期五至日
11:30 - 15:00
17:30 - 23:00
公眾假期
11:30 - 15:00
17:30 - 23:00
以上資料只供參考, 請與餐廳確認詳情
有關獎賞計劃
招牌菜
相關文章
今日過嚟銅鑼灣做嘢，誤打誤撞泊咗架車入時代廣場，咁求其睇吓有乜嘢食，上面果幾層睇落酒樓多，揀咗想試好耐嘅～利苑。蝦餃～正常味道，細細粒粒，有啲似廣東一口雲吞，一啖一個，沒驚喜，咁如果比較「太子得獎」蝦餃好多。芋絲脆春卷 ～咁佢又無講錯，脆春卷佢真係做到，但芋絲就差啲，第二張相係橫邊～無咬過，我會覺得佢係炸咗入面層先再包多層炸？所以導致入面果層芋絲「硬晒」，無晒層次？蘿蔔糕～正常水準，食到一絲蘿蔔，臘肉亦夠，收貨。干炒牛河～一放底，係有陣鑊氣衝過嚟，又有一陣香味，急不及待夾嚟食，佢係有鑊氣～但唔知係咪想啲客健康啲？唔夠味，牛肉口感又「鞋」咗小小小小，係真係小小，油又多咗小小，真係成口油，正常我唔會咁挑剔，但你哋收$145/碟，我就要要求高啲。個個都話佢係天花板，咁可能係晚晚炒餸，今日淨係試咗茶市，無乜驚喜，咁喺銅鑼灣價錢高啲又喺正常嘅，但以我呢啲cheap精嚟講，質素真係好一般。回頭度～3/10以上純粹個人食後分享，本人絶無收受任何利益或優惠，亦對以上言論承擔所有責任。
繼續閱讀
利苑啲蝦餃真係好好食，粒粒都好多蝦，個皮都晶瑩剔透。小籠包都皮薄多汁，肉質鮮嫩可口。芋盒炸得金黃酥脆，香口惹味。馬拉糕完全帶出了古法既味道，食過會翻尋味。可惜叉燒就略微遜色，因為有筋，而且偏向肥，肉質都滑但感覺鬆弛。餛飩雞湯感覺高品質，湯熬煮得十分好喝，是用一隻完整的雞熬的，餛飩都和雞湯都很配。#利苑酒家
繼續閱讀
當日時代廣場人煙稀少，呢間叫做多食客啲。我們被安排坐近厨房位置，油煙味傳到出嚟，真係要整理吓！我哋叫咗個$888二人套餐，再加沙薑鳳爪。沙薑鳳爪大隻肥美，比想像中淡味。前菜：秘製滷水鴨舌、金柱貢菜鴨舌平平無奇，尚算入味。貢菜微辣爽口，很開胃！蜜汁叉燒香口燶邊，肉腍，甜度適中燒腩仔皮脆肉嫩，唔鹹。自選兩個小菜：雙冬炆海班頭腩，份量足，但班腩唔係新鮮，用好多粉包住。咕嚕雞球，睇落細碟，其實有四大件雞，雞肉滑，略嫌酸甜味唔夠。是日燉湯：耆黨燉當羊奶白色的湯，材料豐富，好香當歸味夠晒暖胃。炒得乾身，臘味粒唔少，偏甜，個人喜歡鹹香味多啲最常食的飯後甜品，甜度正常，杏仁味一般。試過幾間利苑，呢間係最普通，冇乜嘢值得回味！
繼續閱讀
由細到大都有幫襯，各間分店都有捧場，過年過節都會有派利是，都知道集團嘅員工質素有參差，只是想不到可以變得咁差！唔好怪香港人北上搵食遊客都唔嚟啦！你哋今时今日嘅服務質素同態度！我寧願幫襯其他地方都唔會再去睇你面色！人在江湖！你哋唔好以為自己仲係以前嗰啲利苑！
繼續閱讀
今天，腍住俾多次機會這間做得越來越差嘅利宛，最後是非常失望。第一，中午12:45前埋單有85折，攞佢少少著數，一夠鐘就趕客，又有吉枱又冇人排隊第位，態度又惡劣。第2，叫左個例牌义燒，吩咐要腍身d,但d肉都係硬和鞋口，失敗。蝦餃個樣ok,但入面d蝦散收收。鮑汁鳳瓜又吾淋又夠味。個例湯ok。但唯一一個男待應服務態度吾合格，冇笑容，因佢有個上级女高級侍應重衰過佢，吾怪得d客越來越少。大家小心上當及浪費金錢。
繼續閱讀