創發潮州飯店

營業中

休息中

九龍城老字號潮州菜我竟然第一次食，真係聞名不如見面，好正！試咗好多度唔同菜式，每一樣都好食，so far 我哋叫嘅每一樣都冇伏。我覺得佢哋嘅炸嘢香口野特別出色，滷水都唔差，不過比較上冇咁特別。What we ordered ：琵琶蝦, 酥炸豆腐, 韭菜餅椒鹽九肚魚, 豪餅，滷水鵝肝，煎蘿蔔烙，炸墨魚卷，鵝片甜品：反沙芋，清心丸綠豆爽，清心丸薑薯，福果甜芋泥我覺得琵琶蝦，酥炸豆腐，椒鹽九肚魚，滷水鵝肝，韭菜餅，呢幾樣真係必叫，第一次食炸豆腐係呢個質地，好滑，仲可以點蔥油超好味，椒鹽九肚魚好鬆化，呢個我哋喺encore左一碟，滷水鵝肝好特別好入味，開頭以為佢係硬身，點知好滑好林，鵝片反而比較普通，仲有韭菜餅個質地係水晶包咁，個皮少少煙銀，入面好多韭菜，我唔鍾意食韭菜都覺得好正。仲有甜品都一定要食！嗰度嘅姐姐教清心丸綠豆爽同清心丸薑薯係兩溝仲好味。除咗食物質素高質，佢哋嘅店員都好親切，服務好好。唔怪得係老字號。呢度真係好啱一班朋友去食，我一定會再encore. 雖然食物有質素，但係疫情期間佢哋嘅生意都受到打擊，大家有時間就去支持下啦。An authentic and delicious ch

初頭覺得呢間舖都算係老舖，知道都唔算平，但都希望試吓正宗潮州菜！雖然菜式尚算過得去，但價錢實在與服務態度不相符，太貴之餘，又漏單！知道我們不點貴海鲜開始，便不理會我們，我們叫了反沙竽，等咗成40分鐘，再見到鄰枱遲過我們order的亦已經有得食反沙竽，佢話幫我哋整緊，要再等多十分鐘，跟住再等咗15分鐘都無人跟進及回覆，於是離座，跟住去結賬，同佢講取消個反沙竽，因為等得太耐，佢話：「唔等得就取消佢囉！」無道歉之餘，態度勁悔氣！所以我們不再幫襯！

見過好多介紹，潮州打冷由細食到大，特登嚟試吓。入去嘅時候已經見到好多一盤盤好地道嘅食物，見到都開心。一坐低枱上面已經有兩大碟硬食小吃，即刻再嚟功夫茶，服務都幾好。好少食到豬乸菜，一於就試吓，菜甘香清甜，湯底好鮮味；鵝紅有質素，唔似有啲地方做到好似豬紅咁；鵝片就有啲失望，切得太薄，肉有點兒韌，墊底嘅豆腐好老；原盅燉雞翅有料到，$180 有咁大秋翅算係咁；蘿蔔烙略淡，冇乜特別，太油膩，唯一食淨嘅一碟菜。其實兩碟硬食小吃都唔錯，菜未到都差唔多食晒撈😆

Happy Friday 下班終於解脫！本來想去九龍城食泰國菜，無意聽朋友介紹原來九龍城有間出名的潮洲菜！雖然不是特別喜歡打冷，但都抱著一試心態🥺一上座會有幾盤小菜，菜單基本都貼在牆上，自已都是覺我手拿MENU會比較好但靚姐靚哥的服務都很不錯熱情！所以都沒太大問題。🤪-炒蜆（5/5）不錯，粒粒有肉，而且肉好大粒多汁新鮮！-水瓜鮮蝦（5/5）如果不是朋友推薦，我應該不會特別叫但很驚喜！！我覺得非常好吃😍😍外皮薄亂，加上水瓜獨有既味道同醬汁，非常"夾"-滷水拼盤（3/5）本來是比較期待既菜式，但意外沒特別好吃和差正常味道蠔餅 （4/5）最後叫左甜品但忘了拍照翻砂子同清心丸都很不錯！整體用餐感覺都不錯，吃完還聊了一陣天都沒人趕，靚姐們都很熱情問我們要不要加茶會再想來吃一次！😋😋😋

