前家樂餐廳火鍋店 (已結業)

之前潮流興雞煲，所以好多人得閒就去周圍食雞煲，但係後期越做越濫，好多都做到遜色咗~ 前排我朋友生日，話想食雞煲！講到明生日，就梗係唔會求其去啲咁大路嘅雞煲店啦🤣 搵咗好耐，決定試吓大角咀呢間叫「前家樂」既雞煲店😍 其實之前聽過親戚講過，呢間雞煲質素幾好，所以膽粗粗，就去試下😊 我朋友要求不嬲都高，尤其是成日食雞煲嘅佢，把口好腌尖，所以我去之前都同佢講定，我哋係去試吓先，唔好食唔好嬲🤣🤣差不多時間，我哋都到齊，鋪頭都算幾乾淨，超級大，有好多座位，但係座位都好闊落，唔會設計到枱同枱之間好近，唔會行都行唔到~ 我哋兩個人去，老闆竟然安排左一個四人座位俾我哋，太誇張🙈 雞煲選擇好多，我朋友就話生日梗係試新野，所以佢就揀咗醉雞! 其實我就真係麻麻地醉雞，因為我本身都唔鍾意飲酒！但係朋友生日大晒，所以就聽佢講啦🤣😂等左大概5分鐘，店員就送咗個煲過嚟，係我地面前開爐整熱啲湯，然後冇耐就低咗醉雞盆過嚟，碟都裝住左醉雞，放低就已經聞到好勁既酒味，即刻「嘩」左一聲，心諗，好醉下🤣 店員同我講，唔使擔心，食落會好好食👍🏻 咁先冇咁擔心🙈 等咗大概2分鐘左右，湯終於滾左可以食得！店員好細心咁幫我地將啲雞逐件逐

今天去了一家朋友會經常去吃的餐廳，叫前家樂。其實店裡也有不少的座位，我很好奇為什麼員工很少。朋友告訴我這是家庭式經營的店，所以通常都是只有幾位家庭成員在工作。然後我才恍然大悟，終於明白為什麼菜會那麼美味，感覺他們就是在做菜給家人吃，想把最好的菜給客人。今天賞到的是年輕老闆親身調理的花雕醉雞煲，吃不停口的美食。其實一直都挺喜歡用酒去調味的食物，不過這次更是厲害。先是用花雕去釀製良久的黃油雞，又是酒味濃郁的湯，完全明白為什麼叫醉雞🤣花雕深深地滲透到雞肉的每一個部分，我喜歡再配上一點點辣椒醬油，絕，我下次又帶另一個朋友來吃😋😋

朋友約話去食前家樂雞煲，我一開頭仲以為係呢個「錢家樂」🤣 餐廳位於大角嘴，係奧運站行過去都好快好方便。店內企理乾淨，裝潢簡簡單單並不花巧，我反而覺得咁先有食雞煲的feel😬本身諗住食麻辣雞煲，但係睇menu的時候竟然見到有花雕醉雞煲，我即時眼前一亮👀因為唔係好多地方有醉雞煲食架！於是我地即時轉鈦點左花雕醉雞😆✌🏻湯底有好多藥材，紅棗、杞子，哈哈頓時覺得好養生呀！而且酒氣濃郁，但係又唔會有嗆鼻的感覺。餐廳老闆話佢地既雞係用三黃雞，所以食落去會比一般雞更加嫩滑。我覺得餐廳好貼心既係火鍋食材可以比客人選擇半份/一份，方便客人想試多d唔同的配菜。呢個花雕醉雞煲真係無嗌錯，所有配料都吸收晒湯底的精華，食落去有淡淡的花雕酒香味！正！順帶一提呢間餐廳係屬於家庭式經營，所以得老闆，老闆爸爸，媽媽三個人去serve，所以如果佢地客人好多好繁忙既時候，就耐心等下啦～不過食物質素好既，其實等下又有咩所謂窩😬😬