好後悔做咗30幾年人先至第一次嚟創發入到去充🈵️港產片的裝修風格，冷檔放咗幾十款潮州小碟、霸氣十足, 真係百分百啱FEEL 太座想清清地送粥：我馬上叫個椒醬肉、韭菜炒薄殻，唯一碗粥唔夠熱，失色些少再來滷水豬肚尖：呢個餸真係好多地方食唔到，馬上把握機會，但我又抱住懷疑嘅心態問師父係咪真係豬肚尖嚟㗎，師傅好認真同我講唔得退俾你啊，出嚟真係冇令我失望，「正」凍烏頭：雖然唔係好多黃油，但係唔會過硬，唔會過熟、好滑😍其實豆醬都可以唔使點突然間我見到一盤啱啱蒸好韭菜粿，馬上試一試，好食嘅地方就係好多韭菜，個皮做得好煙銀， like 蟹棗及炸墨魚卷，蠔仔粥都中規中矩舊式餐廳但服務一流，like

去九龍城探完朋友，去咗附近果間潮州菜館食晚飯，樣樣都好想食，點了很多地道美食，其中「豬尾花生煲」真係好好味👍🏻😋豬尾入味，軟冧中又不失彈牙，花生大粒好味，份量十足，用煲仔上熱騰騰，朋友也讚不絕口，下次有機會要再試新野😍😋

食潮州菜豐儉由人，今次平食老店。滷水鵝骨香肉嫩，椒鹽九肚魚，蝦丸蟹丸，香口鬆脆，用料新鮮。胡椒豬肚湯夠辣，麵線炒得小油，還點了綠豆爽糖水。食到飽一飽，每人只是二百零蚊，價錢合理。

二人世界今天我跟老公去銅鑼灣帮朋友去買嘢， 行到攰曬想找個地方坐低食嘢，之前听個女話灣仔有間新南苑食雞煲又有海鲜火鍋半放題都唔錯，嘩食過真😋 雞肉鮮嫩， 海鮮都唔錯幾新鮮， 鮑魚彈牙又唔韌， 鯪魚球爽滑， 價錢合理 值得推介👍

九龍城逾半世紀的潮州菜 滷水墨魚頭 雙麵王 炸雙棗 香煎馬友滷水鵝 豬油炒麵線是老師傅的手功 香酥水瓜洛 花生炆豬尾 伴酒的鵝掌 咸雞 涼瓜炆魚春都很特別最後來個甜點 綠豆爽 飽肚後送上功夫茶 大滿足！

今天帶著媽媽專程來到九龍城這店打冷，因媽媽說想吃打冷。下午2時多來到，有一刻以為中午落場，不做生意，因店內一個客人也沒有，但店員主動邀請我們進去，態度原本是不錯的。坐下我們即下單一條凍紅倉魚，蠔仔粥，及在店員極力推薦下再點了涼瓜排骨湯。不一會，凍魚上來，我們開始吃；突然店員告訴我們因為正在清洗爐頭，煮不了蠔仔粥，而且所有廚師都去了跑馬，沒人煮🙄，要我們改白粥，我們最後沒有要白粥，改了糖水。因為魚已經在吃，現在離開亦是要付費，唯有改其他繼續吃。而我們要求一碗清心丸緑豆爽，一碗清心丸薑薯亦不允許，只能兩碗一樣😡其實一早知道沒人煮東西，爐頭又不能用，為什麼還邀請我們進店呢？！直接説中午落場不營業不就可以嗎？另外，這裡的食物水準亦實在太差，凍魚極細條，只有手掌大小，肉質梅的；涼瓜排骨湯的並非排骨，只是煲湯骨切細件，沒有一點肉的；糖水是正常的。但這麼幾樣已經$315，貴得實在過分，必定沒有下次🤮🤬😡

好幾年前黎過呢間店幾次，印象和食物唔錯。幾年後到今日，係有失望嘅。入到去好快手要你點餸。間中幫你換碟。好快收野。食完埋單價錢共718元，比咗720佢，佢問比錢嘅朋友:，朋友好自然好快答話:，亞姐就轉身大聲地向空氣講: ， 我地即時不滿佢嘅服務態度。係咪一定要比Tips? 10元20元定係要100幾十先叫滿意? 我地以前係呢間食野一直都無試過咁嘅經驗，加上現在食物還有點退步了。前個星期見到家英哥和Liza姐去過，才想起呢間店好耐無去，生日飯就選擇呢間，因為味道唔錯。結果出來係咁嘅較果。門鱔用咸酸菜煮，但可惜條鱔唔新鮮，令到全碗都唔好食。我最怕食到魚有水銀味，搞到d湯都有。其他餸菜就做得唔錯。門鱔（下圖右）苦瓜黃豆排骨湯（圖上)~出色，入味，唔太咸，好夠味，瓜軟排骨肉也軟。咸雞（下圖左)~出色。皮薄沒肥，肉嫩滑。咖哩鵝紅(下圖左上)~無咖哩味，口感煙韌應屬原創。春菜（下圖中)~出色。菜軟入味唔太咸。麻葉（下圖右)~第一次食，口感粗粗的，亞姐話係高纎食物，未食過可一試，唔難入口。我們還叫咗:炸普寧豆腐~呢個地方嘅豆腐特別出色，好滑，但外皮炸得太脆口，感覺皮厚左少少。葱椒鹽水給你浸豆腐後吃，減

飯堂之一，每次去親呢度食飯都好有親切感，店內的待應總是熱情招待。餐前和餐後也會有功夫茶，茶熱又香濃，百喝不厭，飯後又可以消滯。乙兩個人四個餸，一碗粥，好像有點誇張半隻鹹雞，皮薄，冇肥膏，鹹香味重，肉質嫩滑普寧豆腐，熱辣辣，香噴噴，外脆內滑，沾上韭菜鹽水，減輕油膩感。🤤韭菜豬紅，每次到呢度都必定食的，豬紅大大件，最愛沙茶味重，及其口感。方魚肉碎粥，配料方魚，肉碎，芹菜都份量足，每一匙都是滿滿的料。

九龍城除泰菜外還有不少潮州菜, 創發算是當中的老店。一行七人到此吃午飯, 點了不少特色小吃及菜, 相當滿足。水瓜烙: 平常大家都吃蠔烙(即蠔餅), 其實用水瓜做也相當好吃喔! 多了一份清爽, 當中也有蝦粒, 粉開得很好, 帶點煙韌, 很好吃。豬腳凍: 本身很愛這類食物, 味道很好, 但有點軟, 很易夾時掉到桌上(笑鹵水鵝肉: 吃潮州菜及打冷一定會叫鹵水, 總覺得鹵水做得好才是好潮州菜。這裡的鹵水不會過咸, 仍帶鹵水包的香料味, 唯一是鵝肉有點太肥。煎筍粿: 平常吃到的多是韮菜粿, 難得這裡有筍粿, 外表煎得香脆, 內裡的蔬菜甜味, 非常岀色。咸菜胡椒豬肚湯/ 普寧豆腐: 豬肚湯胡椒味夠辣, 有粉腸也有豬肚, 口感好, 洗得乾淨沒有豬氣, 不錯。普寧豆腐外脆內滑, 點上潮州特色的韮菜鹽水, 解了一點熱氣感。沙茶牛肉芥蘭: 沙茶醬香濃, 配牛肉相當不錯, 芥蘭也爽脆甜, 唯一是醬汁有點太多, 吃菜時會覺稍咸。紹菜什: 我大推的一道! 店家加上魷魚仔, 肉碎, 瀨尿蝦肉, 魚蛋等丸類與紹菜同煮, 菜及湯頭都相當鮮味! 內亦有我很喜歡的潮州豬肉片(即片裝的豬肉丸), 太好吃了!蠔仔粥: 吃罷多

今晚一行四人浩浩湯湯殺入九龍城， 突然想食潮州嘢,去到老字號創發， 十點左右到，入到去見到有9成客， 老實講裝同新式潮州店冇得比， 菜式花樣亦不多 但係入到去係食懷舊，所以風味唔錯， 今晚食咗鵝片、蠔仔粥、川椒雞、反沙芋頭同水晶包， 整體水準不錯，個人推介一定要叫 叫鹵水鵝片，每次乜沒有 令人失望。 員工當然係一般老字號嘅態度， 啲熟客非常熱情生嚇就冷冰冰。 不過係試下無妨。

已經有10幾年沒有到訪，今晚應約再嚐訪老牌潮州食館，先來功夫茶大家漱潄口再等著食物上桌次序已經忘記了，不過印象深刻的就是鹵水鵝肝，所以首先介紹，非常軟滑，但鹹度頗為把鵝肝香味蒕了，雖說如此但比起很多地方已經算是中上美味潮式炸四寶，有蘿蔔絲餅，蝦卷，墨點卷之類，因為不是每一款有吃，所以又忘記了這一條是預訂了的大𩶘魚，當然很快已經剩下魚骨這一道菜又是比較特別所以介紹下，我們一般吃開的是蠔烙，水瓜烙，或是白飯魚，今次吃的是九肚魚，魚骨已拆，食得安心喔不吃韮菜的朋友就無縁品嚐了，一個充滿韮菜的粿包，很軟綿綿的外層，作為主食非常滿足