平時四圍食麻辣雞煲就食得多，今次決定搞搞新意思食醉雞煲！呢間餐廳係一個朋友介紹，話雖然唔係成日聽到好出名果d名，但係拍晒心口話品質一定好😌有食開雞煲的人都知通常食雞煲都要食得好快，因為煲得越耐d雞會開始變得好老，但係呢隻醉雞煲左好耐都依然好嫩滑，結果我忍唔住問老闆到底佢地有咩祕技，佢話唔想客人會因為雞越煲越老呢樣嘢而變得食雞煲既時候好狼吞虎嚥，變相無辦法好好地享受食雞煲的過程，所以佢地特登揀選用三黃雞，肉質會比較嫩，就算煲左好耐都唔會咁容易老，咁d客人就可以舒舒服服咁慢慢嘆雞啦～其實作為食客聽到真係覺得好窩心😍 有時一間餐廳好唔好唔係睇名氣，而係有無好實在地企係客人角度去出發👍🏻佢地好多火鍋配料都真係好高質，我個人特別推介雪花肥牛，蜂巢豆腐，芝士竹輪，墨魚滑，呢d配料擺落麻辣雞煲係火辣惹味，但當放落醉雞煲，係完完全全的不同口感！係會令人回味無窮的感覺！🤤唯一美中不足的係因為餐廳係家庭式一家三口經營，所以繁忙時段可能上菜速度就要客人體諒下啦～

呢排比朋友帶住周圍食好嘢😊🤣 啱啱升左職人靚心情好係唔同啲~尋日去咗食大角咀好出名嘅雞煲店-前家樂！個名真心特別，初時真係以為係藝人錢嘉樂開，但係原來唔係~朋友話係老闆之前打工時鋪頭第一個客人係錢嘉樂親戚，所以自己開舖頭嘅時候就改呢個名~ 真心正，感覺係一個好信緣份嘅老闆！我哋坐低本身想叫麻辣雞煲，因為朋友食過話好食~因為我唔係好食得辣，所以就叫咗醉雞煲✌🏻😍 老闆都話醉雞煲比較多人叫，搞到我超級興奮，因為好食嘅醉雞煲超級難搵！等咗大概10分鐘左右，終於有得食！唔食唔食，一食就真係停不了！我本身冇乜期望，覺得應該係清淡嘅雞，應該會冇乜味道！點知，啲雞唔單止好軟身，一啲都唔銀，超級好食！小小酒味反而令到味道更加出，本身以為好重酒，但係我估錯晒，就咁單飲湯已經超好味，雖然有少少酒味，但唔係超級濃，我估酒精係為咗令成隻雞嘅味道更加出色，而唔係真係想我哋飲酒🤣之前食過冷盤嘅醉雞，超級難食，呢隻醉雞煲簡直顛覆我對醉雞嘅感覺~ 我哋叫咗飯食，就咁送飯已經覺得好好味，同埋感覺好健康！我哋另外叫咗蔬菜大拼盆，但係佢真係俾咗勁大盤我哋，仲要咩都有啲，粟米蔬菜雲耳等等。搞到我哋食完飽到上心口👍🏻👍🏻我朋友

今日朋友介紹我去一間係大角咀盡頭既雞煲食飯,其實平時都有去下大角咀,但好少行到咁入,原來有間叫前家樂哈哈,個名又幾搞笑本身以為食麻辣雞煲,但同行朋友唔食得辣,咁就試下新野食醉雞,有時都會係唔同餐廳食下醉雞,但呢到d雞煲有d唔同,佢既醉雞湯底好濃味,花雕都好重,雞湯好清,好好飲,唔同在於出面既醉雞多數d雞都係好肥,但呢到既雞肥得黎好滑,大大件好重秤～今日唔係好肚餓,所以唔係叫左好多料,肥牛👍🏻芝士竹輪同芝士年糕👍🏻雞,真係好多,所以唔洗叫好多送👍🏻👍🏻

話說幾年前，同朋友搬左出來住，中意周圍覓食既我，梗係第一時間搵系附近有咩美食先，於是就結識左前家樂，每次諗食咩既時候，總系第一時間就諗起佢。今日又來😏食好西，嗌左花雕醉雞煲。個煲一來已經酒氣十足，老闆仲要親自教路正宗食法，個煲要滾左先好落雞，老闆又好窩心甘幫我地放一半雞肉，話d雞煮太老會冇甘正，貼心❤️，一打開個盖，個香味令我地呢班餓鬼急不及待就開始搶食。其實我系第一次食花雕醉雞煲，完全估五到花雕系甘帶得出雞既鮮甜。五分中都五使，半隻雞就被3個人消化曬，大家都好似從來都未食過好野既狀態甘😂我想開始放其他配料既時候，有條友又二話不說甘倒曬d雞落去👍hahahaha 我梗系五會執輸，繼續搶食。依家諗諗下，呢幾年食雞煲好似都冇去過其他地方🤣d員工都已經完全認得我，仲要周不時，會巧遇自己其他朋友都食緊😂期待下次😋😋😋😋

最好吃的雞煲，我吃了左很多地方，都還呢度的雞煲最好味。雞煲口感好好，香味同其它地方不同，非常好吃。我來左很多次，我第一次寫評語，有幾次帶朋友來，連朋友都讚不絕口。

去得大角咀搵食，好自然就會去嗰區嘅"食街"埃華街搵食。從奧運站B出口沿住天橋行，直到埃華街嗰個出口落樓梯。我同朋友都熱到唔想行，決定以9秒9速度入最近嗰間餐廳。原來我哋入咗一間食雞煲嘅餐廳。坐低，發現冷氣都多夠，連水都無一杯，只有叫餐紙上供應嘅凍飲。全部飲品都係罐裝汽水、樽裝涼茶或樽裝啤酒。由於朋友唔食辣，食唔到招牌菜"麻辣雞煲"，我哋就揀咗椰子雞煲(細)。 主菜係煲，分別有雞煲同魚煲之後我哋睇大紙揀配料。 有不同種類配料由於得2個人，我哋只係叫咗5個配料，有黑蹄豬梅肉、蜂巢豆腐、蔬菜大拼盤、雙拼滑(蝦、墨魚)及一品花膠。 黑蹄豬梅肉估唔到椰子雞煲材料十足。白白嘅椰子湯內有半隻雞，又有紅棗、杞子、洋蔥等。 鮮甜椰子雞煲(半隻) - 椰子雞煲材料十足，白白嘅椰子湯內有半隻雞，又有紅棗、杞子、洋蔥。個椰子雞煲原來用咗三黃雞，一種煮幾耐肉質依然咁滑。唔怪得黑蹄豬梅肉煮到"嚡"晒，但係D雞食落去仲係咁鮮甜同滑溜。 椰子雞煲 - 三黃雞質感、味道都係一流。今次我哋為咗幫自己補一補，叫咗"一品花膠"。一嚟到就全部落晒煲，將佢增值變成"椰子花膠雞煲"。為咗保住D花膠，花膠只放某一個位置同計好時間，否

天氣涼涼地食煲就岩曬啦！天氣開始凍，又係打邊爐的季節。大角咀打邊爐選擇甚多，豬骨煲、港式火鍋、日式涮涮鍋、雞煲應有盡有。有朋友竟然從來沒有食過雞煲，就讓他到前家樂試試。這晚是平日的八點多，店舖面積不算大，訂了枱但我們一行四人還是要等了約20分鐘。進入店內，不花巧的裝潢，但尚算企理乾淨。明顯這實而不華的風格真實地反映在價錢上， 比起那些裝修華麗的火鍋店，我更喜歡這實力派。店內採用三黃雞的芝士雞煲半隻食落肉質比較嫩滑，芝士味道剛剛好，食完唔會感到飽飽濟濟。吃完雞煲後，便加湯打邊爐。配料推介芝士竹輪，咬開後芝士流曬出泥，好味到停唔到口豬頸肉肉質鮮嫩，味道不錯！丸類方面，可以半份/一份，我們吃不到太多，點半份已經足夠。小份：白魚蛋 彈牙好吃手切肥牛肥牛份量相對價錢都算係幾多，肥瘦度適中，吃落有咬口。日本蠔日本蠔肥美大隻，不過上枱時未完全解凍，略嫌扣分芝士竹輪 店長自家創作，獅子狗卷外型但内裡注滿了芝士，建議等一會涼一點先食，因為芝士會爆出來，記得睇熱呀！蔬菜大拼盤蔬菜拼盤實屬超值之選！必叫！自問是邊爐迷，港九新界試過無數間火鍋店，但$48個蔬菜拼盤真係從未見過咁底！而且不同種類的蔬菜都有，有h

食雞煲～食雞煲～前家樂這暑雞煲店散發著陣陣寒意，要著外套啊！辣度好多選擇，所以我地揀左BB辣，辣度剛剛好，同想像中出入唔大，麻辣雞煲整左一齊，一打開蓋就聞到好香的麻辣味。雞煲惹味的汁好正，d雞既汁味道好開胃，鋪滿蔥，莞茜，唐芹好鬼惹味，三黃雞係幾唔錯，好多肉，厚肉，幾嫩滑！雞半隻份量其實也幾多的。打邊爐都可以打蠔，日本蠔夠新鮮，SIZE好大，又大隻又鮮。味道鮮味不過就熟左縮小左好多，幸好金屬／海水味唔重。肉質唔錯，食到有點停唔到口，喜歡蠔的人可以試試。竹笙好吸味及索汁，吸得滿滿的麻辣味，非常惹味。由於竹笙太正，好喜歡食竹笙，正！EnCORE!其他食物浸過雞煲湯底，味道真特別唔同，係屋企食唔到。

好評 前家樂大角咀暗藏正雞煲近期雞煲癮起，成班朋友打算去食下雞煲，朋友推介去前家樂，個名都幾有趣，個晚去到8點幾諗住唔駛等位，點知爆場，好彩等左十五分鐘就有位，環境都乾淨企理，依度主打雞煲同烤魚，阿姐話雞煲最正，仲話唔食得辣都可以叫微辣，咁先有風味，一打開已嗅到好香既麻香，愈食愈有味，奇就奇在雞煲左好耐都好嫩滑，阿姐話用左三黃雞喎。之後就加湯打邊爐，阿姐好細心仲問如果驚淡味可以加返D麻辣醬，竟然有依種服務，強烈推介麻辣醬用黎沾野食一流。主要叫左手切肥牛，芝士竹輪，三式水餃，炸魚皮，蟹柳，響鈴，每樣餸都可以叫半份，份量都好多，最正係芝士竹輪同牛肉。依間野下次可以試埋烤魚，當晚都見到好多人食，另外雖然人手唔多，但阿姐服務超好，下次要再約多D朋友黎食，試多D其他火鍋配料，間野仲好似開到凌晨兩點，OT後黎食一流。

開心高興快樂最好就係打邊爐約左班舊同事去聚會下，本身係奧海城行完街我地就想搵間打邊爐餐廳，貪佢可以坐耐少少又可以吹下水咁。經過橋一落去就見到呢間雞煲，所以就係度試試一餐！間店舖裝潢都比較新穎，唔係太舊式果隻中餐。佢地都有設計過menu同好多唔同既單張。不過有少部份位置係有少少殘舊。咁之後我地一坐低我地即刻叫左個微辣嘅招牌雞煲，等左１０分鐘多Ｄ就到了。一黎到陣味都幾濃。食落雖然微辣但啲麻辣都麻得好過癮, 啲雞又滑又夠味，同平時食開果ｄ真係唔同，應該話真係好似新鮮雞。所以好快就清左ｄ雞了。咁之後我地叫人加上湯打邊爐。個侍應仲好貼心咁幫我地加左兩碗麻辣醬，驚加左上湯會影響個麻辣。正！！因為其實我平時都會好怕雞煲上湯後個湯味唔夠，所以咁樣做會好好多的。而之後我地點既碟碟火鍋料都好新鮮，當然生菜等等就不在話下啦！打邊爐一定要食生菜先，加埋個湯少少辣先正。特別要介紹個墨汁墨魚丸－好彈牙十分入味

同幾個朋友係奧海城睇完戲，加上呢排好想打邊爐，最好緊係去食雞煲聯誼下啦，最後搵下搵下，就決定去會一會呢間前家樂開頭仲怕唔識路，原來沿住天橋一條直路就到一坐低二話不說就點野食，雖則地方唔係太大，但配料款式都算多元化，都有某幾樣野係出面好小見到有雞煲到啦，雞加埋莞茜，陣味好快就傳左出黎，我地因為唔食得太辣，所以職員就叫我地試下BB辣我個人覺得個雞滑過平時出面食果d，同埋個辣味唔會太過搶走個雞味，調味果到應該下過唔小苦功配料方面有三大推介墨汁墨魚丸，呢樣野我都係第一次食，原來墨魚丸入面仲包左好多粒墨魚粒，勁彈牙，仲要size比一般大芝士竹輪，我仲以為係某間牛飯鋪頭個火鍋先有，開頭果陣仲以為無左芝士，原來煮熟左之後先慢慢係個邊邊到流出來，真係估佢唔到最後推介，松葉蟹棒，真係好一段時間無食過，蟹棒煮完之後仲可以一條條完整地分開，仲要無散開到，有蟹味總括黎講，呢間的食物配料性價比好高，係食完一次，都會真心推介比身邊朋友同埋地點都就腳，有車既朋友又可以泊係出面。

不想在旺區跟人逼著找位置吃飯，在網上找了一會找到這家火鍋店，在埃華街地鐵站天橋入口旁，網友說雞煲不錯，特來一試。雞煲選了中麻中辣，半隻雞，配料普通量。味道很一般，不算很辣，麻香也缺乏，就好像很單調的味道。其他火鍋配料也麻麻（是次選了牛肉，菜，雲吞，魚皮），談不上新鮮，感慶幸沒花錢點響鈴來吃，不然應會更失望。唯一較好的是可以選半份的量，人少的話可以試多點火鍋料。至於餐廳環境很一般，像是有點霉霉的那樣。還是上次在數個街口外那家火鍋店好吃一點。